للاسيوي ب 10 ريال وللقطري ب 15 ريال؟؟؟

[الدوحه1]

اليوم حلقت شعري عند الحلاق التركي في "سفاري مول" اللي في ابوهامور.
المهم خلصت وجيت بادفع الا يقول لي 15 ريال مع العلم انهم حاطين لافته بالأنجليزي ان سعر حلق الشعر للفلبيني والنيبالي ب 10 ريالات.
واللسته اللي بالعربي ان حلق الشعر ب 15 ريال.
وشفت الفلبينيين والسيويين يدفعون 10 ريالالت بس!!!!!

اول مره اشوف محل حاط قائمتين للاسعار وبشكل علني.. قائمة اسعار للقطريين وقائمه ثانيه للاسيويين!!!!

فاتمنى ابلاغ حماية المستهلك بالموضوع..

[Chambray]

صور اللستتين ، وارسلها لحمايه المستهلك

[start555]

اليوم حلقت شعري عند الحلاق التركي في "سفاري مول" اللي في ابوهامور.
المهم خلصت وجيت بادفع الا يقول لي 15 ريال مع العلم انهم حاطين لافته بالأنجليزي ان سعر حلق الشعر للفلبيني والنيبالي ب 10 ريالات.
واللسته اللي بالعربي ان حلق الشعر ب 15 ريال.
وشفت الفلبينيين والسيويين يدفعون 10 ريالالت بس!!!!!

اول مره اشوف محل حاط قائمتين للاسعار وبشكل علني.. قائمة اسعار للقطريين وقائمه ثانيه للاسيويين!!!!

فاتمنى ابلاغ حماية المستهلك بالموضوع..

وليش انت ما تبلغ حماية المستهلك

[قطريه ماركه]

بلغ حماية المستهلك
قبل لا يتمادوون و الكل يسوي سواتهم

[Rashid554]

وليش دفعت ومارفضت وانت بلغت حماية المستهلك ؟

[المارونـــي]

اغلب الحلاليق اذا مب الكل سعر للقطري غير والاجنبي غير يعني انت تحلق لحية وراس ب 35 ريال والهندي لحيه وراس ب 15

[roma27]

المفروض حد فينا يفتح حلاق للقطرين فقط

[مجرد احساس]

كان يفترض تبلغ حماية المستهلك وتكتب في المنتدي وشو الاجراء الي تم

[وليف الشوق]

انا اللي اشوفه لازم تتحرك الجهة المسؤوله عن تحديد اسعار الصالونات الرجاليه وبشكل عاجل لان الصراحه وبكل امانه كل حلاق يختلف عن الثاني وكل حلاق او صاحب محل حلاقه يتلاعب ويقرر سعر نوعيه الحلاقه ان كانت لحية او تحديد او حلق شعر كامل او تخفيف الشعر ، والمصيبة ان ماصار لي فرصه احلق ليلة العيد لظروف معينه وحلقت العصر اول ايام العيد وطلب مني احد الحلاقين مبلغ وقدره وخيالي عن حلاقة اللحية فقط ولما سألته ليش السعر المبالغ فيه رد علي وقال (( خبرك عشان عيد وانا ابي عيديه وثاني شي قال زين مني اداوم في العيد )) طيب وش الفرق انه داوم خلال الايام العادية او المناسبات ؟ احنا قاعدين نتمادى في الموافقه على السعر والجهات المسؤوليه مااشوف انها تحركت لوضع حد للمهزله اللي صايرة من تحديد اسعارها والمصيبه اننا تعلمنا الكرم وصارت عادة عندنا اننا نعطي الحلاق بخشيش او عموله فوق السعر وعشان جذي قاموا يتامدون الحلاقين لدرجه ان اكثر الحلاقين لما تخلص من الحلاقه يقوم ويحرجك قدام الحاضرين بقوله ( بابا مافيه بخشيش ) واتمنى من الجهات المعينة محاربة مايسمى بالبخشيش ووضع تعميم لجميع محال الحلاقة وكذلك جميع المحال والمجمعات وايضا على صاحب العمل تنبيه العماله بعدم مطالبه الزبائن بالبخشيش او زيادة عن سعر السلعه او المادة المباعه .

[الروقي]

العنصريه للقطري وللاسف في بلادنا فيكل شي على سبيل المثال التصوير ست صور للقطري 20 ريال وولااجنبي 10 ريال

[S S]

من زمان هم جذي حتى المطاعم وغيرة الأغلب منهم الود ودة يدبل السعر على القطري وربعنا بعد مايقصرون امدلعين الأجانب بالبخشيخ وغيرة

[ســــند]

والله ان تشوف بعد سنين يالمقيمين العرب والاسيوين ان يحتلون كل شي ويفسدون في قطر ... وبدات اصلا لكن بتوصل لمرحلة تمسك راسك وكل شي علني

[بوفاطمه]

نصب في نصب .
المفروض يسكرون المحل ويغرمونهم .

[المحقق كونان]

المفروض تصور اللسته وترسلها لحماية المستهلك

[طلعة الروح]

بصراحه الموضوع نكته والمفروض صاحب الشأن يبلغ حماية المستهلك
وكذا قطري يبلغ عشان يصير اجماع على الموضوع ويتخذ قرار سريع بشأنه

[qatari 111]

حتى ولو غيروا قائمة الاسعار خلوها قائمه وحده ماراح نستفيد شي .
لان الحلاق راح يقول له عطني عشره ريال وخل الخمسه لك

ولكن الصراحه الاسيويين مثل هذولا نرفق بهم بسبب قلة رواتبهم . ومب موضوع انه قطري او غير قطري

عيل بروح لهم ببدلة اسيويين وبيحلق لي بعشر ريالات .

[POINT]

مأساة.

عجبني اقتراح roma27
يطلع قطري شقردي أمين و مقروص من هالبوق يفتح حلاق، و واحد ثاني يفتح محل تصوير و اضربوهم.

[saeed2005]

الحقيقة أن هذا المحل وضع لائحة وكشف نفسه ولكن غيره بل الأغلب يمشي على هذا المنوال السعر للقطري غيييييير وأنا كوني ألبس لباسا قطريا وأفخر به أحيانا عندما أرى السعر مرتفع أميل على البائع وأقول له صديق أنا ما في قطري أنا سم سم أنت فيقوم مشكورا بتنزيل السعر ... وهذه الظاهرة سببها للأسف البعض الذي يعطي بلا حساب .

[Hudaa]

المفروض حماية المستهلك يجبرون صالونات الرجال بالفاتورة نفس صالونات النساء علشان مايقدرون يتلعبون وفيه دليل لما بتشتكي

[المحاميه]

اما


نكته ذي

[Hudaa]

المفروض حد فينا يفتح حلاق للقطرين فقط

لو تم وضع صالون للقطرين بيصبح اغلى الدبل من العادي نفس اللى في الانستجرام التجار القطرين اتقول بتربحهم من بلادك اسعارهم دبل الدبلات

[دااانة قطر]

حتى اسعار مراكز التجميل وعروض الجلسات اللي ندفعه احنا للمقيمات نص السعر

[ضاحي]

نعم الأجنبي يدفع اقل من القطري قالها لي مره مهندس فلبيني

[qatari93]

اغلب الحلاليق اذا مب الكل سعر للقطري غير والاجنبي غير يعني انت تحلق لحية وراس ب 35 ريال والهندي لحيه وراس ب 15

+1
صح كلامك

[ameeer3]

شعر القطري يحتاج مقص من ذهب مثلن

شي غريب قاعد يستوي في ها البلاد من قبل الاجانب ضد القطريين بالأخص

[برشلوني قطر]

وليش انت ما تبلغ حماية المستهلك

ههههههههههههههههه

والله ضحكني الموضوع...

يعني ممكن يساعدهم لانهم ع قدهم...لاكن يحط لافته << صج يستاهل مخالفه