الحذر واجب من شركة بدر للمقاولات

[نجدي قطري]

السلام عليكم.
شركة بدر للمقاولات مصنّفة درجة أولى في المقاولات.
المهم خذت معهم عقد عظم وكهربا وسباكة. وعينكم ما تشوف إلاّ النور.
العقد فيه إن الأعمال تتمّ خلال 8 شهور، وهذاني الحين بعد أكثر من سنة ونص قاعد أنطرهم يحطّون المنهولات وأنتم بكرامة.
تعبت معاهم تعب مب طبيعي، من مماطلة وتملّص من واجباتهم.

وهذا تحذير لإخواني اللي يبون يبنون عسى الله يقيل به عثرتي.

[مخطط قطري]

والله يانجدي قطر مع الأسف كثير من الشركات صار هشكل تأخير في تسليم المشاريع ،، أنا عندي فلل بنيتها عند واحد مجربه من قبل واعرف شغله طاف موعد التسليم كل مأكلمه يرد على عنده مشاكل وقلت له عليك شرط جزائي وغرامه تأخير ،،، قال عادي اخصمها وقت الدفعة الاخيره!!

[.. الكاش ..]

التاخير وارد لكن اهم شي ماينصب عليك ويكون شغله زين حتى لو تاخر

[بوخالد911]

يسلمووو

[نجدي قطري]

والله يانجدي قطر مع الأسف كثير من الشركات صار هشكل تأخير في تسليم المشاريع ،، أنا عندي فلل بنيتها عند واحد مجربه من قبل واعرف شغله طاف موعد التسليم كل مأكلمه يرد على عنده مشاكل وقلت له عليك شرط جزائي وغرامه تأخير ،،، قال عادي اخصمها وقت الدفعة الاخيره!!

هذا زين قايل لك اخصم.
آنا مرسل لي خطاب يقول غرامة التأخير نرفض احتسابها، مع إنّه متأخّر علي في التسليم أكثر من 300 يوم.
المهم قدّمت فيه صحيفة دعوى، ويوم يوصل له الخبر تدقدق تلفونات معاي ومع الاستشاري وعاوزين مقابلة مع الأستاز المالك. قبلها ما كان يرد علينا، ونحب خشمه تكفى تعال مد واير منّي ولا كمّل البلستر مناك.
إن شاء الله باخذ حقّي بقوّة القانون، وأتمنّى ما يسكت أي قطري عن حقّه، لأنّا بصراحة صرنا ملطشة ومب عاملين لنا أيّ اهتمام هاللي ما يخافون الله.

[نجدي قطري]

التاخير وارد لكن اهم شي ماينصب عليك ويكون شغله زين حتى لو تاخر

لا، أبشرك شغله مب زين.
بعد ما بنى الفيلا كاملة وجا دور السباكة اكتشف الأخ المهندس إنّه ما في دكتات يمد منها بيبات الحمامات.
وش رايك كان حلّه، اكسر في الحجر اللي كلّفني شي وشويّات.
آنا مكلمه قبل لا أحط الحجر، "أحط الحجر ولا لا. في مشاكل؟" "أبدًا يا بيه، حط الحجر، كلّه تمام التمام"
هذا غيض من فيض.

[نجدي قطري]

يسلمووو

ويسلموا على الرفع.

[qatarlands]

من امن العقوبة اساء الادب

[غريب الدّار]

المصيبة العظمى ان الشركة على قولة الأخ مصنفة درجة أولى

من المسؤول عن التصنيف؟ وشنهي معاييره؟

[بومحمد المطاوعه]

قدم شكوى ع التأخير

[R 7 A L]

هذا شغل اغلب شركات المقاولات
ومايهمهم الغرامات لانها اقل من استلام مشاريع اخرى
اتمنى رفع سعر الغرامة الى 500%

[غير البشر]

والله يانجدي قطر مع الأسف كثير من الشركات صار هشكل تأخير في تسليم المشاريع ،، أنا عندي فلل بنيتها عند واحد مجربه من قبل واعرف شغله طاف موعد التسليم كل مأكلمه يرد على عنده مشاكل وقلت له عليك شرط جزائي وغرامه تأخير ،،، قال عادي اخصمها وقت الدفعة الاخيره!!



والسبب محاكمنا للأسف
القضايا متكدسه عندهم
واسرع قضيه تاخذ لها سنتين وفوق ليش ؟؟

من جذي لو تقول للمقاول بتشكي يقول لك روح اشتك ولا يهمه
لان في خالا هالسنتين او الثلاث بطلع اضعاف هالمبلغ
هذا في حاله ان حظك حلو والحكم جا في صالحك :rolleyes2:

[قطري 777]

لو الواحد يفتح شركه موقته ويتعاقد مع مهندس خبره ويستقدم كم عامل ويبني حق روحه احسن واريح واوفررر وفيه ناس كثيرررره سوو كذا وبنوا وشطبوا بارخص الاسعاررررر المقاولين ياخذون اضعاف مايقدمون .

[نجدي قطري]

المصيبة العظمى ان الشركة على قولة الأخ مصنفة درجة أولى

من المسؤول عن التصنيف؟ وشنهي معاييره؟

رأس مال كبير واستلام مشاريع كبيرة، وبس.
خذها منّي خبرة في الشركات المصنّفة درجة أولى، والناتج خياس في خياس وانت بكرامة
شركة موديولز للتصميم مصنّفة درجة أولى وسوّا لي الخرايط، وكلّها عيوب، وحسبنا الله ونعم الوكيل.
أمّا الأخ هذا فشريك لشركة مقاولات كبرى يملكها "قطري".

[نجدي قطري]

قدم شكوى ع التأخير

قدّمناها، وأبشرك المقاول قام يتراقل، واتّصالات عمّال على بطّال ومسجات.

[نجدي قطري]

هذا شغل اغلب شركات المقاولات
ومايهمهم الغرامات لانها اقل من استلام مشاريع اخرى
اتمنى رفع سعر الغرامة الى 500%

كلامك صحّ الصحّ، ولاّ يضيفون عليها الجلد تعزيرًا، وبتشوفهم يمشون تمام التمام.

[نجدي قطري]

والسبب محاكمنا للأسف
القضايا متكدسه عندهم
واسرع قضيه تاخذ لها سنتين وفوق ليش ؟؟

من جذي لو تقول للمقاول بتشكي يقول لك روح اشتك ولا يهمه
لان في خالا هالسنتين او الثلاث بطلع اضعاف هالمبلغ
هذا في حاله ان حظك حلو والحكم جا في صالحك :rolleyes2:

الأمل بالله كبير، وأنا حاط لي محامي شكله شاطر وإن شاء الله باخذ حقّي وتعويض معنوي بعد.

[نجدي قطري]

لو الواحد يفتح شركه موقته ويتعاقد مع مهندس خبره ويستقدم كم عامل ويبني حق روحه احسن واريح واوفررر وفيه ناس كثيرررره سوو كذا وبنوا وشطبوا بارخص الاسعاررررر المقاولين ياخذون اضعاف مايقدمون .

الناس الحين يقولون إن كلامك مزاح.
مع الأسف كلامك صحيح، وما يقدره إلاّ اللي بنى.

[Chambray]

دايماً الشركات المصنفه ( اولى ) ياخذون الشغل منك ومايقولون لا ..

ثم يعطون مقاول درجة خامسه يشتغل في مشروعك وياخذون منه نسبه

لان مشروعك عبارة عن فيلاً وليس عماره او مجمع فلل او مجمع تجاري :)

الله يعينك عليهم

[نجدي قطري]

دايماً الشركات المصنفه ( اولى ) ياخذون الشغل منك ومايقولون لا ..

ثم يعطون مقاول درجة خامسه يشتغل في مشروعك وياخذون منه نسبه

لان مشروعك عبارة عن فيلاً وليس عماره او مجمع فلل او مجمع تجاري :)

الله يعينك عليهم

والله إنّك صادق!
البيفيتري اللي جاني قال لي إنّه كانوا ماخذينه سب كونتراكتر قبل وبسبّة السعر قاموا بدّلوه بواحد أرخص.
وأبشرك وصلني إنّ هالموضوع قروه وبهالسبب خايفين على سمعتهم ويحاولون يرقعون المسألة علشان ما تكبر.
لكن لي ولكل أهل قطر ما راح أسكت. أساسًا ما خلاّهم يتجرّئون علي إلاّ إنّي ساكت من البداية.
هو مستلم منّي مليون ريال قطري، وفي خلال أوّل خمس أو ست شهور. والدفعة الأخيرة يستاهلها مع تسليم البناء، وهذي الحين صار لها فوق الثلاثمية يوم.
هذا يدلّك على أمانتهم.

[Chambray]

والله إنّك صادق!
البيفيتري اللي جاني قال لي إنّه كانوا ماخذينه سب كونتراكتر قبل وبسبّة السعر قاموا بدّلوه بواحد أرخص.
وأبشرك وصلني إنّ هالموضوع قروه وبهالسبب خايفين على سمعتهم ويحاولون يرقعون المسألة علشان ما تكبر.
لكن لي ولكل أهل قطر ما راح أسكت. أساسًا ما خلاّهم يتجرّئون علي إلاّ إنّي ساكت من البداية.
هو مستلم منّي مليون ريال قطري، وفي خلال أوّل خمس أو ست شهور. والدفعة الأخيرة يستاهلها مع تسليم البناء، وهذي الحين صار لها فوق الثلاثمية يوم.
هذا يدلّك على أمانتهم.
طبعاً لازم يخافون ..
شركة مصنفه تصنيف رقم 1 ، المفروض يمسكون مشاريع كبيره ويخلصونها بالوقت . ومشاريع دولة بعد ..

مب فيلا ويتأخرون وشغل اي كلام ..

اذا فيلا وهاللخبطه صارت معاهم . كيف مع مشاريع الدولة والمشاريع الكبيره !!!!!!!!!!!!