حل لمشكلة الزحمة و ضيق الشوراع

[aziz4z]

الدولة تحاول بكل الطرق افتتاح طرق جديدة بمواصفات عالية لتقليل الزحمة , و لكن المشكلة الابرز هي وجود شوارع ضيقة ضمن مناطق بنيت في السابق , فمن الصعب هدم هذه الابنية , مثلا قبل 25 سنة أو 20 سنة , لم يفكر أحد أنه يوم من الايام سوف نعاني هذه الزحمة
أحد الحلول اللي ممكن برأي تقلل الزحمة في بعض المناطق , و هي احداث طرق بمسار واحد فقط , مثلا شارع كورنيش بشقيه الذهاب و الاياب , يصير مسار واحد , بينما في المقابل شارع عمر المختار بشقيه يصير مسار واحد و يكون المقابل لشارع الكورنيش , و نفس الشيء لشارع c , و يكون له في المقابل شارع اللي طالع من جسر الجيدة , و نفس الشيء لبقية الشوارع . راح تتوسع الشوارع و راح تقلل الزحمة و راح تقلل الاشارات .
ممكن واحد يقول راح يطول الشارع , بس مارح يطول معاك اللفة مثل ما تطول معاك الزحمة .

مجرد رأي :)

[abu m7md]

انا اقول لو يمنعون النسوان من السواقه احسن
<<<< قصف فالعيد
ابي عيديتي يا بنات

[Rider]

لو يخفون الاجانب الامور سهالات

[حمد 2002]

الحل ايكنسلون الشوارع ..

معقولة للحين عندنا شوارع ؟!!

[م. عبدالعزيز]

الone way حل ممتاز جدا ، والدليل الشارع اللي عند منطقة الابراج عند اشغال تم استحداثه مؤخرا وصار oneway وخفت الزحمه عن قبل اوقات الدوام الرسميه

[بومحمد911]

مهما تعددت الحلول الزحمة موجودة لا محالة

[الدوحه1]

عيزت واما اقول ان الحل الوحيد للزحمه والعشوائيه هو
انشاء عاصمه جديده!!
ابي حد يقنعني ليش المسئولين رافضين هالفكره؟؟؟؟

مليارات جالسه تنصرف على استملاك الاراضي والمباني فكان الاولى صرف هالمليارات على انشاء عاصمه جديده تكون احلى واجمل عاصمه في العالم!!

[رجل الجزيرة]

لو يخفون الاجانب الامور سهالات

بيخفون الأجانب بعد 2022 بإذن الله تعالى.

[رجل الجزيرة]

عيزت واما اقول ان الحل الوحيد للزحمه والعشوائيه هو
انشاء عاصمه جديده!!
ابي حد يقنعني ليش المسئولين رافضين هالفكره؟؟؟؟

مليارات جالسه تنصرف على استملاك الاراضي والمباني فكان الاولى صرف هالمليارات على انشاء عاصمه جديده تكون احلى واجمل عاصمه في العالم!!

أنا سمعت إنها لوسيل العاصمة الجديدة.

[aziz4z]

انا اقول لو يمنعون النسوان من السواقه احسن
<<<< قصف فالعيد
ابي عيديتي يا بنات

هههه , النسوان في حالة واحدة ممكن مايسوقون , إذاحد يطلعهم :) , هم يبون واحد يدلعهم


لو يخفون الاجانب الامور سهالات

ماأدري ايش بيصير , بس في خطوات تدريجية


الone way حل ممتاز جدا ، والدليل الشارع اللي عند منطقة الابراج عند اشغال تم استحداثه مؤخرا وصار oneway وخفت الزحمه عن قبل اوقات الدوام الرسميه

بالضبط , الحين في المناطق الداخلية شوارع مسارين , الحين لو يسوون مسار واحد راح يتحسن الوضع


مهما تعددت الحلول الزحمة موجودة لا محالة

هو صح زحمة موجودة , بس يجب ايجاد حلول لتقليلها


عيزت واما اقول ان الحل الوحيد للزحمه والعشوائيه هو
انشاء عاصمه جديده!!
ابي حد يقنعني ليش المسئولين رافضين هالفكره؟؟؟؟

معاك حق أخوي , المشكلة كل شيء في الدوحة , ضغط هائل , الحين لو يوزعون المؤسسات في مناطق مختلفة بيكون أحسن
و أعتقد قبل كم سنة مهندس فرنسي عرض نفس الفكرة , بس ماقبلوها

مليارات جالسه تنصرف على استملاك الاراضي والمباني فكان الاولى صرف هالمليارات على انشاء عاصمه جديده تكون احلى واجمل عاصمه في العالم!!

و الله نفس الكلام اللي قلت , هي فكرة رائعة انشاء عاصمة جديدة , مثل دوحة تكون عاصمة سياسية , و المدينة الثانية اقتصادية


أنا سمعت إنها لوسيل العاصمة الجديدة.

ماعندي فكرة , بس هي مدينة صغيرة جدا , ماتقارن بالدوحة

[طبيب قطري]

الزحمه مالها حل

[فيصل99]

ما سوينا الشي التكدس هو هو والاعداد نفسها

الزحمه ماجات الا من الاجانب

اتمنى يشدوون في اصدار ومنح الرخص للاجانب

يجيك بيت الام تسوق والابو يسوق والولد يسوق والبنات يسوقون وخدامتهم تسوق شوف كل بيت كم موتر واضرب الناتج في اعدااد الاجانب شوف كم

المفروض الدوله تحثهم عى استخدام وسائل مواصلات عامه

[ابوعلي]

فكرة طيبة اخوي

وايضا هناك حلول

- تكون هناك دراسة لرفع السن القانوني لحيازة الرخصة لسن 20 او 19

- تحديد الفئات التي يتم منحها رخصة القيادة وخاصة من العمالة الوافدة وليس كل من هب ودب يستلم رخصة القيادة

- التشديد في اختبار القيادة وخاصة الشارع

[مجلان]

الافضل عمل مسارات بحريه من قوارب من الوكره للكرنيش الي الابراج الي الخور نريد حلول

[بن رحال]

الحل استخدام السياكل��