خادمه ونقاب وووين بقطر

[الصغيره]

لم يكن يوم عادي بحياة اهل بيت يقطنون احد الاحياء القطريه

الام تقول كنت اسمع بقصه ببلد مجاور واقول يا دااافع البلاء ايش هالبلاء

خادمه تلبس عباءه ونقاب وتخرج لملاقاة صديقها ...

لكن لم يتصوروا ان الخادمه الهادئه التي تعيش بينهم ممكن ان تعملها وتتنقل لملاقات صديقها

فالكل يحبها لانها حنونه بل لم يلاحظون أي تغيير بالسلوك فقط لاحظوا مرضها الدائم بالفتره الاخيره وارتفاع درجة حرارتها طوال الاسبوع مما اقلقهم

وذات ليله شاء القدر ان يصحى الاب والام لاصطحاب الجد للمستشفى مما جعلهم يتعثرون فاجاه بسيده تلبس العباءه والنقاب مما ارعبهم :eek5:

ولكن المفاجاه انها كانت خادمتهم المحبوبه عائده من سهره خارج المنزل وقد تزينت بالعباءه والنقاب واعترفت انها كانت بصحبة صديقها وبعض مواطني بلدها من الجنسين

مما جعل الاسره تتفهم الامر وتشكرها على صراحتها

الاسره مش قلقانه من الحادثه المقلق كثرة مرضها وخايفين لا تكون حامل او بها عله اما اخلاقها على قلوتهم عليها مش عليهم


الاب والام ما شاء الله متفاهمين ان هذه خصوصيه للخادمه



اش رايكم


ترى القصه حقيقيه


برايي مش متفهمين خصوصيه الخادمه الا متفهمين الخساره الفادحه اللي بتقصم ظهرهم والخوف بكره على بنات البيت وسمعة البيت مش على مشاعر الخادمه



يالله احمينا من هالبلاوي اللي كنا نسمع بها وصارت بينا

[aziz4z]

أستغفر الله , و لا حول و لا قوة إلا بالله
أي خصوصية , هاي مثل رؤية المنكر في البيت و عدم إنكاره , عاد بكرة إذا هالخدامة مع الياهال تقول لهم عندي بوي فريند و لا هالخرابيط , راح تفسد الياهال
المفروض يقولون لها تزوجي بالحلال , و إذا بالحرام مع السلامة لبلادها
في ناس صادوا خدامتهم بعد 20 سنة تسوي هالاشياء , و ماعرفوا إلا وقت أنها حامل

اللهم ابعد عنا الفواحش ما ظهر منها و بطن

[shadad]

المصدر .؟ ما عليه استحميلني شوي. اذا بنقعد نألف وننقل من العالم وبالاخير قصه حقيقية وحقيقية والاخير من نسج التلفون والخيال ونقعد نناقشها بالمنتدى وننهي النسج بمقوله : ترى قصه حقيقية !! ما سوينا شي.
على فكرة انتهت ايام التضبيط ابو نقاب وشيله خلاص. احنا في زمن الساكيب والفايبر وخلافه. فيديو ستريييييييم من المصنع للمستهلك. كل الود.:secret:

[راجي العفو]

السلام عليكم و رحمة الله و بركاته ،،
صبحكم الله بالخير و الرضى ،،
أختي صاحبة الموضوع ، لي تعليقان سريعان ع موضوعك :

1- أن نشر مثل هذه القصص لا فائدة منها بل ربما كانت لها سلبية في معرفة طرق الحرام فالأولى اجتنابها ، وهي أمور معلومة لدىجميع الناس لاتخفى عليهم ، فقط نحتاج تطبيق حديث : ( كلكم راع وكلكم مسؤول عن رعيته )

2- وهو خطأ شرعي منتشر عند كثير من الناس ، لفظة : ( شاء القدر ) ، والصحيح أن يقال : شاء الله ، لأن القدر لا مشيئة له

مع التحية ‘‘

[R 7 A L]

الي بيشوفها تطلع بيفكرها من بنات البيت

المشكلة ان فيه عوايل واسر
يلبسون الخادمات نفس لبس بناتهم عباه ونقاب

[العنيده]

خصوصيه :omg: اي خصوصيه وهي ممكن تجيب شبهه لاهل البيت وتضر اذا كان فيه بنات ..

يالله سترك وعفوك ان شاء الله :secret:

[JN000N]

المصدر .؟ ما عليه استحميلني شوي. اذا بنقعد نألف وننقل من العالم وبالاخير قصه حقيقية وحقيقية والاخير من نسج التلفون والخيال ونقعد نناقشها بالمنتدى وننهي النسج بمقوله : ترى قصه حقيقية !! ما سوينا شي.
على فكرة انتهت ايام التضبيط ابو نقاب وشيله خلاص. احنا في زمن الساكيب والفايبر وخلافه. فيديو ستريييييييم من المصنع للمستهلك. كل الود.:secret:

ليش اول مره تصير!!

رفيجه امي بنفسها مسولفه عليها
بناتها ثنتين ماعرسو وعندها كانت خدامتين
ربع اخوانهم انتبهو ان الفجر كل يوم يطلعون ثنتين لابسين عبايات ومتنقبات وهم مايدرون هذول من
بس تمو فتره لين قررو يقولون لاخوانهم وقالو ترى في ثنتين يطلعون من البيت الفجر تجيهم سياره تاخذهم
ومره البنات بيروحون عرس مع امهم وعقب مابرزو ياو لقو امهم بترقد عقب ماشربت حليب سووه لها الخدامات وهمزوها وهي تنطر بناتها يبرزون
طلعو كل مره بيطلعون فيها يرقدون الام من وهل يحطون لها منوم ف الحليب وهي ياغافلين لكم الله
قامو الشباب وربعهم ذيك الليله يراقبون الوضع لييين شافو البنتين طالعين بعبيهم وسياره يات لهم راحو مسكو البنات ومسكو راعي السياره طلعو الخدم ماليلهم بالعبي وطلع الريال الي يجيهم من دول قريبه متزوج وعنده عيال وعقب ماضربوهً بلغو عنه وتم ابعاده

[العلياا]

انا اول مرة اعرف ان في خدم يلبسون نقابات !!!!!!!!!!!!!

ليش يعني وشالحكمة من لبسهم اذا اهل البيت ما يلبسون خدمهم يونيفورم تلبس عباة فقط وحجابها عليها وانتهى ..!

[JN000N]

السلام عليكم و رحمة الله و بركاته ،،
صبحكم الله بالخير و الرضى ،،
أختي صاحبة الموضوع ، لي تعليقان سريعان ع موضوعك :

1- أن نشر مثل هذه القصص لا فائدة منها بل ربما كانت لها سلبية في معرفة طرق الحرام فالأولى اجتنابها ، وهي أمور معلومة لدىجميع الناس لاتخفى عليهم ، فقط نحتاج تطبيق حديث : ( كلكم راع وكلكم مسؤول عن رعيته )

2- وهو خطأ شرعي منتشر عند كثير من الناس ، لفظة : ( شاء القدر ) ، والصحيح أن يقال : شاء الله ، لأن القدر لا مشيئة له

مع التحية ‘‘

يالطيب
ليش تفكر تفكير سلبي؟
بالعكس! الا هالموضوع ينبه ناس وايد غافلين عن خدمهم
والله جارتنا الله يحفظها مربيه بناتها احسن تربيه وهم صغار اكبر وحده ف ثاني اعدادي بس مشالله طويله
قامو عيال الفريج يتكلمون فيهم ان بنتهم تطلع فالليل من البيت اتييها سياره
اخرتها طلعت الخدامه الي تزبر وتطلع
ويوم اخوي نقل لي كلام الشباب شيقولون عن هالبيت صححت له المعلومه ان البنت مؤدبه وامهم مربيتهم وان اكيد الخدامهً او حد ثاني يسويها ومع الوقت صارت سالفه حطو كيمرات ف بيتهم وعرفو وايذ اشيا غافلين عنها

انا اشجع كل بيت يحط كيمره عالاقل عند المداخل والمخارج

[JN000N]

انا اول مرة اعرف ان في خدم يلبسون نقابات !!!!!!!!!!!!!

ليش يعني وشالحكمة من لبسهم اذا اهل البيت ما يلبسون خدمهم يونيفورم تلبس عباة فقط وحجابها عليها وانتهى ..!

يالحب
تاخذ مثلا عبايتج المغسوله وتكشخ فيها يا تتنقب يا تتغشى وخذي انتي عاد لين كشخت وغطت ويهها من بيدري هذي فلبن والا لا؟

[راجي العفو]

يالطيب
ليش تفكر تفكير سلبي؟
بالعكس! الا هالموضوع ينبه ناس وايد غافلين عن خدمهم
والله جارتنا الله يحفظها مربيه بناتها احسن تربيه وهم صغار اكبر وحده ف ثاني اعدادي بس مشالله طويله
قامو عيال الفريج يتكلمون فيهم ان بنتهم تطلع فالليل من البيت اتييها سياره
اخرتها طلعت الخدامه الي تزبر وتطلع
ويوم اخوي نقل لي كلام الشباب شيقولون عن هالبيت صححت له المعلومه ان البنت مؤدبه وامهم مربيتهم وان اكيد الخدامهً او حد ثاني يسويها ومع الوقت صارت سالفه حطو كيمرات ف بيتهم وعرفو وايذ اشيا غافلين عنها

انا اشجع كل بيت يحط كيمره عالاقل عند المداخل والمخارج

الله يجزاج خير ..

تفكيري مو سلبي ، لكن هذا الموضوع مكرر ومعلوم لدى الناس جميعا ، مو شي جديد ، فلا فائدة من ذكر حوادث الأعيان ، ونبهت على السلبية اللي قد تحصل جراء ذكرها من باب الحذر
و اختصرت الحل في: ( كلكم راع و كلكم مسؤول عن رعيته )
بالتوفيق ..

[ya3coub]

صحيح هاي واقع و موجود

كل بيت ما شاء الله اشكبره و بدال الخدامة عالأقل ثنتين

و صارت معانا فالبيت للأسف

و سبب لبس النقاب و عباية علشان محد يعرفهم, عندنا بالفريج اي خدامة تطلع حتى للزبالة اعزكم الله يتم تبليغ اهل البيت عنها سوائا احد العيال او الحريم ترا شفنا خدامتهكم طالعه الظهر

بينما بالنقاب الكل يحسبهم من بنات البيت طالعين يتمشون او رايحين الجمعية القريبة و محد بيسئل ولا حتى بيدقق على عباية او ثنتين بالفريج لأنهم اما خوات او ام او بنات احد البيوت

و تكررت هالحوادث عندنا مع الخدم من افتحو جمعية قريبة يروحون بلبس النقاب اكثر من مرة احصلهم و من هناك ...... و طبعا الي يروح الجمعيات الصبح بيشوف اشكثر دريولية و خدم يكونون موجودين بتلفوناتهم كأنهم فالمطار يبون يوصلون اي احد موجود


لذا انصح بتركيب الكيمرات مهما قلت كلشي تمام البيت صغير او كبير ما يهم
و البيت الي مافيه احد طول الوقت نظر لأنشغال الأغلب لازم الواحد يتصل البيت باوقات متفاوته و يسئل و الي يقدر يرجع البيت على غفلة لو مرة فالأسبوع الولد او الاب او الأم

كل اسبوع شخص يدخل البيت على غفلة وقت الدوام عالساعه 10 الصبح او 9 او 11 بيكون في التزام اكثر.

ولا تنسون المعاملة الحسنة قد تغنيهم عن بعض العادات السابقه الي كانو يمارسونها فبلادهم من شرب و دعارة

[راجي العفو]

لذا انصح بتركيب الكيمرات مهما قلت كلشي تمام البيت صغير او كبير ما يهم
و البيت الي مافيه احد طول الوقت نظر لأنشغال الأغلب لازم الواحد يتصل البيت باوقات متفاوته و يسئل و الي يقدر يرجع البيت على غفلة لو مرة فالأسبوع الولد او الاب او الأم

كل اسبوع شخص يدخل البيت على غفلة وقت الدوام عالساعه 10 الصبح او 9 او 11 بيكون في التزام اكثر.

ولا تنسون المعاملة الحسنة قد تغنيهم عن بعض العادات السابقه الي كانو يمارسونها فبلادهم من شرب و دعارة

هذا اللي نبيه .. حلول ناجحة ..
بوركت أخ يعقوب ..

[R 7 A L]

عوايل كثيرهم يجهلون هالشي
ويأخذون الامر بنيه طيبة ومستانسين ان خدمهم متنقبات

[العلياا]

يالحب
تاخذ مثلا عبايتج المغسوله وتكشخ فيها يا تتنقب يا تتغشى وخذي انتي عاد لين كشخت وغطت ويهها من بيدري هذي فلبن والا لا؟

هلا فديتج

محد فيهم كفوو يسويها ، اللي كنت اسمع ان خرابيطهم تصير في يوم الاوف بس
واللي ما يامن على الخدم خل يحط حارس والا يقفل باب البيت بطريقة ما يقدرون يفتحونه
او غرفهم تكون فالبينت هاوس عشان اذا نزلوا اهل البيت يعرفون !!

[JN000N]

هلا فديتج

محد فيهم كفوو يسويها ، اللي كنت اسمع ان خرابيطهم تصير في يوم الاوف بس
واللي ما يامن على الخدم خل يحط حارس والا يقفل باب البيت بطريقة ما يقدرون يفتحونه
او غرفهم تكون فالبينت هاوس عشان اذا نزلوا اهل البيت يعرفون !!
اي احنا حاطينهم ف البنت هاوس ونقفل البيبان فالليل
بس حتى لو حطيتي حارس مثلا لهم طرقهم مثل مارقدو المره بيرقدون الدريول لو يبون شي يوصلون له بيوصلون ولا بيفتكرون
لكن مثل ماقلت كيمرات عالمداخل والمخارج احسن شي

[غايه الطواش]

ليش اول مره تصير!!

رفيجه امي بنفسها مسولفه عليها
بناتها ثنتين ماعرسو وعندها كانت خدامتين
ربع اخوانهم انتبهو ان الفجر كل يوم يطلعون ثنتين لابسين عبايات ومتنقبات وهم مايدرون هذول من
بس تمو فتره لين قررو يقولون لاخوانهم وقالو ترى في ثنتين يطلعون من البيت الفجر تجيهم سياره تاخذهم
ومره البنات بيروحون عرس مع امهم وعقب مابرزو ياو لقو امهم بترقد عقب ماشربت حليب سووه لها الخدامات وهمزوها وهي تنطر بناتها يبرزون
طلعو كل مره بيطلعون فيها يرقدون الام من وهل يحطون لها منوم ف الحليب وهي ياغافلين لكم الله
قامو الشباب وربعهم ذيك الليله يراقبون الوضع لييين شافو البنتين طالعين بعبيهم وسياره يات لهم راحو مسكو البنات ومسكو راعي السياره طلعو الخدم ماليلهم بالعبي وطلع الريال الي يجيهم من دول قريبه متزوج وعنده عيال وعقب ماضربوهً بلغو عنه وتم ابعاده

اعرف هالمره شخصيا :)

[JN000N]

اعرف هالمره شخصيا :)

انتي مب بعيده احس خخخ

[حسن]

اي قصه مثل القصص اليوميه للخدم
اعتقد لو ركبت كيمرات لا تشوفون البلاوي بس على فكره الكثير عارف بالسالفه
وانا اعرف ولكن الضرورات تبيح المحضورات
هاهاهاها

:)

[طبيب قطري]

بلاوي الخدم كثيره من اول السرقات من اهل البيت الى الخروج ومقابله اشخاص، استغفر الله العظيم ايش هذولا العالم مايقدرون يقعدون مده العقد مالهم بدون مايكون عندهم بوي فريند! لا ومعظمهم يقولونلك متزوجات وعندهم عيال!

[Rosy]

ماخلصنا من هالمواضيع اللي لا تودي ولا تجيب

[حبر وقرطاس]

جاها كبت وغم
المراه لا تصبر على زوجها اكثر 3 اشهر

[بوحارب]

اسيويه ونقاب ;)

سلم لي على البرماوي يبويا هههههه

[نوار قطر]

انا اول مرة اعرف ان في خدم يلبسون نقابات !!!!!!!!!!!!!

ليش يعني وشالحكمة من لبسهم اذا اهل البيت ما يلبسون خدمهم يونيفورم تلبس عباة فقط وحجابها عليها وانتهى ..!

لا ذول يلبسوون العبايات والنقاب لي بيطلعون ويتهببون نصايف الليل عشان محد يعرفهم ،،، قزرت خدامتنا تطلع مع واحد وهي كاشخه بثيابنا عقب ما اكتشفناها في نفس اليوم تسفرت والثياب كلها انقطت ،،،

[نوار قطر]

وفعلا حسبي الله عليهم الي يشوفهم يقول انهم من اهل البيت ،،، ماغير يطيحون سمعة البنات ويظنون فيهم ظن السوء الله يستر على بناتنا وعلى من يحب الستر

[بنت مريخ]

كانت عندنا خدامه هنديه
عايشه قصه حب مع الدريول
ماعرفنا الا يوم بين بطنها
حامل ومتزوجه وعندها اعيال
تسفرو على طول

[المرحب]

أستغفر الله , و لا حول و لا قوة إلا بالله

[يمامـة]

كل شي ممكن ويصير..

الأهم انهم يمنعونها تطلع آخر الليل ،، اذا بالفعل متفاهمين

يسمحون لها تطلع في اوقات الناس تشوفها وهي طالعة وداشة ومن غير عباية ونقاب..

والله يستر على الجميع..

[بوحارب]

كل شي ممكن ويصير..

الأهم انهم يمنعونها تطلع آخر الليل ،، اذا بالفعل متفاهمين

يسمحون لها تطلع في اوقات الناس تشوفها وهي طالعة وداشة ومن غير عباية ونقاب..

والله يستر على الجميع..

ومن الأساس ليش تطلع ومع من ووين تروح ؟؟؟

الخدامة للشغل مب للطلعات يا ابلتي يمامه

[يمامـة]

ومن الأساس ليش تطلع ومع من ووين تروح ؟؟؟

الخدامة للشغل مب للطلعات يا ابلتي يمامه

صحيح كلامك.............> عند الناس اللي عندهم قواعد صارمة في بيوتهم يا بوحروب..

لكن اييونك ناس يقولون احنا متفهمين وضع الخادمة ومن حقها تطلع واعجبتنا صراحتها..

هالنوعية من الناس ما تقدر تفرض عليهم صرامتك وبالتالي نقول دام انهم متفهمين
للدرجة هذي،، من الافضل انهم يمنعون اللي سوته الخادمة بالخش ويخلونها تسويه من غير خش
ومن غير عباية ونقاب..

[بوحارب]

أوصلت المعلومة

وماعندهم سالفة الصراحة اذا الشي هذا
يسمونه متفهمين الخدامة

[يمامـة]

أوصلت المعلومة

وماعندهم سالفة الصراحة اذا الشي هذا
يسمونه متفهمين الخدامة

الناس تغيروا وااايد ..

الله يهدينا ويهديهم..

[عثرة جواد]

يسلموع القصة والله اصبحت الخدم بلاء ف بلاء

وياما سمعنا وشفنا نسال الله السلامة

[الصغيره]

المصدر .؟ ما عليه استحميلني شوي. اذا بنقعد نألف وننقل من العالم وبالاخير قصه حقيقية وحقيقية والاخير من نسج التلفون والخيال ونقعد نناقشها بالمنتدى وننهي النسج بمقوله : ترى قصه حقيقية !! ما سوينا شي.
على فكرة انتهت ايام التضبيط ابو نقاب وشيله خلاص. احنا في زمن الساكيب والفايبر وخلافه. فيديو ستريييييييم من المصنع للمستهلك. كل الود.:secret:

المصدر مجتمعي اخي او اختي واليوم تسمع بكره عااااادي


قسم بالله العلي العظيم ماكذبت ولا الفت وانها وووواقع

[الصغيره]

السلام عليكم و رحمة الله و بركاته ،،
صبحكم الله بالخير و الرضى ،،
أختي صاحبة الموضوع ، لي تعليقان سريعان ع موضوعك :

1- أن نشر مثل هذه القصص لا فائدة منها بل ربما كانت لها سلبية في معرفة طرق الحرام فالأولى اجتنابها ، وهي أمور معلومة لدىجميع الناس لاتخفى عليهم ، فقط نحتاج تطبيق حديث : ( كلكم راع وكلكم مسؤول عن رعيته )

2- وهو خطأ شرعي منتشر عند كثير من الناس ، لفظة : ( شاء القدر ) ، والصحيح أن يقال : شاء الله ، لأن القدر لا مشيئة له

مع التحية ‘‘

احترم رايك ومن وجهة نظري ربما تفتح عينهم على مصيبه ربما وقعت او بتقع والله الخوف على هالاولاد والبنات اللي صارت الخادمه هي الام والدريول هو الاب ربما تسافرالام والاب والخاادمه هي الحاضنه مهما كانت الثقه الا ان لا ثقه بالخدم


تقديري لك

[الصغيره]

الي بيشوفها تطلع بيفكرها من بنات البيت

المشكلة ان فيه عوايل واسر
يلبسون الخادمات نفس لبس بناتهم عباه ونقاب

المشكله بعد تكمن في بعض الاسر اللي يشوفون ويضبطون ولا يتعلمون من الدرس حتى لو سفروا الخادمه واحضروا جديده عدم المراقبه يبقى ثغره قد تجلب مصايب الام هي الاساسس في البيت لتوجيه الخدم او الاولاد


الام هي الاساااس

[الصغيره]

ليش اول مره تصير!!

رفيجه امي بنفسها مسولفه عليها
بناتها ثنتين ماعرسو وعندها كانت خدامتين
ربع اخوانهم انتبهو ان الفجر كل يوم يطلعون ثنتين لابسين عبايات ومتنقبات وهم مايدرون هذول من
بس تمو فتره لين قررو يقولون لاخوانهم وقالو ترى في ثنتين يطلعون من البيت الفجر تجيهم سياره تاخذهم
ومره البنات بيروحون عرس مع امهم وعقب مابرزو ياو لقو امهم بترقد عقب ماشربت حليب سووه لها الخدامات وهمزوها وهي تنطر بناتها يبرزون
طلعو كل مره بيطلعون فيها يرقدون الام من وهل يحطون لها منوم ف الحليب وهي ياغافلين لكم الله
قامو الشباب وربعهم ذيك الليله يراقبون الوضع لييين شافو البنتين طالعين بعبيهم وسياره يات لهم راحو مسكو البنات ومسكو راعي السياره طلعو الخدم ماليلهم بالعبي وطلع الريال الي يجيهم من دول قريبه متزوج وعنده عيال وعقب ماضربوهً بلغو عنه وتم ابعاده


تسليمن على الرد البعض للاسف ياا اختي يعتقدون ان تاليف القصص هوايه عند الكثيرين وما يفكرون ان الحوادث تصير بالمجتمع حتى لقدر الله يصيربالقرب منهم


للاسف واقع


شكرااا لك

[الصغيره]

انا اول مرة اعرف ان في خدم يلبسون نقابات !!!!!!!!!!!!!

ليش يعني وشالحكمة من لبسهم اذا اهل البيت ما يلبسون خدمهم يونيفورم تلبس عباة فقط وحجابها عليها وانتهى ..!


الحكمه

ربما حد يراها وهي خارجه او هي راده ويخبر اهل البيت انها الخدامه اما لقدها متغطيه محد بعارفها من خاصه ان كان البيت كبير وفيه اكثر من عائله وولد وزوجه الخدامات مالهم امان حتى لو هي تصلي قدامك 24 ساعه ما نظلم الكل لكن الحذر واجب والله ما كنت بصدق وبقول هذا مسلسل عرض كم سنه بالسعوديه لكن القصه وااااقعه صدق والله الشاهد وياما بتشوفون وبتسمعون


حسبي الله والنعم الوكيل

[الصغيره]

يالحب
تاخذ مثلا عبايتج المغسوله وتكشخ فيها يا تتنقب يا تتغشى وخذي انتي عاد لين كشخت وغطت ويهها من بيدري هذي فلبن والا لا؟

اختي والله العظيم ان وحده البارح تقول لقيت بالسوبر ماركت حناء يبيعونه زين وخذيت منه قلت اش عرفك انه زين قالت جات فلبينيه منقبه مرسلتها راعية ا لبيت شفتها تاخذ تقول ماما هذا زين مدام كل مره تاخذ منه :)


لكن ما حد بيصدق لين يشوف بعينه وعادي صارت قصص كثيره لكن مش الكل يواجهها واللي بيصدق هو اللي بيواجه الله يبعد الشر عن الجميع

[الصغيره]

الله يجزاج خير ..

تفكيري مو سلبي ، لكن هذا الموضوع مكرر ومعلوم لدى الناس جميعا ، مو شي جديد ، فلا فائدة من ذكر حوادث الأعيان ، ونبهت على السلبية اللي قد تحصل جراء ذكرها من باب الحذر
و اختصرت الحل في: ( كلكم راع و كلكم مسؤول عن رعيته )
بالتوفيق ..

جزاك الله خير اخو ماقصرت لكن مثل ما انت شايف بعض الردود مستنكر هالموضوع وفاكر انه اصلا نسج من الخيال وانه مايصير بينما انت تقول مركرر ويصير لكن مش الكل بيصدق او بيقول تصير لحد ما يطيح الفاس بالراس

وكلامك عين العقل الكل راع ومسوول عن رعيته لكن اذا كان الراعي نايم ومش واعي لما يصير ببيته ولما يحدث الحدث يقول حريه شخصيه :)

أي حريه وهي تطلع وترد وتطبخ وتقطع اكل وتطلع مرات ومرات ما خاف على اهلي على صحتهم على اولادي

للاسف بعض الناس طيبتهم صارت غباء


تقديري لك

[الصغيره]

صحيح هاي واقع و موجود

كل بيت ما شاء الله اشكبره و بدال الخدامة عالأقل ثنتين

و صارت معانا فالبيت للأسف

و سبب لبس النقاب و عباية علشان محد يعرفهم, عندنا بالفريج اي خدامة تطلع حتى للزبالة اعزكم الله يتم تبليغ اهل البيت عنها سوائا احد العيال او الحريم ترا شفنا خدامتهكم طالعه الظهر

بينما بالنقاب الكل يحسبهم من بنات البيت طالعين يتمشون او رايحين الجمعية القريبة و محد بيسئل ولا حتى بيدقق على عباية او ثنتين بالفريج لأنهم اما خوات او ام او بنات احد البيوت

و تكررت هالحوادث عندنا مع الخدم من افتحو جمعية قريبة يروحون بلبس النقاب اكثر من مرة احصلهم و من هناك ...... و طبعا الي يروح الجمعيات الصبح بيشوف اشكثر دريولية و خدم يكونون موجودين بتلفوناتهم كأنهم فالمطار يبون يوصلون اي احد موجود


لذا انصح بتركيب الكيمرات مهما قلت كلشي تمام البيت صغير او كبير ما يهم
و البيت الي مافيه احد طول الوقت نظر لأنشغال الأغلب لازم الواحد يتصل البيت باوقات متفاوته و يسئل و الي يقدر يرجع البيت على غفلة لو مرة فالأسبوع الولد او الاب او الأم

كل اسبوع شخص يدخل البيت على غفلة وقت الدوام عالساعه 10 الصبح او 9 او 11 بيكون في التزام اكثر.

ولا تنسون المعاملة الحسنة قد تغنيهم عن بعض العادات السابقه الي كانو يمارسونها فبلادهم من شرب و دعارة

كلامك سليم

لكن بعض الناس حتى بتفتيش اغراض الشحن للخادمات ما يفتشون يقولون يمكن لردت تسحرنا وهي تشل الغالي والرخيص بالشحن وبعد ما تروح يفقدووون اشياء ثمينه


وتصير الحين الخدامه اللي ببيتك تعطي ما تاخذه خدامة بيت عمك بيت صديقتك والعكس صحيح


سرقه وخروج وبلاوي


لله يستر علينا

[الصغيره]

بلاوي الخدم كثيره من اول السرقات من اهل البيت الى الخروج ومقابله اشخاص، استغفر الله العظيم ايش هذولا العالم مايقدرون يقعدون مده العقد مالهم بدون مايكون عندهم بوي فريند! لا ومعظمهم يقولونلك متزوجات وعندهم عيال!
اللي يقهر الاب والام مايقولون هاتي اثبات زوجك انه صح زوجك حتى لو خطيب ههههه لكن الطيبه الزايده مدري الاتكاليه او الغباء مشكله

[الصغيره]

جاها كبت وغم
المراه لا تصبر على زوجها اكثر 3 اشهر
جعلها الكبت اللي يطيح عليها والغم اللي يشقيها حسبي الله عليها بالحرام

[الصغيره]

لا ذول يلبسوون العبايات والنقاب لي بيطلعون ويتهببون نصايف الليل عشان محد يعرفهم ،،، قزرت خدامتنا تطلع مع واحد وهي كاشخه بثيابنا عقب ما اكتشفناها في نفس اليوم تسفرت والثياب كلها انقطت ،،،
وحده من ا لاهل حلفت انها لقت خداماتها 3 لابسات فساتينهم وعلىا سرتهم مصورات بالفيس بوووك

المراه انصدمت ومن يومها وهي محرصه لكن اش عقبه الخساير

[الصغيره]

كانت عندنا خدامه هنديه
عايشه قصه حب مع الدريول
ماعرفنا الا يوم بين بطنها
حامل ومتزوجه وعندها اعيال
تسفرو على طول

والبعض مايعرف الا لين تربي الخادمه بالبيت عنده :)

[الصغيره]

كل شي ممكن ويصير..

الأهم انهم يمنعونها تطلع آخر الليل ،، اذا بالفعل متفاهمين

يسمحون لها تطلع في اوقات الناس تشوفها وهي طالعة وداشة ومن غير عباية ونقاب..

والله يستر على الجميع..

امحق تفاهم وامحق حق تدخل وتطلع وهي مع شخص ليس لها اثبات انه زوجها وش بفحص كل شهر لها عن الامراض والبلاوي او بصير اخدمها واشتغل بدلها الا اسفرها وجعل العين ما تشوفها

[فرحة ايامي]

والباب اللي يجي منه الريح شيسوون فيه ؟

[R 7 A L]

والباب اللي يجي منه الريح شيسوون فيه ؟

يشلعونه
ويحطون مكانه طابوق وخرسانة واسمنت