وايش الي حادكم تلبسون شيء ما تعرفونه(ظاهرة اللبس الأجنبي)

[لمت اب]

مع الأسف الشديد ارى احيانا كثيره ناس لا بسين ملابس عليها كلمات بذئيه
او ملبسينها عيالهم او بناتهم الصغار وهم للأسف لا يعرفون معنى تلك الكلمات
مره بعيني شاهدت عائلة يتشرون في مكتبة القيم وملبسين ولدهم يمكن عمره 8 سنوات
فنيله مكتوب عليها انا احب الجنس
طبعا مكتوبه بطريقه غير مباشره ولا يعرفها الا المتمكن من اللغة الإنجليزية
سلمت على الرجال وشرحت له وزعل واحمر وجهه واستحى
قال يااخي من الي سمح بهالااشياء تدخل عندنا الله لا يبارك فيهم
تجار ما تهمهم الا البيزة ولو على حساب ديننا واخلاقنا
واحنا ايش عرفنا بهاالشخابيط .... عجبنا اللون وشريتها
ومن المسؤول عن متابعة ومراقبة هذه الملابس
وحالات كثيره لا يمكن سردها هنا
مع الأسف حتى هنا في المنتدى رأيت ناس توقيعاتهم ايضا غير مناسبه للعرض
سواء كانت احرف او ارقام او كلمات
مره من المرات قبل عشر سنين تقريبا رأيت شاب حاط على سيارته عبارة
(don't look at me maybe your sister inside)
طبعا كلمت الرجال وطلع مقيمي عربي مو قطري الحمدلله
بعدها قام المرور يدقق على الستيكرات

باقي الأن حد يدقق على الملابس
تحية وتقدير لكم

[سميسمة كافيه]

لاحول ولا قوة الا بالله والقادم اعظم

[Dana’1]

أنا معك المفروض الكل يعرف إيش العبارات الي يلبسها
بس بعد إلي مايعرف إنجليزي وبنفس الوقت يبغى يشتري من السوق لعياله الصغار هو يشتري مثل هالعبارات والتيشيرتات بناء على ثقتة بقوانين وتفتيش من الجهات المختصة ومنع كل ما يسئ للإسلام وللطفولة حتى لو كان التشيرت لطفل غير مسلم

[بوحارب]

جزاك الله خير والله انك كفو

[ya3coub]

أشكرك أخوي لمت اب


لما قريت العنوان علبالي تقصد باللبس اي شي غير الثوب


كلامك صحيح, المشكلة بالي يلبسون بعض العبارات و ياليت حتى مشفره لا عيني عينك و كاشخ فيها ولا يدري وش المكتوب

و ايضا اللوم يقع على الإدارة الي المفروض انها تتابع هالي مكتوب بالملابس و شي اكيد الي يمر من القماش و الملبوسات بالهبل

ممكن اذا تجاوزت التدقيق اول مرة و دخلو البلاد .اذا انباع شي مخل بالآداب او حد شافها تنباع يبلغ علطول

و ياما تكلمت من قبل مع بعض المسؤولين بأماكن البيع يقولون احنا تونا ننتبه للي مكتوب و يقولون بيشوفون لها حل.

اذا المواطن او المقيم تكلم و بين استيائه بيكون في تجاوب

[nokia30]

جزاك الله خير

[khaldoon]

جزاك الله كل خير يا اخوي..... الحين ايش معنى ماركة gap

طالما احنا سامحين فيها اغسل يدك من انه يصير اي تغيير

[شيخ الديرة]

جزاك الله كل خير يا اخوي..... الحين ايش معنى ماركة gap

طالما احنا سامحين فيها اغسل يدك من انه يصير اي تغيير

رديت في موضوع سابق




رجاءا عدم خلط الأمور وتضييع الهدف من خلال ذلك الخلط. يمكنك تكوين عدد لا محدود من الكلمات من تلك الأحرف الثلاث.


God and Prophet
Good and Powerful


قد تكون سمعتها بكل براءة من أخرين بأهداف تنافسية تجارية لا تعرفها أنت وليس لك أي مصلحة بها.

هنا الرابط (http://en.wikipedia.org/wiki/Gap_Inc.#Logo)لتأريخ الشركة التي ذكرتها, ومن ضمنها تأريخ الأسم واللوغو.

[khaldoon]

^^^^^^^

اخوي سألت اللي يبيع في محل gap بكل براءه عن معنى الكلمة و ضحك بخبث و قال اجوبه يمين و يسار.... يعني لا تنافس تجاري و لا شي... على العموم يكفي انه في شبهة تستدعي عدم لبسها حتى يأتي اعلان واضح و صريح بالجرايد من هذه الشركه يوضح معنى الاسم و انه بعيد عن اي شبهات و اي ادعاءات قد تكون كاذبه خاصة انه الكلام اللي الكل يعرفه عنها معروف و واصل للجميع ساعتها بلبسها و انا فخور بها

تحياتي

[يمامـة]

^^^^^^^

اخوي سألت اللي يبيع في محل gap بكل براءه عن معنى الكلمة و ضحك بخبث و قال اجوبه يمين و يسار.... يعني لا تنافس تجاري و لا شي... على العموم يكفي انه في شبهة تستدعي عدم لبسها حتى يأتي اعلان واضح و صريح بالجرايد من هذه الشركه يوضح معنى الاسم و انه بعيد عن اي شبهات و اي ادعاءات قد تكون كاذبه خاصة انه الكلام اللي الكل يعرفه عنها معروف و واصل للجميع ساعتها بلبسها و انا فخور بها

تحياتي

ماركة كاب سمعت انها ماركة معناه مب زين..

لكن اخونا شيخ الديرة حط في موضوع ضوى عن البلاي بوي
تفسير للمعنى من الموقع نفسه، صحيح ما قريت اللي حطه..

بس لازم نرجع ونقرا ونتأكد من اللي اكتبه اخونا شيخ الديرة..

[شيخ الديرة]

قليل من له الإستعداد لتغيير ما ظن إنها الحقيقة

[طبيب قطري]

مب الملابس فقط في ناس يحطون صور او لوجوهات اوكلام انجليزي على الواتس اب ومايعرفون معناه وكثير يكون المعنى خادش للحياء..

ثقافه النقل بلا وعى من قوقل والانترنت انتشرت للاسف

[مشـــــاعر]

مب الملابس فقط في ناس يحطون صور او لوجوهات اوكلام انجليزي على الواتس اب ومايعرفون معناه وكثير يكون المعنى خادش للحياء..

ثقافه النقل بلا وعى من قوقل والانترنت انتشرت للاسف

يآآآآآآآآآكثرهم في كل وسائل التواصل :rolleyes2::rolleyes2:

[Rosy]

لو تكلفون ع نفسكم ودورون معنها الكلمه gap وما يبي لها حد يدورها هي الفتحه او المساحه بين شيئين.
اما تأليف اللي صاير ان معناتها شي مب زين ماله اي صحه .
مب ي شي يجيكم تصدقونه, بحثو وقرو وتثقفو.

يعني اللي بالمحلات مشالله عليهم مايعرفون كوعهم من بوعهم . كله تفلسف وخرط علينا ماخذين فكره ان مانفهم ولا بنسأل.