هل يليق بالمستضيف او الضيف ان ينشغل بأي وسيله اتصال اجتماعي؟

[طير حوران]

السلام عليكم ورحمة الله وبركاته

الاخوه الاعزاء

تقبل الله صيامكم وقيامكم وعامة المسلمين

لقد انتشرت في المجتمعات عامة ظاهره ليست حميده كما اعتقد وهى انشغال بعضهم عن بعض بالالتهاء بوسائل التواصل الاجتماعي في الوقت الذي قام الضيف بزيارة المستضيف للسلام وتبادل الاحاديث الخاصه والعامه كذلك الأراء


اخواني بل تعدى ذلك الى ظهورها في الاجتماع الخاص بالمحيط الاسري

* اجتماع الاب والام وابنائهم

* اجتماع الاخوان واولادهم

* اجتماع كامل الاسره الكبيره



فهل ترى انه من اللأئق بالمستضيف او الضيف ان ينشغل بأي وسيله اتصال اجتماعي عن الآخر؟



كل التحيه والتقدير للجميع

[JN000N]

لا طبعا عيب ومنقود
وحتى لو رن التلفون مايرد يحطه سايلنت ويكمل مع الضيف
الا اذا شي ضروري ضروري يستاذن الضيف بادب ويرد عالتلفون ويبلغهم ان بيكلمهم بعد شوي او اذا يتني يبونه ضروري يعتذر ويروح لهم هني يكون عنده عذر

[abu m7md]

لا طبعا عيب ومنقودر

ايه بالله عيب ومنقود

[نيساني]

مب شي كلش.

مانبي نغلط عليهم فنقول الله يهدينا ويهديهم


وشكراً موضوع راقي.

[طير حوران]

لا طبعا عيب ومنقود
وحتى لو رن التلفون مايرد يحطه سايلنت ويكمل مع الضيف
الا اذا شي ضروري ضروري يستاذن الضيف بادب ويرد عالتلفون ويبلغهم ان بيكلمهم بعد شوي او اذا يتني يبونه ضروري يعتذر ويروح لهم هني يكون عنده عذر

شكرا اختي العزيزه/جنون

كل التحيه والتقدير لمرورك العطر

[حمد 2002]

على حسب الضيف لو كان غريب ومايجيه إلا نادرا ولا كبير بالعمر هنا تفرق ..

ولا لو واحد من الربع وماخذ ومعطي معاه عاااادي ..

بالتوفيق ..

[ضوى]

طبعا عيب ، اذا جاني ضيوف اباريهم واكون معاهم بكل حواسي ،

[شيخ الديرة]

طيب أتفقنا من خلال المشاركات أنها تصرفات غير مقبولة. الأن نريد أقتراح لمقولات دبلوماسية ولكن واضحة يمكن أن نستخدمها لوقف أحد ضيوفنا من ان يبقى مبقبق بالموبايل.

هل هذا القول مقبول ؟ " هله بيك أبو محمد, شنو موبايلك جديد وتريد تتباهى بيه , عوفه الحين وخلينا نسولف"

[يمامـة]

الواقع يقول غير ما نراه..

الجيل الحالي وبعض من الجيل القديم..

اصبح ينشغل بالهاتف في وجود الضيوف..

وهالشي عيب ومب من السنع..

[ام ناصر1]

اذا باماكن العمل منشغلين به بالسيارة منشغلين به بخلواتهم منشغلين به مع اصدقائهم منشغلين به جات على الضيوف

[ولد العرب]

عني افصل الانترنت عن المجلس لازوم احترام الضيف
ولكن ولكن ولكن :eek5: الضيف يقول ماعندكم انترنت :weeping:

وانوع تكبيسات من الاخوان والعيال العم والجيران ياشرون لي تستاهل يابن الذينا:eek5:

انا خابر ياطير حوارن ان ضيف يسال عن القبله والحين كم الرقم السري:weeping:


اسف والله شطحه

[كيلو حديد]

عني افصل الانترنت عن المجلس لازوم احترام الضيف
ولكن ولكن ولكن :eek5: الضيف يقول ماعندكم انترنت :weeping:

وانوع تكبيسات من الاخوان والعيال العم والجيران ياشرون لي تستاهل يابن الذينا:eek5:

انا خابر ياطير حوارن ان ضيف يسال عن القبله والحين كم الرقم السري:weeping:


اسف والله شطحه
ههههههههههههه ��
هالي صاير هالأيام
خل الرقم السري ( ماعندك 4 جي ) وعاد بكيفه يفهم ولا .

[لبيبة]

اي ما يجوز تنشغل عن الضيف، والمفروض تهتم به ويكفي إنه تعنى من بيته وجاك

[بوحارب]

اذا حد جاي مجلسي استحي ادنق راسي على الجوال
والعرب موجودين

لكن اذا انا الضيف عادي ولكن للضرورة كالرد على مسج او مكالمة
مب ضحك وأفلام وانستقرام وسوالف بزران


تحياتي لك طير حوران ومنور ~_~

[Aaziz]

لاتشره ولا تنقد
راح زمن المنقود

[طير حوران]

ايه بالله عيب ومنقود

حيالله اخي العزيز/ ابومحمد

تشرفت بمرورك الكريم

[طير حوران]

مب شي كلش.

مانبي نغلط عليهم فنقول الله يهدينا ويهديهم


وشكراً موضوع راقي.

صدقت والله اخي العزيز/ نيساني

شكرا لكريم مرورك

[بصمة قطرية]

مب عدلة
الضيف له احترامه ..

[JN000N]

لاتشره ولا تنقد
راح زمن المنقود

على طاري زمن المنقود
بيينا وقت بيقولون هل مكتوب ف القران والا السنه ان حرام تمسك الجوال وانت عندك ضيوف او وانت رايح لحد تزوره
وبيفتحون موضوع نقاش وهكذا الخ الخ

[طير حوران]

على حسب الضيف لو كان غريب ومايجيه إلا نادرا ولا كبير بالعمر هنا تفرق ..

ولا لو واحد من الربع وماخذ ومعطي معاه عاااادي ..

بالتوفيق ..

على هواك يالشيخ / حمد

الموضوع بشكل عام واما ماطرحته من رأي ففيه وجهة نظر

شكرا لكريم مرورك

[طير حوران]

طبعا عيب ، اذا جاني ضيوف اباريهم واكون معاهم بكل حواسي ،

هلا والله اختي العزيزه / ضوى

هذه هى الاصول يابنت الاصول

شكرا لمرورك العطر

[القبطان سلفر]

الانشغال بوسائل التواصل بوجود الضيف يعتبر نوع من قلة الذوق والاحترام وينم عن ضحالة الاخلاق ( السنع ) والامر هذا لا يقتصر مع الضيف فقط وانما حتى خارج المنزل كذلك خصوصا اثناء التواجد بالحديث مع الاخرين .

يعطيك العافيه اخي طير حوران

[qatari 111]

الحين العكس ياطير حوران
بعض الضيوف ينشغلون بالاجهزه وراعي المجلس يقوم بالواجب للضيف .. يسولف وياه والضيف يرد عليه بكلمه مختصر كأنه يقول له ياخي مب فاضيلك .

[طير حوران]

طيب أتفقنا من خلال المشاركات أنها تصرفات غير مقبولة. الأن نريد أقتراح لمقولات دبلوماسية ولكن واضحة يمكن أن نستخدمها لوقف أحد ضيوفنا من ان يبقى مبقبق بالموبايل.

هل هذا القول مقبول ؟ " هله بيك أبو محمد, شنو موبايلك جديد وتريد تتباهى بيه , عوفه الحين وخلينا نسولف"

هلا والله اخي العزيز / شيخ الديره

عيدك مبارك

ومنك نستفيد

كل التحيه لمرورك الكريم

[طير حوران]

الواقع يقول غير ما نراه..

الجيل الحالي وبعض من الجيل القديم..

اصبح ينشغل بالهاتف في وجود الضيوف..

وهالشي عيب ومب من السنع..

اي والله اختي العزيزه/ يمامه

ان هذا من العيب وليس من السنع في شيء

شكرا للمرور العطر

[ولد العرب]

عني افصل الانترنت عن المجلس لازوم احترام الضيف
ولكن ولكن ولكن :eek5: الضيف يقول ماعندكم انترنت :weeping:

وانوع تكبيسات من الاخوان والعيال العم والجيران ياشرون لي تستاهل يابن الذينا:eek5:

انا خابر ياطير حوارن ان ضيف يسال عن القبله والحين كم الرقم السري:weeping:


اسف والله شطحه
هلا اخوي
عيدك مبارك ياطير حوران
لازلت انا المضيف للضيوف اعاني من مشكله مثل ماذكرت اعلاه
ومن اول يوم العيد لين كتابته ردي ساعات ماسك دله القهوة سوا انا ولا مقهوي ولا اخوي والاخًوان في الله فنجاله برد ولا رفع راسه من جواله:anger1:

[كيلو حديد]

البعض يعتبر عدم دخولك عالم التواصل وعدم وجود فلورز عندك وعدم انشغالك بهم
نوع من الانطوائية

[ولد العرب]

البعض يعتبر عدم دخولك عالم التواصل وعدم وجود فلورز عندك وعدم انشغالك بهم
نوع من الانطوائية
طيب ليه
يسون كذا
انا مدرس الدورة لبناني
قال سجل فيس بوك حقك وتويتر وانستغرام والايميل اولهم علشان نبدا الاساسيات
قلت له ماعندي غير بطاقه الصرافه ومنتدى الاسهم القطريه:omg:
قال اطلع بررررع هههه ولا رجعت لهً:weeping:

[فيصل99]

طبعا عيب وقلة ذوق بلاشك