شركه lg للمكيفات التعيسة

[مخطط قطري]

حد فيكم عنده رقم مديرهم ولا مسؤل الصيانه غير هالبتان اكبر وصديق اليي مايردون ،،،
انا سويت شكوى في حمايه المستهلك عليهم ونشوف وش بيسون معاهم

[S S]

أتعس شركه حاول اتروح لهم قسم الصيانه فى الصناعيه الجديده والله يعينك

[مخطط قطري]

لا أبشرك أني بقطهم في درام الزبالة ،،، عنت الله عليهم وعلى شركتهم الفاشلة الي حتى الشركة الام بعثت لهم إيميل بالإنجليزي والعربي من ذاك اليوم اشكروني أني أرسلت لهم وأنهم مهتمين بالموضوع وعينك ماتشوف الا النور لحد الان مافي احترام حتى للعميل

[وجه السعد 2]

مع الاسف شريت من عندهم 7مكيفات شباك قبل سنتين و كل المكيفات طلع فيها مشاكل بعد سنة ونص تقريبا

[S S]

الله المستعان صادني اكثر من موقف معهم بعدها حرمت اشتري اي منتج من شركه ال جي الا اذ تغير وكيلها في قطر

[alsoq]

انا ابي مكيفات سبلت وندو

ايش تنصحوني حسب خبرتكم

جنرال
متسوبيشي
فوجي

اول الجديده غري

[نوفة قطر]

اغلب الشركات مايردون الا بطلعة الروح ويودعون ومايجون وووو

يوم بتشتري يذلونك بالضمان وانه اوكي ولو صار أي شي هم موجودين .. وعقب ؟!

[S S]

انا ابي مكيفات سبلت وندو

ايش تنصحوني حسب خبرتكم

جنرال
متسوبيشي
فوجي

اول الجديده غري

عندك التوشيبا اسبلت وويندو ممتاز وخدمتهم حلوة وعندك غري وهيتاشي اسبلت وكلفينتور امريكي

[سارونه]

يا خواني ما في احسن من جنرال لا تفرطون بالممتاز واتركوا عنكم التجاري والتعبان والردي ..

[اللوز]

فوجي زين

[بـارود]

غري يمدحونهم

[w.qatar]

خدمه ما بعد البيع في ال جي ما تسوى ريال
حتى في الكمبيوترات و الاجهزه الثانيه
عانيت وياهم و حرمت اشتري شي من هالشركه

[Hamad_qa]

من أتعس المكيفات اللي قد مرت علي في حياتي
lg رديئة لأبعد الحدود !!!!

[qtri80]

جنرال وبس
انا شريت 13 مكيف ال جي وتحسفت من 5 سنين والحين بدلت لجنرال

[alnoida]

مداخلة
المكيف عندي أستهلك وحاب أبدله
ذهبت الى lg وانا عميل عندهم قديم معظم أجهزت البيت من عندهم
أرسلوا فني لفحص البنية التحتية للمكيف القديم ( مواسير النحاس وتصريف الماء والكهرباء )
وكانت النتيجة أن الكهرباء ضعيفة - مساكن بروة
وعليه النصيحة مكيفات lg لا تصلح لك!!!!!!!

مره الخدامة أغلقت الكهرباء عن الثلاجه بالخطاء وكنا مسافرين الحسا
ولما رجعنا وجدنا الدجاج والحم والخضروات متعفنة
أتصلت عليهم أرسلوا فني، فك الثلاجه ونظفها في البيت وكان الحساب 50 ريال فقط

من كم سنة أشتريت مكيفات lg صينية صراحة تعيسه

[mr.hamouda]

المكيفات عندهم رديئه
و المواعيد عندهم للصيانه نفس الشي ...

[ana_ana]

مدح المكيفات يبي له تجربه قديمه والحين مع التطور وتقلل الكلفه والعمر الافتراضي للمكيف صار من الصعب الاختيار ومب شرط المكيف يكون اغلا نوع بس دايم الواحد يختار الكمبريسر يكون نوع البستن لنه يشغتل في عز الحر ومايفصل والمكيفات الجديد حتى وهي نوع البستن ادائها مب مثل مكيفات زمان اغلب الصناعات الحين للمكيفات في تايلند ونوع الكمبريسر امريكي وابعدو عن الصناعه الصينيه ومنهم الي ذكرتوه بالموضوع

من تجربه جنرال العمادي وفوجي الريس

تبي الاجود لازم تدفع اكثر روح حق ترين

[مخطط قطري]

متسوبشي وقري وتوشيبا هم في المركز الاول بحكم التجربه لسنوات خصوصا توشيبا
في المستوى المتوسط فوجي وكم شركه وياها
في الدرك الاسفل ل جي حرام هذي شركه الالكترونيات خربت السمعه لا تلفزيونات عدله لا ثلاجات لا مكيفات الحمدالله انا على وشك التخلص من جميع اجهزتهم ف البيت وكان قرار خاطى يوم شريت منتجاتهم والحمدالله باقي تلفزيون واحد في احد الغرف وثلاجه وحده ف المطبخ ومكيفين انتظر بس مع اول خراب بحذفهم ف زباله وباخذ ماركات اخرى التلفزيون سامسونغ والمكيفات قري او توشيبا ومتاكد اني قريب بقطهم

[أسير نت]

فوجي وغري

وجنرال ما عاد نفس قبل

[fantasy]

عندك التوشيبا اسبلت وويندو ممتاز وخدمتهم حلوة وعندك غري وهيتاشي اسبلت وكلفينتور امريكي

عط الخباز خبزه
صراحه جربت توشيبا علا اساس الاسم الرائد لهم, اكتشفت عقبها انه مكيف دون المستوى لان الغرفه لي تبرد يطفي طبعا الكمبرسر (شريت ثلاث مكيفات و لي كلمت الشركه قالوا هذا نظامه المكيف للاسف) بس المشكله انه يطول لي مايرد يشتغل لدرجه ان الغرفه تصير حاره شوي والله قمت صرفتهم و عطيتهم الدريول
خلك علا جنرال

[الســيل]

من سنه ركب 6 مكيفات سبيلت و3 ويندو جنرال

بعد شهر من التركيب مكيفين من السبليت بدا ينزل منه ماي

كلمت المصري نسيت اسمه ثاني يوم طرش لي الفني وعدلوه قالو لي كان فيه خطاء في التركيب


والحمدالله مرتاح مع المكيفات حتي صوت ماتسمع

[وجه السعد 2]

اتصلت في شركة lg من اسبوع وطلبت فني يشوف الغسالة قالوا لي بالكثير يومين يكون عندك .. اسبوع مر ولين الحين ما جاني مع اني اتصلت فيهم اكثر من ثلاث مرات !!!!!!!!!!!!!!!

[ابو عادل]

مافي افضل من مكيفات جنرال العمادي
هاذي المكيفات الصح

[QTR-1978]

شركه تعيسه والمكيفات اتعس خصوصا الاسبليت عمره الافتراضي 3 سنين وينقط
مكيفات جنرال ممتازه بس عندهم النوع الجديد لاتاخده كمبريسره اصغر شوووي اذا رحت اسال البايع عنه الجديد شكله مودرن واحلى بس القديم كمبرسره اكبر
الميتسوبيشي بس في نوعين صناعه يابانيه هذا ممتاز وابعد عن صناعه الامارات لان في شركتين ميتسوبيشي

الفوجي مكيف روووعه بس صوت دفع الهوا شوي عالي اذا حق غرفه وانت تحب الهدوء يمكن يزعجك