العربي القطري يخصص دخل مبارياته لاخواننا بغزة

[محمد 93]

السلام عليكم ورحمه الله وبركاته




كما ذكر الموقع الرسمي للنادي العربي القطري انه خصص دخل مبارياته بالكامل
لسنه 2013 / 2014 لصالح اهالينا بقطاع غزة ,
بيض الله وجهك يا بوعلي هتمي بن علي الهتمي انت واخوانك اعضاء مجلس الادارة المحترمين ,
ان شاء الله يجزيهم كل خير ويجعله عملا خالصا لوجهه الله تعالى ,








رابط الخبر المفرح

http://alarabi.qa/singlenews.php?id=3871

[العنيده]

الله يجزاهم خير ان شاء الله

[غايه الطواش]

مساكين العربي ومساكين اخوانا ف غزه

[كلاسيك قطر]

الله يجزاهم خير ان شاء الله

كل الشكر على الدعم المادي والمعنوي والوقوف مع أهلنا في غزة
شكراً لكم :)

[الأسبانية للمصاعد]

لحين الدوري يبغيله شهر

[.. الكاش ..]

جزاهم الله خير وفالهم الدوري السنه بقيادة المدرب القدير سامي الجابر

[Sari]

خل النادي يفلح بالأول عقب يتبرعون

[الحياة الخالدة]

جزاهم الله خير على هالمبادرة الطيبة

[خريجة 2011]

جزاهم الله كل خير على هذه البادرة الطيبة

[فااارس قطر]

خل النادي يفلح بالأول عقب يتبرعون

فلتقل خيرا او لتصمت ، ايش دخل هل يفلح بعدين يتبرع ، الأجر بعد فيه شروط !!! ما عندك سالفه ، وتعلم فن الردود من باقي الأعضاء اللي اشادو بالمبادرة .

[بـارود]

مب غريبة على نادي " القرن "
قبل أشهر قليلة خصص النادي جزء من مدخول التذاكر للراحل وليد نهنك الله يرحمه

[مخطط قطري]

فلتقل خيرا او لتصمت ، ايش دخل هل يفلح بعدين يتبرع ، الأجر بعد فيه شروط !!! ما عندك سالفه ، وتعلم فن الردود من باقي الأعضاء اللي اشادو بالمبادرة .

بالعكس كلامه فيه خير واصاب شي انت ماتشوفه ركز في كلام الهتمي قالك من دخل مبارايته من صجك الحين من يروح حق نادي العربي في يوم من الايام كان اكبر قاعده جماهيريه بس عقب اغلب مشجعينه خلوه يولي سنين صبرو عليه ولا فيه فايده من تخبط لين تخبط وهو صاج خله يفلح عشان يجيب جمهور ومن عقب يتبرع اما بالوضع الحالي من بيجيه ؟؟؟
هو يدخلهم بلاش مايجونه 10 شلون لو قالهم تعالو بفلوس؟؟؟
اذا النادي صاج ويبي يتبرع عنده مصادر دخل وايد مب من شباك التذاكر الي يصفر ومافيه حد وحسب ظني انه الهتمي تاجر ويعرف اذا بقى يتبرع شلون يتبرع مب من دخل المبارايات الي محد يجيك ,,,,ادخل على اليوتيوب لاني مب فاضي ادور الرابط واكتب مباراه في قطر يحضرها مشجع 1 فقط شوف بين من ومن وعقب احكم

[sweet qatar]

بادرة طيبة والله يصلح حالهم :o

الجميل ان الكل صار يتنافس في هالموضوع

أمس اثنين من تجار الانستقرام نشروا اعلان تبرع بمبيعاتهم إلى يوم العيد

الله يجزيهم خير ويبارك لهم في تجارتهم

[يمامـة]

بالعكس كلامه فيه خير واصاب شي انت ماتشوفه ركز في كلام الهتمي قالك من دخل مبارايته من صجك الحين من يروح حق نادي العربي في يوم من الايام كان اكبر قاعده جماهيريه بس عقب اغلب مشجعينه خلوه يولي سنين صبرو عليه ولا فيه فايده من تخبط لين تخبط وهو صاج خله يفلح عشان يجيب جمهور ومن عقب يتبرع اما بالوضع الحالي من بيجيه ؟؟؟
هو يدخلهم بلاش مايجونه 10 شلون لو قالهم تعالو بفلوس؟؟؟
اذا النادي صاج ويبي يتبرع عنده مصادر دخل وايد مب من شباك التذاكر الي يصفر ومافيه حد وحسب ظني انه الهتمي تاجر ويعرف اذا بقى يتبرع شلون يتبرع مب من دخل المبارايات الي محد يجيك ,,,,ادخل على اليوتيوب لاني مب فاضي ادور الرابط واكتب مباراه في قطر يحضرها مشجع 1 فقط شوف بين من ومن وعقب احكم

اخوي مخطط قطري

دخل المباريات مب محصور فقط في التذاكر ،، اكيد في أمور ثانية

في الأخير البادرة سواء كانت من العربي او غير العربي امر يستحق الاشادة..

فهل ممكن عيالنا يباردون بدفع عياديهم لعيالنا واخواننا وامهاتنا وابهاتنا والمقاومة في غزة؟

هذا ما نتمناه ..

[يمامـة]

بادرة طيبة والله يصلح حالهم :o

الجميل ان الكل صار يتنافس في هالموضوع

أمس اثنين من تجار الانستقرام نشروا اعلان تبرع بمبيعاتهم إلى يوم العيد

الله يجزيهم خير ويبارك لهم في تجارتهم

الله يجزيهم خير ،، وكل هذا لا يساوي 1% من حقهم كمسليمن علينا..

[alsoq]

النادي ما قصر ورايتهم بيضاء ومن قام عليه

ان شاء الله لو 80 الف ريال كم مسكين وكم مريض

المفروض على كل قطري يتشرف بمبادره النادي

مو يطنز الله لا يحطكم في مواقف اهل غزه

قولوا الحمدلله ومن تبرع حتى لو بالقليل قد يسد حاجه محتاج

[أبو راكان]

يعيش نادي العربي

[الكاسر99]

صج في ناس ماتعرف تدر بدل قول جزاهم الله خير

ردودهم فيها سخرية وش دخل موضوع التبرع في يفلح النادي أولا