المساعد الشخصي الرقمي

مشاهدة النسخة كاملة : && كم يسوى البورش كيان اس 2012 .. واش رايكم في هالموتر ؟ &&


خليفـة
24-07-2014, 01:28 AM
مساكم الله بالخير

اتمنى من اصحاب الخبره والتجربة ان يفيدوني :

كيان اس 2012 نظيف ماشي في الخمسينات .. فل اوبشن .. ابيض

كم يسوى في السوق ؟
واش رايكم في السيارة كاستخدام
ومن ناحية خدمة الشركة .. وقطع الغيار .. وتوفرها .. وسعرها ؟

ولكم جزيل الشكر

خليفــة
امير الاحساس
24-07-2014, 03:27 AM
مساك الله بالنور والسرور

الموتر ممتاز وما عليه كلام
انا عندي تيربو 2012 .. والحمدلله مرتاح معاه جدا

بالنسبة لقطع الغيار .. فبورش اكيد اغلى من اي سيارة .. خصوصا حنا دوم نقارن بالتويوتا

بس من ناحية ثانية .. اذا استخدامك معتدل واهم شي تصفه تحت مب تحت الشمس .. فخذلك واحد .. اما اذا استخدامك خشن وتصفه بالشمس .. فالموتر ما يستحمل كلش .. حتى الازرار في الموتر تطقطق اذا حطيته بالشمس .. وعندي زرين بالموتر تقريبا اختربو بسبة الشمس .. خصوصا اذا كان الموتر اسود والجلد اسود

بالنسبة للاسعار .. عندك قطر سيل .. بس انصحك دور على شي يسوى .. عادي تحصل سعر الكايين اس بسعر الجي تي اس مثلا .. لانه سعر الموتر يطيح بشكل جنوني خصوصا في اول سنتين له

استخير وتوكل على الله

اخوك
بو فهد
وحيد-الشوق
24-07-2014, 04:38 AM
خلك منه عقب كم سنه بيصير شكلة فاشل مثل الموديل القديم والصيانة الكل يشتكي منها انا من دخلت وكالتهم والموظفين من جماعة خيو انا غسلت يدي وحرمت افكر في البورش
Qaatar
24-07-2014, 04:55 AM
سياره ماعليها كلام اكن وكيل فاشل وكشره
بوعيسى1
24-07-2014, 11:05 AM
مع احترامي شديد لأراء الناس
صاحب الموضوع بورش كيان خاصة 2012 وانت طالع ما عليه كلام
وقطع غياره متوفر في كل مكان بعد الوكالة.
عندي بورش من سنتين موديل 2012 وكل يوم من الدوحة لى راس لفان والي يداومون هناك اكيد يعرفوني
واسافر فيه خارج البلاد.
من يوم ما خذيت الموتر ما بدلت له الا السفايف / تواير / زيت المكينة وبس .... اهم شي كل تبديل الزيت في الوكالة بعد 15000 كم.
فقط قطر
24-07-2014, 12:03 PM
ياخوي باقولك..
ترى ثقافة الاغلبية عندنا ثقافة التويوتا وبس...علشان ما اظلم احد
يعني تلاقي الواحد ماعمره استخدم البورش ولا اشتراها...ويمكن مايعرف انواعها...ويقولك البورش ماتنفع..وفيها وفيها..
عموما...استفتي قلبك ولو افتوك الناس.
طرب عمرك وانا اخوك...وانبسط...وخذلك الموتر اللي في خاطرك...ولاتحاتي
والله يوفقك ويسعدك..واترك عنك كلام الناس
وحش قطر
24-07-2014, 12:16 PM
موتر ممتاز ووكاله فاشله

اذا لك خاطر في واحد بسعر حلو طرش رقمك
LiL iNVe$ToR
24-07-2014, 12:37 PM
عندي كيان تيربو 2012 على يدي من الوكاله ..وماشي الحين قريب 60 الف.

الموتر من اروع مايكون في كل النواحي ومرتاح به ..وبالنسبه للوكاله..اشوف خدمتهم جيده ..لاباس فيها يعني..مستغرب من الناس اللي يقولون انهم فاشلين.