عندكم مايكروويف ببيتكم؟!!

[رهج السنابك]

المايكروويف جهاز قد يكون في اغلب البيوت
ويعتبر شي مهم وضروري لايمكن الاستغناء عنه
كثر الكلام عليه من كونه جهاز ضار ومسرطن ويفقد الاكل قيمته الغذائيه
ثم جاءت تفنيدات وان كل الهاله الي طلعت عليه كلام فاضي وجهاز مفيد ما منه شر
ليش هالشوشره على الناس ولا عرفنا نسمع كلام من !!
وشنو المصلحة من الشوشره والجهاز قيمته ما تتعدا 300 ريال

في بيتنا ماشيين على الراي الي يقول انه ضار وماعندنا هالجهاز

حبيت اعرف رايكم وهل تستخدمونه وهل مقتنعين بضرره ع الصحه ام مثله مثل اي جهاز اشعاعي في البيت من جوال وتلفزيون وكمبيوتر

[حمد 2002]

كل هالقرقه والطواله والمقدمه على ميكرويف ؟!

[رهج السنابك]

ماتكون حمد اذا ما تشيطنت
عطني رقم امك بكلمها

[عاشق العديد]

والله عندنا 3 وانا يوميا استخدمه

وعمري ماسمعت انه ضضار
ومرتاح نفسسيا معاه لانه يظبط لي الاكل

[ضوى]

ماحبه ، مستبدلته بفرن التسخين نفس النتيجة ، الميكروويف يسخن الاكل بطريقة سخيفة يكون عادي من برع ومن داخل نار ، فرن التسخين العادي اوكي وماشي حاله
بخصوص الضررر وماضرر ايه سمعت عنه ومايهمني لاني اساسا مب مقتنعه فيه

[حمد 2002]

ماحبه ، مستبدلته بفرن التسخين نفس النتيجة ، الميكروويف يسخن الاكل بطريقة سخيفة يكون عادي من برع ومن داخل نار ، فرن التسخين العادي اوكي وماشي حاله
بخصوص الضررر وماضرر ايه سمعت عنه ومايهمني لاني اساسا مب مقتنعه فيه

والمطاعم أحياننا يسخنون الأكل بالميكرويف وايبعونه لج بدون ماتعرفين هالامر .. يعني مجبوره تاكلين الأكل بالميكرويف بطريقه أو أخرى ..

بالتوفيق ..

[حمد 2002]

والله عندنا 3 وانا يوميا استخدمه

وعمري ماسمعت انه ضضار
ومرتاح نفسسيا معاه لانه يظبط لي الاكل

شلون مرتاح نفسيا مع الميكرويف ؟! ممكن توضيح أكثر ؟

[بوحارب]

المايكروويف عندي في الغرفة بعد يالقسطنطينية

احس الأكل بدونه ما يسوى شي

انا على يقين انه مضر بس مجبور وللعلم ما استخدمه بكثرة

بس صج صج اختراع رهيب

حمد لاتعلق على ردي مب فاضيلك خخخخخخخ

[ضوى]

والمطاعم أحياننا يسخنون الأكل بالميكرويف وايبعونه لج بدون ماتعرفين هالامر .. يعني مجبوره تاكلين الأكل بالميكرويف بطريقه أو أخرى ..

بالتوفيق ..

ماحب اكل المطاعم ، واذا اكل مشويات يعني مافي مجال تتسخن لانه يبين

[حمد 2002]

ماحب اكل المطاعم ، واذا اكل مشويات يعني مافي مجال تتسخن لانه يبين

رد ذكي كنت متوقعه ..

[حمد 2002]

المايكروويف عندي في الغرفة بعد يالقسطنطينية

احس الأكل بدونه ما يسوى شي

انا على يقين انه مضر بس مجبور وللعلم ما استخدمه بكثرة

بس صج صج اختراع رهيب

حمد لاتعلق على ردي مب فاضيلك خخخخخخخ

مب غرفه سكن عمال هه هه هه

بعد شنو بغرفتك اخ بوحارب غير الميكرويف ؟!

[ولد العرب]

مب غرفه سكن عمال هه هه هه

بعد شنو بغرفتك اخ بوحارب غير الميكرويف ؟!

كااااااااااااك ههههههههههههههههههههههه بوحارب تعال جيب جبهتك ههههههههههههههههههههههههههههههه شقها لك

اختي محبه العقارب
اسمعي عني انا مرتاح معه لا ضار ولا شي انا سمعت من قبل انه ضار لي سنين معه
اسخن اللي ابيه منةالثلاجه بدون ماازعج الاهل والخدم
شي حلووو

[لبيبة]

غير مضر، وقريت عنه إنه غير مضر وإن الأشعة اللي فيه مثل موجات الراديو والواي فاي والجوالات،

واحنا معرضين لها كل يوم، ولو كانت موجات الراديو مسرطنة كان عرفنا من زمان،

وموجات المايكرويف اللي تسخن الاكل ما تغير من تركيبة الجزيئات في الاكل ابدا،

وهالاجهزة مصممة بشكل آمن للاستخدام بحيث تبقى الموجات داخل الجهاز فقط اثناء التسخين،

اذا تحبين تقرين اكثر شوفي موقع الجمعية الامريكية للسرطان http://d.pr/XDa6

وأهلي مثل اهلج، ما كانوا يرضون بالمايكرويف لأنه مسرطن في اعتقادهم، والحين ما يستغنون عنه بعد ما علمتهم عن حقيقة الموجات.

والأفضل ان تاخذونه من ماركة موثوقة، والله يحفظ الجميع.

[رهج السنابك]

حبيبتي لبيبه
من يومين الشيطان يوزني اشتريه لان امي خاطرها فيه بس انا متردده بسبة الشوشره الاعلاميه
قريت وايد عنه وعن موجاته الكهرومغناطيسيه وتاثيرها على جزئيات الاكل
وشفت مواقع اجنبيه ناس تذم بدراسات وناس تقول مب صح
ولازلت محتاره بس ردج عطاني شوي دفعه اني اتشجع واجيبه وممكن مانستخدمه بكثره
امي بتستانس :)

[ولد العرب]

حبيبتي لبيبه
من يومين الشيطان يوزني اشتريه لان امي خاطرها فيه بس انا متردده بسبة الشوشره الاعلاميه
قريت وايد عنه وعن موجاته الكهرومغناطيسيه وتاثيرها على جزئيات الاكل
وشفت مواقع اجنبيه ناس تذم بدراسات وناس تقول مب صح
ولازلت محتاره بس ردج عطاني شوي دفعه اني اتشجع واجيبه وممكن مانستخدمه بكثره
امي بتستانس :)

شدعوه ليه القهر
عاد بعد شجعناك وش معنى لبيبه :anger1:

[وليف الشوق]

ماتكون حمد اذا ما تشيطنت
عطني رقم امك بكلمها

هههههههههههههههههههه عندج اياه دايم يتحرش هههههههه

[لبيبة]

حبيبتي لبيبه
من يومين الشيطان يوزني اشتريه لان امي خاطرها فيه بس انا متردده بسبة الشوشره الاعلاميه
قريت وايد عنه وعن موجاته الكهرومغناطيسيه وتاثيرها على جزئيات الاكل
وشفت مواقع اجنبيه ناس تذم بدراسات وناس تقول مب صح
ولازلت محتاره بس ردج عطاني شوي دفعه اني اتشجع واجيبه وممكن مانستخدمه بكثره
امي بتستانس :)




اشتريه وجيبيه لها وفرحيها، يمكن الحين لنا ثلاث أو أربع سنوات من استخدمناه، وحلو وسهل

اخذي لها من باناسونيك، في نوع يجي فرن + مايكرويف، وصناعته يابانية

يمكن بيتنا كان أكبر معارض للمايكرويف، والحين كل يوم نستخدمه

[ولد العرب]

هههههههههههههههههههه عندج اياه دايم يتحرش هههههههه

ابوه هنا :weeping: مايحتاج دايما يهده علينا:rolleyes2:
جربوا كلمو ابوه حسن

[ولد العرب]

اشتريه وجيبيه لها وفرحيها، يمكن الحين لنا ثلاث أو أربع سنوات من استخدمناه، وحلو وسهل

اخذي لها من باناسونيك، في نوع يجي فرن + مايكرويف، وصناعته يابانية

يمكن بيتنا كان أكبر معارض للمايكرويف، والحين كل يوم نستخدمه



وش عليك والله :weeping:
تمدحك دايما

[لبيبة]

وش عليك والله :weeping:
تمدحك دايما




هاهاها، معليه try again

[رهج السنابك]

شدعوه ليه القهر
عاد بعد شجعناك وش معنى لبيبه :anger1:


ههههههههه يالغيور :tease:

[رهج السنابك]

اشتريه وجيبيه لها وفرحيها، يمكن الحين لنا ثلاث أو أربع سنوات من استخدمناه، وحلو وسهل

اخذي لها من باناسونيك، في نوع يجي فرن + مايكرويف، وصناعته يابانية

يمكن بيتنا كان أكبر معارض للمايكرويف، والحين كل يوم نستخدمه



ثانكس ماي سويت هارت على النصيحه عيل بشوف اذا كارفور عندهم باناسونيك

[رهج السنابك]

هههههههههههههههههههه عندج اياه دايم يتحرش هههههههه

شيطون لازم اعلم امه عليه تيوده

[رهج السنابك]

مب غرفه سكن عمال هه هه هه

بعد شنو بغرفتك اخ بوحارب غير الميكرويف ؟!

عدة سكاريب ومفتاح ابو جلمبو وشاصي مصدي

[رهج السنابك]

ماحبه ، مستبدلته بفرن التسخين نفس النتيجة ، الميكروويف يسخن الاكل بطريقة سخيفة يكون عادي من برع ومن داخل نار ، فرن التسخين العادي اوكي وماشي حاله
بخصوص الضررر وماضرر ايه سمعت عنه ومايهمني لاني اساسا مب مقتنعه فيه

قريت عنه بالنت
الفرن ماينفع في التسخين مثل الخبز واللسندويتشات او تسييح التشوكليت والتشيز
هو مثل فرن عادي للطبخ
بس يمكن الي قالت عنه لبيبه فرن ومايكرويف يكون افضل اثنين في واحد

[حمد 2002]

قريت عنه بالنت
الفرن ماينفع في التسخين مثل الخبز واللسندويتشات او تسييح التشوكليت والتشيز
هو مثل فرن عادي للطبخ
بس يمكن الي قالت عنه لبيبه فرن ومايكرويف يكون افضل اثنين في واحد

ماعليج من الاخت ضوى كل شيء عندها ممنوع وضار ومب زين ..

[توشيبا]

معاد الا بكره يقلون الغساله خطره علي الثياب

مافي الا تحطو حطب في الحوش وتطبخو عليه وتسخنو الاكل عليه

[ولد العرب]

ماعليج من الاخت ضوى كل شيء عندها ممنوع وضار ومب زين ..

والله حمد2002 انه ضوى مهب جوووك ولا هي بمزاجك تعبت وانا اخيط لك جبهتك منها :rolleyes2:
ياخي اتركها
ورح العب مع عكرمه ولا حنفي
ولا تعال وش اسم بوحارب يقول بغير اسمه هههههه:secret:

[مشـــــاعر]

.

صآإر لنآإ سنين نستخدمه وماشفنا منه شي ولله الحمد !!

عن نفسي أحبه وماستغني عنه :shy::shy:

[النهار]

هههههههههههههههههههه
انا مثلج في الاول لا مستحيل يدش البيت خطر ويسبب امراض اشعه ضاره وقالوالعلماء والمختصين وقال معيض وولد العرب هههههههههههه
في الاخير بعد الضغوط الي مورست في حقي جبته صاغرا عن نفسي من 3 سنين
والحين انا اكثر واحد في البيت استخدمه

[ولد العرب]

هههههههههههههههههههه
انا مثلج في الاول لا مستحيل يدش البيت خطر ويسبب امراض اشعه ضاره وقالوالعلماء والمختصين وقال معيض وولد العرب ههههههههههههفي الاخير بعد الضغوط الي مورست في حقي جبته صاغرا عن نفسي من 3 سنين
والحين انا اكثر واحد في البيت استخدمه

وش دخلنا الحين بالسالفه مع العلماء الذرة :rolleyes2:

[ضوى]

قريت عنه بالنت
الفرن ماينفع في التسخين مثل الخبز واللسندويتشات او تسييح التشوكليت والتشيز
هو مثل فرن عادي للطبخ
بس يمكن الي قالت عنه لبيبه فرن ومايكرويف يكون افضل اثنين في واحد

وي من قالج ، كل شي استخدمه في هالفرن الصغير ، تسخين خبز ساندويتش حتى تسيح الدهنة فيه عجيب

[ضوى]

ماعليج من الاخت ضوى كل شيء عندها ممنوع وضار ومب زين ..

انا ماقلت ، قلت مب مقتنعه فيه

[العلياا]

معاد الا بكره يقلون الغساله خطره علي الثياب

مافي الا تحطو حطب في الحوش وتطبخو عليه وتسخنو الاكل عليه

هههههههههههههههه ردك عجيب
ماعرف عن اضراره بصراحة بس اختراع جميل وسهل رغم ان استخدامي له قليل جدا

[مشـــــاعر]

معاد الا بكره يقلون الغساله خطره علي الثياب

مافي الا تحطو حطب في الحوش وتطبخو عليه وتسخنو الاكل عليه

ههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههههههههههههه

والله مانتبهت ع الرد إلآإ من إقتباس الإخت العليآإ هههههههههههههههههههههه
ههههههههههههههههههههههههههههههههههه

[khaldoon]

اختراع ممتاز... اهم شي لا تسخني الاكل الا في صحون زجاج مب بلاستك ولا صحون كرتون ولا يكون عليها نايلون

اهم شي الاولاد الصغار ما يفكرون يحطون بداخله بالون منفوخ لان بنفجر و بسوي مصيبه لا قدر الله

[بوحارب]

اشتريه اشتريه تستاهل الوالده

ونصيحة خذي واحد مافيه ازره وايد عشان يكون الاستعمال سهل

لانه بعضهم فيهم خمسين زرار

[بوNasser]

ما منه ضرر للأكل اذا استخدمت الأواني المخصصة للمايكرويف، مثل الزجاج البايركس وحتى الصحون الورقية.

المعروف ان الماء يدخل في كل تركيبات الطعام، وفكرة عمل الفرن تقوم على خلق ذبذبات تجعل جزيئات الماء تهتز وتحتك مع بعضها مما يولد حرارة، لذلك نجد ان اطالة التسخين في فرن المايكرويف تسبب جفاف الطعام بسبب تبخر جزيئات الماء.

http://cdn4.explainthatstuff.com/how-microwave-oven-works.png

أضرار المايكرويف تكون في حالة تضرر باب الفرن مثلا مما يسبب تسرب بعض الاشعة اثناء التشغيل.

و ينصح بتنظيف الفرن من الداخل باستمرار (حيث تتطاير الدهون احيانا بالداخل)تجنبا للحريق، كما يجب التأكد من عدم تلف الشبكة المعدنية على باب الفرن.

ينصح ايضا بعدم النظر داخل الفرن من مسافة قريبة، كي لا تتضرر العين، في حالة كون باب الفرن غير محكم الاغلاق او به كسر او ضرر.

بس

والنصيحة الأهم هي الابتعاد عن الانواع الرديئة والموديلات الغير معروفة من هذه الافران.

وفيه العافية.

تحياتي للجميع

[khaldoon]

صحيح تذكرت هو ايضا لتسخين الاكل و ليس المشروبات الساخنه مثل الشوربه و السوائل لانها بعد اخراجها من الميكروويف مثل كنأنه بارده و لكنها شديدة الحرارة و قد تسبب احتراق

[عيسى111]

http://ar.wikipedia.org/wiki/%D9%81%D8%B1%D9%86_%D9%85%D9%8A%D9%83%D8%B1%D9%88% D9%88%D9%8A%D9%81

[ANONYMOUS]

موجود وحرق في عافيته

جيل هاليومين كل شي تسخين