وين غير الوكالة يبدلون سفايف و درام ويلات البورش؟

[fantasy]

السلام عليكم
مواعيد الوكاله تطول
مريت التيسير الوكير قالوا مانبدل السفايف, للعلم عندي كايين 2012, قالي كمبيوتر و بيطلع ليت في الطبلون ومادري شنو مافهمت اش دخل
هل حد يقدر يفيدني ماعليكم أمر وين محل يبدل السفايف و يسوي تورنة لو تطلب بالنسبه للدرام ويلات

[.. الكاش ..]

البورش بذات مالك الا الشركه وحتى قطع الغيار غير متوفره برع الله يعينك

[com]

الامارات

[خليفـة]

اسمح لي اخوي اخرج عن الموضوع قليلاً
من فضلك .. ممكن تعطيني رايك الكريم في الكيان بشكل عام ؟
كيان 2012 اس
كم سعره بالسوق .. اش رايك فيه كاستخدام بشكل عام .. اشلون الخدمة بالوكالة وقطع الغيار !

اكون شاكر لك لو افدتني برايك الكريم
تقبل تحياتي

خليفـة

[Qaatar]

الشيخ قريه بروه محل نيوتن كله بورشات وسفايفه صناعه اسبانيه بالشركه حروه 6500مبدل عنده سفايف مع التورنه 2500 بدل برع ولا ايت ولا شي الشركه فاشله من قبل اربع ايام كمت ببدل ايل فلتر قالي مافي غير بعد العيد هههههه قتله فعلا سيرفيس الهيونداي والكيا ابرك منكم رحت بدلته برع بساعه

[سبحانك اللهم]

السلام عليكم
في كراج في المنطقه الصناعيه اسمه كراج اوتو سبورت auto sport
هذا الكراج قديم في قطر ولما تدخله اتحس انك داخل وكالة سياراه مب كراج
يعني كراج محترم ورااقي وااايد ومعرووف وقديييم وتقريبا الفنيين والكهربائيين مؤهلين ويمتلكون خبره افضل من الي يشتغلون في الوكالات المعروفه مثل المرسدس
هذا الكراج ماقط احد راح له في شي وقاله ماعرف وكلا يطلعون منه راضيين وسعره افضل من الوكاله واسرع وانظف
هذا مب بس يغير لك سفايف البورش هذا يجمع لك بورش على الخبره والامكانيات الي عنده
صاحب الكراج واحد جنسيته يوناني اتحسه شخص راقي ومحترم اتقول جنه شكسبير هههههه
اعتقد الكراج في شارع 25 او 26 او 27 او 28
انت اسال عنه في واخذ رقمه من الاستعلامات واتصله وشوف وين مكانه او في الصناعيه بيدلونك عليه واعتقد الكراج مكانه على زاويه
عنده كمبيوترات ويعرف يبرمج ويصلح لك بوقاتي وبتشوف عنده سيارات غرريبه عجيبه واكيد بتلقى فراريات وبورشات ومرسدسات وبي امات ورنجات وروزريزات
كراج كل من احد راحله او تعامل معاه الا وانبهر من كل شي فيه اتقول انك مب في الدوحه
انت روحله وادعيلي
بالتوفيق

[بوعيسى1]

اخوي اشتر لك سفايف من ماركة بوش من صقر الذهبي في الصناعية ... طبعاً اصلية المانية
امامي وخلفي مع الحساسات ما يطلع فوق 1500 وبدله في اي محل مكانيكي.
انا عن نفسي بدلت سفايف الخلفية في الغرافة محل تركي قريب من الفارس واعطيته 50 ريال فقط.
للعلم انا عندي بورش كيان 2012 اس 8 سلندر.
للعلم سفايف البورش يمشي سنة كاملة .

[بوعيسى1]

للعلم العلامة الطالعة في طبلون ما يحتاج تبرمجه
تبدل السفايف وتمشي حوالي 10 كيلومتر العلامة تختفي من نفسه ولو ما اختفى بدل له الحساسات حبة 200 في الوكالة

[بوعيسى1]

مع احترامي لأراء الجميع بورش كيان سيارة موب معقدة بس يبيلك تعرف مصادر تصليحه
عندكم كراج الزعيم في شارع 2 عنده كل برغي مستعمل ولعبته سيارات المانية خاصة بورش , رنج وبي ام

[LiL iNVe$ToR]

لاتنسون بعد بوش سيرفس سنتر ..متخصص فالمواتر الاوروبيه ..اللي هو تابع ناصر بن خالد.

[fantasy]

الله يجزيكم كل خير والله ماقصرتو نورتو الطريق لي وانشالله بنبدأ نشوف ماشالله الخيارات كثيره اللي طرحتوها الله يبارك فيكم لان بالفعل البورش عطوني موعد بعيد بعد ثلاث اسابيع, اش دعوة مب لهالدرجة
أخوي خليفه اللي عندي تيربو و صراحه سواقته غير عن الا اس اللي تسأل عنه ماحسيت عزم ال اس قوي, اسعارهم في السوق 175 مفروض الى 180 مايكثر ابد الا اللي يبالغ و يعتمد على الممشى البسيط, الموتر ماعليه كلام بس خذ تيربو نصيحتي او جرب ال اس و قارن, خذلك شي عليه ضمان وبترتاح نفسيا ولا راح تحاتي ابد

[al3krp]

بالتوفيق

[عبد الله]

في محل خلف قطر فاونديشن في الريان القديم
ربعي في الشغل يروحونه واحد عنده طوارق وواحد عنده بورش
اسمه مور سبيد متخصص في البورش والأودي أكثر شي
جوال راعيه 55504661