انصدمت من سوء تفاعل المرور و 999

[Nojoom]

السلام عليكم
اليوم الصراحه انصدمت من إجراءات المرور وتفاعل 999

رحت لسوفتيل والكل يعرف الزحمه الي هناك والواحد ماله الا مواقف السوفتيل الارضيه .. وللاسف تفاجئت بشخص موقف سيارته بحيث انه مغلق المخرج والمدخل للمواقف .. السيارات فوق 7 تبي تطلع والحبيب مادري وينه واحد منهم يقول صار لي ساعه انطر . كلمت 999
حولوني للعمليات وبعدها اتصلت فيني الدوريه وقالت ترى بس بنعطيه مخالفه !!!

قلت له مايصير شلون والعالم الي تبي تطلع والي تبي تدخل قال هذا الاجراء عندنا

ونتظرته وتكلمت معاه وكلمت العمليات مره ثانيه ونفس القرار ماتغير
تمللت ورحت بعد ماشرطه لصقت بس مخالفه وراحت .

والحمدالله اني ماكنت داخل المواقف ..الناس للحين قاعده تنطر مساكين

معقوله هذا فقط الاجراء في ناس تعطلت مصالحها وفي ناس ظاع يومها وهي تنطر ولا تعرف لين متى تنطر .

الناس معصبه والشرطي ماستحملهم وراح عنهم . شنهو ياربع 500 ريال مخالفه قسم بالله قهر

صوره لسياره وهي باص ..

https://www.dropbox.com/s/86gln55dsdyz52c/20140801_171718.jpg

[Nojoom]

ياربع والله مصدوووم معقوله شخص يعطل فوق 10 سيارات من غير الي في المواقف بعد .. والمخالفه فقط 500 ريال

الشرطي يقول هذي اوامر الضابط ..

الضابط المفروض يقدر الظرر ويرسل ونش تسحب السياره

[Aaziz]

انسان يستحق السجن و حجز سيارته. و فعلا المرور حدهم يعطون مخالفه.
لو مدخل مستشفى بنلقاله عذر و بنقول ممكن عنده حاله طارئه ولكنه مسكر مواقف سوق.

واحد من ربعي مره شفت في سيارته حبل قلص قلت له شعندك ما اخبرك راعي عديد و مغامرات ، قال لي لا الله يسلمك هالقلص للحوش الي يسكرون باب بيتنا ؟؟
اقول له من صجك حد يوقف قدام بابكم قال لي نعم دوم تصير و اكلم المرور يقولون لي نعطيه مخالفه فقط. زين و انا ابي اطلع ولا ادخل بيتنا و الاخ نازل يتسوق في المحلات القريبه من البيت شسوي فيه انطر حظرته يخلص.

المهم انه خذاها من قصيرها و مايكلم لا مرور ولا غيره. حط قلص في موتره و اذا لقى حد موقف و ساد عليهم الباب يقلص الموتر يسحبه لين زاويه الشارع. اقول له بتخرب قير السياره الي تقلصها يقول لي قلعته لو يستاهل ماسكر بيبان خلق الله.

اذا القانون غير رادع مالك الا تخلق قانونك الخاص.

[Aaziz]

نجوم ترى يرسلون ونش. بس احيانا تكون فيه حوادث و الونشات تكون مشغوله

[رهج السنابك]

اكيد عارفين منو صاحب الباص وان عرف السبب بطل العجب

[بريق الحق]

ماتقلص موتره وتخلي القير ينكسر عليه

[عاشق العديد]

والله لا ابنجر توايره

وادعمه ادزه لين ما اطلع

[ثابت]

الشرها على الضابط عيب والله عليهم المفروض يتحاسب لنة ممكن يسبب الشخص الي معرقل السير مصايب ويعطل مصالح العالم
انا مرة سكر علي واحد والله بلغت ماحد جاني نقعوني لين جاء صاحب السيارة وانا متضايق واصل حدي بس تعوذت من الشيطان لنة الي مسكر كان برود يرد وركب سيارتة وحركها راح قلت لة بشتكي عليك ورحت المركز اشتكي قلت ابي اشتكي دشيت على الضابط كان رتبة بعد رائد تاج موجود في العاصمة القديم الي جنب سوق واقف قلت لة السالفة وانا متضايق من تصرفهم انهم ماجاوا قال لي بطريقة مستفزة كان ضربتة تميت اطالعة واطالع الادريس والرتبة مصدوم من ردة دريت ان الطاسة ضايعة حركت وهملتهمظ*

[توشيبا]

محطه زيتون ليله العيد فوق خمس سيارات مسكره المخرج ووحده من السيارات صافه بالريوس

دخلنا مع مدخل الدخول وطلعنا منه

والقهر كلهم نازلين محل يشترون فواكه

والقهر الاكثر ان الفزعه دشت المحطه وقف عند الدكان يوم خلص طلع مع الدخول شاف السيارات مسكره المخرج

طارت هيبه المرور بالاساس

ومره راجع من الوكره شفت كورلا طايفه دوريه مرور من اليمين ولا وقفه ولا سوا اي شي له @@

[توشيبا]

واخوي ثلاث تسعات مهمتهم توصيل البلاغ للجهه المختصه مافي يدهم شي

[الجوكر90]

الشيخ فالقانون يحق للشرطي ان يا يخالف او يحجز الموتر
ï»»ن اخبر مره رفيجي صف غلط فالستي والخرجي شاف الموتر واحجزه
بس الشرطه عندنا مايبون يطولونها بس مخالفه

[محمد سعيد]

هههههه

كان جلصت الباص وفكيت العالم من شره

[الساجد لربه]

اعانكم الله

[qatar711]

انت غلطان يالغالي

المفروض تكلم وحش الداخلية ( الأخويا ) او الفزعة
صدقني يشلونه وسيارته فوق رأسه
المرور صارت اضعف إدارة على مستوى الوزارة

[العلياا]

انسان يستحق السجن و حجز سيارته. و فعلا المرور حدهم يعطون مخالفه.
لو مدخل مستشفى بنلقاله عذر و بنقول ممكن عنده حاله طارئه ولكنه مسكر مواقف سوق.

واحد من ربعي مره شفت في سيارته حبل قلص قلت له شعندك ما اخبرك راعي عديد و مغامرات ، قال لي لا الله يسلمك هالقلص للحوش الي يسكرون باب بيتنا ؟؟
اقول له من صجك حد يوقف قدام بابكم قال لي نعم دوم تصير و اكلم المرور يقولون لي نعطيه مخالفه فقط. زين و انا ابي اطلع ولا ادخل بيتنا و الاخ نازل يتسوق في المحلات القريبه من البيت شسوي فيه انطر حظرته يخلص.

المهم انه خذاها من قصيرها و مايكلم لا مرور ولا غيره. حط قلص في موتره و اذا لقى حد موقف و ساد عليهم الباب يقلص الموتر يسحبه لين زاويه الشارع. اقول له بتخرب قير السياره الي تقلصها يقول لي قلعته لو يستاهل ماسكر بيبان خلق الله.

اذا القانون غير رادع مالك الا تخلق قانونك الخاص.



ماتقلص موتره وتخلي القير ينكسر عليه


والله لا ابنجر توايره

وادعمه ادزه لين ما اطلع

فعلاً حلول جذرية للمشكلة :nice:

[سـ ع ـود]

صعبتها الله يهداك
كان لصقت صدامك في الموتر وريس ولايردك الا اقرب طوفه او صبيه كنسل موتره وحرك
بدال ماتتصل في المرور وتنتظرهم اخر شي مخالفه 500 ريال
اذا ضعف القانون لازم الانسان يضع قانونه الخاص ويمشي عليه شرط مايظلم احد << وهذا اللي انا امشي عليه
:)

[مراد2015]

الله يعينك الحمدلله سيارتي ماهي مصكر عليها

كان علوم

[l0o0rd-qtr]

هذا اهون من اللي يصف عند باب البيت ويصكر عليك يعني مالقيت الا هالمكان تصف فيه

[لمت اب]

مشكلتنا في قطر

الشخص الغير مناسب في مكان حساس

هذي بوجهة نظري المتواضعه تنطبق عليه مخالفات
1- عرقلة الحركه
2-الوقوف في مكان غير مخصص للوقوف
3- حجز مركبه بدون وجه حق
لأنه حجز سيارات عن التحرك
يا جماعه هذه التصرفات اكبر تشويه لصورة البلد
وتصرف المرور السلبي زاد تشويه الصوره واظهر ضعف قوانيننا

اتوقع الاشخاص الي حظروا من المرور غير مؤهلين او لا مبالين
ثم انه
يجب مراجعة المخالفات لوضع غرامات خاصه لمثل هذه التصرفات ان لم تكون موجوده

[puree]

لو انه قطري وخاصتا ان كان توه شباب

كان سوو له سالفه ويوصلونها لين الحجز


الله كريم

[khaldoon]

الشباب ماشيه على المثل اللي يقول..... العيله اللي ما فيها واحد صايع حقها ضايع و المقصود بالصايع يعني اللي قلبه قوي وما يسكت عن حقه مب الصايع اللي يعتير هامل و مؤذي

على العموم انا اعرف انه الشرطه بتتصل بالشخص مباشرة في هذه الحالات و يقولون له حرك سيارتك بمجرد انك تعطيهم رقم اللوحه

مره صفيت بعيد عن باب مدرسة بنتي علشان ما اسكر على احد و مشيت ويوم رجعت لقيت واحد مسكر علي و انا موقف في موقف قانوني و الحبيب مخلي المفتاح بالسياره

قهرني قمت حركت سيارته و خليتها في عرض الشارع و طلعت و تركتها

[DreamBox]

لو انه قطري وخاصتا ان كان توه شباب

كان سوو له سالفه ويوصلونها لين الحجز


الله كريم

تصدير السياره وتحويل للنيابه ومن ثم المحكمه ولو المحكمه برأته بيجيه سجن اداري 6 شهور :nice:

[حسن]

ماادري كيف ومن مستلم البلاغ وهذا يدل على عدم معرفه مستلم بلاغك بالتصرف

شوف ياخوي الاجراء المفروض ان يسير

انا مره حصلت موتر مسكر علي انتظرت شوي وماجاء بحكم انا لو اسكر على شخص انتبه للسياره
علشان يمكن يجي صاحب اللي مسكر عليه ولا اخلي السياره مبطله والمفتاح فيها يعني يقدر يسوقها
ويشيلها عنه هذا عرفنا من الالول في قطر
المهم
اني اتصلت على العمليات وبلغتهم ان في حد مسكر علي واني انتظرت وماجاء وهذا رقم السياره واتصلو
عليه وكلموه بحكم ان بواسطه الرقم يطلع عنده من المالك وبياناته
وقلت لهم اذا بتخالفونه ماني باعطيكم الرقم وبانتظره قالي لا قلت له هذا رقم اللوحه
وعلى طول اتصلو له ولا هو جايني يركض سوري راعي مفروشات وبدون دوريه
ولا مخالفه
كان اطب في بطنه شوي واعلمه لما يبي يسكر فا يحط المفتاح في سيارته علشان نوخرها
ولا كل شوي يطلطل على سيارته علشان يشوف اللي مسكر عليه جاء راعي السياره ولا لا

خلاصه موضوعك تصرف مستلم البلاغ هو الغلطان ورجال المرور اللي جاو يخالفون
ايظا يتحملون مسؤليه البلاغ وهذول طامه كبري ويجب ان يحاسبون
لعدم معرفتهم بالتصرف ببلاغ تافه مثل هذا
معقوله يجون يخالفون ولا يتصلون براعي السياره
هذا كارثه تستدعي التحقيق فيها

:)

[المحقق كونان]

المرور فاشلين

[فيصل99]

افااا وين هيبة المرور

لا ويبون الناس تلتزم بالقوانين

[qatarman8008]

ياعمي هذي الاشكال عشان يطلب كرك يسد شارع كااااااااااامل..
ولا حياة لمن تنادي..

[مضارب دوسري]

لو مبلغ في تويتر كان افضل لك
مدري ليش صار تويتر يخوووف اكبر راس
مثلا رئيس قسم فالبلديه تعامل معاي باسلوب مب محترم ابداااا
قلت له اعرف كيف اجيب حقي قالي اي يصير خير
رحت اشتكيت لمديره قالي معليه بكلمه بكره ههههههههههههه

قمت واشتكيت ف تويتر وعينك ما تشوف الا النور اتصالات من العلاقات العامه وتحقيق معاه وجابو لي حقي وخلوه يعتذر

اعتقد اي حساب رسمي لوزاره يكون متابع من العلاقات العامه
لذا اعتقد لو كانت الشكوى في تويتر كان في دقايق ساحبين الموتر ويقولون لراعيه راجعنا فالحجز عقب العيد
وارجع البيت ب تاكسي

[S S]

ايوقف اي مكان بس اذ دعمته من غير قصد وانت تبي تطلع بعد انت الغلطان بالعربي اقعد انتظر او يتصلون فيه او يخلفونه لين مايوصل الحبيب هذا بعد اذ خالفوة قانون غريب ابصراحه