مواقف المطار الجديد

[h9466]

بداية كل عام وانتم بخير جميع،،،،
بعد اذن الادارة عندي استفسار عاجل وبحطه على العام ،،،،
وهو:كيف نظام مواقف المطار الجديد ؟ هل اقدر اخليها في المواقف ويجي حد بعدين ياخذها؟ لان الحقيقة طيارتي الفجر ومش حابب ازعج حد واطلب منه يوصلني في هذا الوقت المبكر واخاف اتفق مع ليموزين ومايجيني،،،ارجو شاكرا من اللي عنده فكرة انه يفيدنا جزاكم الله خير،،،،،

[بو سالم]

وين بتحط المفتاح هذا اهم شي لان اللي بيجي بياخذ الموتر وبيحاسب قيمة الساعات اللي قعدت

[السيلاوي]

أخي الكريم تقدر تخلي سيارتك في المواقف الطويلة الأمد تحت المظلات وببلاش ومتوفر الأمن والحماية ووسائل النقل

[h9466]

الله يجزيكم خير اخواني بوسالم والسيلاوي،،،بالنسبة للمفتاح بتفق معاه على مكان معين،،،انا بخصوص التكلفة مثل ماقال اخوي السيلاوي هناك مواقف مجانية،،، واتمنى يكون كلام اخوي السيلاوي دقيق،،،،

[دايموند]

هل هناك مواقف ببلاش للمسافرين سفره شهر او اقل ؟!

[BoFahed]

هل هناك مواقف ببلاش للمسافرين سفره شهر او اقل ؟!

اخوي فيه مواقف شكثر مظلله مالت الموظفين بعيده شوي ما تقدر تمشي لها ورا المواقف العاديه بس دخلتها تخربط شوي وفيه باصات توديك وتجيبك كل 15 دقيقة

تعال بدري شوي والامن بيدلونك عليها

[جينير]

السلام عليكم ورحمة الله وبركاته

فيه مواقف مجانيه
بس.....!

بكلمكم عن تجربتي الشخصية

كنت مسافر في بداية رمضان وكانت رحلتي 12 في الليل
وعندي علم بالمواقف المجانيه عن طريق الجرايد اليومية


الرحلة كلها يومين وقلت باخلي سيارتي في المطار

المهم رحت جيت المطار تقريبا الساعه 11.30

وصلت المطار واطالع اللوحات اللي تدل على المواقف المجانيه وماحصلت شي
وكل ماسألت احد عن المواقف مالقيت احد يرد علي بالعربي

المهم فريت المطار كامل والوقت مضايقني
ماحصلت الا مواقف كبيرة بس المدخل مكتوب عليه مواقف الموظفين
دخلت ولقيات مواقف كثيرة مظلله فاضيه
المهم وقفت في احد المواقف ونزلت

عاد الحين ماادري وين طريق اللي يودي لصالة المطار

ومالقيت اي مواصلات
مافيه الا عمال صيانة ومايدرون عن اي شي

شافوني لابس ملابس الاحرام ويقولون عمرة عمرة

المهم مشيت على ارجولي ومعاي شنطتي تقريبا لمدة 20 دقيقة والجو حار
ووصلت للصالة من عند طريق محطة الباصات وطلعت فوق للقطرية

وكانت راح تطوفني الطيارة بس احسن الحظ مامعي عفش ومسوي شيك ان اونلاين


فلذلك قبل لاتقرر توقف سيارتك تعال بوقت كافي
ووشوف اقرب موقف من صوب صالة المطار لانه يمكن تروح مشي
لاني صراحة مالقيت اي مواصلات

حتى لما رجعت من السفر ومالقيت اي باص يوديني للمواقف كلهم رفضوا يقولون ممنوع


واسف على الاطاله


عيدكم مبارك
ودمتم بود