ماهو رائيكم في من يحذف ابنائه ويسافر مع زوجته

[مشاكل]

السلام عليكم ورحمة الله وبركاته

تقبل الله منا ومنكم الصيام والقيام وصالح الاعمال والله اسأل ان يجعلنا من عتقائه من النار

انتشرت في الاونه الاخيرة ظاهرة تنافي صفة التواصل والترابط الاجتماعي ،،، الا وهي سفر الزوج مع زوجته من غير الابناء

بعضهم يابلفيت عايش الرومنسية
وبعضهم من اجل التوفير والبخل
والبعض الاخر يقول مانبي سندارة

وكلها مبررات لاتسمح ابداً بحذف الابناء على الاقارب وحرمانهم من الاستمتاع بالسفر ومتعة الجمعة والتواصل مع العائلة التي يفترض ان تكون من باب اولى للابناء لغرس مفاهيم الترابط الاجتماعي ومكافئتهم بعد نجاحهم فالدراسة وازالة الضغوط النفسية التي وقعت عليهم خلال عام دراسي كامل ،،، علاوةً على مايتسفيده الابناء في السفر من صفات اخرى كالاعتماد على النفس والتعرف على حضارات الدول الاخرى ،، ناهيك عن التقارب الاكبر الذي يحصل بين الاب والام مع ابنائهم اثناء السفر عن اي وقت اخر .

انها قمة الانانية يمارسها هؤلاء الاباء والامهات ضد ابنائهم ،،

ترى السالفة دين ،،، وكما تدين تدان
الايام تمشي بسرعة ،، وبكره اذا كبرتوا وشيبتوا واسفهوكم عيالكم وزوجاتهم وقطوكم على الخدم محبوسين بين اربع اطوف ،،، وقتئذٍ لاينفع الندم

والله من وراء القصد

[ضوى]

ارفض هالشي جملة وتفصيلا ، الا في السفر للعمرة لانه الصغار يربطونك في صلاة الفجر وماتقدر تروح الحرم ، طبعا اتكلم عن الصغار اقل منظ¨ سنين ، غير هذا لازم كتاكيتي معاي بكل مكان

[MAZEN37]

حسب نوع السفره ومدتها وبالنهايه مافي ناس تحذف ابنائها
وانا من رائي لو الامور مرتبه من حق الزوج والزوجه

[abu m7md]

الرد على الموضوع يحتاج لسطور كثيره بمصلطحات عملاقه



ياريت تحدد وين يحذفونهم فالبيت ولا عند اقارب
واين مكان السفر لدوله عربيه ام غربيه


بنتظارك

[alsoq]

لو كانت السفره اروبا او دوله اجنبيه من الافضل عدم اخذ الاولاد
واذا واحد بيحط اولاده تاكد انه عند الجد او الجده فقط
وايش فيها لو الرجل سافر معا زوجته ناس ناضجين وعاقلين ويبي يقضي قعدات منفرده معا زوجته يحسسها بالحب والامان وياخذون راحتهم من بعد عمل مظني طول السنه

[qatara]

ان سافر بروحه

سندرتوه

وان وداها قلتو وعياله

الواجب يخليها عند عيالها ويسافر

تبهدل الرجل من الدلع الا شيل الا حط الا خل الا ود

ما كذب من قال شاورها وخالفها

[ولد العرب]

هلا اخوي مشاكل انا ماقد سويتها ولكن بسويها بحول الله وقوته
بحط اعيالي عند امي ولا اختي ولا خالتهم وبالعكس بيستانسون العيال مع الاهل واترك مصرفهم عن الاهل
محتاج تغير بالسفره والراحه وحنا ماقصرنا معهم بالسفرات وغيرها ومحتاج اغير جو مع الاهل
اما ياولد اعقل انت اكل ياهوووو البس واخلص يام العيال مشينا الصبح نبي نشوف الطبيعه ترد بنام سهروني عيالك
لا بالله يامشااكل فكنا وخلهم عند اهلي

[نيساني]

لو كانت السفره اروبا او دوله اجنبيه من الافضل عدم اخذ الاولاد
واذا واحد بيحط اولاده تاكد انه عند الجد او الجده فقط
وايش فيها لو الرجل سافر معا زوجته ناس ناضجين وعاقلين ويبي يقضي قعدات منفرده معا زوجته يحسسها بالحب والامان وياخذون راحتهم من بعد عمل مظني طول السنه



وعليكم السلام ورحمة الله وبركاته

الصراحه هالرد وافي

بعدين يحط عياله عند هله جماعته شالمشكله اليهال سنداره بالنسبه لي اسافر بروحي واخليهم عند امهم عيال وين تاخذهم تايلند والا اسبانيا والا الموزونبيق!!!

وبس والله

[رنان]

انا اشوف ان الموضوع عادي جدا والربط بين الدين وهذا الموضوع ماله علاقه

[لبيبة]

أهلي ما تعاملوا معاي وإخواني بهالمعاملة، ولا احنا نعامل عيالنا فيها،

ولا أشوف إنها صح لأن لو جرى على العيال شي لا سمح الله بيندمون أشد الندم،

والله بيسألهم وين ضيعوا هالأمانة، وبعدين ليش هم ينبسطون وعيالهم لا؟!

يتركونهم والدمعة في عيونهم؟!

المفروض وناستهم تكون في إنهم يشوفون الفرحة في عيون عيالهم ويشاركونهم،

والديني جزاهم الله عنا خير الجزاء وجعلنا من البارين بهم والله ما قصروا معانا وشاركونا في كل لحظة،

واحنا على خطاهم ونشارك عيالنا الحمد لله، وهذا اللي أشوفه صح.

[خليفـة]

لما الواحد يحط عياله عند احد أقاربه ويسافر مع زوجته لاداء العمره
ماعليه لوم ولا عتب ان شاء الله
وخصوصاً لما يكونون اطفال صغار ينخاف عليهم هناك
اما الي يسافر بتمشى مع زوجته بدون عياله
فشيء من الاثنين:
يا انه بخيل جلده ويبي يوفر قبمة التذاكر والسكن
او انه صاحب احاسيس ميته

خليفة

[qatara]

يشهد الله ياني قد سمعت

يا بعض الحريم هي من تطلب ان تسافر بدون الابناء


يابفليت رومنسيه وتجديد الزواج و الحب
شكل زواجهم له استماره سياره هههههههه

الله يغربل من علمهم كلمة رومنسيه والحقيقه هي
حب الذات الخاليه من الموده والرحمه

[مرتبش]

الموضوع يبين وين وصل المجتمع في نظرته للاهل..الحين اللي يخلي عياله عند يدتهم او عمتهم او حد من اقاربهم صار يحذف عياله.. ما كأنه في طلب وقبول ..وين العوايل المترابطة ..اخرتها سفرة كم يوم خلتهم يولولون...زمن

[حسن]

لما الواحد يحط عياله عند احد أقاربه ويسافر مع زوجته لاداء العمره
ماعليه لوم ولا عتب ان شاء الله
وخصوصاً لما يكونون اطفال صغار ينخاف عليهم هناك
اما الي يسافر بتمشى مع زوجته بدون عياله
فشيء من الاثنين:
يا انه بخيل جلده ويبي يوفر قبمة التذاكر والسكن
او انه صاحب احاسيس ميته

خليفة


او انه تحت جبروت امراه

:victory:

[حسن]

الموضوع يبين وين وصل المجتمع في نظرته للاهل..الحين اللي يخلي عياله عند يدتهم او عمتهم او حد من اقاربهم صار يحذف عياله.. ما كأنه في طلب وقبول ..وين العوايل المترابطة ..اخرتها سفرة كم يوم خلتهم يولولون...زمن

من يقولك العوايل مترابطه

كلام ماخوذ خيره الى قطيعه الى ابعد الحدود وحتى الاعياد اصبحو مايتواصلون بحجه انهم مسافرين

لازم نعترف ان المجتمع تغير وخصوصا مع الزوجه ال.....

ولاتنسون الحين الخير وايد والحمدلله والمظاهر يجب ان تراعي حقوقها
مايسر اروح الشغل ولاحريم يسولفون عن سفراتهم وانا لا

هذه الزبده ورفعت الاقلام وجفت الصحف

يقول يسافرون بروحهم الله يهداك الحين يخلونهم مع الخدامات ويسافرون

من زمان عصر فاين الريم ولا من غير رجعه

:victory:

[رهج السنابك]

الرجل رخمه :)
والمره ارخم منه :)

[النهار]

او انه تحت جبروت امراه

:victory:

اما في ذي صدقت فيها اعرف واحد من الربع يخلي العيال في البيت مع الخدم
يقوم يحجز في فندق هو وزوجته 3 ايام على كلامه يقول تجديد ههههههههه او يأخذ البقاره معاه في سفره لمدة اسبوع ويرد

[رهج السنابك]

تابع


وكش عليهم اثنينهم وعلى من علمهم الرومانسيه

[حسن]

الرجل رخمه :)
والمره ارخم منه :)

لا لا لا

:nono:


الرجل مهب رخمه قولي الزوج اتفق معاك 100%

:victory:

[حسن]

تابع


وكش عليهم اثنينهم وعلى من علمهم الرومانسيه

تاثير مهند ونور

:)

[qatara]

لا لا لا

:nono:


الرجل مهب رخمه قولي الزوج اتفق معاك 100%

:victory:

شسيوي مسكين

مثل الي عطا بزر سلاح النهايه يا يذبحك ولا يذبح نفسه

بعضهن حتى لو هي مهب كفو تكون ام وراعية بيت

يحاول يراضيها بكل الطرق ولا يخسر كل شي لصالح انانينها

[حسن]

شسيوي مسكين

بعضهن يحاول يراضيها بكل الطرق ولا يخسر كل شي لصالحها

حتى لو هي مهب كفو تكون ام وراعية بيت

مثل الي عطا بزر سلاح النهايه يا يذبحك ولا يذبح نفسه

لا مفر

البحر من امامكم والعدو من خلفكم

:swoon2:

[رهج السنابك]

عنها مارضت
شهالقلب المتحجر اقط عيالي واروح اتونس مع بعلي شلون قلبها ماياكلها
امي كانت ان سافرت للضروره القصوى لعلاج ماكانت تاكل لقمه ولا تتهنى فيها تقول اشلون اتهنى بلقمه عيالي ماذاقوها ولا عمرها سوتها الا مره وحده لضروره
الي ربتهم ام تشوفهم حبة عينها عمرها ماتقط عيالها وتتهنى تتمشى وقلبها بارد

[رهج السنابك]

عنها مارضت
شهالقلب المتحجر اقط عيالي واروح اتونس مع بعلي شلون قلبها ماياكلها
امي كانت ان سافرت للضروره القصوى لعلاج ماكانت تاكل لقمه ولا تتهنى فيها تقول اشلون اتهنى بلقمه عيالي ماذاقوها ولا عمرها سوتها الا مره وحده لضروره
الي ربتهم ام تشوفهم حبة عينها عمرها ماتقط عيالها وتتهنى تتمشى وقلبها بارد
لكن الي تعودوا اهلهم يقطونهم يصير الوضع عادي يسوونه في عيالهم
ومب مستعشرين ان عيالهم امانه ان صار فيهم شي مايلوم غير نفسه


و
الله يهدي

[qatara]

لا مفر

البحر من امامكم والعدو من خلفكم

:swoon2:


هههههه
شفت شلون
ويقلبون الحقايق الرجل يريد
والحقيقه كلن يعرفها بلاش كذب على انفسنا
بعضهن هن من يردن والرجل مجبور ومحتد

لذالك مثل ما تفضلت
البحر من امامكم والعدو من خلفكم

[qatari 111]

على حسب عمر العيال .. ان كانوا اعمارهم من 15 سنه وفوق .. اتقبلها .. اما من 14 سنه وتحت والله قلبي مايطاوعني اخليهم بروحهم وانا وزوجتي نسافر بروحنا ونستانس وهم بين اربع اطوف ..اسفرهم معاي او اقعد معاهم .. اذا يوم اسافر بروحي للدول الخليجيه يومين او ثلاة ايام اقعد افكر فيهم مع ان سفرتي لقرض شرى اغراض وتجاره .

[ولد العرب]

عنها مارضت
شهالقلب المتحجر اقط عيالي واروح اتونس مع بعلي شلون قلبها ماياكلها
امي كانت ان سافرت للضروره القصوى لعلاج ماكانت تاكل لقمه ولا تتهنى فيها تقول اشلون اتهنى بلقمه عيالي ماذاقوها ولا عمرها سوتها الا مره وحده لضروره
الي ربتهم ام تشوفهم حبة عينها عمرها ماتقط عيالها وتتهنى تتمشى وقلبها بارد

مع ذك بجرب وبسويها وش فيها اغير جو معها

اخواني ولا اختي يحطون عيالهم عند امي والله يانها جو وفله ووناسه وجمعه عايله
وش دخلت زوجه تقولين يعلها ماترضى
من جدك يااختي لا لا لا خابرك ماشاء الله تبارك الله
ابي اروح ماليزيا ولا لندن ولا اي مكان لازم اوديهم 5 مع خادمه وشناطهم وعفستهم وين وين وين مهب بخل ولا شي الا ماتاخذ راحتك

لا قلب متحجر ولا شي
قلت بجرب
والتكلوجيا موجوده بشوفهم فيديو اتطمن عليهم يوميا
ولا على بالك ان امي ولا اختي بغشونهم بيطنشونهم لا لا

[الحياة الخالدة]

هههههه
شفت شلون
ويقلبون الحقايق الرجل يريد
والحقيقه كلن يعرفها بلاش كذب على انفسنا
بعضهن هن من يردن والرجل مجبور ومحتد

لذالك مثل ما تفضلت
البحر من امامكم والعدو من خلفكم

طايح فينا مجبور و مجبور .. مافي ريال يسوي شي غصبن عنه .. و إذا سواه ما يستحق لقب ريال
و احنا شايفين من الردود أن السفر من غير العيال يكون برغبة الرجل مب غصبن عنه .. فلا تقعد ماسك لنا الحريم و الحريم .. كأن الرجل كرسي في البيت و الا طاولة

[ضوى]

طايح فينا مجبور و مجبور .. مافي ريال يسوي شي غصبن عنه .. و إذا سواه ما يستحق لقب ريال

والله مايقهرني الا لقالوا مجبور!! عسى ماشر ماخذ القوامة بالاسم بس ؟؟ ليش تزوجت دامك خديه وماتقدر تاخذ قرارك بنفسك وشورك عند حرمتك ؟؟ عادي يعني العصمة بيدها تطلقك متى مابغت !!

[هامور البورصة]

السلام عليكم ورحمة الله وبركاته

تقبل الله منا ومنكم الصيام والقيام وصالح الاعمال والله اسأل ان يجعلنا من عتقائه من النار

انتشرت في الاونه الاخيرة ظاهرة تنافي صفة التواصل والترابط الاجتماعي ،،، الا وهي سفر الزوج مع زوجته من غير الابناء

بعضهم يابلفيت عايش الرومنسية
وبعضهم من اجل التوفير والبخل
والبعض الاخر يقول مانبي سندارة

وكلها مبررات لاتسمح ابداً بحذف الابناء على الاقارب وحرمانهم من الاستمتاع بالسفر ومتعة الجمعة والتواصل مع العائلة التي يفترض ان تكون من باب اولى للابناء لغرس مفاهيم الترابط الاجتماعي ومكافئتهم بعد نجاحهم فالدراسة وازالة الضغوط النفسية التي وقعت عليهم خلال عام دراسي كامل ،،، علاوةً على مايتسفيده الابناء في السفر من صفات اخرى كالاعتماد على النفس والتعرف على حضارات الدول الاخرى ،، ناهيك عن التقارب الاكبر الذي يحصل بين الاب والام مع ابنائهم اثناء السفر عن اي وقت اخر .

انها قمة الانانية يمارسها هؤلاء الاباء والامهات ضد ابنائهم ،،

ترى السالفة دين ،،، وكما تدين تدان
الايام تمشي بسرعة ،، وبكره اذا كبرتوا وشيبتوا واسفهوكم عيالكم وزوجاتهم وقطوكم على الخدم محبوسين بين اربع اطوف ،،، وقتئذٍ لاينفع الندم

والله من وراء القصد

وناستي مع عيالي ًًً، ياكلنا نستانس مع بعض والا فلا ، انا اشتغل واتعب عشانهم . وانا استغرب من بعض الامهات شلون يطاوعها قلبهاتسافر وتستانس وعيالها محبوسين بيت اهلها ، الزبو والمفوشر مشكله نفسية نسأل الله السلامه

[رهج السنابك]

ولد العرب
جرب وتشوف من الحين اقولك ما بتستانس لان قلبك رهيف بياكلك على عيالك :)

[طير حوران]

اللهم اصلي واسلم على رسولنا الكريم

المال والبنون زينة الحياة الدنيا

انا ارى ان ترك الاولاد خطأ كبير (فهم اكبر امانات الله في عنق المسلم التي يجب عليه ان يؤديها دون ادنى تقصير) وحتى لوكان عند اقرب الناس فكيف بتركهم في بيت لايوجد فيه سوى الخدم لأسباب عده منها:

** ان المسؤوليه أمام الله تقع عليك لوحدك لاعلى غيرك

** ان الناس مثلهم مثلك يعجزون عن ملاحقة تصرفات وسلوكيات ابناؤهم فكيف بأبناء غيرهم

** ان الابناء دائما يهابون بعض التصرفات لوجود الوالدين في حياتهم وقد يرتكبونها عند شعورهم بالتحرر منهم

** الاحداث والحوادث المتوقعه التي تنتج عن تصرفاتهم المتحرره من ضغوط وجودكم


اجد العذر لغياب الوالدين في حالتين ضروريه فقط

** السفر للعلاج

** السفر الى مكه المكرمه

ماعدا ذلك ارى انها تبريرات لاتقنع حتى قائلها

[طير حوران]

والله مايقهرني الا لقالوا مجبور!! عسى ماشر ماخذ القوامة بالاسم بس ؟؟ ليش تزوجت دامك خديه وماتقدر تاخذ قرارك بنفسك وشورك عند حرمتك ؟؟ عادي يعني العصمة بيدها تطلقك متى مابغت !!

ههههههههههههههه

تسلم اناملك اختي العزيزه/ضوى

[حسن]

وناستي مع عيالي ًًً، ياكلنا نستانس مع بعض والا فلا ، انا اشتغل واتعب عشانهم . وانا استغرب من بعض الامهات شلون يطاوعها قلبهاتسافر وتستانس وعيالها محبوسين بيت اهلها ، الزبو والمفوشر مشكله نفسية نسأل الله السلامه

صدقت في ذالك انا اعتبرها ظاهره نفسيه لها تداعيات خطيره في المستقبل
والقادم ادهى وامر

حمد وينك

:telephone:

[حسن]

اللهم اصلي واسلم على رسولنا الكريم

المال والبنون زينة الحياة الدنيا

انا ارى ان ترك الاولاد خطأ كبير (فهم اكبر امانات الله في عنق المسلم التي يجب عليه ان يؤديها دون ادنى تقصير) وحتى لوكان عند اقرب الناس فكيف بتركهم في بيت لايوجد فيه سوى الخدم لأسباب عده منها:

** ان المسؤوليه أمام الله تقع عليك لوحدك لاعلى غيرك

** ان الناس مثلهم مثلك يعجزون عن ملاحقة تصرفات وسلوكيات ابناؤهم فكيف بأبناء غيرهم

** ان الابناء دائما يهابون بعض التصرفات لوجود الوالدين في حياتهم وقد يرتكبونها عند شعورهم بالتحرر منهم

** الاحداث والحوادث المتوقعه التي تنتج عن تصرفاتهم المتحرره من ضغوط وجودكم


اجد العذر لغياب الوالدين في حالتين ضروريه فقط

** السفر للعلاج

** السفر الى مكه المكرمه

ماعدا ذلك ارى انها تبريرات لاتقنع حتى قائلها

تسلم لي على هذا الرد ياطير حوران

طول عمرك كبير

بس ضيعت الامانه ياشيخ وشننتظر عقبها

:telephone:

[ولد العرب]

الحين فهمت من رد اخونا حوران الثاني يقول تركهم في البيت لحالهم اها هنا اقووووووووووووووووووول معصي اني اخليهم بين الخدم وحاله لا بالله


اللي اقولهم وافهم اختنا الاستقراطيه اني اتركهم بين امي ولا اختي الكبيره ولا خالتهم

غصب هو اطلع خرووف على قولتكم ولا مفوشر على كيفكم انتم
خاطري اكسر عيوني في حلالي واستانس معها يه الا اوديهم
في السنه اجازتهم مرتين الربيع وسنويه وساعات الاجازات الدوله القصيره اخذهم فيها سفرات ووناسه ولا في بالهم
واجازتي الخاصه مع المصونه برتتبها باذن الله
اما اوديهم كلهم كل مره لين متى يعني لين اهرم

الاستقراطيه بجرب ولا علي منك :anger1: ليه حاط عيالي عند عقارب شدعوه
كلها امي واختي

[ولد العرب]

تسلم لي على هذا الرد ياطير حوران

طول عمرك كبير

بس ضيعت الامانه ياشيخ وشننتظر عقبها

:telephone:

اذا العيال مع الخدم لحالهم قول ضيعت الامانه
اما اذا مع جدانهم وخوالهم ولا عماتهم بقولك من جدك انت ضيعت الامانه ليه مش هم الللي ربونا لين قدنا عطران شوارب

[شيخ الديرة]

عصر الأنانيات بدون منازع

[ولد العرب]

شسيوي مسكين

مثل الي عطا بزر سلاح النهايه يا يذبحك ولا يذبح نفسه

بعضهن حتى لو هي مهب كفو تكون ام وراعية بيت

يحاول يراضيها بكل الطرق ولا يخسر كل شي لصالح انانينها

كتارا الله يخليك لك فتره وانت زعلان على نساء العالمين ياخي انت مريت بوحده جعلي ماشوف ظلها واتلعوز مثلك واتعقد

والله اني ملك وشيخ في بيتي
وهنا بالمنتدى اقسمت بالله وجلاله ذرابه واخلاق بكمل 10 سنوات بالمنتدى ولا شفت بنت اخلاقها وطي

مهب كلهم سوى ياخوي والله مهب كلهم
ولا احد من ربعي طلق مرته ولا اشتكى منها ولا سمعت انه هجرها ولا قربوا محكمه والله بنات فيهم الخير والبركه
وش فيها لا سافر معها وغير جو
هو لازم على تفكيركم ملكيه سياره هذا كلام
اللي يعامل زوجته بحب ورمانسيه وموده يطلع بنظركم خرووف
هي تتعب لي وتكشخ لي وتحمل وتعرض للموت بالولاده اخرتها احجدها واحرمها الموده والحب والرمانسيه الله لايحطني بموقفك ياكتارا
والله لو فيه رحله للقمر اوديها ولا انتظر منها شي
اقل شي منها فراشي نظيف وثيابي نظيفه واكلي طازج ولذيذ ومجمله في ضيفاني ومربيات اعيالي
افلا نصبر عليهم ياكتارا

[qatara]

كتارا الله يخليك لك فتره وانت زعلان على نساء العالمين ياخي انت مريت بوحده جعلي ماشوف ظلها واتلعوز مثلك واتعقد

والله اني ملك وشيخ في بيتي
وهنا بالمنتدى اقسمت بالله وجلاله ذرابه واخلاق بكمل 10 سنوات بالمنتدى ولا شفت بنت اخلاقها وطي

مهب كلهم سوى ياخوي والله مهب كلهم
ولا احد من ربعي طلق مرته ولا اشتكى منها ولا سمعت انه هجرها ولا قربوا محكمه والله بنات فيهم الخير والبركه
وش فيها لا سافر معها وغير جو
هو لازم على تفكيركم ملكيه سياره هذا كلام
اللي يعامل زوجته بحب ورمانسيه وموده يطلع بنظركم خرووف
هي تتعب لي وتكشخ لي وتحمل وتعرض للموت بالولاده اخرتها احجدها واحرمها الموده والحب والرمانسيه الله لايحطني بموقفك ياكتارا
والله لو فيه رحله للقمر اوديها ولا انتظر منها شي
اقل شي منها فراشي نظيف وثيابي نظيفه واكلي طازج ولذيذ ومجمله في ضيفاني ومربيات اعيالي
افلا نصبر عليهم ياكتارا

يخوي انا اتكلم عن حالات حاصله

ولا ينكرها الا مكابر والله يستر عليك ويوفقك

وجعلك في احسن حال

اما تخص مريت ما مريت فاعتقد انك مخطي ولا لك حق في مثل هلكلام

وكلامي لم امس اي احد به لا انت ولا اي شخص في المنتدا او غيره

اتكلم عن حالات حاصله ولا تقدر تقول مافي مثل هل الحالات

فارجو عمد المساس بالامور الشخصيه كانك عالم
الغيب والشهاده استغفر الله

قول رايك في حدود الموضوع نفسه

فانا لم اوجه رايي لك ولا لغيرك اي اتهام وكان حواري مع حسن

فلو انا وجهت الكلام نفسه لك مثل ما قمتت تتهمني
ثق بالله راح تزعل وتقولي مالك اي حق وارجو عدم الشخصنه

ويمرحبا بك

[ولد العرب]

هلا يكتارا اذا انا مخطي مثل ماتشوف
انا اعتذر لك واتاسف لك

[رهج السنابك]

ولد العرب اذا عيالك كبار شوي ورحلتك مب مطوله ممكن تستحمل لكن لو اطفال تحت خمس سنوات صدقني قلبك بيعورك وانت قلت بجرب وانا اقولك جرب يا ابن العرب وتعال خبرنا عقب

[الحياة الخالدة]

كتارا الله يخليك لك فتره وانت زعلان على نساء العالمين ياخي انت مريت بوحده جعلي ماشوف ظلها واتلعوز مثلك واتعقد

والله اني ملك وشيخ في بيتي
وهنا بالمنتدى اقسمت بالله وجلاله ذرابه واخلاق بكمل 10 سنوات بالمنتدى ولا شفت بنت اخلاقها وطي

مهب كلهم سوى ياخوي والله مهب كلهم
ولا احد من ربعي طلق مرته ولا اشتكى منها ولا سمعت انه هجرها ولا قربوا محكمه والله بنات فيهم الخير والبركه
وش فيها لا سافر معها وغير جو
هو لازم على تفكيركم ملكيه سياره هذا كلام
اللي يعامل زوجته بحب ورمانسيه وموده يطلع بنظركم خرووف
هي تتعب لي وتكشخ لي وتحمل وتعرض للموت بالولاده اخرتها احجدها واحرمها الموده والحب والرمانسيه الله لايحطني بموقفك ياكتارا
والله لو فيه رحله للقمر اوديها ولا انتظر منها شي
اقل شي منها فراشي نظيف وثيابي نظيفه واكلي طازج ولذيذ ومجمله في ضيفاني ومربيات اعيالي
افلا نصبر عليهم ياكتارا

بيض الله وجهك و رحم الله والديك

[qatara]

هلا يكتارا اذا انا مخطي مثل ماتشوف
انا اعتذر لك واتاسف لك

اذا تشوف انك تترك الموضوع و تدخل اموري
الخاصه مريت وما مريت
وتتهمني وتشوف نفسك مهب مخطي

فلاحول ولا قوة الا بالله

[qatara]

بيض الله وجهك و رحم الله والديك


ماقول الا

لاحول ولا قوة الا بالله

[حمد 2002]

حتى لو خليت عيالك مع عماتهم ولا خالاتهم ولا جداتهم ولا ولا .. حتى لو هم اهلك .. بس الواحد عيب أهو يستنانس ويا زوجته ويكون اناني ويثقل على هله حتى لو كانوا ايحبون عياله ويودونهم .. يمكن ايكونون منحرجين منك ويستقبلون اولادك بس داخل قلبهم ماتعرف شيقولون ..

انت تنجب اولاد مب لكي ترميهم هنا وهناك .. والحجه رومانسيتك مع زوجتك .. ورومانسيتك مع زوجتك يافلان بس تكون برع الدوحه ؟!


اطفالكم أمانه باعناقكم فحافضوا عليهم ...

أخوكم ..

حمد 2002

[qatara]

حتى لو خليت عيالك مع عماتهم ولا خالاتهم ولا جداتهم ولا ولا .. حتى لو هم اهلك .. بس الواحد عيب أهو يستنانس ويا زوجته ويكون اناني ويثقل على هله حتى لو كانوا ايحبون عياله ويودونهم .. يمكن ايكونون منحرجين منك ويستقبلون اولادك بس داخل قلبهم ماتعرف شيقولون ..

انت تنجب اولاد مب لكي ترميهم هنا وهناك .. والحجه رومانسيتك مع زوجتك .. ورومانسيتك مع زوجتك يافلان بس تكون برع الدوحه ؟!


اطفالكم أمانه باعناقكم فحافضوا عليهم ...

أخوكم ..

حمد 2002

اي رومنسيه واي خرابيط

لو شغل او ضرف طاري معليه لاكن اسافر اتمشى وعيالي مادري بهم همي
نفسي وش هلجبد الي همها نفسها
وبعضهم يدعون انهم يتهمون في عيالهم اكثر من نفسهم ههههه

واي حياه بدون ماشوف عيالي قدامي 24 ساعه

وهم زينة الحياه الدنيا

لاكن اسمعت اذ ناديت حيا

[النهار]

حتى لو خليت عيالك مع عماتهم ولا خالاتهم ولا جداتهم ولا ولا .. حتى لو هم اهلك .. بس الواحد عيب أهو يستنانس ويا زوجته ويكون اناني ويثقل على هله حتى لو كانوا ايحبون عياله ويودونهم .. يمكن ايكونون منحرجين منك ويستقبلون اولادك بس داخل قلبهم ماتعرف شيقولون ..

انت تنجب اولاد مب لكي ترميهم هنا وهناك .. والحجه رومانسيتك مع زوجتك .. ورومانسيتك مع زوجتك يافلان بس تكون برع الدوحه ؟!


اطفالكم أمانه باعناقكم فحافضوا عليهم ...

أخوكم ..

حمد 2002

هذول نسميهم ايتام في وجود الاب والام في حال تركهم لهم للوناسه

[حمد 2002]

اي رومنسيه واي خرابيط

واي حياه بدون ماشوف عيالي قدامي 24 ساعه

وهم زينة الحياه الدنيا

لاكن اسمعت اذ ناديت حيا

الزوج زوجته قدامه 24 ساعه .. يعني ماتحلى لهم الرومانسيه إلا بالسفر ؟! ..

وش ذنب عيالهم الي يحترقون من الداخل رغبتا بمرافقة والديهم وهم لاحول لهم ولا قوه ..

ولاكن لاتستغرب من تلك الآراء أخي كتارا في ظل انعدام الرأفة والعاطفه من قلوب الآباء وخصوصا الأمهات وبقولك ليش ؟!

من المتعارف عليه بأن الأم بقلبها الرحمه وتحب أجوف اولادها قدام عينها 24 ساعه وتخاف عليهم من نسمه الهواء ..

الي استغربه اشلون أم تنام مرتاحه وهي ببلد واولادها ببلد بحجه ممارسه الرومانسيه مع زوجها .. شلون ماتخاف عليهم وهي أم ويييين قلب الأم ؟!

[حمد 2002]

هذول نسميهم ايتام في وجود الاب والام في حال تركهم لهم للوناسه

صدقت بالتعبير يالذيب ..

الله المستعااان

[ولد العرب]

اذا تشوف انك تترك الموضوع و تدخل اموري
الخاصه مريت وما مريت
وتتهمني وتشوف نفسك مهب مخطي

فلاحول ولا قوة الا بالله

ياخوي الكلام الله يرضى عليك واضح انك شديد باالنساء واي موضوع تدخله عن النساء تتهمم على طول بدون رحمه
وانا ماتدخلت بحياتك ولا شي اللهم انك مكشوف للكل كانك متضطهد غير راضي بالمرة ابد ابد
ونغزاتك كثيره لهم
ماتهمتك ولا راح اتهمك
انت اخ لنا كلنا سوء معارض ولا مؤيد
تقبلها بسعة صدر

[ولد العرب]

اي رومنسيه واي خرابيط

لو شغل او ضرف طاري معليه لاكن اسافر اتمشى وعيالي مادري بهم همي
نفسي وش هلجبد الي همها نفسها
وبعضهم يدعون انهم يتهمون في عيالهم اكثر من نفسهم ههههه

واي حياه بدون ماشوف عيالي قدامي 24 ساعه

وهم زينة الحياه الدنيا

لاكن اسمعت اذ ناديت حيا

ليه وش فيها الرومنسيه والدلع واكرمها اشد الكرم على العيشه الطيبه معها
وش فيها لو عطيتها حقها بالسفر
بالله علمني ليه ماخليهم عند جدتهم واسافرانا وهي بس
ليه تسميها خرابيط
وش بيصير بعيالي دامهم مع امي ولا اختي كلها سفرة

[alsoq]

اجزم ان البعض لا يجلس معا اهله بسبب مشاغل الحياه

من صبح دوام لحد 2 وبعدها رقاد لحد المغرب وبعدها يا طلعه من البيت او يقضي مشاوير البيت والليل راقد

وين الوقت اللي تقعده معا ام الاعيال حتى لو فرضنا مو سفر بالبيت اخذ العيال عند جدتهم كم ساعة واجلس معا ام عيالي اللي صانتني وصانت بيتي وربت عيالي اليس لها حق اجلس انا ويها بروحنا لو ساعات منها اعبر لها بما يجول في خاطري


البعض يكابر

وهذا احد حقوق الزوجة عليك ان تسمعها كلام حلوا وتحسسها انك جنبها

ام هي قطعه ديكور حتى القعده بروحنا لو ساعات مالها نصيب

[ولد العرب]

صدقت بالتعبير يالذيب ..

الله المستعااان

انت والله ماعندك ماعند جدتي تزوج وعقب ذيك الساعه تكلم
اشوفك مخربط بكل المواضيع النساء والنساء واخرتها ماعرست
والله لو تتوفق بوحده سنعه طيبه جميله خيره هاديه ماتقصر بكل اللي تبيه تفهمك من طرف عينك وش تبي
ذيك ساعه ماتقدر تقول لها انتي ولا مافيه
بالعكس بتحافظ عليها بالرومنسيه والدلع دام انها ماشيه على طاعه الله وطاعتك
الا تبيها عبده عندك لا بالله خلها عند ابوها واخونها شيخه معززة الا لا يحدها صوب من يجحدها باابسط حقها وهو الحب والعطف
وش فيها لا قالت ابيك انت بس تستفرد فيك وش فيها
قلنا مهب مع الخدم لحالهم
قلنا مع الاقارب من الدرجه الاولى
الله يصلح حالكم ياخوان

[ولد العرب]

اجزم ان البعض لا يجلس معا اهله بسبب مشاغل الحياه

من صبح دوام لحد 2 وبعدها رقاد لحد المغرب وبعدها يا طلعه من البيت او يقضي مشاوير البيت والليل راقد

وين الوقت اللي تقعده معا ام الاعيال حتى لو فرضنا مو سفر بالبيت اخذ العيال عند جدتهم كم ساعة واجلس معا ام عيالي اللي صانتني وصانت بيتي وربت عيالي اليس لها حق اجلس انا ويها بروحنا لو ساعات منها اعبر لها بما يجول في خاطري


البعض يكابر

وهذا احد حقوق الزوجة عليك ان تسمعها كلام حلوا وتحسسها انك جنبها

ام هي قطعه ديكور حتى القعده بروحنا لو ساعات مالها نصيب

جزاك الله خير والله صدق كلامك
ليه يقولون خرابيط
وش فيها امي لاخذت عيالي وهي اللي ربتني وش فيها

هي بنفسها قالت لي ابيك تسافر معها وابي العيال عندي من نفسها والله قالت اقولها لا اخليها تحز بخاطرها اشككها بنفسها مستحيل

[النهار]

اجزم ان البعض لا يجلس معا اهله بسبب مشاغل الحياه

من صبح دوام لحد 2 وبعدها رقاد لحد المغرب وبعدها يا طلعه من البيت او يقضي مشاوير البيت والليل راقد

وين الوقت اللي تقعده معا ام الاعيال حتى لو فرضنا مو سفر بالبيت اخذ العيال عند جدتهم كم ساعة واجلس معا ام عيالي اللي صانتني وصانت بيتي وربت عيالي اليس لها حق اجلس انا ويها بروحنا لو ساعات منها اعبر لها بما يجول في خاطري


البعض يكابر

وهذا احد حقوق الزوجة عليك ان تسمعها كلام حلوا وتحسسها انك جنبها

ام هي قطعه ديكور حتى القعده بروحنا لو ساعات مالها نصيب

بارك الله فيك ياخوي احنا نتكلم عن الشخص الي يترك عياله ويسافر سفره قد تطول اوتقصر للوناسه خارج الدوله وترك الاولاد في الديره

[qatara]

الزوج زوجته قدامه 24 ساعه .. يعني ماتحلى لهم الرومانسيه إلا بالسفر ؟! ..

وش ذنب عيالهم الي يحترقون من الداخل رغبتا بمرافقة والديهم وهم لاحول لهم ولا قوه ..

ولاكن لاتستغرب من تلك الآراء أخي كتارا في ظل انعدام الرأفة والعاطفه من قلوب الآباء وخصوصا الأمهات وبقولك ليش ؟!

من المتعارف عليه بأن الأم بقلبها الرحمه وتحب أجوف اولادها قدام عينها 24 ساعه وتخاف عليهم من نسمه الهواء ..

الي استغربه اشلون أم تنام مرتاحه وهي ببلد واولادها ببلد بحجه ممارسه الرومانسيه مع زوجها .. شلون ماتخاف عليهم وهي أم ويييين قلب الأم ؟!

يارجل بعضهم حتا في البلد مهب لاقي الزوج منها الا الاذيه الا من رحم ربي اي رومنسيه اي خرابيط

خلها على الله بس مصدق انت الله يغربل من علهم كلمة رومنسيه والعيال مساكين ضايعين ضايعين

والادها والامر اذا الاب موجود يمكن شوي يلم لاكن اذا الاب مش موجود والام همها نفسها

فلذالك نقول اتقو الله وردو الحضانه للاباء لكي كل ياتمر بامره مهب ست الحسن تسافر ماتبي العيال

فكفنا ضياع منذ الغيت القوامه بما امر الله الي مساوواه تشتت وتشرذمت الامور للاسوا والله المستعان

الا من رحم ربي طبعا لكي لا اعمم واظلم

[alsoq]

بارك الله فيك ياخوي احنا نتكلم عن الشخص الي يترك عياله ويسافر سفره قد تطول اوتقصر للوناسه خارج الدوله وترك الاولاد في الديره

ايش العيب اني خليتهم عند جدانهم هل في ذلك ضرر
ام اني لا امن حتى في اهلي

[ولد العرب]

شكلي ماعرف اكتب خلني ارجع للاستراحه مكاني مفضل :weeping:

كلهم منكم يامعيض 2002 وعكرمه جبتوني للحوار العام

اخر كلامي

يالبيه على الرومنسيه تنسى نفسك كانك بين حوريه الجنان وهي يوم الجنان بالفعل اجمل من الحور ياربي وفق اخواتنا
واهدي اخواني
يالله يزوجك يا2002باللي تضبط لك الورد :secret:

[النهار]

ايش العيب اني خليتهم عند جدانهم هل في ذلك ضرر
ام اني لا امن حتى في اهلي

ياخوي مأغلى من الولد الا ولد الولد ماحد قال عن الجده انها ترفض ان تحتض اولاد ولدها في فترة غياب الاب
ولكن معضم الجدات كبار في السن هم بأمس الحاجه ان يرعاهم احد كيف بالله عليك عندك درزن او نصف درزن من العيال تتركهم لهذه الطاعنه في السن
لاتقول ان عندها خدم الخدم لايعتمد عليهم

[عاشق العديد]

اششكرك علئ ردودك اخوي ولد العرب

[غير البشر]

:looking:

[رهج السنابك]

فعلا يالنهار
الجده والجد يجاملون ويقولون نبي عيالكم لانهم مايبون يكسرون او يجرحون عيالهم لكن والله الي يحس عدل بيدري ان الموضوع مجامله والاطفال عند كبار السن مشقه بحسب اعمارهم اذا كبار شوي شطانه واذا صغار حيل يبي لهم متابعه وحبسه عشانهم
مهما جاملوا وتحملوا كلها ساعتين وبعدها يكون الموضوع عبء
شوفوا الاجانب وبالاخير كلن ادرى بظروفه وعلى هواه محد يفرض رايه ع الثاني كل واحد يسوي الي مقتنع فيه احنا اهني نطرح راينا بكل حريه وما نفرض اي راي او قناعه ع الاخر



اسمه
حوار عام

:)

[طير حوران]

جزاك الله خير والله صدق كلامك
ليه يقولون خرابيط
وش فيها امي لاخذت عيالي وهي اللي ربتني وش فيها

هي بنفسها قالت لي ابيك تسافر معها وابي العيال عندي من نفسها والله قالت اقولها لا اخليها تحز بخاطرها اشككها بنفسها مستحيل

اخي العزيز/ولد العرب

لايمكن لأي عاقل ان يتهم اهله بالتقصير ومن الطبيعي بل من المؤكد انهم سيكونون حريصين عليهم ولاشك في ذلك

ولكن المشكله هى في عدم قدرتهم على ذلك فاءن تركت طفلا لايتحرك من مكانه الابأمر فهذا يمكن رعايته المباشره منهم اما ان تتحدث عن ترك اولاد اقل مايطلق عليهم جهال منهم الشرس ومنهم العبثي ومنهم من له تصرفات تستوجب مراقبته بشكل دائم ومنهم المراهق التي تصعب السيطره عليه حتى من والديه وهم اقرب الناس اليه وغير ذلك

فكيف بالله ان تكلفهم بتحمل كل ذلك وخاصة اذا كنت ممن يقول ان من بينهم الطفل السنداره الذي تركته من اجل ان لايزعجك وانت والده فكيف بغيرك

كل التحيه والتقدير

[بوحارب]

لما الواحد يحط عياله عند احد أقاربه ويسافر مع زوجته لاداء العمره
ماعليه لوم ولا عتب ان شاء الله
وخصوصاً لما يكونون اطفال صغار ينخاف عليهم هناك
اما الي يسافر بتمشى مع زوجته بدون عياله
فشيء من الاثنين:
يا انه بخيل جلده ويبي يوفر قبمة التذاكر والسكن
او انه صاحب احاسيس ميته

خليفة

اتفق معاك 100%

نفس الرد وأزيد عليه ان صاحب الأحاسيس الميتة الزوجة اللي رضت بهذا الوضع


أصلا حتى لو الواحد يقط عياله ساعة او ساعتين عشان يتعشى مع زوجتة في مطعم بعد غلط

[رهج السنابك]

احيانا بعض الازواج الله يهديهم يقول هذا اخوي حط عياله عند امي ماقالت شي
وهذي اختي حطت عيالها ماقالوا شي الا استانسوا
انزين مافكرتوا لحظه ان هاي يعتبر عبء
بعض الوالدين مثل النسمه مايقولون شي عشان مايجرحون عيالهم لكن العيال يبي لهم جلد
حتى لو عشى بمطعم على قوله بوحارب
بصراحه هاي طاهره وايد كثرت سواء سفر او زيارات الازواج يرمون عيالهم ويتمشون ويستانسون ولا يفتكرون بالمساكين الي مبتلشين بعيالهم حتى وهم رادين من طلعتهم الرومنسيه مايفتكرون يشترون شي ويدخلون فيه على امهم العيوز

[مشاكل]

اشكر كل الاخوة والاخوات على المشاركة وابداء وجهات النظر
ومثل ماذكرت الاخت الفاضلة الارستقراطية ،،، الموضوع للحوار وليس لفرض رأي على حساب آخر

عموماً انا تابعت اغلب الردود ووجدت انها تحوم حول موضوع مشروعية ترك الابناء عند الاقارب او الخدم ،،،

وهذا الموضوع انبثق من خلال ردودكم ولم اكن ارمي ليه في موضوعي هذا

بختصار مااريد ان اوصله لكم ان الابناء لهم حق الاستمتاع بالسفر كما يستمتع ابويهم ،، وهم بالاخير ابنائكم قطعة منكم سعادتكم من سعادتهم مهما كلف الامر ومهما كانت المشقة ،،،
غداً اخي الاب اختي الام سيعتريكم الكبر والعجز ،، وسيكبر الابناء وكلن سيذهب في حال سبيله وستجدون انفسكم حبيسوا الجدران ،،، فكما كنتم تعاملون ابنائكم ،،، سيعاملكم ابنائكم
والله المستعان

[بوحارب]

احيانا بعض الازواج الله يهديهم يقول هذا اخوي حط عياله عند امي ماقالت شي
وهذي اختي حطت عيالها ماقالوا شي الا استانسوا
انزين مافكرتوا لحظه ان هاي يعتبر عبء
بعض الوالدين مثل النسمه مايقولون شي عشان مايجرحون عيالهم لكن العيال يبي لهم جلد
حتى لو عشى بمطعم على قوله بوحارب
بصراحه هاي طاهره وايد كثرت سواء سفر او زيارات الازواج يرمون عيالهم ويتمشون ويستانسون ولا يفتكرون بالمساكين الي مبتلشين بعيالهم حتى وهم رادين من طلعتهم الرومنسيه مايفتكرون يشترون شي ويدخلون فيه على امهم العيوز
كلامك عين العقل

ما يصير انا اروح اتمشى واستانس وغيري هو اللي شايل هم عيالي !!!!!

عيل ليش جايبين عيال من البداية ؟؟

عشان تقطونهم عند الجده والعمه والخاله !!!!

غلط في غلط

[Rider]

اذا انعدام احساس ماذا تتوقعون

[qatara]

ياخوي الكلام الله يرضى عليك واضح انك شديد باالنساء واي موضوع تدخله عن النساء تتهمم على طول بدون رحمه
وانا ماتدخلت بحياتك ولا شي اللهم انك مكشوف للكل كانك متضطهد غير راضي بالمرة ابد ابد
ونغزاتك كثيره لهم
ماتهمتك ولا راح اتهمك
انت اخ لنا كلنا سوء معارض ولا مؤيد
تقبلها بسعة صدر


اولا يا اخي لاحض عنوان الطرح:-

(رائيكم في من ماهو يحذف ابنائه ويسافر مع زوجته )

وردينا على نفس السوال فوشو ال غايض بعضهم ماعرفنا وشو هل لاننا انتقدنا من يحذف ابنائه ؟ !

ثانيا نغزاتي ؟

يبه انا ما انغز اقول للتصرف الخطاء خطاء
ولا بيني اي شخص في المنتدا اي معرفه
سوا انهم اخوان واخوات من حترمنا بادلناه الاحترام
لاننا ننتقد تصرفات
ولا لنا شغل باشخاص الناس

وثانيا اذا نتكلم عن وضع خاطي فالله ورسوله
قبلنا ما يرضون بالخطا ما خصينا فلانه ولا فلان

وانتقدنا التبرج ولا انتقدنا الاهمال نعم
ننتقده وسوف ننتقده لم نخص اي شخص


ابشرك ما انغز كلامي واضح وضوح الشمس واسنده
بقال الله وقال الرسول لاني لا انتقد الا من هذه الناحيه

ونحن ضد التصرف الخاطي سوا من الرجل او المراه

ولو كنت انت نفسك منصف كان شفت كم وحده ولا اعمم نعم لا اعمم
كم واحده منهم تعمم على كل الرجال لم نرا لك راي فيهم ؟!

لاكن لله الحمد والله يشهد اني لا اعمم
اعرف ان هناك صالحات قانتات حافضات الغيب


وغيرنا الي على باطل هو من ينغز فمن هو على
حق الله فالحق تسنده ايات الله واحاديث نبيه صلى الله عليه وسلم
والخطا واضح والصحيح واضح

ولا ننط لاحد ونتليقف له ابدا من حاورنا حاورناه
اذا عنده حجه من الله ورسوله فالحق معه
اما غير الك فكله هراء ما انزل الله به من سلطان

وشكلك ماتشوف الي يخلون الطرح وينطون
يغلطون علينا مباشره فينا وفي اهلينا !!!!!
لما تعجزهم الحجه هذا هو الغلط للي منصف
ويعرف الحق ولو على نفسه .

وللعلم يا اخوي ولا عمري من دخلت المنتدا
وجهت كلام لاي شخص بعينه الا بالطرح نفسه
الا اذا هو ابتدا ووجه الكلام
فارد عليه بمستوا الرد وبمستوا كلامه
سوا رجل او امراه

ولما نقصد المهمل او المتبرجه
لا يعني ذالك اننا نقصد الجميع
وهذا مالزم توضيحه
وهدانا الله وياك للصواب

[طير حوران]

تسلم لي على هذا الرد ياطير حوران

طول عمرك كبير

بس ضيعت الامانه ياشيخ وشننتظر عقبها

:telephone:

اشكرك على حسن اطرائك اخي العزيز / بوعلي

ونسأل الله التوفيق

[قطريه ماركه]

السفرات البعيدة و الطويلة مع العيال حلووة

و السفرات القصيرة ثلاث اربع ايام الى جزر و ما شابه ما تنفع للعيال تنفع للاستجمام و الراحه و الهدوء

[qatara]

اللهم اصلي واسلم على رسولنا الكريم

المال والبنون زينة الحياة الدنيا

انا ارى ان ترك الاولاد خطأ كبير (فهم اكبر امانات الله في عنق المسلم التي يجب عليه ان يؤديها دون ادنى تقصير) وحتى لوكان عند اقرب الناس فكيف بتركهم في بيت لايوجد فيه سوى الخدم لأسباب عده منها:

** ان المسؤوليه أمام الله تقع عليك لوحدك لاعلى غيرك

** ان الناس مثلهم مثلك يعجزون عن ملاحقة تصرفات وسلوكيات ابناؤهم فكيف بأبناء غيرهم

** ان الابناء دائما يهابون بعض التصرفات لوجود الوالدين في حياتهم وقد يرتكبونها عند شعورهم بالتحرر منهم

** الاحداث والحوادث المتوقعه التي تنتج عن تصرفاتهم المتحرره من ضغوط وجودكم


اجد العذر لغياب الوالدين في حالتين ضروريه فقط

** السفر للعلاج

** السفر الى مكه المكرمه

ماعدا ذلك ارى انها تبريرات لاتقنع حتى قائلها

سفره او دوره في عمل الرجل

هذا ما قلنا ونقوله



كلامك في محله

[بوحارب]

السفرات البعيدة و الطويلة مع العيال حلووة

و السفرات القصيرة ثلاث اربع ايام الى جزر و ما شابه ما تنفع للعيال تنفع للاستجمام و الراحه و الهدوء

حلفي بس

يعني العيال حرام عليهم الاستجمام !!

كلامك غلط يا أختاه رجعي أقرئ ردود الشباب وبتغيرين وجهة نظرك

سدئيني ;)

[R 7 A L]

ماعندهم سالفة الي يخلون عيالهم
قمة الانانية

[qtri06]

مافي مانع ان الرجل يسافر مع زوجته من فترة لفترة بروحهم وبدون العيال

بشرط

ان العيال مايقعدون مع الخدم ولكن توكل مهام الاهتمام بالاطفال الى الجده او احد افراد الاسرة المقربين ومن يكونون مصدر ثقه .

فالنهاية كلها سفرة اسبوع ورادين

واشوف بعض الردود تكسر الخاطر وخصوصا ان بعضهم اشوي ويضرب الشخص اللي يخلفه بالرأي

اذا كان سفر الزوج مع زوجته بدون عيالهم حرام شرعاً او عيب عرفاً هنا ممكن ان تكون لنا وقفه

لكن مجرد التنظير والتفلسف لمجرد رأي فقط فهذا خطأ .

[مشتاقة لقطر]

مافي مانع ان الرجل يسافر مع زوجته من فترة لفترة بروحهم وبدون العيال

بشرط

ان العيال مايقعدون مع الخدم ولكن توكل مهام الاهتمام بالاطفال الى الجده او احد افراد الاسرة المقربين ومن يكونون مصدر ثقه .

فالنهاية كلها سفرة اسبوع ورادين

واشوف بعض الردود تكسر الخاطر وخصوصا ان بعضهم اشوي ويضرب الشخص اللي يخلفه بالرأي

اذا كان سفر الزوج مع زوجته بدون عيالهم حرام شرعاً او عيب عرفاً هنا ممكن ان تكون لنا وقفه

لكن مجرد التنظير والتفلسف لمجرد رأي فقط فهذا خطأ .

اوافقك الراي

[ANONYMOUS]

يعتمد على اشياء كثيره

اقل شي اللي عياله مزعجين.. هذا خل يبلعها وينثبر بالبيت لا يقعد يأذي خلق الله اللي مالهم ذنب بعياله

[يمامـة]

ماعندهم سالفة الي يخلون عيالهم
قمة الانانية

نعم قمة الانانية،، خاصة لو كان للاستجمام او السياحة ..

[حسن]

ماعندهم سالفة الي يخلون عيالهم
قمة الانانية

اوافقك الراي وزيد عليه حكم البشر

والقادم ادهى وامر

[طبيب قطري]

اوافقك الراي وزيد عليه حكم البشر

والقادم ادهى وامر

اوافقك الراي +1

[roma27]

الله لا حدنا على ترك أولادنا الله يحفظهم في ظلنا دوم يارب

[um.7moody]

استغرب من الناس اللي تقول اروح أغير جو وانبسط بدون ازعاج اليهال ،، انزين والأهل وش ذنبهم يتحملون
ازعاج ومسؤوليه هاليهال ،، ترى تحمل مسؤليه أعيال غيرك كبيرة وهم والواحد يرتبط بهم ،، انا روح استانس وغير ينربط


المفروض كل واحد يتحمل مسؤوليه اعيال وإلا لاتجيبون أعيال وتقولون سنداره

[رهج السنابك]

عفيه عليج ام حمودي
عسى الله يهدي الامهات والازواج الي ورا الامهات الي فاهمين الرومانسيه غلط

[العلياا]

عادي : )

[مراد2015]

هذا اللي يخلي عياله ويسافر مع زوجته


ما عنده سالفه والعيال اذا ما يكونون امهم معاهم



والله ما حد يهتم فيهم

الناس زهقانه من نفسها

[MaRuKoO]

هلا اخوي مشاكل انا ماقد سويتها ولكن بسويها بحول الله وقوته
بحط اعيالي عند امي ولا اختي ولا خالتهم وبالعكس بيستانسون العيال مع الاهل واترك مصرفهم عن الاهل
محتاج تغير بالسفره والراحه وحنا ماقصرنا معهم بالسفرات وغيرها ومحتاج اغير جو مع الاهل
اما ياولد اعقل انت اكل ياهوووو البس واخلص يام العيال مشينا الصبح نبي نشوف الطبيعه ترد بنام سهروني عيالك
لا بالله يامشااكل فكنا وخلهم عند اهلي



لو كانت السفره اروبا او دوله اجنبيه من الافضل عدم اخذ الاولاد
واذا واحد بيحط اولاده تاكد انه عند الجد او الجده فقط
وايش فيها لو الرجل سافر معا زوجته ناس ناضجين وعاقلين ويبي يقضي قعدات منفرده معا زوجته يحسسها بالحب والامان وياخذون راحتهم من بعد عمل مظني طول السنه



عمر الاطفال هو الي يحكم

[طبيب قطري]

استغرب من الناس اللي تقول اروح أغير جو وانبسط بدون ازعاج اليهال ،، انزين والأهل وش ذنبهم يتحملون
ازعاج ومسؤوليه هاليهال ،، ترى تحمل مسؤليه أعيال غيرك كبيرة وهم والواحد يرتبط بهم ،، انا روح استانس وغير ينربط



المفروض كل واحد يتحمل مسؤوليه اعيال وإلا لاتجيبون أعيال وتقولون سنداره

ايه والله يتحملوا مسووليتهم بكل شي مب يتركون لهم مصروف ويخلونهم ويسافروا حق الرومانسيه!! قال رومانسيه قال!!

[مختلفة عقليا]

السلام عليكم .,

قسم بالله قريت افلام هنديه في الموضوع ., حسسوني بيرحون يجاهدون في سوريا ., اللي يقولون وين بتحط اعيالك ., !!

خير ترا الريال بيسافر بالكثير اسبوعين ., والعيال عند اهلهم .,

وهالسفره له ولمرته ., واليايه ان شاء الله لهم كلهم ., اشدعوه كل سنه ايددون زواجهم !! هي بتصير كل فتره مو كل سنه .,

الا بسافر واحط اعيالي عند اهلي او اهله ., شالمشكله بعد .,

اعرف وحده ريلها يرفض لانه يحب اعياله ., بس هو يسافر بروحه عادي ., اسالها وين يروح الحب لا سافر مع ربعه قالت يتم الحب في البيت وهو يسافر ., (( الله يعينها عليه )) .,

ويسلموو .,

[عثرة جواد]

بل عكس انا مع لانه يجدد الحياة الزوجية ويبث فيها روح الفرح والسرور

يقعدمع عيالة ويقولهم انا بسافرويا امكم وانتم بعد مارجع بيكون لكم جدول او العكس الاول لعيال وبعدين هم

لا ننساء انه الشغل والتدريس ضغط يحتاج بعده فترت راحة

[قطريه ماركه]

السلام عليكم .,

قسم بالله قريت افلام هنديه في الموضوع ., حسسوني بيرحون يجاهدون في سوريا ., اللي يقولون وين بتحط اعيالك ., !!

خير ترا الريال بيسافر بالكثير اسبوعين ., والعيال عند اهلهم .,

وهالسفره له ولمرته ., واليايه ان شاء الله لهم كلهم ., اشدعوه كل سنه ايددون زواجهم !! هي بتصير كل فتره مو كل سنه .,

الا بسافر واحط اعيالي عند اهلي او اهله ., شالمشكله بعد .,

اعرف وحده ريلها يرفض لانه يحب اعياله ., بس هو يسافر بروحه عادي ., اسالها وين يروح الحب لا سافر مع ربعه قالت يتم الحب في البيت وهو يسافر ., (( الله يعينها عليه )) .,

ويسلموو .,

معاااااج قلباً و قالباً
لا و في ردود اذا عكس اللي يبونه يحاااربونج :omg:
انا و من بعدي الطوفااان :telephone:

يا رايي اللي يمشي و الا فلاااا :secret: