قومــــــــــي نظّفي بيتك !!

[طبيب قطري]

السلام عليكم ورحمة الله وبركاته
اليوم موضوعي مختلف وموجهه حق ربات البيوت خصوصا وحق الشباب ايضا اذا حابين تشاركو بتعليق أو دعوه لي ولاولادي

خلص العيد وخلصت حملة النظافه اللي كانت قايمه بالبيوت قبل العيد
السؤال لربات البيوت اشلون كان شعوركم بعد تنظيف البيت ؟ هل تشوفونه هم وواجب ثقيل؟ ولا هو شي محبب للنفس وخصوصا اذا سمعتو كلمه شكر وثناء من كل من دخل بيتكم وتنفس ريحة النظافه والدخون المحبب للقلب
الهدف من النظافه مب بس شي صحي ولكن هناك فوائد كثيرة
قال صلى الله عليه وسلم:
" طهروا أفنيتكم فإن اليهود لا تطهر أفنيتها "

ولذلك تلاحظون البيوت اللي مايحرصون اهلها على ترتيبها ونظافتها تمتلئ
بالمشاكل
والقلق
والحزن
والمصادمات
والكسل
تعرفون ليش؟
لان الشياطين تدخل حيث وجدت رائحه كريهة عفنه
رائحة زبالة أعزكم الله
ملابس متسخة تفوح منها رائحة العرق
أو رائحة طعام متعفن
وغيرها
لهذا عليك ان تحافظي على بيت بلا روائح مهما كانت بسيطة لا تشميها فالشياطين تشمها

نظفي بيتك ليكون رائع الرائحة فتدخله الملائكة
احرصي على اخراج الشياطين لترتاج نفسيتك ونفسية اطفالك
وتتحسن علاقتكم جميعا
واخيرا
ابقي القرآن مفتوحا طوال الوقت
ونظفي بيتك ....نظفي بيتك ...نظفي بيتك

منقوول مع تعديلات بسيطه

[Qatar Perfume]

و عليكم السلام و رحمه الله و بركاته..

بالنسبه لسؤالك وشو شعورنا بعد التنظيف؟

راحة نفسية بصراحة ..

نظافة البيت في نظري من نظافه اصحابه.. انا استغرب من اللي ينظفون البيت كامل قبل العيد.. هل النظافه بس للعيد!!

يعني لو التنظيف يومي كان ما صارت العفسه في البيت قبل العيد..

و صج البيت النظيف اللي يلق مافيه غبار يفتح النفس خاصه بعد اذا مدخنين البيت.. و فيه بيوت استغفر الله ريحتها طباخ و كتمه مايهوون البيت .. حتى الترتيب مايعرفونه..

[qatara]

النظافه شي غريزي في المومن

حسب ام المره كانها راعيه بيت وسنع بتكون البنت مثلها

[ضوى]

معقولة فيه ناس قاعدة في الفوضى والروايح العفنة؟

[حسن]

النظافه من الايمان

الله يخلي الخد م لو لاهم كان خياس الناس يوصل لين الى حز م الجلاميد

متابع من بعيد لاني متابع خذلان العرب من احداث غزه

:)

[يمامـة]

معقولة فيه ناس قاعدة في الفوضى والروايح العفنة؟

موضوع غريب ..

لأن الافكار تغيرت عن عشرين سنة راحت،، البيوت الحين بفضل من الله وتوافر الخدم
اصبحت نظيفة بنسبة 90% فإذا ربة البيت ما تنظف بنفسها فهناك خدم ينظفون..

فريحة الدخون والعود توحي باجواء العيد كل يوم مب يوم واحد..
وليست نظافة البيت هي اللي توحي بان الدنيا عيد ،، الا عند اللي ما ينظفون بيوتهم
الا في السنة مرتين في عيد الفطر وعيد الاضحى..

[ANONYMOUS]

النظافه من الايمان

الله يخلي الخد م لو لاهم كان خياس الناس يوصل لين الى حز م الجلاميد

متابع من بعيد لاني متابع خذلان العرب من احداث غزه

:)


اجل نطالب ترجمة هالموضوع للغات التاليه

الفلبين
لهند
سيرلانكا
اندونيسيا
كينيا
بنغلاديش

[QATAR 77]

اجل نطالب ترجمة هالموضوع للغات التاليه

الفلبين
لهند
سيرلانكا
اندونيسيا
كينيا
بنغلاديش

:victory:

[Qatar Perfume]

اجل نطالب ترجمة هالموضوع للغات التاليه

الفلبين
لهند
سيرلانكا
اندونيسيا
كينيا
بنغلاديش

ليش الترجمه!!!

المرا ملكه البيت هي اللي لازم تامرالخدم ينظفون ولا الخدم مب من نفسهم بينظفون..

السنعه هي اللي بتقعد على راس الخدامه و تعلمها ولا الخدم مب هامهم النظافه دام بيئتهم اللي جايين منها ما تساعد..

[QATAR 77]

قومي خمي الحوش

اندونيسي pergi membersihkan halaman
فلبيني pumunta linisin ang bakuran
بنغلاديشي গজ à¦ھরà¦؟ষà§چকার যান
هندي यारà¥چà¤، साफ जाना
كيني kwenda safi yadi

[hanayen]

اسم الله عليكم ما اعتقد في بيت وصخ كل بيوتنا في قطر نظيفة والبخور ما يفارق بيتنا والخدم ينظفون يوميا والحمد لله في نعمه وخير
والله يجعلنا وإياكم من االطاهريين المتطهريين

[الزعفراني]

ما أظن في عصر وجود الخدامه والثنتين والثلاث فيه بيوت متسخه .. الله يديم النعمه

[حمد 2002]

ان شاء الله مليون خدامه بالبيت .. إذا ربه البيت مهمله وتشتري راحتها ولا تدري بشيء بالبيت .. اكييييييد البيت بيكون كله قذاره .. لأنه الخدم مب هامهم شيء اذا راعيت البيت مب مهتمه .. حلال مب حلالك ..... كملوا المثل ...


بالتوفيق ..

[alsoq]

صدقني لو النساء يقومون يوميأ بالواجب من ناحيه الاستعداد من صبح بدايه من صلاه الفجر للفطور الاولاد للتنظيف البيت بكل يومي ما شفت امراض النساء الحاليه منها
السمنه
الاكتئاب
الفراغ ,,,الخ

الان اما مريضه من قل الحركه او الوزن زايد او مرض نفسي ,,, الخ

[طبيب قطري]

موضوع غريب ..

لأن الافكار تغيرت عن عشرين سنة راحت،، البيوت الحين بفضل من الله وتوافر الخدم
اصبحت نظيفة بنسبة 90% فإذا ربة البيت ما تنظف بنفسها فهناك خدم ينظفون..

فريحة الدخون والعود توحي باجواء العيد كل يوم مب يوم واحد..
وليست نظافة البيت هي اللي توحي بان الدنيا عيد ،، الا عند اللي ما ينظفون بيوتهم
الا في السنة مرتين في عيد الفطر وعيد الاضحى..

عاد مب كل الحريم نفسج ينظفون كل يوم.. في ناس النظافه بالنسبه لهم روتين يومي وناس النظافه واجب سنوي ههههه !

[طبيب قطري]

ان شاء الله مليون خدامه بالبيت .. إذا ربه البيت مهمله وتشتري راحتها ولا تدري بشيء بالبيت .. اكييييييد البيت بيكون كله قذاره .. لأنه الخدم مب هامهم شيء اذا راعيت البيت مب مهتمه .. حلال مب حلالك ..... كملوا المثل ...


بالتوفيق ..

فعلا في ناس عندهم بدال الخدامه ثلاثه واربع وتعتمد عليهم انهم ينظفون ويرتبون البيت لكن في اعتقادي هذا ماينفع ابد، لازم الحرمه تكون مشرفه عليهم وتراقبهم

[طبيب قطري]

ليش الترجمه!!!

المرا ملكه البيت هي اللي لازم تامرالخدم ينظفون ولا الخدم مب من نفسهم بينظفون..

السنعه هي اللي بتقعد على راس الخدامه و تعلمها ولا الخدم مب هامهم النظافه دام بيئتهم اللي جايين منها ما تساعد..

عجبني هالرد، اشكرج

[الجـــوديّ]

اذا ربة البيت ما تشرف بنفسها على تنظيف البيت لا تعتبرون البيت نظيف
اختبار بسيط يدلكم على نظافته
او ازحموا كراسي الصالة او شوفوا فوق مكيف الوندو او ازحموا الثلاجة او الفرن ... وشوفوا :)
اذا كانت هالاماكن نظيفة ممكن نقول ان البيت نظيف
لان الشغالات مايعرفون النظافة في بلادهم شلون نعتمد عليهم في نظافة بيوتنا؟

[Locale]

الخدم يبيلهم متابعه

بين فتره وفتره البيت يبيله تنظيف جامد من غسيل الزل والكراسي وغسيل الثلاجات والفريزرات
وداخل الكباته هذي هوايتي اقعد اطلع الاغراض اللي اشوف مالها داعي
وحزات حتى الاغراض اللي تكون جديده اطلعها اذا ماكان لها داعي وبدون استخدام
مثل هذي الامور لازم ربت البيت اهي تشرف عليها

[عثرة جواد]

صباح الخير

مب مستوعبة كلامك ف بيوت ممكن اتكون مب نظيفه

انا لو اشوف البيت دقيقة مب نظيف تقوم الدنيا غير البخور اليومي

والعيد اكثر التنظيف الحمدلله احنى دينا دين نظافة غير الي تربينا عليه

ربنا ولك الحمد

[طبيب قطري]

الخدم يبيلهم متابعه

بين فتره وفتره البيت يبيله تنظيف جامد من غسيل الزل والكراسي وغسيل الثلاجات والفريزرات
وداخل الكباته هذي هوايتي اقعد اطلع الاغراض اللي اشوف مالها داعي
وحزات حتى الاغراض اللي تكون جديده اطلعها اذا ماكان لها داعي وبدون استخدام
مثل هذي الامور لازم ربت البيت اهي تشرف عليها



بالذات داخل الكباته في ناس من زود اهمالهم مايعرفون شعندهم لدرجه يشترون نفس الملابس ونفس الاغراض بدون اي داعي والنتيجه تكدس الملابس بالكباته ومايستخدمونها وهذا طبعا يطمع الخدم فيهم ويجعلهم عرضه للسرقه..

ربة البيت الحريصه نعمه من رب العالمين

[طبيب قطري]

النظافه شي غريزي في المومن

حسب ام المره كانها راعيه بيت وسنع بتكون البنت مثلها

اتفق معك تماما

[قنديلة]

النظافة من الإيمان .

شاكرة.

[غريب الدّار]

معقولة فيه ناس قاعدة في الفوضى والروايح العفنة؟

للأسف اختي ان في
وهذا راجع لعقلية ربة البيت اللي لما ربوها ماعلموها ان التنظيف واجب عليها خحصوصا لما تتزوج لانها تكون مسؤوليتها حتى لو ماقامت فيها بشكل مباشر

[نوار قطر]

البيت لو كانت فيه بدل الخدامه عشر خدامات ماراح ينظف بالشكل الي تكون راعية البيت فيه على راسهم ،،، مانطلب انها تمسك المخمه وتخم ،، او تنظف ارضية البيت ،، المطلوب انها تامرهم نظفو وسنعو وتشرف عليهم ،، مب تقط كل شي عليهم ،،، قالها حمد جنب مهب جنبك جر عليه الشوك ،،، الحمدلله بيوتنا نظيفه وريحة البيت. مافي احسن منها،،، بالنسبه لي كل يوم قبل لا اطلع حق الدوام الصبح لازم ادخن البيت بشبه وسويده وياوي وافتح الدرايش ،، طبعا غير البخور ومعطرات الجو ،، والقران 24 ساعه ولله الحمد

[w.qatar]

^^^

اختي سمعت ان الياوي يحبونه الينانوه مادري صج ولا لا ؟؟


بخصوص موضوعك اخوي انا زرت ناس فالعيد شرايك زوايا البيت فيها بيوت عناكب من كثر الغبار و الخدم مسدحين محد يقول لهم نظفوا
اساس البيت المره السنعه اذا هي نظيفه بيتها نظيف و العكس صحيح

[بريق الحق]

^^^

اختي سمعت ان الياوي يحبونه الينانوه مادري صج ولا لا ؟؟


بخصوص موضوعك اخوي انا زرت ناس فالعيد شرايك زوايا البيت فيها بيوت عناكب من كثر الغبار و الخدم مسدحين محد يقول لهم نظفوا
اساس البيت المره السنعه اذا هي نظيفه بيتها نظيف و العكس صحيح
هههه تحضر الجن قبل لا تطلع من البيت ( مجرد مزحه )

[نوار قطر]

^^^

اختي سمعت ان الياوي يحبونه الينانوه مادري صج ولا لا ؟؟


بخصوص موضوعك اخوي انا زرت ناس فالعيد شرايك زوايا البيت فيها بيوت عناكب من كثر الغبار و الخدم مسدحين محد يقول لهم نظفوا
اساس البيت المره السنعه اذا هي نظيفه بيتها نظيف و العكس صحيح

والله من زمان واحنا ندخن بيتنا بشبه وسويده ماشفنا شي وعلى ماسمعت ان يعقم المكان ... واءا بتطلع الينانوه خل تطلع احنا محد .. الخدامات بيتفاهمون معاهم خخخ

[نوار قطر]

هههه تحضر الجن قبل لا تطلع من البيت ( مجرد مزحه )

تبي اطرشهم لك:tease:

[طبيب قطري]

والله من زمان واحنا ندخن بيتنا بشبه وسويده ماشفنا شي وعلى ماسمعت ان يعقم المكان ... واءا بتطلع الينانوه خل تطلع احنا محد .. الخدامات بيتفاهمون معاهم خخخ

ريحة الشبه والسويده تعجبني بس ماظنتي نحطها للينانوه.. يعني هذي عاده توارثناها من زمان :)

[حبر وقرطاس]

انا على وشك يجيني وسواس قهري من كثر اهتمامي بالترتيب والنظافه والروائح ...

[حبر وقرطاس]

طبيب قطري فكره الموضوع جميله والاجمل ان يكون العنوان جاذب للسيدات ربات البيوت . فيه تحبيب وترغيب الصيغه الامره لا يقبلها حتى طفل .انها فطره فالبشر ذكر ام انثى .. صغير ام كبير ماتفرق
دائما يتحدث الاخوه عن النساء القطريات المهملات وحاشى لله ان تكون الفئه الغالبه .ارجو تسليط الضوء على النماذج الايجابيه والتي هي الاكثريه وليس تكبير الشريحه الكحيانه تحت المجهر طال عمرك وعمر القراء
مانت بخسران شي عندما ترغب وتتفنن في طرح الموضوع بشكل لائق يتماشى مع عقليات ذكيه تحمل مسؤوليات وعبء وتربي اجيال وتحمل مسؤوليه انفس ولولاها لخرج الازواج للشوارع بثياب معفسه من كسلهم ههههه

[نوار قطر]

ريحة الشبه والسويده تعجبني بس ماظنتي نحطها للينانوه.. يعني هذي عاده توارثناها من زمان :)

بالضبط من استوينا واحنا ندخن البيت والحمدلله ماجرى علينا شي ،،، اصلا الياهل في الاربعين قبل المغرب لازم يدخنونه بشبه وسويده ،،حتى ريحة البيت تصير مميزه

[تركواز]

بوجود شغاله ولا بعدمها ماعرف انام وفي وصخ في المكان يجيني وسواس يقولي الوصخ حايشني وانا بفراشي

[طبيب قطري]

بوجود شغاله ولا بعدمها ماعرف انام وفي وصخ في المكان يجيني وسواس يقولي الوصخ حايشني وانا بفراشي

هههه انا نفس الوضع!

[pure]

طبيب قطري ,, شرايك تطرح لنا مواضيع صحيه مفيده ,, tips للصحه وجذي ,,

[الدمعه]

عجبني العنوان بصراحه توقعت بلاقي شي انا غافله عنه في بيتي .... المهم انه شدني :nice:


احنا تعودنا على ريحة العود والبخور الصبح ،، وريحه علج البان والسويده قبل المغرب ،،

تربينا على جيه مب شي جديد ،، هاي بخصوص الدخون ،،،

اللحين الاجهزه اللي على بطاريه تبخ العطور في البيت ،، فدايما الريحه الطيبه موجوده ،،

والتنظيف بشكل يومي واسبوعي وشهري ،،، وحق العيد غير التنظيف تكون في اشياء جديده مثل

الزل وبعض الديكورات فيكون البيت له شكل ومنظر جديد + ريحة العود ،،

فتتغير ريحة البيت وتحس انها ريحه مربوطه بالعيد فقط ،،

ومثل ماقالوا الباقي الخدامه عمرها ماتعرف تنظف اذا راعية البيت ماعلمتها ،، هم جايين من بيئة وسخه .

[طبيب قطري]

طبيب قطري ,, شرايك تطرح لنا مواضيع صحيه مفيده ,, tips للصحه وجذي ,,

حطي اي موضوع يهمج عن الصحه وبشارك بمداخلاتي ، حاضرين للطيبين