مسافر فرنسا بغيت نصايح

[عبدالعزيز 9]

السلام عليكم

مسافر فرنسا باريس بالتحديد قريب ان شاء الله بغيت من اخواني الاعضاء نصايح ب المطاعم الحلال وغيره

وجزاكم الله خير

[Chambray]

النصيحة ابعد عن الشانز ، وابعد عن العرب الي يجيك ويتكلم معاك .
لاتكلم حد مهما كان .
لاتعطي اي حد وجه .
لاتبين للناس انك سائح
حاسب على نفسك من النشل ، تراه يكثر في الاماكن المشهورة
الشانز - برج ايفيل - سان ميشيل - اللوفر


اما المطاعم الحلال فهي كثيره ان شاء الله ، وان شاء الله ماراح تتوهق في الاكل :)

[قطري 777]

مرحبا عبد العزيز احيك ع ذوقك واختيارك باريس الامور طيبه يخووي مافيه الا الجو الزين والخضره والوجه الحسن والاناقه والدلع باريس كل مكان تروح له حلووو بصراحه ع سبيل المثال شارع الشانز ليزيه كوفيهات وتمشيه وفيه محلات تجاريه لو حبيت تتسوق وعندك قصر ماري انطوانيت اخذ التذكره من الفندق الي انت نازل فيه ع اساس الطوابير هناك وعندك متحف اللوفرر فيه لوحات وتماثيل وعندك طبعا برج ايفل فيه لفت بل مناسبه ولاتنسى تاذ تذكرته بعد من الفندق وعندك يا طويل العمر نهرر الرين تاخذ جوله في العباره وعندك دزني لاند وانصحك تخصص لها يومين وتحجز لك فندق فيهاا وفيه مدينه العاب ثانيه قريبه منها ناسي اسمهه بس حلوووة وتستاهل الزياره اما الاكل الحللال ابعد من اللحم خلك سي فوود وخضره وبيزا مش حالك هههههاي هذا نظامي اذا سافرت برى مافيه شي مضمون في الاكل .. واجازه سعيده .

[عبدالعزيز 9]

جزاكم الله خير ومشكورين ماقصرتوا

[sweet qatar]

الله يكتب لك سفرة سعيدة وممتعة

اكرر عليك نصيحة شامبري بالنسبة للنشل

انتبه منهم ياخوي. . خصوصا الغجر الي ينطون في ويهك ويقولون لك تبرع ويخلونك توقع
لأنهم بيتجمعون عليك ويبوقونك

وفي الي بيلحقك يقولك شي طاح منك.. لا تلتفت صوبه

وفي الي بيسالك عن العنوان هذا أخطر شي لأن معاه عصابة بيتجمعون عليك


وحاول تتعلم كم كلمة بالفرنسي .. لأن بعض الفرنسيين ما يحبون الأجانب ويسوون نفسهم ما يفهمون إنجليزي

آخر نصيحة والسموحة طولت عليك ابتعد عن استخدام السيارة وسط باريس

[عبدالعزيز 9]

الله يكتب لك سفرة سعيدة وممتعة



اكرر عليك نصيحة شامبري بالنسبة للنشل

انتبه منهم ياخوي. . خصوصا الغجر الي ينطون في ويهك ويقولون لك تبرع ويخلونك توقع
لأنهم بيتجمعون عليك ويبوقونك

وفي الي بيلحقك يقولك شي طاح منك.. لا تلتفت صوبه

وفي الي بيسالك عن العنوان هذا أخطر شي لأن معاه عصابة بيتجمعون عليك


وحاول تتعلم كم كلمة بالفرنسي .. لأن بعض الفرنسيين ما يحبون الأجانب ويسوون نفسهم ما يفهمون إنجليزي

آخر نصيحة والسموحة طولت عليك ابتعد عن استخدام السيارة وسط باريس





تسلم ماقصرت يالشيخ