خبراء البورش 911 ؟

[الحـمدلله]

السلام عليكم






سؤال اللي يستخدم 911 بورش شلون اعتمادية السيارة من حيث القيادة في الطرق الداخلية او المطبات في قطر ؟

[مخطط قطري]

الموديلات الجديده ماعليها كلام واعتماديه من الاخر واذا تببي نصيحتي اجر وحده وجربها يومين صلحت توكل على الله وخذها ،،

[وحيد-الشوق]

للأسف السبورت ماله متعة في قطر ابدا كله مطبات شكبر تخرب جوك ووتكرهك في الموتر عن تجربة :(

الا اذا في خاطرك توكل على الله بس يكون موتر ثاني طبعا بس المطبات بتضايقك بتضايقك :)

[صمتي حزن]

ان اقولك عن تجربه من سنه ظ¢ظ*ظ، لين ألان هذي سياره رقم 12 بورش تيربو

اخوي انا اشتري سياره لكن ماستخدمها في قطر المطبات بتبهدلك وعلى فكره السيارة يبغيلها مدراه في شوارع الدوحة

وعلى فكره بخصوص تيربو سعره جديد شي وسعره مستعمل شي اخر

[بوفهد@]

اذا موتر ثاني توكل على الله انا عندي وحده موتر ماعليه كلام متعه بالقياده بس نصيحه اذا تبي تاخذ استخدام اخذ اس واذا تبي طلعات خفيفه اخذ التيربو واخذ من 2012وطالع

[blueZircon]

عن تجربه الموتر صراحه ماعليه كلام وممتع جدا بالقياده بس المشكله مع شوارع قطر , المطبات وسواقة الناس ماتساعد انك تستمتع بسواقة الموتر وطربته. الموتر عشان تستمتع فيه كليا يبيلك شوارع بدون حفر ومطبات وفاضيه عشان تدعس فيه, وانا عن تجربه كنت اتضايق لما اسوقه وانا بوسط الزحمه لانه تحس اي حد ممكن يلف عليك او يحك موترك بالغلط.

عيب الموتر الوحيد انه وعر والسكان وايد يابس. اذا تبي نصيحتي دام مواتر السبورت داشه خاطرك , خذ لك موتر سبورت يكون ارهيف ووكالته ممتازه لانك بتتعب مع وكالة البورش ومعاملتهم التعبانه. انصحك مرسيدس E amg او مازراتي جيبلي السبورت الجديده. انا عن نفسي بعت البورش 911 وخذت لي مازراتي جيبلي ومرتاح معاها وايد عمليه وقويه وسبورت درجه اولى وصوتها يطرب