أفضل شركات أعمال الكهرباء والبايب فيتر لفلل قيد الانشاء

[مهندس_قطري]

اقتراح متواضع مني أتمنى أن يلقى صدى عند المشرفين وأعضاء المنتدى الكرام....

أقترح تثبيت موضوع يقوم فيه الأعضاء اللي لهم تجارب ايجابية وممتازة مع شركات أعمال الكهرباء والبايب فيتر لفلل قيد الانشاء بوضع أسماء هذه الشركات (بدون أرقام الهواتف حسب قوانين المنتدى) وطبعا يتحرّون الصدق والأمانه في هالشي..

الكثير منّا يبني بيت العمر وما عنده أي خبرة بشركات الكهرباء والبايب فيتر الممتازين ،،،ومثل ما أنتو عارفين انه الكهرباء وتوصيلات المياه والسباكة هي من أهم مراحل البناء.


بانتظار ردودكم الطيبه ان شاء الله ...وبالتوفيق للجميع

[Chambray]

تدري ايش المشكلة

المشكلة ان الي بيرد معظمهم تجار وبيرشحون شركاتهم حتى لو فاشله ..

[مضارب دوسري]

تدري ايش المشكلة

المشكلة ان الي بيرد معظمهم تجار وبيرشحون شركاتهم حتى لو فاشله ..
للاسف هذا اللي حاصل
كلن يقرب النار جنب خبزه

[Bozizoo]

للاسف هذا اللي حاصل
كلن يقرب النار جنب خبزه

مع احترامي الشديد لرايكم في الموضوع
انا عندي شركة مقاولات ولا مره تكلمت عنها هنا ولا رشحتها لأحد
ولاني كفيل فيها لكن اديرها بنفسي..
عموما دواام حال شركات المقاولات و الاستقرار صعب دائما متغيره سواء للافضل او للاسوء على حسب مواضيع كثيره ماتقدر تفنطها وتحددها
لكن اسهل طريقها هي انك تشوف مشاريعها الحاليه التي هي في قيد التنفيذ

[مهندس_قطري]

اخوي Chambray ومضارب دوسري...أشكركم على الرد وعلى رأيكم اللي أحترمه،،،

أنا ذكرت باقتراحي ان اللي بيعطينه اسماء شركات،،،انه يراعي الصدق والأمانة والشفافية،،،والله سبحانه وتعالى أعلم بما في القلوب.


اخوي Bozizoo....شاكر لك تعليقك والله يوفقك بشركتك..

[Azizuk]

عندك مؤسسة فطكو للتجارة والمقاولات للكهرباء راعيها محمد البكري ممتاز في فريج بن درهم في الشارع التجاري على زاوية محل صغير

وفي مؤسسة الإنشاء والتعمير يملكها د ابراهيم النعيمي مدير جامعة قطر او مدير كلية المجتمع ممتازة في فريج بن عمران على الشارع التجاري

اذا حد يبي ارقامهم يراسلني على الخاص

[Azizuk]

الأخ مهندس قطري احاول أرسلك على الخاص عندك صندوق الرسائل ماي قبل اي رسائل

[مهندس_قطري]

الأخ مهندس قطري احاول أرسلك على الخاص عندك صندوق الرسائل ماي قبل اي رسائل

يعطيك العافيه اخوي Azizuk ،،،واسمحلي صندوق الرسائل كان ممتلئ...الحين يستقبل :)