انيميا حاده

[الخيالة]

سلام عليكم

ممكن اعرف اذا حد منكم كان عنده أنيميا حاده؟ طنين في الاذن والدوخه ونتيجة تحليل دم قالوا انيميا حاده
شنو العلاج وهل في علاج شعبي
وكم مدة العلاج
محتاجه مساعدتكم

[R 7 A L]

فقر دم يعني !

[رجل الجزيرة]

الطبيعي أحسن مثل صفار البيض والكبد وبعض البقوليات مثل العدس.
وإذا حادة مرة وحدة

فيه حبة إسمها:

Vit D2 50.000 IU(1.25MG)

حبة وحدة إسبوعيا لمدة شهرين، أو بإستشار الطبيب أو الظهور في الشمس.

[الخيالة]

اي نعم انيميا يعني فقر دم

[الخيالة]

الطبيعي أحسن مثل صفار البيض والكبد وبعض البقوليات مثل العدس.

و يأثر فعلا؟

[الخيالة]

الطبيعي أحسن مثل صفار البيض والكبد وبعض البقوليات مثل العدس.

و يأثر فعلا؟

[رجل الجزيرة]

المشكلة إنهم يسببون في ارتفاع ضغط الدم إذا زاد أكثر من حدهم، بس أنا أستعمل الحبوب ولكن الأفضل إستشارة الطبيب علشانه يقدر يعمل تحاليل للدم ويتابع هذي المشكلة.

[الحياة الخالدة]

الطبيعي أحسن مثل صفار البيض والكبد وبعض البقوليات مثل العدس.
وإذا حادة مرة وحدة

فيه حبة إسمها:

Vit D2 50.000 IU(1.25MG)

حبة وحدة إسبوعيا لمدة شهرين، أو بإستشار الطبيب أو الظهور في الشمس.

إبر أو حبوب فيتامين دال تعالج نقص الفيتامين في الدم و لا تعالج فقر الدم و هو نقص الحديد
و علاج الأنيميا الحادة هو إبر الحديد أو حتى نقل الدم إذا كانت النسبة منخفضة جداً
العلاج بالتغذية مفيد و لكنه لا يرفع نسبة الحديد بسرعة و غالباً لا يمكن الاعتماد عليه في حالة النقص الحاد

[QtrGate]

اختي فقر الدم وراثي عندج؟
كان عندي فقر خفيف والحمدلله وصلت المعدل الطبيعي خلال شهرين

ونقص فيتامين دال في أغلب الأحيان يكون ملازم له.

حامض الفوليك مفيد جدا
وفي منه حبوب ممكن استعمالها لمدة معينه

في أشياء يجب أن تكون في المطبخ
يعني لو كل يوم شي منهم ...
((( الكبدة والعدس والزبيب الاسود وعصير الشمندر والحليب)))
الكبدة فيها أملاح وايد لاتكثرين منها
تغيرين الحب و المكسرات .. بالزبيب
كثر من الفواكه والخضروات والعصائر
الابتعاد عن الكافيين والغازات والأكلات الدسمة.. يعني القهوة والشاي بعدي عنهم

أن شاء الله راح يرتفع تدريجي
وبتحسين بالتحسن من الشهر الي بعده
والله يوفقج أن شاء الله

[Aaziz]

ماتشوفين شر ،،،، انصح بالاتجاه الى الطب و بشكل فوري ع عمل فحوص ضروريه في البحث عن سبب الانيميا .. قد تكون الانيميا عرض لمرض ما بعيد الشر
الواحد يتطمن افضل.
الطب ثم الطب ثم الطب عند دكتور متميز
العلاج بالطرق الشعبيه و التركيز على غذاء معين يفيد في حالات النزول العاديه مش الحادة .

[QtrGate]

ماتشوفين شر ،،،، انصح بالاتجاه الى الطب و بشكل فوري ع عمل فحوص ضروريه في البحث عن سبب الانيميا .. قد تكون الانيميا عرض لمرض ما بعيد الشر
الواحد يتطمن افضل.
الطب ثم الطب ثم الطب عند دكتور متميز
العلاج بالطرق الشعبيه و التركيز على غذاء معين يفيد في حالات النزول العاديه مش الحادة .

اكيد لازم فحوصات
والفحص الأول لمعرفة النسبة والفحص الثاني للتأكد من التحسن

وأغلب الشعب القطري عندهم فقر دم كان حاد أو بسيط
بسبب عدم وجود نظام غذائي صحي
واعتمادنا على العيش وابتعادنا عن الفواكة والخضروات السبب الرئيسي وراء فقر الدم

[hanayen]

ما تشوف شر الانيما عباره عن فقر دم وهو عرض مت أعراض أمراض كثيره منها وراثي ومنها بسبب فقد الدم
يجب استشاره طبيب للتشخيص ومعرفه الأسباب الف لا باس عليك اخي الكريم

[Aaziz]

اكيد لازم فحوصات
والفحص الأول لمعرفة النسبة والفحص الثاني للتأكد من التحسن

وأغلب الشعب القطري عندهم فقر دم كان حاد أو بسيط

غلطان اخوي ،،، احنا عندنا بكثره نقص فيتامين d
مش انيميا (فقر دم)
الانيميا تحتاج وقفه ،، فيتامين دال يهون
مابي اهول الموضوع و اخرع الخياله ،، لكن المستشفى دوم مع الانيميا يوقف و يسوي فحوصات جديه .. فيتامين دال حبوب اسبوعيه ولا يوميه و خلاص

[رجل الجزيرة]

نعم أنا غلطان أنا جاوبت على نقص الحديد وليس فقر الدم.

[النهار]

عصير قصب السكر مفيد جدا لفقر الدم
او عسل قصب السكر يجي نفس الدبس

[حراير قطر]

ما عليج شر ان شاء الله

ابتعدي عن الشاي الاحمر وعليج بالتبولة والفتوش

وحاولي تاخذين جلسات ابر حديد وعقب الحبوب

واخذي بنصيحة عزيز روحي سوي فحص كامل

وبعيد الشر عنج احتمال يكون لوكيميا الدم اهو اللي يسبب الانيميا الحاده

[رهج السنابك]

ماقلتي كم طلع عندج؟؟
نصايح حراير ممتازه لان البقدونس غني جدا بالحديد
وبعطيج سحر خلال اسبوع بيرفع عندكم الحديد فل
تاخذين الشمندر وتسوينه عصير مع برتقال وتصفينه وتشربينه لان فيتامين سي في البرتقال يسرع من امتصاص الحديد في الشمندر
الشمندر عصيره حلو نكهته مب قويه وهو مثل الدم سبحان الله

داومي عليه يوميا كوبين وحللي بعد اسبوع

[العلياا]

ما عليج شر ان شاءالله

حبيبتي انا فيني فقر دم حاد من وانا ياهل لي ما كبرت جربت كل انواع الحبوب وغالبا لو كنتي تابعة لمركز صحي
بيصرفون لج حبة الحديد الحمراء وبصراحة ما منها فايدة في ابرة الحديد هذي ممتازة لكن فقر الدم يحتاج تحليل قبل اخذ اي نوع ادوية لان ما ينصرف الا بعد التحليل

راح اقولج قصتي ولو انها مخجله اشوي :o

انا كان السبب الرئيسي لعدم استفادتي من الادوية هو ادماني على الثلج حخخخ
اي لا تستغربين ثلج والطريف فالموضوع ان ولامرة خطر ع بالي وعلى اي حد من الدكاترة اللي كنت اروح لهم انه السبب الاساسي لين ما رحت مركز الريان الصحي عند دكتورة سودانية قعدة تهاوشني وتقول انتي لو نزل اقل بشوي بعطيج تحويل لحمد عشان ينقلون لج دم طبعا مت خوف لان الكلمة بحد ذاتها تخرع
المهم اللي اذكره اسالتي سوال غريب قالت ( انتي تاكلين رمل !!!!! والا ثلج !!!! )
انا استغربت قلت لها شالعلاقه بين الاثنين قالت ان الثلج يمنع امتصاص الحديد يعني مهما كلت حبوب وخضراء واشياء عشان ترفع لي نسبة الحديد ماراح ينفع معاي ، طبعاً ما انسى هالدكتورة اللي فكتني من المستشفيات من بعد معاناه سنيييين طويلة :(

بالنسبة لنوع الاكل يفضل تكثرين من الخضروات مثل الخس والجرحير اي شي لونه اخضر
اللحوم الحمراء والليمون وايد مفيد واهم شي بعد حبة الحديد ماتشربين برتقال وفي شي ثاني نسيته

آسفه على الاطالة لكن اتمنى لج الشفاء العاجل

[طبيب قطري]

لو كنتي سويتي التحليل رجاء اكتبي نتائج صورة الدم

[رهج السنابك]

طبيب اشرايك فينا وكل واحد مسوي نفسه دكتور على البنيه هههههه عاد الاطباء يرتفع ضغطهم من المتفلسفون

العليا احس الي قلتيه كلش ما يمشي مع اي نظريه طبيه على مر التاريخ
اش دخل الثلج بالحديد
الثلج ماي وان كلتيه راح بالمعده كانه ماي بارد فقط لا اكثر

[شتان]

نعم اكل الثلج يدل على فقر الدم ونقص الحديد

انصحج بمتابعه انستقرام اخصائيه التغذيه ريم العنزي reeminerals

والدكتور سام قباني بفضل هالدكتور اللي ساعد ناس كثير وعالجهم انصحج بمتابعتهم samkbbani

[بوحارب]

مع احترامي للردود كلها كلام فاضي

الأنيميا ممكن سببها السرطان الله لا يقول

انا ما افاول بس هذا احد الأسباب وخاصة اذا كانت الأنيميا مفاجأة

سوو تحليل دم شامل ولازم دكتور أمراض الدم اللي يتابع الحالة
عشان يعرف شنو السبب للأنيميا

[فرفوش]

السلام عليكم

اختي اذا كان المرض وراثي من الصغر فهذا شي ثاني

اما اذا كان شي جديد عليج فاعتقد انه نزول احد الفيتامينات
وهاي يعتبر شي مؤقت لين يرتفع الفيتامين اللى ناقص وبعدها تنتهي المشكله

نقص الحديد يسبب فقر دم

نقص الفوليك بعد يسبب نقص

وفيتامين ب12 يسبب نقص

عشان جذي شوفي ايش اللي ناقص بالضبط

ومانصحج تاخذين شي بدون ماتعرفين شنهي النتايج

[العلياا]

العليا احس الي قلتيه كلش ما يمشي مع اي نظريه طبيه على مر التاريخ
اش دخل الثلج بالحديد
الثلج ماي وان كلتيه راح بالمعده كانه ماي بارد فقط لا اكثر


والله يالاستقراطية وبيني وبينج انا ولا سألتها شالعلاقة
ماكنت افكر الا شلون بينقلون لي الدم وهل بتكون ناجحة والا لا طبعا فكرة توديني وفكرة تجيبني

وبعدين قلت ممكن يكون هذا السبب الرئيسي لاني كنت منتظمة على الحبوب والاكل بس ماكنت استفيد منه
وفعلا بعد ما وقفت اكل الثلج كل شي تغير خصوصا اني وصلت لمرحلة مستعصية من الادمان ما كنت اشرب ماي نهائيا
بعدها ماصرت احس بدوخ ولا اغماءات واظافري تعدلت

[بصمة قطرية]

إبر أو حبوب فيتامين دال تعالج نقص الفيتامين في الدم و لا تعالج فقر الدم و هو نقص الحديد
و علاج الأنيميا الحادة هو إبر الحديد أو حتى نقل الدم إذا كانت النسبة منخفضة جداً
العلاج بالتغذية مفيد و لكنه لا يرفع نسبة الحديد بسرعة و غالباً لا يمكن الاعتماد عليه في حالة النقص الحاد

إذر الحديد ممتازة
بس للأسف ما تناسب الكل ..!!
من فترة شهرين تقريباً خذتها و دخلت المستشفى بسببها ..
سببت لي هبوط في الضغط و ترجيع وانتو بكرامة
و تسارع في النبض ..
ما إرتحت و تحسنت حالتي و قدرت أطلع إلا عقب ما خذت محاليل في الوريد ..
ما أنصح بالإبرة لأنها قوية ..
و ممكن الواحد يتعرض لآثار جانبية ..

عموماً المفروض اول شي تذكرين نسبة الهيموجلوبين
و الأهم تعرفين كم نسبة مخزون الحديد في الدم ..
عقب تبدين تعالجين فقر الدم ..

مثل ما قالت حراير ..
ابتعدي عن الشاي الأحمر لأنه يحرق الحديد في الدم ..
الشاي الأخضر و الأبيض أفضل ..

كثري من الورقيات ..
البقدونس الجرجير
الملوخية .. التبولة .. الكبدة .. و التمر ..

[حراير قطر]

ما عليج شر يا بصمه

انا خذتها الابر مرتين في 2003 و 2009

قبل ما يعطونج لازم يسون لج جرعة بسيطه اختبار يشوفونها اتناسبج او لا

وبعدين يزيدون الجرعه لين يوصلون الكمية اللي تحتاجينها بكل جلسه

ويخلونج في الاقامة القصيرة ساعتين وعقب تطلعين لانه الابره قوية

اتوقع ما سووا لج هالاختبار :telephone:

[الخيالة]

شكرا لكم جميعا

انا مب مريضه شخص ثاني مريض بس بغيت أشوف ردودكم اذا حد عنده نفس الحالة

أعراض الإرهاق والدوخه وعدم التوازن طنين في الأذن من فترة كان فيها وعقب كذا تحليل كانوا يقولون جيوب الأنفية و ماعرف شنو ومع اخر تحليل قال الدكتور انيميا حاده

[الخيالة]

الله يشفي مريضنا وجميع المرضي ياااااا الله

[المحاميه]

ابر
كنت اخذها بس تعور

وكل شي اخضر زين للانيميا

[بوحارب]

زين مريضكم راح يسوي تحاليل دم ولا لا !!!

الله يشافيه ويعافيه يارب

[ضوى]

اعرف واحدة كان عندها الدم 3 , وصف لها الطبيب حبوب وماعرف شنو ، بس ماتحب الادويه ، عالجت نفسها بنفسها خلال اسبوعين ، الطبيب ماصدق النتيجة صار الدم عندها 13 , اللي سوته انها كانت مع كل وجبه صرة جرجير ثلاث مرات ومرشوش عليها زيت زيتون وليمون ، بس هذا كل اللي سوته وطبعا التغذيه كثرت من العدس والخضروات الورقيه الخضرا ، الشمندر رهيب للدم جربي هالاشياء وشوفي النتيجة على مريضكم خلال اسبوعين وان شاء الله يتشافى يااارب

[بصمة قطرية]

ما عليج شر يا بصمه

انا خذتها الابر مرتين في 2003 و 2009

قبل ما يعطونج لازم يسون لج جرعة بسيطه اختبار يشوفونها اتناسبج او لا

وبعدين يزيدون الجرعه لين يوصلون الكمية اللي تحتاجينها بكل جلسه

ويخلونج في الاقامة القصيرة ساعتين وعقب تطلعين لانه الابره قوية

اتوقع ما سووا لج هالاختبار :telephone:

الشر ما يجيج يارب ..
العلبة فيها اعتقد ست ابر او خمس
يعني كورس حديد ..
الابر ( انبولات صغيرة ) يخلطونها مع النورمال سلاين ..
هاذي هي اللي خذتيها ..!
أول جرعة تعبتني ما كملت قطعت العلاج ..
الكل قال نتخذ الجرعة على طول ما في تجربة .!!
خذتها في مستشفى خاص ..

[بصمة قطرية]

اعرف واحدة كان عندها الدم 3 , وصف لها الطبيب حبوب وماعرف شنو ، بس ماتحب الادويه ، عالجت نفسها بنفسها خلال اسبوعين ، الطبيب ماصدق النتيجة صار الدم عندها 13 , اللي سوته انها كانت مع كل وجبه صرة جرجير ثلاث مرات ومرشوش عليها زيت زيتون وليمون ، بس هذا كل اللي سوته وطبعا التغذيه كثرت من العدس والخضروات الورقيه الخضرا ، الشمندر رهيب للدم جربي هالاشياء وشوفي النتيجة على مريضكم خلال اسبوعين وان شاء الله يتشافى يااارب

متأكدة 3 ضوى ..!!!
مستحييييل ..
ثلاثة يعنس ما تقدر توقف على رجولها ..
وصل عندي ثمانية في فترة ما كنت قادرة أوقف ..
أغمى علي و لا حسيت بعمري الا وانا في الطواري ..
الدكتور قال لي لو تكرر هالشي و لا نزل الهيموجلوبين أكثر
بنسوي لج نقل دم ..

[ضوى]

متأكدة 3 ضوى ..!!!
مستحييييل ..
ثلاثة يعنس ما تقدر توقف على رجولها ..
وصل عندي ثمانية في فترة ما كنت قادرة أوقف ..
أغمى علي و لا حسيت بعمري الا وانا في الطواري ..
الدكتور قال لي لو تكرر هالشي و لا نزل الهيموجلوبين أكثر
بنسوي لج نقل دم ..

نعم صحيح بصمة وكانت ذاويه تماما ، وكان مقرر لها نقل دم ورفضت وطلعت على مسؤليتها الخاصة ، عموما هي تجارب قد تفيد ان شاء الله

[الخيالة]

اعرف واحدة كان عندها الدم 3 , وصف لها الطبيب حبوب وماعرف شنو ، بس ماتحب الادويه ، عالجت نفسها بنفسها خلال اسبوعين ، الطبيب ماصدق النتيجة صار الدم عندها 13 , اللي سوته انها كانت مع كل وجبه صرة جرجير ثلاث مرات ومرشوش عليها زيت زيتون وليمون ، بس هذا كل اللي سوته وطبعا التغذيه كثرت من العدس والخضروات الورقيه الخضرا ، الشمندر رهيب للدم جربي هالاشياء وشوفي النتيجة على مريضكم خلال اسبوعين وان شاء الله يتشافى يااارب



شلون اسوي الجرجير؟؟؟

[الخيالة]

بو حارب

كم مره سووا فحص دم مب اول مره والحين كانت النتيجة أنيميا حاده وكاتبين ابرة نأخذها من حمد ونخلص الأدوية ونروح موعد ثاني نبتدئ علاج غير لان قال مايصير العلاج مع بعض

[بوحارب]

بو حارب

كم مره سووا فحص دم مب اول مره والحين كانت النتيجة أنيميا حاده وكاتبين ابرة نأخذها من حمد ونخلص الأدوية ونروح موعد ثاني نبتدئ علاج غير لان قال مايصير العلاج مع بعض

غريبة !!!

ع العموم انا انصح يروح تايلند

لان لازم يعرفون شنو سبب الأنيميا

ترا انا جاتني أنيميا ونزل دمي لين 6

وتميت خمس شهور افحص في حمد والأمل وكل الفحوصات سليمة

ويوم رحت لندن اكتشفوا عندي السرطان الله لا يبلي حد

لذلك نصيحة لازم اول ينعرف شنو سبب الأنيميا وبعدين العلاج !

[ضوى]

شلون اسوي الجرجير؟؟؟


صرة جرجير قطعيها او مثل ماهي رشي عليها ليمون وزيت زيتون وخل اذا تحبون ومع الوجبات الريوق الغدا العشا يعني صرة صرة مب حبتين ثلاث

[غايه الطواش]

اختي انا صابني بسبب عارض صحي
كنت مسويه عمليه وانجحت لكن بعد فتره بسيطه الجسم رفضها وصباتني الانتكاسه ؟
صابني فيها فقر دم وحولي على قسم نقل الدم بس خفت ومارحت
وعطوني حبوب وانبولات سائله اصبها ف كاس ماي واشربها مرتين فاليوم
بالاضافه الى اني ركزت في اكلي على السبانخ والبقدونس والكبده
وكلت جرجير وايد من كثر ماكلت صابتني حساسيه منه :shy:
تقريبا استمرت هالحاله معاي شهرين لين الحمدالله ارجعت لي صحتي

[الخيالة]

رحنا عشان الإبرة اللي كانوا قائلين نأخذها في حمد ما عطوا قالوا نسوي مره ثانيه فحوصات

دعواتكم ان شاءالله يطلع شي بسيط وربي يشفي مريضنا

[وليف الشوق]

انصحك اختي الفاضله وبشكل فوري وعاجل
عسل السدر الاصلي مع لقاح النحل ومادة العقبر وبعض الخلطات وراح تلقينه في احد المحلات الي ماودي اذكر اسمه عشان مااسوي دعايه له
وتاخذين ملعقه قبل النوم وملعقه الصباح على الريق وبعد اسبوعين من الاستعمال روحي افحصي عن فقر الدم وراح تدعين لي وعن تجربة شخصيه

[الخيالة]

وليف الشوق ممكن تفاصيل ومعلومات اكثر طرشت لك ع الخاص عشان اسم المحل مارديت للحين

[الخيالة]

شن يعني بعض الخلطات ممكن تقول

[alsoq]

http://www.aljazeera.net/news/healthmedicine/2005/12/24/الحقن-بالحديد-أسرع-في-علاج-الأنيميا-الحادة-لدى-الحوامل

[هندسة]

نسأل الله العظيم ان يشفى جميع مرضى المسلمين

[الخيالة]

اخوي السوق اللي حاط حق الحوامل احنا مريضنا ريال مب مرآة ماله خص مال الحمل مشكور اخوي

[النهار]

وليف الشوق ممكن تفاصيل ومعلومات اكثر طرشت لك ع الخاص عشان اسم المحل مارديت للحين

اختي نفس الوصفه الي قال عنها الاخ وليف الشوق انا اخذها من محل فال الخير في سوق واقف المحل مقابل قهوة عشيرج
الكيلو 500 ريال مع عسل السدر الاصلي

[الخيالة]

مشكور اخوي النهار

[الخيالة]

خذوا كم غرشة دم عشان تحاليل شامل دعواتكم لمريضنا النتيجة بعد أسبوع

[Aaziz]

خذوا كم غرشة دم عشان تحاليل شامل دعواتكم لمريضنا النتيجة بعد أسبوع

بالتوفيق ان شاء الله
تصرف سليم ،، فحص شامل عشان الواحد يتطمن افضل
موفقين خير

[الخيالة]

اختي نفس الوصفه الي قال عنها الاخ وليف الشوق انا اخذها من محل فال الخير في سوق واقف المحل مقابل قهوة عشيرج
الكيلو 500 ريال مع عسل السدر الاصلي


اخوي انت كان عندك بعد انيميا حاده؟ و صرت زين مع الخلطة؟

[الخيالة]

بالتوفيق ان شاء الله
تصرف سليم ،، فحص شامل عشان الواحد يتطمن افضل
موفقين خير

اللهم أمين ربي يشفيه ويشفي جميع المرضي

[بوحارب]

خذوا كم غرشة دم عشان تحاليل شامل دعواتكم لمريضنا النتيجة بعد أسبوع

هذا اللي المفروض يصير من البداية

اما سوالف الخلطات والوصفات والأكلات الصحية
فهي مضيعة للوقت اثناء الأنيميا إلحاده

الله يشافيه ويعافية يارب

[النهار]

اخوي انت كان عندك بعد انيميا حاده؟ و صرت زين مع الخلطة؟

لا اختي ماعندي انيما والحمدلله بس الخلطه مقويه للجسم بشكل عام
عسل قصب السكر يرفع نسبة الدم بشكل كبير
وعصير قصب السكر يرفع نسبة الدم

[JN000N]

امي ذيك السنه وصل دمها خمسه مادري سته حولوها على مستشفى حمد
بس امي ماتبي نصحتها دكتوره تاكل جرجير وايد وحبوب حديد لونه وردي ماعرف اسمه
عقب اسبوعين راحت تجيك ارتفع دمها وواصلت عالجرير تاكله مع الاكل وتشرب عصير برتقال بدون ماي
والحين الحمدلله مافيها الا العافيه

[مكين]

شفاكم الله وعافاكم

[الخيالة]

اللهم امين
شكرًا لكم
ربي يشفي جميع المرضي

[الخيالة]

ممكن تكتبون شنو زين ان يأكلون لان كل ليلة كبدة يمكن المريض يزهق شنو زين غير الكبدة

[kitmat]

اختي عن تجربة العسل الاسود يرفعة اخذيه على الريج وحده كانت حامل وكان دمها 6 او 5 ماذكر بس والله مع العسل الاسود صار 14 ماشاء الله بس بشرط مايكون وراثي والله يشفيج ويشفي كل مريض

[JN000N]

ممكن تكتبون شنو زين ان يأكلون لان كل ليلة كبدة يمكن المريض يزهق شنو زين غير الكبدة

السمج زين حق الدم

[بنت الجزيرة]

عسى ربي يشفي مريضكم ويلبسه تاج الصحة والعافية ويحفظه من كل مكروه
بس اختي لازم يكون فيه سبب للنزول
لأنه لازم يعالج السبب قبل كل شي
الابر أو الاكل الطبيعي بيفيدونه أكثر في حال علاج السبب
انصحتني طبيبة بعصير الجت وبصراحة ما جربته وقالت لي أن أمها جربته ونفعها وايد


وأفضل علاج سريع ونافع جربته اللحم
كنت آكل يوميا كفتة لحم مع اني ما أرغب باللحوم لكن النتيجة كانت سريعة ولله الحمد
بس لازم يشرب عصير البرتقال عشان يساعد على امتصاص الحديد
وشوفي هذا الموقع يتكلم عن الأغذية اللي تحتوي على حديد


http://www.altibbi.com/مقالات-طبية/تغذية/اهم-عشرة-اغذية-لفقر-الدم-1438

[الخيالة]

هو في البداية كان السبب الدوخة و طنين في الأذن كل مره تحليل مواعيد أدوية كذا دكتور اللي قال التهاب اللي قال جيوب الأنفية و عقب تحليل دم قالوا انيميا وعقب حولوا حق تصوير الرأس و تخطيط مخ والأعصاب

[نفسي عزيزه]

بعطيج خلطة عصير وادعي لي

عصير الشمندر بالكرز والرمان يوميا وشوفي كم بتصير نسبة دمج ماشاءالله

[الخيالة]

نفسي عزيزة مشكوره بس شكثر أحط من كل نوع

[بوحارب]

شنو اخر نتايج الفحص؟؟؟

[الخيالة]

تحليل دم الحمدالله اخر شي طلع اوك بس الدوخة كانت موجوده و حولونا قسم المخ و الأعصاب مع أشعه للرأس سبب الدوخة الحين مايعرفون شنو

[بوحارب]

نصيحة يروح تايلند يسوي فحص شامل ما ياخذ معاه ثلاث ساعات

[الخيالة]

مشكور اخوي

[الخيالة]

ممكن اسم المستشفي وشنو الفحوصات بلضبط في حال بغينا نروح لان ولي مره رحت أهناك ومادل ولي شي

[بصمة قطرية]

في تايلاند
المستشفى الملكي
بانكوك هوسبيتال ..
و في ناس يفضلون الأمريكي ..
أنا دوم أروح الملكي ..

[توشيبا]

كبده نيه

تعطيج دم ويمكن تروحي تتبرعي بالدم

هاذي نصيحه شاب سوري حق واحد اعرفه ومشاء الله الدم عنده فل

[بوحارب]

المستشفى الملكي ممتاز

سوو فحص شامل يكلف تقريبا 3000 قطري

ومن خلال هالفحص بيتحول للدكتور المختص

ممكن تتابع مع سفريات الديرة عندهم حجوزات المواعيد والسكن في تايلند

أنصحكم بعدم التأخير في مثل هالأمور

[الخيالة]

اصلا طلع سبب الدوخه خشونة في الرقبة الحين حد عنده فكرة وصادفه هالشي؟