طباخ ولا طباخة ؟

[الحـمدلله]

السلام عليكم


للي عنده خبره انا توني مستجد على الخدم ولو انهم شر لابد منه

شالأصلح طباخ ولا طباخة لمطبخ خارجي مع العلم انه مراقب المخزن والمطبخ بالكمرات عن السرقات

ولا مايفرق

[بوحارب]

كل احد فيه ميزه

انا افضل الطباخ عشان يغسل المواتر ويخم الحوش ويشيل أغراض التموين

[العلياا]

بالنسبة لي ومن تجربة الطباخة افضل
عشان متى ما بغت ام العيال تدخل المطبخ ما تتضايق من وجود الطباخ
اوقات يكون بخاطري اروح المطبخ وماقدر لان الطباخ يكون موجود فالاحسن تجيب مره

موفق ان شاءالله

[لبيبة]

إذا مطبخ خارجي وعندك مطبخ داخلي في البيت تقدرون تطبخون فيه، جيب لك طباخ

أما إذا ما عندكم غير المطبخ الخارجي، جيب طباخة لأن أكيد أم العيال تبي تدخل المطبخ

[بصمة قطرية]

طباخ أفضل دامه مطبخ خارجي مستقل ..

[حمد 2002]

ولا شيء ماوراهم الا الخساره والهم والكدر هههه خلك على اكل المطاعم ابرك .

[طموحي عالي]

طباااخ

[رهج السنابك]

اغلب الحريم قالوا طباخ بس ماقالوا السبب
ليش الطباخ افضل؟؟

[نوار قطر]

من رايي الطباخه احسن عشان ام العيال تقدر تاخذ راحتها في دخلة المطبخ وتقدر تشرف عليها واتابعها وتكون تحت عينها وايد احسن من الريال،،، ساعتها المره بتكون مقيده وملا تقدر تدخل المطبخ بحريتها وحزة ماتبي مب كل ماتبي تدخل تلبس عباتها وشيلتها او تلبس ايلالها مايسوى ،،