مركز مايا للعنايه بالبشره في التاون سنتر

[ريتويت]

اول شي صاحبه الصالون تسال الزبونه حبيبتي وين تشتغلين والظاهر علي حسب مكان شغل الزبونه تزيد السعر .. للامانه وربي يشهد سالتني وحده اسمها مدام مايا لبنانيه .. حضرتك وين تشتغلين قلت لها فالكيوبي قالت شو هاي قلتها قطاع بترول .. قالت اوك تقشير الوجهه سعر وتقشير الرقبه سعر مع اني مكلمتهم قبل لاروح هالمركز وقالت الوجه والرقبه نفس السعر.. المهم قالت الوجهه ب 1200 والرقبه ب1700 قلتلها ليش!! قالت هيدا اسعارنا حبيبتي يالله ابتدي؟؟؟ قلتلها لا مابي شكرااااا قالت ليش قلتها ماتعامل مع استغلالين وانا مب غبيه .. مادري وين حمايه المستهلك عن هالمراكز الي تسال وين مكان الشغل وعقب تحاسب علي كيفها ؟؟؟؟

[العلياا]

وليش تردين عليها !!
ممكن تقولين لها اشتغل في جهة حكومية وبدون اي تفاصيل ثانية

عموما في صالون لبناني تسكر اكثر من مرة عشان موضوع الاسعار
يقولون لج سعر عند الباب ولما تخلصين وتسالين عن السعر يطلع لج الدبل
واذا قلتي لها ليش قالت سويت لج الشغله الفلانية ويطلع سعرها بروحها


مافي اجمل من الخدمة المنزلية :)

[كازانوفا]

لا تجاوبي على اسالتهم الحقيره
شغل استغلال من الاخر

[ام عبدالله@]

مفروض في قايمه بالاسعار اول ماتدخلين الصالون تشوفينها وتتاكدين لانه غصبن عنهم يحطون اللسته من البلديه تامرهم

[ريتويت]

يختي والله العظيم نصابات درجه اولي والمشكله الزحمه .. المكان عباره عن طابقين وهي تحاسب فالطابق الي فوق وغصب تشترين منها الكريمات عشان يابلفيت شغلها يضبط

[ريتويت]

مفروض في قايمه بالاسعار اول ماتدخلين الصالون تشوفينها وتتاكدين لانه غصبن عنهم يحطون اللسته من البلديه تامرهم

اتمني من حمايه المستهلك او البلديه يشوفون الموضوع ويتصرفون