مرافقه المرأه لزوجها بالمحلات الرجاليه ..

[حمد 2002]

السلام عليكم ورحمه الله وبركاته

مرافقه المرأه لزوجها بالمحلات الرجاليه

أثناء تجوالي بمحلات المستلزمات الرجالية كالنعل وانتوا بكرامه والغتر إلى آخره .. لاحظت بأن الكثير من الزوجات يدخلون مع ازواجهم إلى تلك المحلات المزدحمة بالرجال .. بل البعض منهم هي الي تختار وتدور لزوجها الالوان كاشكال النعل ونتوا بكرامه مم إلى آخره .. الأسئلة الي تدور بذهني هي إلا يشعر هؤلاء الرجال بالحرج عندما تدخل زوجاتهم معهم لتلك المحلات الرجاليه .. الصراحه انا كرجل استنكر بأن أمرأه تدخل لمحل رجالي وقت الزحمة كموسم الأعياد .. لأن احس حتى الرجال المتواجدين بالمحل يتضايقون من هذا الأمر .. والزوج الي ايودي زوجته معاه لمحل رجالي ممم مايقدر أهو يختار السلعه بنفسه ! لازم زوجته معاه يعني ؟ ولو صديقة بالدوام ولا واحد من ربعه جافة بالمحل الرجالي برفقه زوجته .. إلا يستحي ويخجل من هذا الأمر ؟! .. الموضوع شائك شوي بس بالفعل انا استغربت من هذا الأمر .. والله من وراء القصد ..

بالتوفيق ..

[aziz4z]

هم رايحين مع بعض للسوق , هي تبي تشتري و هو يبغى يشتري , فوين يخليها لين يدش سوق الرجال ؟؟ , و في مرات ممكن تشتري لولدها , و ممكن تبي مشورتها في شيء
هو صح في احراج للغير لين يشوف وحدة في المحل و ممكن مايدش , و حتى لو دش المحل مايقدر ياخذ حريته كاملة

[Nojoom]

ماشوف فيها شي دام انها مع زوجها او محرم لها المحل هذا مثل اي مكان ثاني ( عياده - صيدليه - محل ملابس ) ... الخ

لكن اذا المحل زحمه زحمه طبعاً يفضل تجنب دخولها .

ولعكس صحيح مافيها شي لو الرجل يدخل مع زوجته وهي تتسوق في ملات نسائيه ( شنط - احذيه - فستان ) ..الخ

واذا المحل زحمه نساء المفروض مايدخل

[طير حوران]

رأيت مثل ذلك أكثر من مره

لااوافق عليه وخاصة في فترة ازدحامات الرجال في العيد

[سميسمة كافيه]

هم رايحين مع بعض للسوق , هي تبي تشتري و هو يبغى يشتري , فوين يخليها لين يدش سوق الرجال ؟؟ , و في مرات ممكن تشتري لولدها , و ممكن تبي مشورتها في شيء
هو صح في احراج للغير لين يشوف وحدة في المحل و ممكن مايدش , و حتى لو دش المحل مايقدر ياخذ حريته كاملة

كلامك صحيح بس اشوف الموضوع عادي ممكن تبي تشتري لحد من هلها او ابوها عادي

[وثائقي]

طرح قيَم أخي الفاضل والحياة مشاركة نعم قد يعتريك بعض الإحراج ولكن لا ضير إن كان في سبيل طلب المشورة فقد يكون لشراء حاجيات للأطفال ولربما المرأة أحسنت في الإختيار أكثر من الرجل فأتاح لها المجال في إبداء رأيها ..

وفقنا الله وإياكم لما يحبه ويرضاه ..

[qatara]

الله المستعان

اصبح بعض الرجال مجردين من الشخصيه حتى بشراء بملابسهم

ماعندك ذوق باختار لك على ذوقي


ههههههههه

[abu m7md]

ما شفت النوعيه هذي الى الان
بس اشوفها مع ولدها الصغير فاينكسر خاطري
ياخذني الخيال انه يا ابوه متوفي او مطلقه او مسجون فاكون قريب منهم واسمع الاسعار واذا ماراع الحرمه او رفع عليها السعر انا اتدخل واخليه ينزل لهم او ارسلهم لمحلات انا اتعامل معاهم ومايقصرون معاهم .

[حسن]

اممممم مادري ايش تقصد من المحلات الرجاليه

رغم اني قريت الموضوع وحسيت اوله واخره حمدواوسطه مستورد وافهم يافهيم

شوف بالنسبه لي او قول لنا احنا اغلب محلاتنا الرجاليه مشترياتنا وقافي
يعني وانت وقف ماخبر عندنا محل رجال الى تميمه يمين تميميه شمال
ومحلات سوق العلي يعني ماشوف فيها حد
وبعدين اذا رايح فرضا مجمع تجاري ودخلت محلات الرياضه وكنت انا اتسوق مع المراه
ودخلت معاي مع العلم ان اماتشوف القطري فيه وتشاورها في الالوان ولا الشكل
وين المشكله
ياحمد شكلك فاضي وماعندك سالفه وكثره الرعيان ضاعت الحيران

:)

اللي شار عليك بهذا الموضوع مهب حبيب وصديق مثلي وناصح امين


فانا لا اوفقك بهذا الموضوع


هذه وجهه نظري

[رهج السنابك]

لا مب حلوه
تقدر توقف برا المحل لين زوجها يخلص واذا يبي رايها يراويها قبل لا يدفع
مب قضيه

[JN000N]

ليش عادي مافيها شي
داشه مع زوجها وتختار له ويشاورها كيفهم
وبعدين واقفه حذاه والا حذا الرياييل؟
لين نطرت برا يعني عدله! دامها معاه تروح وياه واذا ماتبي او مايبي تقعد ف السياره
مب توقف برا المحل قدام الرايح والراد
وريلها مب محرمها؟
الجمعيه شنو؟ المستشفى شنو؟ المطار شنو؟ زين الطياره شنو!
لا مايصير لا يجوز تروح وياه صح؟

[رهج السنابك]

اي توقف برا اذا في مول اذا محل بالشارع تنطره بالسياره اعف لها من نظرات الرياييل ومزاحمهم لانها مب حلوه وفيها مضايقه خاصه لو المحل كله رياييل اشحلاتها وهي واقفه شامخه جنب ريلها !!!
يعني الوحده من نفسها غصب بتستحي اذا المحل متروس ثياب وهي الوحيده بعبايتها وبحجة مع زوجها!
والله حتى لو رحنا بنك او محل وكله رياييل ماندش حتى مع اهلنا لين يخفون او يدشون حريم نتشجع

[JN000N]

اي توقف برا اذا في مول اذا محل بالشارع تنطره بالسياره اعف لها من نظرات الرياييل ومزاحمهم لانها مب حلوه وفيها مضايقه خاصه لو المحل كله رياييل اشحلاتها وهي واقفه شامخه جنب ريلها !!!
يعني الوحده من نفسها غصب بتستحي اذا المحل متروس ثياب وهي الوحيده بعبايتها وبحجة مع زوجها!
والله حتى لو رحنا بنك او محل وكله رياييل ماندش حتى مع اهلنا لين يخفون او يدشون حريم نتشجع

لا هي مب داشه خياط
ولو دشت واعرف حالات هذول ماعندها ريال وعيالها هي تقوم بهم
لكن محل نعل وانتي بكرامه شكبره بتدش مع ريلها شعاد؟

وفالمحلات مافي محل خاص للرجال كثر مايكونون مقسومين وتروح معاه مرات ومرات تكون هي صوب النساء
لكن الي يدش محلات حريم خاصه! هذي شيطلع لا ويدش مع مرته مرات ومرات بروحه
كلش مافي وجه مقارنه

[alsoq]

سويتوا قضايا للمرأه والرل
ان راحت معاه انتقدتوا ان خلها انتقدتوا شرايكم اذا انزلوا من سياره كل واحد يهيت والوعد السياره

[Bozizoo]

حمد انا معاك في شي واااحد اذا كان المحل فيه زحمه مايصير تزاحم الرجال في المحل وخاصه انه محل رجال ..
اما انها تدخل محل الله يعزكم نعال تختار لزوحها مافيها شي ..وانا من الناس الي احب زوجتي تختار لي ساعاتي و اقلامي و ازرتي .
مافيها شي كلش ..وتدري احيانيا اكون في مجمع وابي اشتري شي لي و زوجتي مب معاي اقول اجي مره ثانيه مع زوجتي عشان تختار لي ..
وبعدين ياااحمد ان شاءالله لين الله يكتب لك و تتزوج بتعرف قيمة هذه المشاركه ..على فكره حتى السيارات مع اني اعرف احسن منها بمراحل فيها ..
وهذا قبل كم يوم وديتها وكاله الشفر و و وكاله الجمس ابي الجديد ..
مب قله حيله مني ولا ضعف شخصيه بس شعور حلو بالمشاركه .

[الحياة الخالدة]

حمد انا معاك في شي واااحد اذا كان المحل فيه زحمه مايصير تزاحم الرجال في المحل وخاصه انه محل رجال ..
اما انها تدخل محل الله يعزكم نعال تختار لزوحها مافيها شي ..وانا من الناس الي احب زوجتي تختار لي ساعاتي و اقلامي و ازرتي .
مافيها شي كلش ..وتدري احيانيا اكون في مجمع وابي اشتري شي لي و زوجتي مب معاي اقول اجي مره ثانيه مع زوجتي عشان تختار لي ..
وبعدين ياااحمد ان شاءالله لين الله يكتب لك و تتزوج بتعرف قيمة هذه المشاركه ..على فكره حتى السيارات مع اني اعرف احسن منها بمراحل فيها ..
وهذا قبل كم يوم وديتها وكاله الشفر و و وكاله الجمس ابي الجديد ..
مب قله حيله مني ولا ضعف شخصيه بس شعور حلو بالمشاركه .

أحييك أخوي على حب المشاركة لزوجتك
الله يديم المحبة بينكم و لا يغير عليكم إلا بالخير

[Rosso]

ما اشوف ان فيها شي
وليش يخجل من الموضوع؟ هي بالنهاية زوجته!

[OREO]

اذا المكان مزحوم من رايي المرأة ما تدخل مع بعلها لان المكان مزحوم و الزوجة ما بتاخذ راحتها في اختيار الغرض لزوجها او انهم ما يقدرون يتشاورون على راحتهم ،،

اما اذا الوضع عادي و مهب زحمة ،، ما اشوف فيها شي و شخصياً احب ام العيال تكون معاي واخذ شورها لان في الاخير هي اللي تكحل عيونها فيني و مهب الناس ،، و ابشرك اخوي حمد اذا جيت اروح اشتري ملابس داخلية من برومان في الركن الرياضي ام عيالي تكون معاي و ما اشوف فيها احراج لانها ام عيالي ،،

اما لو قصدك اذا شافني حد من زملاء العمل او احد ربعي و اتسوق مع ام عيالي !! ما اشوف فيها احراج كون زوجتي و حبيبتي وام عيالي متغطية بالكامل بعباية راس و قفازات ،، اما اذا لاقدر الله وربي لايجيب هاليوم اذا ام العيال لبست عباية مزركشة و معلقة فيها فيونكات و مصبوغه عبايتها بالاكروليك !! وقتها بنحرج من ربعي لان فعلا بكون ماشي مع طوفة مزركشة ،،

شكرا حبيبي حمد على هالموضوع ،،

[MAZEN37]

ما شفت النوعيه هذي الى الان
بس اشوفها مع ولدها الصغير فاينكسر خاطري
ياخذني الخيال انه يا ابوه متوفي او مطلقه او مسجون فاكون قريب منهم واسمع الاسعار واذا ماراع الحرمه او رفع عليها السعر انا اتدخل واخليه ينزل لهم او ارسلهم لمحلات انا اتعامل معاهم ومايقصرون معاهم .
يا حنيين
الله اكبر

[OREO]

حبيت اوضح للبعض القلة ،،

ترا حريمنا و بناتنا كائنات حية و مهب علاَّقات ملابس تنحط ورا البيبان ،،

فلذا يا مسلم عاملها على اساس انها انسانة مثلك ،،،

[توشيبا]

ليش عادي مافيها شي
داشه مع زوجها وتختار له ويشاورها كيفهم
وبعدين واقفه حذاه والا حذا الرياييل؟
لين نطرت برا يعني عدله! دامها معاه تروح وياه واذا ماتبي او مايبي تقعد ف السياره
مب توقف برا المحل قدام الرايح والراد
وريلها مب محرمها؟
الجمعيه شنو؟ المستشفى شنو؟ المطار شنو؟ زين الطياره شنو!
لا مايصير لا يجوز تروح وياه صح؟


ظنج حلوه واقفه جنبي بنت واقول لي صاحب المحل عطني سروال مقاس جي وجي واشياء ثانيه مابغي اصلا اذكر اسمها اهنيه لي اني مستحي اكتبها اشلون اقولها وجنبي بنت في محل رجالي @@

و و و و و واهي تعرف كل مقساتي @@


خدا حافظ

[رهج السنابك]

لا هي مب داشه خياط
ولو دشت واعرف حالات هذول ماعندها ريال وعيالها هي تقوم بهم
لكن محل نعل وانتي بكرامه شكبره بتدش مع ريلها شعاد؟

وفالمحلات مافي محل خاص للرجال كثر مايكونون مقسومين وتروح معاه مرات ومرات تكون هي صوب النساء
لكن الي يدش محلات حريم خاصه! هذي شيطلع لا ويدش مع مرته مرات ومرات بروحه
كلش مافي وجه مقارنه

هو ذكر محلات رجاليه فاللي تبادر للذهن خياط رجالي
محل رجالي خاص بالغتر والعقل والملابس الداخليه
محل بشوت
محل اكسسورات رجاليه الخ
اما الي تتكلمين عنها محلات ميكس فيها نسائي ورجالي واطفال مثل او محلات كبيره ومنوعه وفيها سكشن رجالي عادي شالمشكله لان روادها ميكس مابيكون شكلها غريب وسطهم

اما محل خاص بالمستلزمات الرجاليه فقط بسوق العلي ولا واقف ولا غيره وكل اللي داخل رياييل عيب الوحده تنحشر بينهم بحجة تختار لزوجها يقدر يخليها تنطره ويراويها صور الي بياخذهم مب لازم تحشر عمرها

[ANONYMOUS]

السالفه كلها في موضوع الزحمه

اللي يرضى ع هله يزاحمون الرجال فهذا بكيفه

--

بعدين السالفه كلها سروال وفنيله دروش ولا مشعارف ايش

ليش تحسسوني انها راح تختار لك فنيله بيضا عليها نقشات شوارفيسكي ولا سروال عليه استيكه المانيه مدعمه بالفولاذ

والنعل ترى مايبي لها ذوق.. اضعف الايمان نعال كلاسيك .. لاتحصرون اهتمامكم في القاع .. ارتقوا ترى القاع مزدحم على قولة رحال

[رهج السنابك]

^

��������

[عاشق العديد]

شلي معور قلبكم بالموضوعع

كلام هنيه مايفيد اذا رحتو سوق وشفتو هالموقف
كلمو ريال براسسه وجها لوجه

لكن سوالف منتدئ خلوها منكم ترئ راسنا عورنا خلاص

[R 7 A L]

انا ماقمت اروح للاسواق الا الفترة الصباحية
تجنباً لازدحام والملاغه

[ألماسة]

اممممم مادري ايش تقصد من المحلات الرجاليه

رغم اني قريت الموضوع وحسيت اوله واخره حمدواوسطه مستورد وافهم يافهيم

شوف بالنسبه لي او قول لنا احنا اغلب محلاتنا الرجاليه مشترياتنا وقافي
يعني وانت وقف ماخبر عندنا محل رجال الى تميمه يمين تميميه شمال
ومحلات سوق العلي يعني ماشوف فيها حد
وبعدين اذا رايح فرضا مجمع تجاري ودخلت محلات الرياضه وكنت انا اتسوق مع المراه
ودخلت معاي مع العلم ان اماتشوف القطري فيه وتشاورها في الالوان ولا الشكل
وين المشكله
ياحمد شكلك فاضي وماعندك سالفه وكثره الرعيان ضاعت الحيران

:)

اللي شار عليك بهذا الموضوع مهب حبيب وصديق مثلي وناصح امين


فانا لا اوفقك بهذا الموضوع


هذه وجهه نظري


ووجهه نظري أيضاً

[ولد العرب]

اممممم مادري ايش تقصد من المحلات الرجاليه

رغم اني قريت الموضوع وحسيت اوله واخره حمدواوسطه مستورد وافهم يافهيم

شوف بالنسبه لي او قول لنا احنا اغلب محلاتنا الرجاليه مشترياتنا وقافي
يعني وانت وقف ماخبر عندنا محل رجال الى تميمه يمين تميميه شمال
ومحلات سوق العلي يعني ماشوف فيها حد
وبعدين اذا رايح فرضا مجمع تجاري ودخلت محلات الرياضه وكنت انا اتسوق مع المراه
ودخلت معاي مع العلم ان اماتشوف القطري فيه وتشاورها في الالوان ولا الشكل
وين المشكله
ياحمد شكلك فاضي وماعندك سالفه وكثره الرعيان ضاعت الحيران

:)

اللي شار عليك بهذا الموضوع مهب حبيب وصديق مثلي وناصح امين


فانا لا اوفقك بهذا الموضوع


هذه وجهه نظري

هنا اقول احسنت وابدعت وانصفت وانسدحت وعدلت :tease:

[ولد العرب]

لا مب حلوه
تقدر توقف برا المحل لين زوجها يخلص واذا يبي رايها يراويها قبل لا يدفع
مب قضيه

ليش مهب حلوه اقدر اخليك برع محل عبد الصمد القرشي ولا الجزيره للعطور
اقدر اخليك برع الصالون الازرق واشتري اغراضي
اقدر اخليك برع بالسنتربيونت واشتري لي جوتي وغيرها
اقدر اخليك برع محل ساعات ومجوهرات الجابر
معقوله اقولها انتظري برع بشتري وارجع لك
للعلم محلات مذكوره هي اماكن تسوقي انا
وللعلم ماشاري لحالي اشتري لعيالي
وهي ابخص بالمقاسات لعيالي تعرف تجيب مقاس زين
ذوقها في العطور اروع مني
ذوقها في الساعات اروع وافخر

[رهج السنابك]

يااربييييي <تذكرت تحداني الزمن لما تعصب من الي مايفهمونها



واد العرب اقرا كل ردودي بالموضوع وتفهم شنو قصدنا
قلنا محلات رياييل بسوق العلي بسوق واقف مالت قحافي بشوت فنايل مقناص اسلحه قنابل
محلات خاصه فقط للرياييل وهذا قصد صاحب الموضوع
والمحل فيه فقط رياييل بتدخل المدام داخل معاك وهي الحرمة الوحيده وسط الرياييل
اذا تشوفونها عادي ومافيها احراج كيفكم يبه
غيركم وايد يستحون ولا يحشرون حريمهم في هالمحلات الخاصه بالريال

[بريق الحق]

يااربييييي <تذكرت تحداني الزمن لما تعصب من الي مايفهمونها



واد العرب اقرا كل ردودي بالموضوع وتفهم شنو قصدنا
قلنا محلات رياييل بسوق العلي بسوق واقف مالت قحافي بشوت فنايل مقناص اسلحه قنابل
محلات خاصه فقط للرياييل وهذا قصد صاحب الموضوع
والمحل فيه فقط رياييل بتدخل المدام داخل معاك وهي الحرمة الوحيده وسط الرياييل
اذا تشوفونها عادي ومافيها احراج كيفكم يبه
غيركم وايد يستحون ولا يحشرون حريمهم في هالمحلات الخاصه بالريال
اسلحة قنابل !! ترى الدوحه طواري حاسبي (:

[رهج السنابك]

نقول محلات رياييل
يقولون عبدالصمد القرشي والصالون الازرق!!
بس غصب طيب يحورون الكلام عشان يطلعوني من العصر الطباشيري



--
وانا ادري ان القلب شايل وفي ناس تاخذ الامور بشخصنه وحساسيه زايده :)

[النهار]

يااربييييي <تذكرت تحداني الزمن لما تعصب من الي مايفهمونها



واد العرب اقرا كل ردودي بالموضوع وتفهم شنو قصدنا
قلنا محلات رياييل بسوق العلي بسوق واقف مالت قحافي بشوت فنايل مقناص اسلحه قنابل
محلات خاصه فقط للرياييل وهذا قصد صاحب الموضوع
والمحل فيه فقط رياييل بتدخل المدام داخل معاك وهي الحرمة الوحيده وسط الرياييل
اذا تشوفونها عادي ومافيها احراج كيفكم يبه
غيركم وايد يستحون ولا يحشرون حريمهم في هالمحلات الخاصه بالريال

اختي انا الي اشوفه وملاحظ الحريم في سوق العلي كل وحده ساحبه وراها 6 الاولاد وجايه تشتري لهم اغراض
وبعدين من الي قال لج ان سوق العلي للرجال فقط في اكثر من محل حرمي
بس الي اقوله حسبي الله ونعم الوكيل في الي خلاها تروح مثل هذي الاماكن بدون محرم وترك المهام الي مفروض هو يقوم فيها على الحرمه

[رهج السنابك]

وحده مع عيالها الله اعلم شنو ظروفها مطلقه او ارمله او زوج سجين او خارج التغطيه
لكن محور حديثنا عن اللي يقول ماعندي مانع مرتي تدخل معاي محل رجالي متروس رياييل عشان تختار نعالي :)

[رهج السنابك]

الي يعد مرته ملكه واميره يغار عليها من مزاحمتها لهالاماكن او اي مكان فيه رياييل حتى لو مطعم او بنك او محل عام دام المكان بيعرض زوجته لنظرات احشم لها وارفع لها تتم بسترها بعيد عن هالاماكن

[طير حوران]

حمد انا معاك في شي واااحد اذا كان المحل فيه زحمه مايصير تزاحم الرجال في المحل وخاصه انه محل رجال ..
اما انها تدخل محل الله يعزكم نعال تختار لزوحها مافيها شي ..وانا من الناس الي احب زوجتي تختار لي ساعاتي و اقلامي و ازرتي .
مافيها شي كلش ..وتدري احيانيا اكون في مجمع وابي اشتري شي لي و زوجتي مب معاي اقول اجي مره ثانيه مع زوجتي عشان تختار لي ..
وبعدين ياااحمد ان شاءالله لين الله يكتب لك و تتزوج بتعرف قيمة هذه المشاركه ..على فكره حتى السيارات مع اني اعرف احسن منها بمراحل فيها ..
وهذا قبل كم يوم وديتها وكاله الشفر و و وكاله الجمس ابي الجديد ..
مب قله حيله مني ولا ضعف شخصيه بس شعور حلو بالمشاركه .

اتفق معاك بشرط عدم وجود ازدحام في المحل

[عاشق العديد]

الي يعد مرته ملكه واميره يغار عليها من مزاحمتها لهالاماكن او اي مكان فيه رياييل حتى لو مطعم او بنك او محل عام دام المكان بيعرض زوجته لنظرات احشم لها وارفع لها تتم بسترها بعيد عن هالاماكن
حتئ العمل حتئ سواقه حتئ ركوب مع دريول واقولج حتئ من شارع يمكن راعي بقاله يمر
وحتئ حوش بيت
يسوي لها خيمه ويقعدها ويلبسها اسود في اسود افضل حل

[ولد العرب]

نقول محلات رياييل
يقولون عبدالصمد القرشي والصالون الازرق!!
بس غصب طيب يحورون الكلام عشان يطلعوني من العصر الطباشيري



--
وانا ادري ان القلب شايل وفي ناس تاخذ الامور بشخصنه وحساسيه زايده :)

هههههههههههه والله العظيم علي حرام مهب شايل عليك هههه قاعد اتدرب عليك خخخخخخخخخ

[JN000N]

بس هذا انتو
حطولكم موضوع نقاش
غصب تبون رايكم يمشي والناس تمشي عليه
مافي شي عندكم اسمه حياديه او ان الناس نوعين وكلن له وجهة نظره! وبنتقبل وجهات النظر كلها الصح
الحين لو موضوع يتمشون ف مجمع وماسك يدها جان قلتو شحلوه شزينه عادي ريلها حلالها
تركو عنكم بس وفجو التنك الي داخل وفهمو شيصير
ومب لين حد عارضكم قلبتو الموضوع جنكم الا بس تبون تتهاوشون
مستويين لي جباريت ماتنتحاجون اعوذ بالله

[ولد العرب]

شلونك جنون ريلاكس بليز

[رهج السنابك]

خذي لج عصير ليمون بالنعناع يهدي

ترا محد متهاوش ولا فيها فرض راي من احد انتي حاسه في هوشه؟؟؟



بعدين ليش حذفتوا ردي الي كتبت فيه بتصير الحياه اجمل! وخليتوا رد عاشق العديد الي في طنازه يلا حذفوا رده بعد

بنستوي يهالوه لوووول

[لبيبة]

تقريبا نفس موضوعك عن دخول المرأة محلات الخياط الرجالي ومحلات الثياب الرجالية والحلاقين اللي تكرر العام مرتين

هالمرة نعل

الله العالم وشو بتناقش المرة الجاية

[رهج السنابك]

هههههههههههه والله العظيم علي حرام مهب شايل عليك هههه قاعد اتدرب عليك خخخخخخخخخ
صج!! كل هالعنف وتتدرب ترا ملاحظه من كم يوم هجوم عنيف علي منك

اهم شي محد يشيل بخاطره ترا بالاخير منتدى حواري كلنا نطرح ارائنا وان كانت حاده بعض الشي لكن الاحترام محفوظ للجميع ومحد اهني يكتب شي لاقناع الاخر هو فقط طرح لا اكثر ولا اقل وكلن له قناعاته



وتستمر الحياه يا رفاق

[رهج السنابك]

تقريبا نفس موضوعك عن دخول المرأة محلات الخياط الرجالي ومحلات الثياب الرجالية والحلاقين اللي تكرر العام مرتين

هالمرة نعل

الله العالم وشو بتناقش المرة الجاية






هههههههه انتي خطيييييره

[لبيبة]

هههههههه انتي خطيييييره




شأسوي، حسيت ان النقاش يدور في حلقة مفرغة، نفس الكلام يتكرر ونفس المشكلة، ولا يمكن إنه بيوصل لحل،

بيواصلون الحريم يدخلون هالأماكن لبقاء الحاجة لها، وبتتواصل الانتقادات من اللي مب عاجبهم.

[بريق الحق]

كل واحد ورايه الي يبي ذوق مرته يقدر يصور ويطرش عالوتسب الامور طيبه
والي يجووف ان مرته تكون معاه فالمحل مع مراعت عدم وجود ازدحام رجالي هو براحته

[حمد 2002]

الزوجه تعتبر شريكه عمر للزوج لذلك يجب على الرجل أن يحفظ زوجته ويغار عليها من نسمه الهواء ..

انا ماقلت سوق عام كسوق واقف أو سوق العلي .. انا اقصد محلات رجاليه بحته كالمحلات الي بالمرخيه أو السد أو النصر .. مابي أذكر اسم المحل لعدم عمل دعايه له ..

انا مالوم المرأه اذا راحت مع زوجها لتلك المحلات .. بل الومك انت ايها الزوج ياربان السفينة يالي زمام الأمور بيدك شلون سمحت لزوجتك انها ترافقك لتلك المحلات التي بها رجاجيل .. وشلون طلبت منها ذلك ..

شكلهم فاهمين معنى الشراكة الزوجيه فقط باختيار غتره أو نعال ونتوا بكرامه ..


هي شريكه حياتك بأمور أهم من تلك الأمور الثانوية والغير مهمة .. تخطط معك مستقبل أبنائك تشكي لها همومك .. تختار معاها خريطة بيتك .. .. موترك.. تشكي لك همومها مشاكلها يومياتها يومياتك .. أمور مهمه جدا وقيمه .. وليست شريكه حياتك بأمور استهلاكية عااااااااديه ..


يعني شالحكمه أنها اتروح معاك لمحل رجالي بحت وفي وقت الذروة .. موسم الأعياد ؟!

[الجوهرة الثمينة]

,

انا مو مأيده

[بصمة قطرية]

لا تعليق ..!!!

[العلياا]

شخصيا ماعرف شيصير في محلات الرجالية ولا اذكر اني مريت صوب واحد منهم

لكن المهم والاهم يا حمد
هو دخول الرجال محلات نسائية شي مستفزززززز لابعدددد الحدود
خصوصا لو موسم عيد والشيخة مدخلته محل مكياج امانه يعني اهو شعرفه اهئ اهئ
ينطر برا واذا راحت صوب الكاشير يدخل يحاسب وخلاص

[توشيبا]

اهم شي رائي انا وخلاص انتهاء الحوار

يعني لازم اعصب

[العلياا]

اهم شي رائي انا وخلاص انتهاء الحوار

يعني لازم اعصب

على امرك السيد توشيبا :o

[توشيبا]

على امرك السيد توشيبا :o

شكرا

جزاج الله كل خير

اصرفو لها شيك ب ريلين تستاهل اختنا

[ولد العرب]

شكرا

جزاج الله كل خير

اصرفو لها شيك ب ريلين تستاهل اختنا
معليش اخوي اصرف لها ثلاثة الف ريال قطري فقط لاغير علشاني قل تم

[qatar711]

امبااااااااااااااااااااااااااااع
هذا خروف ما منه فايدة

الكلام ما يحتاج نقاش وبطيخ هذا عليه العوض

[بوحارب]

الي يعد مرته ملكه واميره يغار عليها من مزاحمتها لهالاماكن او اي مكان فيه رياييل حتى لو مطعم او بنك او محل عام دام المكان بيعرض زوجته لنظرات احشم لها وارفع لها تتم بسترها بعيد عن هالاماكن

صحيح صحيح

الزوجة مثل الملكة في نظر زوجها
ومن حقة يغار عليها وما يدخلها الأماكن المختلطة ;)

[سعد محمد]

فعلا.. باآخر يوم من رمضان رحت سوق العلي الصباح على الساعه تسع ونص ولاحظت كثرة الحريم بالمحلات الرجاليه بمنظر غير مألوف وغريب بالفتره الاخيره قد ألتمس لبعضهن العذر اذا كانت مطلقه او ارمله وماعندها اخوان ورايحه تتشرى لعيالها ولكن الافضل لو أنها تختار وقت مناسب بعيد عن الزحمه مثلا بنص رمضان او بدايته يعني من المناظر اللي ازعجتني بهاليوم اللي رحت فيه لسوق العلي الازدحام وماترتب عليه الاختلاط بالمحل بين الحريم والرجاجيل بشكل ملفت ومزعج.. وغير اني شفت كذا ريال مع مرته بمحل ملابس رجاليه.. يعني شالحكمه والضروره في دخولها معاك للمحل ومزاحمة الرجال بالمحل ومايترتب عليه من احراج للزوج اللي جابها لنفسه.. اتوقع البعض منهم عادي والامور طيبه.. ههههه مدري اتخيل جي يسأل مرته هاه ياام فلان شرايج اخذ سروال دروش ولا مانكو.. العادي ولا الكرسي واي مقاس احسن.. مالت عليه بس

[سعد محمد]

شأسوي، حسيت ان النقاش يدور في حلقة مفرغة، نفس الكلام يتكرر ونفس المشكلة، ولا يمكن إنه بيوصل لحل،

بيواصلون الحريم يدخلون هالأماكن لبقاء الحاجة لها، وبتتواصل الانتقادات من اللي مب عاجبهم.



مب سالفة انه ينتظرون حل ولكن لانه منظر غريب وغير مألوف على المجتمع القطري فحبوا يتناقشون حوله وتسليط الضوء عليه بصفته كما قلت منظر غريب.. ازدياد مزاحمة المرأه للرجل في كل مناسبه وبكل مجال حتى وصل الحال بهن مزاحمة الرجال بمحلاتهم الخاصه منظر مزعج وغريب ومايندرى لوين بيوصلون..! ونسأل الله العفو والعافيه والسلامه..

[JN000N]

مب سالفة انه ينتظرون حل ولكن لانه منظر غريب وغير مألوف على المجتمع القطري فحبوا يتناقشون حوله وتسليط الضوء عليه بصفته كما قلت منظر غريب.. ازدياد مزاحمة المرأه للرجل في كل مناسبه وبكل مجال حتى وصل الحال بهن مزاحمة الرجال بمحلاتهم الخاصه منظر مزعج وغريب ومايندرى لوين بيوصلون..! ونسأل الله العفو والعافيه والسلامه..

هاي منظر مب مألوف؟
يمكن من زمان ماطلعتو من بيوتكم !!!!
من كنت صغيره وانا اعرف حريم هم يودون عيالهم الخياط وهم يتكفلون ب كل شي
الي مطلقه والي ارمله والي ريلها فاج
واذا عندهم عيال الام هي تعرف لمقاسات عيالها اكثر ف بتدش مع ريلها وبتقوله لا ذي مب زين له وذي عدل لان تجوف ولدها اكثر من ابوه وتعرف استعماله ومقاسه
بس انتو تكبرون الموضوع جنكم عايشين ف المذينه الفاضله
عاد من زين المحلات الي داشينها اقصاها محلات نعل وغتر وقحافي شدعوه داشه محل يطل على قاع البحر ارجوكم بس

[Dana’1]

نصيحتي أن يتم الوصل فيهم مهما كان هم اخوانه.. والوصل مع الحبايب والي مابينهم مشاكل بسيط وشي طبيعي .. لكن أن تصل من قطعك هذا اسمى شي لتطبيق وصية صلة الأرحام ومن له حق
قطاعتهم على نفسهم وراح تبان عليهم .. ووصلة لنفسة وراح يبان عليه من أجر وسعة رزق بإذن الله


لا ينتظر شي منهم اذا كان تكلم معهم وسأل عن الأسباب... زين والأفضل إنه مايعيد العتب عليهم
ويتم الصلة

بالتوفيق

[سعد محمد]

هاي منظر مب مألوف؟
يمكن من زمان ماطلعتو من بيوتكم !!!!
من كنت صغيره وانا اعرف حريم هم يودون عيالهم الخياط وهم يتكفلون ب كل شي
الي مطلقه والي ارمله والي ريلها فاج
واذا عندهم عيال الام هي تعرف لمقاسات عيالها اكثر ف بتدش مع ريلها وبتقوله لا ذي مب زين له وذي عدل لان تجوف ولدها اكثر من ابوه وتعرف استعماله ومقاسه
بس انتو تكبرون الموضوع جنكم عايشين ف المذينه الفاضله
عاد من زين المحلات الي داشينها اقصاها محلات نعل وغتر وقحافي شدعوه داشه محل يطل على قاع البحر ارجوكم بس

يبه من صغري وانا مااتشرى الا من سوق العلي وسابقا سوق واقف والله العظيم وهذي حلفه ماكنت اشوف مثل هالتواجد النسائي الملحوظ والمتزايد إلا بالفتره الاخيره واعتبره منظر غريب وغير مألوف وسبق وقلت نلتمس لبعضهن العذر في انها مطلقه او ارمله وماعندها اخوان ينشد فيهم الظهر.. ومثل ماقلت هم كانوا موجودين ولكن مهب بهالعدد الكبير والمتزايد اللي نشهده بالمحلات الرجاليه..

[JN000N]

يبه من صغري وانا مااتشرى الا من سوق العلي وسابقا سوق واقف والله العظيم وهذي حلفه ماكنت اشوف مثل هالتواجد النسائي الملحوظ والمتزايد إلا بالفتره الاخيره واعتبره منظر غريب وغير مألوف وسبق وقلت نلتمس لبعضهن العذر في انها مطلقه او ارمله وماعندها اخوان ينشد فيهم الظهر.. ومثل ماقلت هن كانوا موجودين ولكن مهب بهالعدد الكبير والمتزايد اللي نشهده بالمحلات الرجاليه..

معليش السموحه
بس لان ماعاد في رياييل لا تلومونهم

[سعد محمد]

معليش السموحه
بس لان ماعاد في رياييل لا تلومونهم

ينطبق على اللي يرضى على شوفاته يتشرون لعيالهم ويختلطون ويتزاحمون مع الرجاجيل بالمحلات الرجاليه وهم موجودين.. !!

[JN000N]

^ طبعا هم اساس الكلام
اما الارامل والمطلقات الله يعينهم

[qatara]

معليش السموحه
بس لان ماعاد في رياييل لا تلومونهم



معاد في ريايل

تعميم يا كثر ما تعممون وتغلطون
ولو واحد انتقد وحده متبرجه قلتو ها ينتقد كل الحريم
وهو منتقد وحده وبخطا ما لا نقاش فيه انتو من يغلط ويعم بس حبيت
الفت نضرج لخطاكم الي ماتشوفونه


تبين الحقيقه الا ماعاد فيه نسوان تستحي وتخاف الله
الي زاحمت الرجل في كل مكان
الا من رحم ربي منهن

ولاحضي الفرق انتي عممتي وانا لم اعمم
وهنا الفرق وارحل كلمتج للي يناقزون لنا تعممون
خل يجون يشوفون من يعمم احنا ام بعضهن

[JN000N]

معاد في ريايل

تعميم يا كثر ما تعممون وتغلطون
ولو واحد انتقد وحده متبرجه قلتو ها ينتقد كل الحريم
وهو منتقد وحده وبخطا ما لا نقاش فيه انتو من يغلط ويعم بس حبيت
الفت نضرج لخطاكم الي ماتشوفونه


تبين الحقيقه الا ماعاد فيه نسوان تستحي وتخاف الله
الي زاحمت الرجل في كل مكان
الا من رحم ربي منهن

ولاحضي الفرق انتي عممتي وانا لم اعمم
وهنا الفرق وارحل كلمتج للي يناقزون لنا تعممون
خل يجون يشوفون من يعمم احنا ام بعضهن

عممت على من يالطيب
اسمله عليك اكثر واحد يعمم ف الحريم انت هاهاها فالمفروض اخر من يتكلم انت بهالخصوص
وبالنسبه للتعميم
اي نعم باعمم ع كل الحريم ف هالموقف وبقول ماعاد في رياييل
ورجعت وقلت مب الارامل ولا المطلقات قلت الي تروح وهي ع ذمة ريال ولاني بآسفه ع كلمتي :)
ولو كانو رياييل مارضوها يالاخ
والتعميم ف هالخصوص مايمس كل الرياييل ف قطر يمس الرياييل ف هالموقف ف اترك عنك

[qatara]

عممت على من يالطيب
اسمله عليك اكثر واحد يعمم ف الحريم انت هاهاها فالمفروض اخر من يتكلم انت بهالخصوص
وبالنسبه للتعميم
اي نعم باعمم ع كل الحريم ف هالموقف وبقول ماعاد في رياييل
ورجعت وقلت مب الارامل ولا المطلقات قلت الي تروح وهي ع ذمة ريال ولاني بآسفه ع كلمتي :)
ولو كانو رياييل مارضوها يالاخ
والتعميم ف هالخصوص مايمس كل الرياييل ف قطر يمس الرياييل ف هالموقف ف اترك عنك

اذا مثل ماقلتي في هذا الموقف
فكلامج صحيح وحتا النسوان
في مجال يروحون قبل الزحمه
بس الموضوع مع ازواجهم وليس اولادهم

[نفسي عزيزه]

وايد اشوف جذي

بالزحمه مب حلوه الحركه

اما الايام العاديه وبداية النهار ع الضحى مثلا يكون السوق خالي ومافيه حد فممكن

يعطيك العافيه بوشهاب على موضوعك والله يعينك ع الردود ههههه

[نوفا91]

يمكن تبي تشتري هديه من تميمه :)

[بومحمد المطاوعه]

حبكت يعني الا تروح معاه او يشتري واهي معاه


يروح يوم ثاني ويتشرى

ليش يخليها تنتظر برع

او يستغل الوقت ويتشرى وقت اهي تتشرى في محلات النساء


الله كريم

[بومحمد المطاوعه]

عيب التعميم على النساء وعلى الرجال

الي يحب يعمم خل اول شي يعمم على اهله عقب يشوف الناس

[بومحمد المطاوعه]

انا اشوف هالحالات وايد ف سوق العلي

وهالشي يخلينا نتجنب احنا الرجال الدخول على للمحلات الرجاليه

والسبب وجود النساء


البعض تحصلها جايبه ولدها

بس انا ماقول ليش جايبه

الله اعلم بحالها

يمكن ارمله ويمكن مطلقه
ويمكن ماعندها اخوان


المشكله فينا احنا نتكلم على اي حاله نشوفها ولانعلم شنو وضعهم


الله يستر علينا وعليهم ويحفظنا ويحفظهم

[مهرة]

يمكن تختار حق عيالها ويمكن يكون اخوها ولا ولدها مب شرط زوجها ..!

اشتروا اغراضكم من النت احسن وبلا زحمة وبلا حشرة ناس ..

ومحل الحلويات من مفروض يدشه ؟؟

[ام خليفه79]

الحين الريال لا دخل محلات النسوان مثل محلات الفساتين وغيره ما صار شي عادي
تلاقينا أحنا النسوان نتضايق حزات لا شفنا الريال مع حرمته ونقول شيسوي هني وما ندخل
ونفس الشي بالنسبة للحرمة تلاقي زوجها يبي رايها أو شي او حتى أنها تاخذ حق أعيالها والله يعلم بأحوالهم ما عندها حد أو الريل ما منه فايدة شتسوي ذيك الحزة
وصدقني يا خوي كثرت الحريم اللي تروح السوق وتتقضى حق عيالها من ثياب ونعل لأن ما لقت من يقضي حاجاتها وعيالها صغار

[أم محمد 90]

اتوقع حاله حال الريال اللي يدخل مع مرته محلات المكياج والملابس الداخليه ..

الاثنين لايقين ع بعض , لا حيا ولا مستحى ,, الله يهنيهم

[Super Cool]

سؤال يقرقع في مخي ليش يسبب لك وجودها اي إحراج؟؟؟

تراك قاعد تشتري زرار و الا غترة...مب خمر!!!

لو قلت لي هي تستحي أو تنحرج منك بفهمها لكن انت تنحرج!!! ما بلعتها مولية!!

[سعد محمد]

سؤال يقرقع في مخي ليش يسبب لك وجودها اي إحراج؟؟؟

تراك قاعد تشتري زرار و الا غترة...مب خمر!!!
I
لو قلت لي هي تستحي أو تنحرج منك بفهمها لكن انت تنحرج!!! ما بلعتها مولية!!

ههههه شدخل خمر الله يهداك اعتقد الاكثريه اللي ردوا بينوا لك السبب في انه شي غريب مره تدش محل ملابس رجالية مع زوجها وكثرة تواجدهن واختلاطهن بالفتره الاخيره وبس والله.. ولك وحشه ياسوبر كول السداوي

[سعد محمد]

اتوقع حاله حال الريال اللي يدخل مع مرته محلات المكياج والملابس الداخليه ..

الاثنين لايقين ع بعض , لا حيا ولا مستحى ,, الله يهنيهم

اعلق واصفق على قولة يوسف سيف

[سعد محمد]

حبكت يعني الا تروح معاه او يشتري واهي معاه


يروح يوم ثاني ويتشرى

ليش يخليها تنتظر برع

او يستغل الوقت ويتشرى وقت اهي تتشرى في محلات النساء


الله كريم

هاي اللي يبط الجبد يعني مايحس بالغيره هالريال والفحل والشنب والزلم والرجل يوم يدخل محل الملابس الرجاليه وزوجته معاه وهالمحل مليان شباب!!!! عااادي لهالدرجه

[عثرة جواد]

ليش انت تشوف فيها شي حمد

المشوره حلوة بل عكس انا اشوفة وايد حلو انه ياخذرايها مثل ماتاخذ راية

[سعد محمد]

ليش انت تشوف فيها شي حمد

المشوره حلوة بل عكس انا اشوفة وايد حلو انه ياخذرايها مثل ماتاخذ راية
المسامحه على التدخل لانه كلامج موجه لحمد.. بس بغيت اعرف بشنو ياخذ رايها الموضوع ومافيه سروال وفانيله وغتره وهالاشياء مايعرف لها الا الريال.. مب معقوله بيستشيرها في مثل هالامور التافهه والبسيطه.. وعادي يشتري لعياله ومب لازم ياخذ امهم هو ابخص بملابس عياله الذكور اما ملابس البنات فاامهم ابخص بها

[راجي العفو]

والله ماينبغي لرجل ذي غيرة أن يدخل مع امرأته في محل مزدحم بالرجال ، لأنه موضع قد يحصل فيه التلامس و التلاصق بقصد او من غير قصد ، فيتجنب هذا الموقف ، وأما بالنسبة للمشورة فهو أمر طيب و جميل ، ولكن له وسائل بديلة وعديدة ‘ كأن تصور ( النعال) كرمكم الله وترسلها لزوجتك ، وهكذا ..

مع التحية

[المزن الرياني]

استغرب من البعض شلون انعدمت الغيره على محارمه
رغم ان لحم الخنزير مايباع بقطر


الله المستعان