تعطيل المصالح والتبلد من الموظفين جاب لي الضغط

[ثابت]

السلام عليكم ورحمة الله وبركاتة

الله يكفيكم شر الضغط انا مادري الاعراض الي فيني يمكن بداية ضغط لني احس برعشة في جسمي وريولي الم فيها من تحت مثل السكين الله يحفظكم
ندخل في الموضوع انا مستغرب ومتعجب من اكثر الموظفين بما فيهم مسؤلين وموظفين عادين ومدراء ووزراء لما يتعطل موضوعك ويكون الرد قانوني بحت مع انة الموضوع يمشي ولا فية ضرار على القانون ولا فية ضرار على احد بالعكس فية مصلحة الشخص صاحب الموضوع الي في هالزمن بلوي الدنيا على راسة من كل صوب والمسؤليت الي ماتخلص يجيك موظف لنة يعاني من نفس الضغوط من الحياة يمكن خدامة شاردة منة او دريول ويصبح المكتب يعطل امور ومصالح الناس بسبب انة مالة نفس يشتغل او تذمر من الراتب او او او طيب انا شنو دخلني تعطل موضوعي رحت لشركة وموظفة من خواتنا العربيات تقول لي لا بوص حضرتك انت خلاص موضوعك ماشي وكل حاجة اوكي تكتشف انة العكس ترجع لها تقول لك اه دة انت مش فاهم فية حاجة لسة ناقصة ماكملتش طيب كملنها طب انت روح امورك 100 ال 100 تروح تكتشف امورك 0 ال 0 ترجع وعلى هالحالة طيب ليش لماذا ولما هذا التعسف من قبل بعض الموظفين وتعطيل مصالح خلق الله طيب.

انا اتمنى يكون هناك روح التراحم وعدم تعطيل الناس ومصالحة ياخي قول لة من البداية ولا تمطل فية مادري ياليت نشوف من الاعضاء بعض الحلول لهذي الظاهرة الي تجيب الضغط

[ya3coub]

أخوي ثابت الله يعينك على بلواك و للأسف هذا هو الواقع الي موجود عندنا للأغلب و ليس الكل و خصوصا بالوزارات "يعتمد بالدرجة الاولى على الموظف او الموظفه و ذمتهم"

قبل كانت تعال بكرة الحين تطورو و صارو يقولونلك انت صح 100% علشان ما ترجع لهم خير شر.
بس صدقني تروح و ترجع ارحم من انك تصادف او تتعامل مع النوع المتطور من هالفئة و يضيع عليك مجهود و وقت و لا تقدر تسويله شي.


الحلول بسيطة جدا جدا جدا
عندنا شي اسمه كمبيوتر و الناس قامت تتطور الحل الأبسط انه أغلب المعاملات تتحول بالإيميل او المراسلات بالجوال او عالأقل يكون عندك مستندات واقعية بالتواريخ: تاريخ التسليم و الطلب.

ايضا بالأيميل يكون مكتوب المطلوب
و ردك عليهم مع المرفقات بالأشياء المطلوبة فلما تراجع او تستفسر يكون عندك تاريخ المراسلات بالي اطلبوه منك و ايضا بما ارفقته.


المشكلة تكمن انه اذا بتشتكي مافي مكان معين و واضح لأخذ شكواك بعين الإعتبار فتروح للمسؤول الي يطلع فبعض الأحيان اردى من الموظف نفسه و لا يمكنك حتى معرفه من رئيس هالمسؤول لتشتكي او تبلغ عن تصرفاته.



قد يرى البعض الأعضاء انه ردي سلبي يمكن لردائة من صادفت بالتعامل معهم "بالتعليم خصوصا" <<< درست سنة على ذمة احد الموظفين لأفاجئ انه شهادتي الجامعية دوليا معترف بها و محليا مو عاجبتهم بينما للأجانب الي درسو معاي عادلوها !!
و ايضا بالسابق مع هيئة المواصفات و المقايس للأسف بالحالتين المأساويتين ترى انه موظوعك قانوني و لك الحق 100% و ايضا قانوني لدى مثل هالوزارات الي تحطلك شروط متناقضة ببعضها او بنائا على اللجنة!!



بينما وزارة الخارجية و الداخلية ما شاء الله التعامل و الرد على الشكاوي و استخدام التكنلوجيا للشكاوى لديهم احسن من الوزارات الأخرى مع الرد و الماتبعه.

ما نقدر نعمم عالوزارات ولكن كله يرجع للإنظباط و المحاسبة بكل ادارة بعد ذمة الموظف نفسه

[كود نمبر]

لا تظلم حظك يا اخوي ثابت
فيه الموظفين المجتهدين وفيه الاتكاليين
الحمد لله الأمور طيبه وين مانروح بمعاملاتنا والأوراق كلها سليمه وحاضره محد يقدر يعطلك
اذا عندك شكوى او ملاحظه معينه وصارت معاك ليش مادخلت على مسئوالهم المباشر او مدير هم
وتأخذ حقك

[لمت اب]

كلام الأخ ثابت صحح 100%

بعض الأشخاص في غير مكانه المناسب...يعطل معاملات الناس ويبهدلهم
والمشكلة ما يناقشك حتى ما ينكشف انه ما يفهم شيء
تجيه قاعد على الكرسي منشئ الغترة والثوب اخر سكبه ومن داخل اجوف وهو (سامان ديغا)
واجهنا كثير مثل هالأشكال
والي مشجع على استمرار امثال هؤلاء هو عدم وجود مرجع في الوزارة او في الدولة تشتكي عليهم
بعظهم جامعي للأسف من خريجي جامعات الانتساب وصدق نفسه انه فاهم
و موظف ثانوي يسوى عشره مثله
أيضا انا ما أقول جميع خريجي الانتساب
بعضهم زعطوط تو ساير رئيس قسم ما تدش عليه الا بموافقة السكرتير او موعد بعد اسبوعين يمكن
من المسؤول عن انتشار امثال هؤلاء في المؤسسات الحكومية
من المسؤول عن ضياع حقوق المواطنين بسبب امثال هؤلاء الموظفين (السمان ديغا)

[خالد32]

اذا القانون معاه في تعطيل الامور اذاً الخلل في القانون و ليس الموظف فقط..

[meandme]

والله السالفه يبيلها تغيير جذري...انا حاسس بشعورك...لاني رحت من شهر وزارة الاقتصاد اسوي سجل تجاري...معااااااااااناااااااااااااه .....الموظفات ياكلون شوكلت وكيك ومديرهم قاعد وراهم معاه فطاير يوزع عليهم ...وعادي 20 شخص بانتظار دوره ومحد فاضيلهم..لا وبس وصل عندي الدور يقولونلي السيستم سكر خلاص كانت الساعه وحده وربع ...اقلهم مو الدوام لل 2...قالولي ايه بس اليوم خميس هههههههههههههه ...تسيب كبير الصراحه ...نسبة الإنجاز ماتتجاوز ال 30 بالمئه...عقب مارديت ثاني يوم خلصولي المعاملة وبعد مارحت مبنى برزان لاخذ موافقة نشاط الموظف عمره بالستينات ويقلي ليش جاييني ليش ماسلمت الأوراق تحت ...قلتله الموظف تحت موبعارف الاوراق المطلوبه لاخذ الموافقة...قالي كان تركتهم عنده ورجعت باجر ايش وراك...انا طبعا سكتت وماعلقت لاني ابي المعاملة تمشي...عقب ماشاف المعامله يقولي وين الختم ؟؟؟ ماأقدر اعطيك موافقة عل نشاط بدون ختم وزارة الاقتصاد...وارجع مره ثانية اقولهم ماختمتولي...يقولونلي مافي ختم ارجعله وقله ...المشكله اول كانت الدواره بين المكاتب من واحد لواحد...الحين بين المباني للأسف... طق السلف واطلع وفي الاخر كله عل فاضي...الموظفين عندهم جهل بالقوانين والاوراق المطلوبه بشكل كبير للاسف يعتمدون عل مزاجية في الموافقات زائد تسيب ومماطله ويحسسك انك جاي تشحد منه ...
أنا بصراحه أكثر وزارة أشهدلها بالنظام من تجاربي (مقارنة بباقي الوزارات) وزارة البلدية عندهم سرعه نسبيا...ومن بعدهم المرور فيها نظام...ياريت وزير البلدية يمسكله 3 وزارات لانهاء التسيب

[LSBU]

والله كلامك صحيح اخوي ظ،ظ*ظ*ظھ
للاسف كثير تصير معاي مرة كان لي معاملة مهمة وكل ما اروح للموظف اسئالة شصار في موضوعي يقول موضوعك ما وصل عندنا الموظف من الاخوان العرب وهو فية كذا مكتب معة وجيتهم بعد ما ضاقت علي الدنيا وكنت ناوي خلاص اسوي لهم مشكلة حصلت واحد قطري سئالتة عن معاملتي قال لي يبة معاملتك خالصة من زمان قالت لة والاخ المصري الي يقول لي كل مرة موضوعك ماوصل قال من قال لك قام وطلع من مكتبة وراح لمكتب المصري وطلع معاملتي من عندة شي يقهر قدني بحذفة من فوق هالموظف يعني انت معطل اموري و اخر شي المعاملة مرقدها عندة على المكتب شي ينرفز بصراحة تعطيل مصالح العالم بسبب استهتار هالموظف وموجود سمنديقة بس يجمع فلوس الراتب ولا منة فايدة في ناس كفأة يوظفونهم مكانة

[alsoq]

انتم من يعطيهم الفرصه اذا لك معامله واوراقك سليمه لا تسكت بل اعمل زوبعه عن المسؤل واللي اكبر منه

حنا طيبين لا قال تعال بعدين قلنا ان شاء الله انا عن نفسي ما اطلع واتم قاعد لهم واسوي لهم ضجه لحد الواحد ما يلتفت عليه كل الموظفين او يطلع المسؤل

بس بدون ما تغلط في احد مستعد يدخلك مكتبه ويخلص امورك وانت تشرب شاي:)

[طبيب قطري]

الله المستعان

[بومحمد911]

يارب لاسهل إلا الذي جعلته سهلا