مسافرة سيرلانكا الشهر الجاي ياليت تفيدوني

[خريجة 2011]

السلام عليكم جميعا

كل عام وأنتم بخير وتقبل الله صيامكم وقيامكم ان شاءالله

أنا حجزت بروح لسيرلانكا:shy: وهذه أول مرة أروح لها اللي راحوا لها من قبل ممكن يفيدوني مثلا وين الأماكن الحلوة اللي فيها طبيعة ورومانسية :shy:ووين أماكن الشوبنج وأي فندق أروح وكيف جوهم هناك يعني مثلا الشهر الجاي كم بتكون درجة الحرارة

ومشكوووورين:victory:

[خريجة 2011]

ولا رد

ماحد راح سيرلانكا من قبل؟؟

[لما]

اكتبي في قوقل منتدى العرب المسافرون سيريلانكا بتحصلين ادق التفاصيل
صراحه اروع منتدا عن السفر معلومات وخبرات وتجارب عمليه
موقفه
دعواتك

[بومحمد911]

كلام لما صحيح

[خريجة 2011]

شكرا أختي لما على الرد

[busheikha]

بلد جميل ونظيف وناسها مسالمين جدا جدا وودودين.
احسن وقت شهر 1 و2
الجو يكون حلو

خضار وشلالات وبحيرات

ما في اماكن ومولات للشوبنج ((( احسن للتوفير))

اهم شيء عند الحجز بالفنادق يكون مع الوجبات لانه المطاعم عندهم تعبانه

انا رحت عن طريق مكتب في كولوبو العاصمه اسعارهم حلوه وترتيبهم حلو

المواصلات كثير مهمه, اجرت باص صغير كان معانا 24 ساعه ويعرف الاماكن السياحيه

اذا تهوين الجبال والبحيرات , روحي كاندي و نوريليا

[ام عبدالله@]

للرفع

[الضمين]

وعليكم السلام
مثل ماقال بوشيخه مافيها مولات أكثرها أسواق شعبيه ودواعيس ياصناعتهم ولاصناعة الهند والصين بالعربي مافيها ماركات
طبعا أتكلم عن المناطق السياحية نفس بنتوته وكاندي ونواراليا
كولمبو ما زرتها ماعرف اذا فيها مولات كبيره ولا لا
واحنا رادين للمطار مرينا على شارع فيه مول ومحلات ماركات بس مادخلنا

اول الرحله كانت لنقومبو للراحه لان ورانا خط لكاندي السكن في فندق 5 نجوم الفندق على البحر نسيت اسمه بس كان روعه من جميع النواحي لامن نظافة ولا مرافق كل شي كان حلو بس اللي مخرب عليه الطريق اللي يروح للفندق ومدخل الفندق مايبين على الشارع مادري يمكن لان الشارع صغير ومظلم !!

الطريق لكاندي 3ساعات تقريبا طريق جبلي ولسيارتين رايح وجاي الطريق مافيه خدمات كل اللي فيه اكشاك صغيره
الافضل الاكل في الفندق قبل لاتطلعون السكن في كاندي في فندق ذه تورمالاين فندق 4 نجوم وهذا اللي متوفر لان الفنادق كانت كلها فل .. اطلالة الفندق حلوه على الغابة وهادي ومافيه ازعاج .. الجو في كاندي حلو في النهار يميل للبروده في الليل .. ماطولنا في كاندي لان كان عندهم مهرجان ديني للمهراجا مادري شسمه خخخخ فكانت الشوارع اكثرها مسكره وماتمشينا فيها عدل
طلعنا من كاندي على نوراليا او نوفارا اليا الطريق جبلي بعد لان نوراليا فوق في الجبل
المناظر حلوه على الطريق اكثرها شلالات وطبعا مافيه خدمات بعد
فيه كذا محل للسياح لشرب الشاهي والسناك يمكن مايعجبكم اذا كنتوا من النوع اللي يدقق واجد من ناحية النظافة
طبعا نوراليا مشهوره بمزارع الشاي فابتلقون المزارع على يمين ويسار الخط
لما وصلنا مدينة نوراليا كان الجو بااااارد ومطر درجة الحرارة العصر 12
عيب نوراليا مافيها فنادق 5 نجوم .. احسن فندق فيها 4 نجوم وبالاساس كان مصنع للشاي وقلبوه فندق بس مايعيبه الفندق نظيف واطلالته روعه اسمه هيريتنس تي فاكتوري
دخلنا مصنع للشاي وشفنا شلون طريقة الانتاج وشرينا من عندهم فرش
اخر الرحله كان في بنتوته
بنتوته كلها منتجعات وجوها حلو يميل للحراره شوي مع الرطوبة ومافيها الا المنتجعات يعني اللي يبي استجمام يحجز في فيفانتا باي تاج عجيب المنتجع وبوفيهم حلو ومنوع الشخص 80ريال تقريبا

رحلتنا كانت اسبوع وشبابيه استانسنا الحمدلله

البلاد بوجه عام امان بس تفتقر للخدمات ووسائل الرفاهيه ماعدا الفنادق
الاكل .. لاتفكرون تاكلون الا في الفنادق فقط المطاعم اللي برا قليله ومش نظيفه ابدا
اذا كان معاكم سايق الفندق يوفر له السكن والاكل مجانا
اذا طلعتوا من مدينه لمدينه لاتنسون تاخذون شغلات خفيفه تصبيره يعني على الخط لان الطريق متعب شوي واستراحاته مش نظيفه
اعتذر عن عدم الترتيب والسرعه في الكتابه واي استفسار انا حاضر
وتروحون وترجعون بالسلامه :)

[خريجة 2011]

شكرا أخوي بو شيخة على الرد ماقصرت

[خريجة 2011]

شكرا أخوي الضمين على الرد معلوماتك ماشاءالله دقيقة وواضحة ماقصرت

[sanad81]

جربته ولا يعيبه شئ. و سريلانكا نفسها جميله جدا و عندي رقم السواق اللي تعاملت معه هناك. رجال محترم و تعامله رائع.