تجربتكم مع مراكز الدايت فود.وجبات الرجيم .

[ابن البيطار]

مساكم الله بالخير.وكل عام ونتوا بصحه وسلامه ورشاقه :discuss:

السؤال مثل ماهو في العنوان الي جرب المراكز الي تسويلك ثلاث وجبات للرجيم مع التوصيل للبيت .يعطني فكره عن التجربه وهل استفاد وهل الطعام لذيذ وشنهو نوعية الطعام في كل وجبه وكم المده المناسبه للاشتراك وهل يفقد المشترك وزن بشكل كبير .واي مركز افضل من الاخر.

نتمنى تفيدونا بتجاربكم ويعطيكم العافيه

[khaldoon]

والله يا اخوي ما جربتها ... بس اللي كنت اسمعه انك بتمل من تكرار نفس الوجبات و بتضج.... بعدين هالاشياء هذه مثل انك تسخن الماي... طالما في نار تحت الماي بتظل سخنه و بس تشيل النار بترجع تبرد ولا كانها سخنت من قبل ... يعني وقف عن الرجيم و الدايت في هالمراكز بترجع مثل اول و اكثر بعد

الرجيم لازم يكون تغيير طريقة اكل و حياة و ليس تغيير وجبات و ما اعتقد بتم طول عمرك على وجبات هذه المراكز

تحياتي

[ممنوع اللمس]

الي يبي يضعف يسأل عن حبوب اسمها أو بالون
وهي بديله لعملية بالون المعده وبنفس المميزات
حبه تنبلع وتتحول لبالون فالمعده لمدة ثلاث ايام

[ابن البيطار]

شكرا اخي خلدون على المشاركه وانا قصدت استخدام البرنامج لفتره معينه حتى الوصول الى وزن معين ومن ثم عمل برنامج منزلي بديل . ممنوع اللمس هل لهذه الحبوب مضره او اثار جانبيه؟

[بومحمد911]

اقولك الكلام الصح من واحد يشتغل في هالمحلات الدايت قالي كله كلام فاضي مجرد شو لا اكثر .

[وحيد-الشوق]

سوي لك دايت سلطات واكلات خفيفة هالمراكز كلها خرابيط وياخذون منك 3000 في الشهر ويقصون عليك

[عاشق العديد]

مثال ماقال وحيد

انت سسولك اكل دايت وفي حسابات انستقرام تعلمك كل شي اول باول
انا واحد ماكان لي بالمطبخ كلش مستعد الحين اسوي لك معكرونه دايت جباتي دايت
دياي مع مشروم دايت في مليون طريقه

[(Sara)]

شكلي راح اشتغل على موضوع الدايت لاستفادة منه
عاشق تشاركني بالموضوع وانسوي طبخات دايت :victory:

[العلياا]

^^^^
مشروع ناجح بكل المقاييس وصدقيني يدخل ذهب


بالنسبة لصاحب الموضوع
انا جات فترة اشتركت في سليم دايت سنتر او دايت سنتر ماذكر اسمه اللي اذكره شعاره احمر
اشتركت مو لنزول الوزن لكن عشان صحتي ولان دوامي طويل ولازم كل يوم ادخل في دوامت شنو بنطلب اليوم !!

المهم ان لازم تتعود على هالروتين وهالشي خلاني ما اكمل معاهم
كل اسبوع تختار مينو جديد لكل يوم بس الاكل مب حلو وخصوصا انهم يدزون لك ما يعادل ثلاث وجبات في وقت واحد
يعني فطور وغداء وعشاء وسناك ولاني احب الاكل يكون فرش ما اقدر اكل الا وجبة وحدة
تقدر تشترك معاهم اسبوعياً او شهرياً او حتى يوميا الشهر تقريبا بثلاث الف والعلبة لليوم الواحد بمية ريال


اتمنى لك كل التوفيق

[عاشق العديد]

شكلي راح اشتغل على موضوع الدايت لاستفادة منه
عاشق تشاركني بالموضوع وانسوي طبخات دايت :victory:

يالله على ايدج افتتحححي الموضوع وانا احط الوصصفات ..

[mohamedsolyy]

السلام عليكم
انا جربت مركز slim fit كان الأكل طعمه مش كتير بس كان كل جمعة اجازة وممكن تنزل في الشهر ظ¤-ظ¥ كيلو مع الرياضة وبعدين جربت مركز دايت سنتر اشتركت معاهم في رمضان كميات الأكل اكبر والطعم احسن كتير بس مافي ولا يوم اجازة بس اذا تبي بتوقف الاشتراك يوم او اتنين او ثلاث ونزلت معهم في رمضان ظ§ كيلو بس في مل الحالات لازم يكون في إرادة انك تنزل