استشاره لأهل الأسهم ..

[_yousuf_]

السلام عليكم ورحمة الله وبركاته ..

يالربع انا عندي مبلغ حوالي 150 الف وما عارف كيف استثمره لانه لاهو مبلغ اقدر اشتري فيه عقار ولا انه اقدر افتح فيه تجاره ..

عشان جذي قلت مافي الا الأسهم خصوصا اني مب محتاج للمبلغ حاليا نقول هالسنه او السنتين الجايين ..

عشان جذي حبيت استفسر واستشيركم اشرايكم بالفكره ؟؟

وشنهي افضل شركة تشوفونها حاليا احط فيها المبلغ واشتري اسهمها ؟؟

والله يجزاكم كل خير ويرزقكم من فضله ..

[المهلهل]

انا اقول دش على مواضيع التحليل وسئل المحللين في مواضيعهم
والتي ترتاح حق شرحة توكل على الله وخذ بنصيحته

[الحـ قطر ــب]

بالنسبة لي اشوف قطاع البنوك اضمن ( المصرف - الريان - الدولي ) وانا افضل وارشح الريان لان سعره حاليا زين 53 وحسب كلام اخوانا المحللين احتمال لين شهر 2 الجاي يوصل لل 97

بما ان راس مالك زين وزعهم على 3 شركات او شركتين و احد هالشركات خلها الريان

وفي شركات حلوة مثل الدولية القابضة و وقود انت اتدخل عالتحليل الفني وشوف كلام المحللين واسالهم وهم مابيقصرون وياك

للعلم انا مالي خبره بس مجرد وجهة نظر من مستثمر خواف هههه

[دربوه]

نصيحه لاتدخل الحين انطر لين ينهار السوق

وادخل على اكثر الشركات تضررا وبيع مع اول ارتداد

استمر على هالحال وراح تنجح باذن الله

لاتدخل وقت الارتفاعات نهائيا لانك جديد ع السوق وماعندك خبره

واهتم باراء المحللين والاخبار من باب الاطلاع مو اكثر

بس لاتعتمد على كلامهم انه صح ميه الميه