هل تؤيد ان الزوج يقدم هدية لزوجتة اول ايام العيد

[kitmat]

العنوان واضح وكم واحد قدم هدية لزوجته اولشخص عزيز عليه ويحبه

[بوNasser]

أأويد موضوع الهدية في العيد، بس ما طبقته ولا افكر اطبقه.

لأني ما ابي اقيد نفسي بمناسبة وتصير كأنها واجب علي.

يعني لو نسيت الهدية او ضروفي ما اسمحت يمكن الطرف الثاني يعتبر اني تغيرت او قصرت.

احب اهدي احبابي بمناسبة او بدون، متى ما طرى علي وقدرت أهديت.

تحياتي للجميع

[النهار]

الهدية سنة نبوية، ومَظْهر حب، ومبعث أُنْس، تـُقرِّب البعيد، وتصل المقطوع، وتشق طريق الدعوة إلى النفوس، وتفتح مغاليق القلوب، وتبذر المحبة بين الناس،
بس انك تحدد يوم لها خطاء
الهديه المفاجئه اثرها اكبر على النفس اما ان المهدى عارف الوقت واليوم تكون عنده عاديه

[توشيبا]

تعرف حمد الفين واثنين ؟!

[النهار]

تعرف حمد الفين واثنين ؟!

اعرف معيض 2002 ههههههههههههههه

[Rider]

عادي الهدية شي حلو بس حنا من يعطينا هدية ههههههه

[رهج السنابك]

مكان الموضوع المفروض بالحوار العام


وانا اتفق مع ناصر
اذا وضعتها عرف وتقليد كل عيد راح يشق على نفسه الواحد في حال مر عيد وماجاب هديه
واوردي هو معطي اكثر من هديه اثناء شراء احتياجات العيد من لبس وعطور وذهب وغيره

[عاشق العديد]

حتئ هدية العيد بتحرمونها ولا بتقولون لانه رواتب بعددد حمد شوف لما صررفه

[حمد 2002]

ضد لأنها بتصير عاده حالها حال حفلات الزواج ..

[atiq]

تهادوا تحابوا

هذا عيد فلا أظن أن تقديم هديه فيه مشقة للزوج ومن باب إدخال الفرح والسرور للزوجة

[وليف الشوق]

الله يعين حال الازواج والله خاصه الا ماعنده دخل ثاني غير راتبه او زوجته ولو تلاحظ الدوحه من بداية رمضان والاسواق متروسه من العائلات اللي قاعدين يشترون لزوجاتهم وعيالهم واللي فيهم كافيهم وحتى الزوجه اذا تشتغل وعندها راتب والله مكثر عليها الخير تقول زوجي ملزم فيني ومااقبل اني اشتري لنفسي من فلوسي وانا اقول البعض وليس الكل الا من رحم ربي ،، اخر المطاف واخر رمضان بعد تبون هدايا ( الله المستعان ) والكارثه او المصيبه او الطامه اهي ان الزوجه تقول مثلا ( والله حيل كلفت على نفسك ) الحين هذي هديتك ههههههههه
يعني اصوم وافطر على بصله !!! انا مش ضد الهديه لكن في اجواء اخرى مثلا اذا كان فيه نوع من الزعل بين الازواج او تقديم الهديه للزوجه كتقدير واحترام لها

وتقبلوا تحياتي

[مراد2015]

ماهو الانجاز اللي يخليني اشتري لها هديه

غير مؤيد ومرفووووض ما تستاهل

امي وخواتي اهم منها

[alsoq]

الهديه لزوجه لها اوقات غير العيد تجي بدون مناسبه زاد شي من الراتب والاحوال تمام اخذ لها شي يطيب خاطرها ام عيالي مالي غنا عنها ولا لها غنى عني
اما اربط نفشي بوقت معين ومناسبه معينه ما تصير هديه ولا تفرح بها لانها بتعرف انه في التاريخ الفلاني او المناسبه الفلانيه بيجيها هديه

[وليف الشوق]

ماهو الانجاز اللي يخليني اشتري لها هديه

غير مؤيد ومرفووووض ما تستاهل

امي وخواتي اهم منها

والله والنعم فيك وفي اللي رباك على رضا الله ثم والدينك والله يحفظهم لك واشهد انك قلتها

[alsoq]

ماهو الانجاز اللي يخليني اشتري لها هديه

غير مؤيد ومرفووووض ما تستاهل

امي وخواتي اهم منها





كأن النظم الإلهية، الشرائع السماوية تجتمع على تدعيم الأسرة، وعلى قدسيتها، وعلى الحفاظ عليها، وعلى الوئام، بل إن الله عز وجل حينما قال وجعل المودة والرحمة بين الزوجين من خلق الله عز وجل:

ï´؟ وَمِنْ آَيَاتِهِ اللَّيْلُ وَالنَّهَارُ وَالشَّمْسُ وَالْقَمَرُ (37) ï´¾

( سورة فصلت)

ï´؟ وَمِنْ آَيَاتِهِ خَلْقُ السَّمَاوَاتِ وَالْأَرْضِ (22) ï´¾

( سورة الروم )
ومن آياته الدالة على عظمته:

ï´؟ وَمِنْ آيَاتِهِ أَنْ خَلَقَ لَكُمْ مِنْ أَنفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً (21) ï´¾

( سورة الروم )
وجعل بمعنى خلق بينكم مودة و رحمة.

[وليف الشوق]

كأن النظم الإلهية، الشرائع السماوية تجتمع على تدعيم الأسرة، وعلى قدسيتها، وعلى الحفاظ عليها، وعلى الوئام، بل إن الله عز وجل حينما قال وجعل المودة والرحمة بين الزوجين من خلق الله عز وجل:

ï´؟ وَمِنْ آَيَاتِهِ اللَّيْلُ وَالنَّهَارُ وَالشَّمْسُ وَالْقَمَرُ (37) ï´¾

( سورة فصلت)

ï´؟ وَمِنْ آَيَاتِهِ خَلْقُ السَّمَاوَاتِ وَالْأَرْضِ (22) ï´¾

( سورة الروم )
ومن آياته الدالة على عظمته:

ï´؟ وَمِنْ آيَاتِهِ أَنْ خَلَقَ لَكُمْ مِنْ أَنفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً (21) ï´¾

( سورة الروم )
وجعل بمعنى خلق بينكم مودة و رحمة.

صح كلامك لكن اللي ابيك تفهمه ان كل" معاه ظروفه والبيوت اسرار

[alsoq]

صح كلامك لكن اللي ابيك تفهمه ان كل" معاه ظروفه والبيوت اسرار

جزاك الله خير
انا ذكرت في ردي لو زاد شي من راتب واحوالك تمام لا تبخل تفرح زوجتك:)

[kitmat]

عادي الهدية شي حلو بس حنا من يعطينا هدية ههههههه

صدقني لوعطيتها بتعطيك

[kitmat]

والله والنعم فيك وفي اللي رباك على رضا الله ثم والدينك والله يحفظهم لك واشهد انك قلتها
وليش ماتكون امك واختك وزوجتك بعد وفي النهاية اهي ام وبعد اهية اخت وزوجة صح ولا لا

[kitmat]

الله يعين حال الازواج والله خاصه الا ماعنده دخل ثاني غير راتبه او زوجته ولو تلاحظ الدوحه من بداية رمضان والاسواق متروسه من العائلات اللي قاعدين يشترون لزوجاتهم وعيالهم واللي فيهم كافيهم وحتى الزوجه اذا تشتغل وعندها راتب والله مكثر عليها الخير تقول زوجي ملزم فيني ومااقبل اني اشتري لنفسي من فلوسي وانا اقول البعض وليس الكل الا من رحم ربي ،، اخر المطاف واخر رمضان بعد تبون هدايا ( الله المستعان ) والكارثه او المصيبه او الطامه اهي ان الزوجه تقول مثلا ( والله حيل كلفت على نفسك ) الحين هذي هديتك ههههههههه
يعني اصوم وافطر على بصله !!! انا مش ضد الهديه لكن في اجواء اخرى مثلا اذا كان فيه نوع من الزعل بين الازواج او تقديم الهديه للزوجه كتقدير واحترام لها

وتقبلوا تحياتي
ممكن ليش لاء انا اهنيه اشوف الاراء المختلفة

[kitmat]

واذا الزوج مايقدر زوجته ولابهدية طول السنه وهو مقتدر ايش اتقولون عنه

[رهج السنابك]

مايصير بعد هالجفاف طول السنه مايهديها حتى لو ورده!
يفترض يكون التهادي مستمر بدون حتى مناسبات معينه حلاتها تلقائيه ومفاجئه
لان هالحركات البسيطه لها معاني وايد معبره وتزيد من الترابط

[حسن]

والله انا بكبري احلى هديه للزوجه

واعتقد الهدايا الحين كثيره وباشكال متنوعه من ساعات وشنط وسيارات
وذهب وحجز فنادق وغيرها وغيرها

اما اللي يقول ورده هذا كلام ماخوذ خيره

الصراحه اشوف الزوج هو اللي المفروض ينهدا في ايامنا ذي

:)

[حبر وقرطاس]

مافي حواجز بين الووجين ولو بادر هو او بادرت هي فهو من باب تجديد المشاعر الحلوه بينهم....واكيد الي قريب فعلا من زوجته ويفهمها راح يكون عارف انها تقدر هاللمسه الطيبه منه وعي ادرى الناس بظروفه ...
اما الي قال لا واخاف تصير عرف اسمح لي اقول لك واضح انك بعيد عنها وعلاقتكم فيها جفاء وتباعد

[دانة الدوحه]

الهديه تكلم عنها الرسول عليه أفضل الصلاة والسلام لما لها من تأثير نفسي على المهدى له والسعادة اللي بيحس فيها في نفسه والرضى والتقدير والزوج اذا بيقدم هديه بتكون اولا لزوجته و ثانيا ام عياله وشريكة حياته واللي اهدت عمرها له ولبيته ولعياله مب إنسانه غريبه او ناكره للمعروف وخصوصا انه الزوجه بفطرتها عاطفية ومب ماديه انت مفكر فيها من ناحية الماده والمخاسير وخايف تكون التزام عليك في كل عيد فما تبي توهق عمرك
بس لازم يميزها بشئ غير عن اي شخص ثاني وكل شخص على قد ميزانيته
وانا عني شخصيا أحب افرح اللي احبهم في العيد وازيد فرحتهم بالعيد فرحة وجودهم في حياتي ليش نستكثر الهديه عليهم واللي بتقربنا لقلوبهم
لازم الشخص يعامل الناس مثل ما يحب الناس يعاملونه
يمكن رأيي ما يعجب الذكور بس لو السؤال هل تؤيد الهديه للزوج كان على طول وافقوا وأيدوا وبشده

[khalid525]

لا عيب شهالكلام ، هدية للزوجة ،هذا الناقص ، الحين فرضا ابو جهل شاف هالموضوع وين تودون ويوهكم منه

[kitmat]

الهديه تكلم عنها الرسول عليه أفضل الصلاة والسلام لما لها من تأثير نفسي على المهدى له والسعادة اللي بيحس فيها في نفسه والرضى والتقدير والزوج اذا بيقدم هديه بتكون اولا لزوجته و ثانيا ام عياله وشريكة حياته واللي اهدت عمرها له ولبيته ولعياله مب إنسانه غريبه او ناكره للمعروف وخصوصا انه الزوجه بفطرتها عاطفية ومب ماديه انت مفكر فيها من ناحية الماده والمخاسير وخايف تكون التزام عليك في كل عيد فما تبي توهق عمرك
بس لازم يميزها بشئ غير عن اي شخص ثاني وكل شخص على قد ميزانيته
وانا عني شخصيا أحب افرح اللي احبهم في العيد وازيد فرحتهم بالعيد فرحة وجودهم في حياتي ليش نستكثر الهديه عليهم واللي بتقربنا لقلوبهم
لازم الشخص يعامل الناس مثل ما يحب الناس يعاملونه
يمكن رأيي ما يعجب الذكور بس لو السؤال هل تؤيد الهديه للزوج كان على طول وافقوا وأيدوا وبشده

ماشاء الله عليك فعلا الهدية تزيد المحبة بين الزوجين

[الجوهرة الثمينة]

والله انا بكبري احلى هديه للزوجه

واعتقد الهدايا الحين كثيره وباشكال متنوعه من ساعات وشنط وسيارات
وذهب وحجز فنادق وغيرها وغيرها

اما اللي يقول ورده هذا كلام ماخوذ خيره

الصراحه اشوف الزوج هو اللي المفروض ينهدا في ايامنا ذي

:)


ياروحي عالثقه :)

يابخت الي انت هديتهاا

[بصمة قطرية]

مع و بقوة ..
تهادوا تحابوا ..
اللي يسمعكم يقول الهدية بعشرة و لا عشرين ألف ..!!
ياللي معترضين على الهدية و إنها تكلف .. !!
الهدية في قيمتها المعنوية مش المادية
و حلو الزوج يذكر زوجته في العيد
ليش ما تبونها تصير عادة ..!!
عسى ماشر
من كثر اعيادنا كلهم إلا عيدين يعني مرتين في السنه ..!
مستخسرينها فينا ..!!!
حتى لو عطر أو باقة ورد
يكفي يتذكرها في هاليوم ..
و الهدية تراها تقدير للزوجة ..
مثل ما الزوجة تقدر زوجها و تاخذ له هدية
و كلن على قد استطاعته
لا يكلف الله نفساً إلا وسعها ..
والله حتى الوردة غالية و لها قيمة بس وين اللي يفهمون ..
اليوم شريت لي ورد :(

[kitmat]

مع و بقوة ..
تهادوا تحابوا ..
اللي يسمعكم يقول الهدية بعشرة و لا عشرين ألف ..!!
ياللي معترضين على الهدية و إنها تكلف .. !!
الهدية في قيمتها المعنوية مش المادية
و حلو الزوج يذكر زوجته في العيد
ليش ما تبونها تصير عادة ..!!
عسى ماشر
من كثر اعيادنا كلهم إلا عيدين يعني مرتين في السنه ..!
مستخسرينها فينا ..!!!
حتى لو عطر أو باقة ورد
يكفي يتذكرها في هاليوم ..
و الهدية تراها تقدير للزوجة ..
مثل ما الزوجة تقدر زوجها و تاخذ له هدية
و كلن على قد استطاعته
لا يكلف الله نفساً إلا وسعها ..
والله حتى الوردة غالية و لها قيمة بس وين اللي يفهمون ..
اليوم شريت لي ورد :(

اسعدني مرورج ومن باجر الورد عندج مع غرشة عطر

[بومحمد911]

انا اشوف مافي داعي للهدية ندعي للزوجة بالهداية:tease:

[ANONYMOUS]

سؤال غريب

قولي عيديه تركب

--

في نقطه بثيرها .. ترى حياة الناس تختلف .. مب كل البيوت مثل بعض

يعني في زوج .. شايل البيت من وإلى

وفي زوج حاط خادمات ودريول او اكثر بالبيت لا يروح سوق ولا جمعيه ولا مستشفى ولا مشاوير ولايباري البيت ولا يدرس لعيال ولاعنده شغله ولا مشغله .. هذا الفاضي يصلح حق هالسوالف

[كيلو حديد]

وين المشكله
الي يبغي يقدم هديه يقدم
العيديه تعتبر هديه ولا وش تعتبرونها صدقه مثلا !!!!


وتذكر الحديث: تهادوا تحابوا .

[kitmat]

سؤال غريب

قولي عيديه تركب

--

في نقطه بثيرها .. ترى حياة الناس تختلف .. مب كل البيوت مثل بعض

يعني في زوج .. شايل البيت من وإلى

وفي زوج حاط خادمات ودريول او اكثر بالبيت لا يروح سوق ولا جمعيه ولا مستشفى ولا مشاوير ولايباري البيت ولا يدرس لعيال ولاعنده شغله ولا مشغله .. هذا الفاضي يصلح حق هالسوالف

كله نفس المعنى والهدية تختلف اشكالها وشدخل الخادمه والدريول بالهدية

[kitmat]

وين المشكله
الي يبغي يقدم هديه يقدم
العيديه تعتبر هديه ولا وش تعتبرونها صدقه مثلا !!!!


وتذكر الحديث: تهادوا تحابوا .

عفية عليك

[بصمة قطرية]

سؤال غريب

قولي عيديه تركب

--

في نقطه بثيرها .. ترى حياة الناس تختلف .. مب كل البيوت مثل بعض

يعني في زوج .. شايل البيت من وإلى

وفي زوج حاط خادمات ودريول او اكثر بالبيت لا يروح سوق ولا جمعيه ولا مستشفى ولا مشاوير ولايباري البيت ولا يدرس لعيال ولاعنده شغله ولا مشغله .. هذا الفاضي يصلح حق هالسوالف

ردك غريب ..!!
الحين الهدية و لا العيدية اشدخلها في شال البيت
و لا جايب خدامة و دريول ..!!!
ردك كله حسيته ما له علاقة بالموضوع ..!!

[qatara]

قوطي رهش وقوطي حلوا

[حمد 2002]

مع و بقوة ..
تهادوا تحابوا ..
اللي يسمعكم يقول الهدية بعشرة و لا عشرين ألف ..!!
ياللي معترضين على الهدية و إنها تكلف .. !!
الهدية في قيمتها المعنوية مش المادية
و حلو الزوج يذكر زوجته في العيد
ليش ما تبونها تصير عادة ..!!
عسى ماشر
من كثر اعيادنا كلهم إلا عيدين يعني مرتين في السنه ..!
مستخسرينها فينا ..!!!
حتى لو عطر أو باقة ورد
يكفي يتذكرها في هاليوم ..
و الهدية تراها تقدير للزوجة ..
مثل ما الزوجة تقدر زوجها و تاخذ له هدية
و كلن على قد استطاعته
لا يكلف الله نفساً إلا وسعها ..
والله حتى الوردة غالية و لها قيمة بس وين اللي يفهمون ..
اليوم شريت لي ورد :(

اختي هدايا بالعيد للزوجه ماقد سمعناها لا بالماضي ولا بالحاضر .. رجاءا لاتدخلون هالبدع والخرابيط على أعيادنا التي تميزت ببساطتها وشعبيتها واجواءها الروحانية البسيطة والرائعة ..

الزوج يقدر يعطي زوجته هديه بكل أوقات السنه وبدون محد يقوله يافلان عط زوجتك بالوقت الفلاني.. فرجاءا خلوا العيد نفس ماهو ولا تدخلون فيه هالامور الغير مستحبة والمستحدثه ..

[العلياا]

اللي اعرفه ما يعطون حريمهم فلوس تكون هدية ع قد ميزانيته
بشكل عام مب شي الزامي ولا ضروري اللي يقدر يعطي واللي ما يقدر كلمة منه ترضى الزوجة الطيبة

[kitmat]

اختي هدايا بالعيد للزوجه ماقد سمعناها لا بالماضي ولا بالحاضر .. رجاءا لاتدخلون هالبدع والخرابيط على أعيادنا التي تميزت ببساطتها وشعبيتها واجواءها الروحانية البسيطة والرائعة ..

الزوج يقدر يعطي زوجته هديه بكل أوقات السنه وبدون محد يقوله يافلان عط زوجتك بالوقت الفلاني.. فرجاءا خلوا العيد نفس ماهو ولا تدخلون فيه هالامور الغير مستحبة والمستحدثه ..

افهم من كلامك ان الزوج يقدم لزوجته هديه في اي وقت ايحب وهذا اللي ابي اوصل له موشرط في العيد وهذا شي طيب بين الزوجين وهيه بعد لازم اتقدره بهديه وفي اي وقت ومشكور على المداخله

[kitmat]

قوطي رهش وقوطي حلوا

ههههههههه موجود على طاولة الفواله في العيد

[سعد محمد]

مافيه مشكله بالعكس بس اشوف العيديه تكفي انك تعيد عليها بمبلغ حلو 500 إلى 1000 واكثر حسب مقدرتك والهديه الرمزيه كعطور وساعات وغيرها تكون مفاجأه افضل.. وتستاهل الزوجه وام العيال افضل هديه.. وبنفس الوقت لاينسى امه وخواته

[طبيب قطري]

هالعيد ماله طعم بسبب مايحدث في غزه.. استغفر الله العظيم
الله ينصرهم يارب

[ANONYMOUS]

كله نفس المعنى والهدية تختلف اشكالها وشدخل الخادمه والدريول بالهدية




ردك غريب ..!!
الحين الهدية و لا العيدية اشدخلها في شال البيت
و لا جايب خدامة و دريول ..!!!
ردك كله حسيته ما له علاقة بالموضوع ..!!

كتبت اللي فوق عشان هالسطر اللي تحت

لاعنده شغله ولا مشغله .. هذا الفاضي يصلح حق هالسوالف

العيديه تكفي

واللي يبي يجيب هديه قواه الله ..

[kitmat]

هالعيد ماله طعم بسبب مايحدث في غزه.. استغفر الله العظيم
الله ينصرهم يارب
اي والله الله ينصرهم ويصبرهم على ماهم فيه

[مختلفة عقليا]

السلام عليكم .,

انا اييد الهدية ., وان يصير فيها تنافس بين الزوجين بدون كلافه علي احد .,

وحلاتها في العيد ., عشان ما ادش البدع يوم الزواج ويوم الميلاد ويوم المدري شنو ., هاي هديه وحلال وشي يسعد الزوج والزوجه .,

تكفون لا اتعقدوووون الحلال خلاص ..

اي ورد ع السؤال ., عطاني عيديه ., بس ما عطيته شي ., انا عنده شنو يبي اكثر ههههه ., لا الحاله كانت جافه هالعيد ., بس يبشر بعزه العيد الياي ., يستاااهل الغالي .,

ويسلموو .,

[R 7 A L]

في ذمتكم هذا موضوع للنقاش ؟
خلصت المواضيع

[رجل مثالي]

لا مانع من تقديم هدية للزوجة والاولاد والوالدين
والاقارب

[عثرة جواد]

كل عام وانتم بالف صحة وسلامه

انا مالقيت والا هديه بس يحلوها لما تجي ع غفلة

[يمامـة]

عادي مافيها شي

عيدية + هدية

هي مب الزامية

اتيي من طيب خاطر

اهم مافي الموضوع لحد يشغل باله في حياة غيره

ان شاءالله يهديها طراقات او اطقم الماس وياقوت

كل عليه بحياته واشلون يخليها هادية ومستقرة و يدب فيها الأمن والأمان
مع وجود التقلبات المتوقعة وغير المتواقعة من المشاكل فيها..

وكل عام وانتوا بخير
وعيدكم مبارك

[R 7 A L]

عادي مافيها شي

عيدية + هدية

هي مب الزامية

اتيي من طيب خاطر

اهم مافي الموضوع لحد يشغل باله في حياة غيره

ان شاءالله يهديها طراقات او اطقم الماس وياقوت

كل عليه بحياته واشلون يخليها هادية ومستقرة و يدب فيها الأمن والأمان
مع وجود التقلبات المتوقعة وغير المتواقعة من المشاكل فيها..

وكل عام وانتوا بخير
وعيدكم مبارك


يمكن زولية
مواعين



الامور طيبة
:shy:

[الجـــوديّ]

اشعاد

زوجته فراشه وسكن روحه
تستحق وخاصه اذا قامت به في رمضان وما قصرت يفرحها بتقديره الخاص لها بعيدية راهية

[ضوى]

عيدية مقبولة ، لكن هدية والتزام بكل عيد هاي فيها الزام ماحبيته ، حلو الهدية تجي بمناسبه وبدون مناسبه من غير تكلف ولا الزام

فوق ردود غريبه ، الله يصلح الحال

[الملا]

أؤيد الفكرة لكني شخصيا ما حب ارفض نفسي فيها


لو خذت لها هدية تستاهل لانها زوجتي وحبيبتي وأم عيالي

[موظف ((حكومي]

انا كل فتره اجيب هديه لطرف ثاني مو لازم في العيد

[kitmat]

انا كل فتره اجيب هديه لطرف ثاني مو لازم في العيد

ماشاء الله عليك حلو الطرفين يقدمون هديه لبعض بدون التزام بوقت اوتاريخ معين

[كيلو حديد]

الي وصلت له بهالموضوع
ان البعض ما يبادر بالشيء ويسويه اذا عاجبه
بس ينتظر تصير عاده بالمجتمع وساعتها يسويها بلقب جامد
والبعض بيسويها مجبور لانها سقط تحت امر من نشر الأمر وجعله عادة اجتماعية
والبعض بيناله وجع راس لأنه رافض هالعاده بس الحرمه مب اقل من غيرها
هههههههه

[يمامـة]

يمكن زولية
مواعين



الامور طيبة
:shy:

ويمكن غرشة دهن العود..

ترى العلاقة ما بين الزوجين والتبادل في الهدايا بينهم
امر يخص كل حالة بحد ذاتها ما نقدر نطبقهم على الجميع كقاعدة..

[kitmat]

يعني اللي ابي اتوصل له ان الهدية مستحبة وبدون تحديد موعد وكل ماكانت مفاجئة كان لها أثر طيب على النفس
وترى تزيد المحبة والمودة واللي ماجرب ايجرب ويقول لنا

[ANONYMOUS]

يعني اللي ابي اتوصل له ان الهدية مستحبة وبدون تحديد موعد وكل ماكانت مفاجئة كان لها أثر طيب على النفس
وترى تزيد المحبة والمودة واللي ماجرب ايجرب ويقول لنا

صوتج وصل

بس مب بالعيد بليز

لا وقت يسمح ولا ميزانيه احيانا هههه

[نوار قطر]

مافيها شي ابددد بالعكس تبادل الهدايا بين الزوجين يجدد الحب بينهم كفايه ان كل واحد يذكر الثاني بشي حتى لو شي بسيط. ،،

[غير عنهم]

هالشي بدون اخذ رآي تستاهل ونص بعد

[غايه الطواش]

حلو بس مب حلو تكون الزاميه
والمثل يقول انا غنيه واحب الهديه ..

الا على الطاري ولد العرب وينه ؟؟

[بوحارب]

الهدية حلوة بين فترة وفترة وإذا كانت في مناسبة حلوة مثل العيد
بتكون الفرحة فرحتين :)

اللي مب متزوج يطلع برع الموضوع ;)

[هندسة]

اكيد ولكن يجب مراعاة ظروف الزوج