نصايحكم بخصوص اماكن الترفيهة... لندن

[لاجل QT]

السلام عليكم

اجازة سعيدة للجميع:)

بسافر لندن باذن الله ولمدة تقريبا شهر مع العيال ..وين تنصحونى اماكن ترفيهية..عائلية..تسوق..شوارع امنة؟؟

نصايحكم ايضا بخصوص الاشياء اللى ممكن نتجنبها هناك؟؟؟

بخصوص السكن تم ولله الحمد

ولكن محتاجة بعض من نصايح اهل الخبرة

ماخاب من استشار...والشكر موصول للجميع:)

[Qatar Perfume]

مدام توسو حلو

روحي محل ام اند امز بيستانسون اليهال في بيكادلي

في كافيه ديزني في هارودز الدور الرابع

عندج ويست فيلد مول حلو للشوبينق .. اكسفورد ستريت و بوند ستريت

اجول رود لاتروحين نصيحه

في Lego land حق اليهال بعد و حديقه الحيوان

روحي بيستر فيلج اوتلت و بتستانسين للشوبنق تروحين عن طريق محطه قطار مارليبون و في ساعه ونص بتوصلين بيستر فلج اذا وصلتي في هناك باص يوصلج لبيستر فلج في عشر دقايق و يردج محطه القطار

ذي اللي جا في بالي الحين

[Qatar Perfume]

روحي محل Fortnum and Mason وايد حلو حق الشاي و البسكوت و الاكواب و هالسوالف حلوو حق الصوغه

Joes cafe حلوو اكلهم جربي Curry Risotto مع ان الكافيه موجود في دبي بس احس لندن غير هههه لاني احبها

ريشيو كافيه حلوه قعدته مجابل هارودز

[لاجل QT]

ماشالله عليج بارفيوم قطر اماكن شيقة..

في انتظار المزيد من خبرات باقي الاعضاء

[بصمة قطرية]

ما قصرت بارفيوم ..
كنت بذكر لج ام اند امز بيستمتعون العيال
و مجمع ويست فيلد راقي و حلو للتسوق
متحف الشمع مدام توسو ..
متحف الديناصورات صوب الكينزغتون ..
طبعاً لندن آي و في احذاه نفس الأكواريوم
وايد حلو ..
وقت ما تحجزين التذكرة للندن آي راح يقولون لج
في تذكرة تشمل ثلاث أماكن ..
بس نصيحة إحجزي قبلها بيوم او كم يوم
عشان الزحمة ..
في البيكاديلي في مكان فيه ألعاب
و قبل لا تدخلين بتشوفين المحلات اللي تبيع التذكارات ..
بجيب لج اسمه ..
العيال استانسوا على الالعاب الالكترونية ..
و بعد في البيكاديللي متحف للأشياء الغريبة
وايد حلو ..

[Qatar Perfume]

بصمه ذكرتيني..

في موقع تشترين منه التذاكر و في خيار للتذاكر اسمه fast track ذي تدفعين اكثر عشان ما تنطرين في الطابور حتى بتلاحظين في كل طابور صفين شي عادي و شي فاست تراك للي دافعين اكثر عن النطره حق دخول المتحف او لندن اي

[alsoq]

من ناحيه الامان عدم الخروج بالليل وعدم الذهاب للمناطق والشوارع التي لا توجد بها كيمرا مراقبه واموك طيبه

ربي يردكم سالمين غانمين

[لاجل QT]

ما قصرت بارفيوم ..
كنت بذكر لج ام اند امز بيستمتعون العيال
و مجمع ويست فيلد راقي و حلو للتسوق
متحف الشمع مدام توسو ..
متحف الديناصورات صوب الكينزغتون ..
طبعاً لندن آي و في احذاه نفس الأكواريوم
وايد حلو ..
وقت ما تحجزين التذكرة للندن آي راح يقولون لج
في تذكرة تشمل ثلاث أماكن ..
بس نصيحة إحجزي قبلها بيوم او كم يوم
عشان الزحمة ..
في البيكاديلي في مكان فيه ألعاب
و قبل لا تدخلين بتشوفين المحلات اللي تبيع التذكارات ..
بجيب لج اسمه ..
العيال استانسوا على الالعاب الالكترونية ..
و بعد في البيكاديللي متحف للأشياء الغريبة
وايد حلو ..

ماقصرتي بصمة ...اذا في مكان العاب لسيارات ممكن تبلغيني وين..غرامهم السيارات



بصمه ذكرتيني..

في موقع تشترين منه التذاكر و في خيار للتذاكر اسمه fast track ذي تدفعين اكثر عشان ما تنطرين في الطابور حتى بتلاحظين في كل طابور صفين شي عادي و شي فاست تراك للي دافعين اكثر عن النطره حق دخول المتحف او لندن اي

جزاج الله خير بارفيوم..


من ناحيه الامان عدم الخروج بالليل وعدم الذهاب للمناطق والشوارع التي لا توجد بها كيمرا مراقبه واموك طيبه

ربي يردكم سالمين غانمين

الله يسلمك من الشر اخوي

ناس قالولي من سبع لاتطلعون ..يعني النهار يكون ماخلص ؟؟

طيب كم تنصحوني اخذ معي كاش ؟؟

[ولد العلي]

طيب كم تنصحوني اخذ معي كاش ؟؟

للرفع

[storm..]

يعني يمكن تاخذين ثلاثه او اربع الف باوند لا تكثرين تقدرين تسبحين اهني بس ياخذون البنك عليج خمس مادري عشر ريال ترى مره دخلت معاي عشرين الف باوند لندن وماطلعت من المطار الا بعد ست ساعات سين وجواب لازم ورقه البنك اذا كنتي بتجيبين اكثر من ستين الف ريال بس مانصحج تودين كاش وايد من ثلاثه لين اربعه تكفي وزود حق الدكاكين والتكاسي والباقي كله اشخطي من البطاقه اضمن وماعليها ضريبه واذا في المصرف حولي الفلوس على الفيزا واشخطي منها انا تعودت كل مره اسافر اسوي جي واستفتد منهم خمس تذاكر بزنس روحه ورده من النقاط القطريه بس صارلي اكثر من سنتين استعملها

[بصمة قطرية]

لأجل ..
الهايد بارك تقدرين تأجرين لهم سياكل ..
و القوارب ممتعة يسوقونها بنفسهم ..
بس سيارات ما عندي فكرة ..

[توشيبا]

عندج سلين

واسباير

وكتارا

وسوق واقف حلو وتراثي

وانصحج في الستي سنتر فيه سينماء

ان شاء الله تستمتعي


ماقصرو الاعضاء كل شي قالوه لج

بس نصيحه عن الهياط واللبس الماركات عشان لا يوصلج في راسج مطرقه

ترحون وترجعون بالسلامه

[لاجل QT]

للرفع

جزاك الله خير

دام رفعت الموضوع بايبلك صوغة


يعني يمكن تاخذين ثلاثه او اربع الف باوند لا تكثرين تقدرين تسبحين اهني بس ياخذون البنك عليج خمس مادري عشر ريال ترى مره دخلت معاي عشرين الف باوند لندن وماطلعت من المطار الا بعد ست ساعات سين وجواب لازم ورقه البنك اذا كنتي بتجيبين اكثر من ستين الف ريال بس مانصحج تودين كاش وايد من ثلاثه لين اربعه تكفي وزود حق الدكاكين والتكاسي والباقي كله اشخطي من البطاقه اضمن وماعليها ضريبه واذا في المصرف حولي الفلوس على الفيزا واشخطي منها انا تعودت كل مره اسافر اسوي جي واستفتد منهم خمس تذاكر بزنس روحه ورده من النقاط القطريه بس صارلي اكثر من سنتين استعملها

مافهمت اشلون يسالون عن الفلوس هل يفتشون شنطة اليد!!!




لأجل ..
الهايد بارك تقدرين تأجرين لهم سياكل ..
و القوارب ممتعة يسوقونها بنفسهم ..
بس سيارات ما عندي فكرة ..

اخاف عليهم ..خلهم متفرجين ابرك:shy:

[لاجل QT]

عندج سلين

واسباير

وكتارا

وسوق واقف حلو وتراثي

وانصحج في الستي سنتر فيه سينماء

ان شاء الله تستمتعي


ماقصرو الاعضاء كل شي قالوه لج

بس نصيحه عن الهياط واللبس الماركات عشان لا يوصلج في راسج مطرقه

ترحون وترجعون بالسلامه

كلهم رحتهم والحين بافتر على دول اوروبا للتغير

ماراح تيني مطرقة لاني باقعد في فندق سيفتي دورشستر

مطرقة في راس العدو انشالله يارب

[توشيبا]

كلهم رحتهم والحين بافتر على دول اوروبا للتغير

ماراح تيني مطرقة لاني باقعد في فندق سيفتي دورشستر

مطرقة في راس العدو انشالله يارب

ان شاء الله مب انشاء الله يامربيه الاجيال

ودام انتي قاعده في الفندق ومسويه زحمه وسادحه موضوع والمساكين حتى اللي ماعمره راح لندن صار يبحث في قوقل ويتفلسف

لو منج والله اتم طول الاجازه في المانيا وبس

كم اشتقت حق خوالي الامان:weeping:


ان شاء الله تستانسون وتنبسطون والله الله في الحرص والانتباه علي الايهال

[لاجل QT]

ان شاء الله مب انشاء الله يامربيه الاجيال

ودام انتي قاعده في الفندق ومسويه زحمه وسادحه موضوع والمساكين حتى اللي ماعمره راح لندن صار يبحث في قوقل ويتفلسف

لو منج والله اتم طول الاجازه في المانيا وبس

كم اشتقت حق خوالي الامان:weeping:


ان شاء الله تستانسون وتنبسطون والله الله في الحرص والانتباه علي الايهال

ماقصرو اللى ساعدوني جزاهم الله خير

ميرسي على النصيحة:)

[ابوعلي]

ان شاء الله مب انشاء الله يامربيه الاجيال

ودام انتي قاعده في الفندق ومسويه زحمه وسادحه موضوع والمساكين حتى اللي ماعمره راح لندن صار يبحث في قوقل ويتفلسف

لو منج والله اتم طول الاجازه في المانيا وبس

كم اشتقت حق خوالي الامان:weeping:


ان شاء الله تستانسون وتنبسطون والله الله في الحرص والانتباه علي الايهال

الامان = الألمان:shy:

[بصمة قطرية]

حلو لأجل
الفندق مقابل الهايدبارك ..
حلو دورشستر ..
بيستمتعون في الهايد بارك
خصوصاً القوارب ..
جداً ممتعه انتي اركبي معاهم ..

[alsoq]

ماقصرتي بصمة ...اذا في مكان العاب لسيارات ممكن تبلغيني وين..غرامهم السيارات




جزاج الله خير بارفيوم..



الله يسلمك من الشر اخوي

ناس قالولي من سبع لاتطلعون ..يعني النهار يكون ماخلص ؟؟

طيب كم تنصحوني اخذ معي كاش ؟؟

نصيحة لا تاخذين كاش خلي معاك البطاقه لندن ما يتعاملون بالكا بس العرب الله يهديهم
وكل محلات لندن يستخدون البطاقة

[النهار]

الامان = الألمان:shy:

ههههههههههههههههههه
توشيبا خلني اشوف الجبهه عسى ماجاها شي كايد

[بصمة قطرية]

نصيحة لا تاخذين كاش خلي معاك البطاقه لندن ما يتعاملون بالكا بس العرب الله يهديهم
وكل محلات لندن يستخدون البطاقة

لا أخوي لازم تاخذ كاش
في أماكن لازم كاش ..
بس في المحلات تدفع بالبطاقة أفضل ..

[storm..]

هم عادتن مايفتشون بس شنطتج تدخل في الجهاز ولو شافو كاش وياج ووايد يمكن يلعوزنج شوي المبلغ المسموح لج دوليا ممكن تحملينه معاج ستين الف ريال هاي الي اعرفه

[لاجل QT]

الامان = الألمان:shy:

منور بوعلي


حلو لأجل
الفندق مقابل الهايدبارك ..
حلو دورشستر ..
بيستمتعون في الهايد بارك
خصوصاً القوارب ..
جداً ممتعه انتي اركبي معاهم ..

هههههههه باحاول اقوي قلبي


نصيحة لا تاخذين كاش خلي معاك البطاقه لندن ما يتعاملون بالكا بس العرب الله يهديهم
وكل محلات لندن يستخدون البطاقة

انا مخلية جزء كاش احتياطيا


هم عادتن مايفتشون بس شنطتج تدخل في الجهاز ولو شافو كاش وياج ووايد يمكن يلعوزنج شوي المبلغ المسموح لج دوليا ممكن تحملينه معاج ستين الف ريال هاي الي اعرفه

اشوي المبلغ اكثر ...يعني اقسمة نصين في شنطتى وشنطة بنتي ...ولا بعد بتصير مشكلة..؟؟؟

[آنــه]

مرحبا لاجل .. انا انصحج ما تاخذين كاش واجد يعني مبلغ بسيط في يدكم للامور البسيطه .. محلات التذكارات و بعض المحلات اللي تحتاج مبالغ ضخمه اذا ناويين على المجوهرات وهالسوالف لان احيانا الفيزا تكون بسعر محدد ما تسحب اكثر .. انا يعني في حدود 3000 باوند تكون كاش في يدي والباقي اتصرف بالبطاقه و نادرا ما اسحب كاش في الخارج بسبب العموله و بعد لان مكاين السحب دايما يكون حولها زحمه تخافين يرضخونج وياخذون البطاقه باللي ساحبته هههههه . <<< حريصه


بخصوص الاماكن اذا انتوا اول مره تروحونها .. انصحكم بالباص السياحي اول يومين تلفون المنطقه عدل و تشوفون الاماكن المشهوره و تقررون تروحون اللي تبونه .. عن نفسي احب متحف الشمع ( مدام توسو ) و احب متحف الطبيعه و بعد في المتحف العلمي رحناه الصبح اذا انتوا تحبون تشوفون الاختراعات والصناعات .. المقاهي والمطاعم كل داعوس في لندن فيه 10 مطاعم و مقاهي عاد انتي و اللي تحبينه اذا انتي من النوع اللي تحبين الاشياء اللي وايد راقيه و الا تحبين المحلات العاديه انتي و اللي تحبينه .. عن نفسي احب مقهى بول و ريشو للقهوه و المخبوزات .. اذا تحبين الفطور الانجليزي و هالسوالف في محل عجيب تحسين طباخ عيوز وجبه كامله ( عصير + قهوه + بيض + هاش براونز + لوبه + توست ) ب 8.7 باوند يعني عليج الحسبه ههههه هذا تخلين بريمارك على يمينج و المجمع الكويتي المبنى الاسود اللي فيه مانجو وزارا على يسارج وتعدين اول تقاطع تلقين المحل في التقاطع الثاني على يدج اليمين مقهى صغير احذاه دكان .. وفي مقاهي الترزز اللي الكل لازم يروحها على الاقل يطل فيها هههههه لانها تصير معلم سياحي في الصيف .. كل مقاهي هارودز لازم تطلين على العالم تشوفينهم اذا ما قدرتي تدشين بس شوفي لان النطره وايد صعبه ( غوديفا / ديور / مازه / لادوريه / المقهى القطري مال القهوه / مقهى دزني ) عاد القائمه تطول في مقاهي الترزز .. اذا تحبين مقهى شغل بيت و رايق وحلو ومافي حشره روحي فوق في هاوس او فريسر في مقهى نعوووم وايد و في حلوه مكان يلعبون فيه اليهال .. بعد في وايد اماكن الواحد يحب ينصح فيها بس شنقول وشنخلي خلي الاكل من صوبكم ومن اختياراتكم بسس ضرورضي تسألين عن الخنزير و الخمر في الاكل لا تنسين لا تقولين ايسكريم و لا قهوه ولا كافي و لا بيتزا ترى قولي لهم سأليهم وهم في هالناحيه بعد يحبون يجاوبون .. اما التسووق .. شاقول وشاخلي .. نبتدي بالغالي لين الرخيص ( اولا نيو بوند ستريت .. شارع كله ماركات واشياء تعور القلب يعني لا تروحين له وايد وتخسرين فلوسج ههه .. سلوان ستريت بعد ماركات .. هارودز / سيلفردج / ويست فيلد / في بعد واحد صوب الكوينز وي .. و عندكم عند الاكسفورد سيركس فيه الريجنت ستريت كله محلات وترى البضايع اللي فيه تختلف عن البضايع اللي في اكسفورد و الهاي ستريت كنزكتون اووووه ياللويث اللي فيهم من الابره لييين الدراعه والشنطه والله يعزج الجوتي .

في المزرعه مالت الفراوله اللي تبعد 40 دقيقه من لندن و في بعد التون تاور و ليقو لاند و بعد كثير اماكن عاد انا ما اتذكر لان اروح لندن بس 10 ايام تسوق ما ادور فيها


و اسمحي لي لين تذكرت شي بكتبه لج بكره

[لاجل QT]

مرحبا لاجل .. انا انصحج ما تاخذين كاش واجد يعني مبلغ بسيط في يدكم للامور البسيطه .. محلات التذكارات و بعض المحلات اللي تحتاج مبالغ ضخمه اذا ناويين على المجوهرات وهالسوالف لان احيانا الفيزا تكون بسعر محدد ما تسحب اكثر .. انا يعني في حدود 3000 باوند تكون كاش في يدي والباقي اتصرف بالبطاقه و نادرا ما اسحب كاش في الخارج بسبب العموله و بعد لان مكاين السحب دايما يكون حولها زحمه تخافين يرضخونج وياخذون البطاقه باللي ساحبته هههههه . <<< حريصه


بخصوص الاماكن اذا انتوا اول مره تروحونها .. انصحكم بالباص السياحي اول يومين تلفون المنطقه عدل و تشوفون الاماكن المشهوره و تقررون تروحون اللي تبونه .. عن نفسي احب متحف الشمع ( مدام توسو ) و احب متحف الطبيعه و بعد في المتحف العلمي رحناه الصبح اذا انتوا تحبون تشوفون الاختراعات والصناعات .. المقاهي والمطاعم كل داعوس في لندن فيه 10 مطاعم و مقاهي عاد انتي و اللي تحبينه اذا انتي من النوع اللي تحبين الاشياء اللي وايد راقيه و الا تحبين المحلات العاديه انتي و اللي تحبينه .. عن نفسي احب مقهى بول و ريشو للقهوه و المخبوزات .. اذا تحبين الفطور الانجليزي و هالسوالف في محل عجيب تحسين طباخ عيوز وجبه كامله ( عصير + قهوه + بيض + هاش براونز + لوبه + توست ) ب 8.7 باوند يعني عليج الحسبه ههههه هذا تخلين بريمارك على يمينج و المجمع الكويتي المبنى الاسود اللي فيه مانجو وزارا على يسارج وتعدين اول تقاطع تلقين المحل في التقاطع الثاني على يدج اليمين مقهى صغير احذاه دكان .. وفي مقاهي الترزز اللي الكل لازم يروحها على الاقل يطل فيها هههههه لانها تصير معلم سياحي في الصيف .. كل مقاهي هارودز لازم تطلين على العالم تشوفينهم اذا ما قدرتي تدشين بس شوفي لان النطره وايد صعبه ( غوديفا / ديور / مازه / لادوريه / المقهى القطري مال القهوه / مقهى دزني ) عاد القائمه تطول في مقاهي الترزز .. اذا تحبين مقهى شغل بيت و رايق وحلو ومافي حشره روحي فوق في هاوس او فريسر في مقهى نعوووم وايد و في حلوه مكان يلعبون فيه اليهال .. بعد في وايد اماكن الواحد يحب ينصح فيها بس شنقول وشنخلي خلي الاكل من صوبكم ومن اختياراتكم بسس ضرورضي تسألين عن الخنزير و الخمر في الاكل لا تنسين لا تقولين ايسكريم و لا قهوه ولا كافي و لا بيتزا ترى قولي لهم سأليهم وهم في هالناحيه بعد يحبون يجاوبون .. اما التسووق .. شاقول وشاخلي .. نبتدي بالغالي لين الرخيص ( اولا نيو بوند ستريت .. شارع كله ماركات واشياء تعور القلب يعني لا تروحين له وايد وتخسرين فلوسج ههه .. سلوان ستريت بعد ماركات .. هارودز / سيلفردج / ويست فيلد / في بعد واحد صوب الكوينز وي .. و عندكم عند الاكسفورد سيركس فيه الريجنت ستريت كله محلات وترى البضايع اللي فيه تختلف عن البضايع اللي في اكسفورد و الهاي ستريت كنزكتون اووووه ياللويث اللي فيهم من الابره لييين الدراعه والشنطه والله يعزج الجوتي .

في المزرعه مالت الفراوله اللي تبعد 40 دقيقه من لندن و في بعد التون تاور و ليقو لاند و بعد كثير اماكن عاد انا ما اتذكر لان اروح لندن بس 10 ايام تسوق ما ادور فيها


و اسمحي لي لين تذكرت شي بكتبه لج بكره

عقب هالوصف الرهيب خاطري احجزلج وتين معانا ههههههههه

كفيتي وفيتي استمتعت وانا اقرة ردج عشت الجو هههه

[Right]

لندن ما تنفع للسياحة ولا فيها أماكن ترفيه ولا فيها شيء يشرح الخاطر .. وجهة نظر

[توشيبا]

لندن ما تنفع للسياحة ولا فيها أماكن ترفيه ولا فيها شيء يشرح الخاطر .. وجهة نظر




والله انك صادق

مافيها الا حمام وبط ويخب عليهم

[حياة]

سفره سعيده لاجل ... لندن تهبل واحبها واجد .. الفندق اللي سكنتيه رووووووعه ورااااقي والامن فيه ممتاز وقريب من كل شي ..وماقصروا الاعضاء وضحوا كل شي .. روحي كوفنت قاردن روووووعه شوي عليها هي ورى بيكادلي تقريبا .. بيكادلي ترى غير امنه بعد الساعه 6 .. حاولي تتسوقين من سلفرجز او هارودز لاتتشتتين مابينهم وترى سلفرجز ارخص في بعض الاشياء عن هاروذز، علشان تفتكين من التكس يكون كله في مجمع واحد احسن لج .. واذا طلع لج التكس مبلغ كبير مثلا فوق 2000 باوند خل يوزوعونه لج في كذا فاتوره لان المطار يدققون ويقولون بنرسله ع رقم حسابج ولايرسلونه.. وتحملي تشحنين المشتريات قبل لاتسافرين واذا بتاخذين الكترونيات او مجوهرات او حتى اكسسوارات ترى لازم يشوفونها في المطار .. انتبهي !! اذا بتشحنين اشحنوا ملابسكم واغراضكم المستعمله وخلي المشتريات تراهم يناحسون في التكس فري حاسدينا ع الفلوس.. انا العام كنسلوا التكس لان فيه شناط غاليه شحنتها الدوحه.. انا هالسنه لا .. كل شي شريته خليته معاي والمجوهرات بعد وكل اللبس وشنطه المطبخ شحنتها قبل لاارد بثلاث ايام ووصلت نفس اليوم اللي وصلت فيه..تبين الرقم برسله لج الصقر العربي للشحن ..
اما عن الكاش تحملي تاخذين لاني انسرقت مبالغ كبار مره في ديزني ومره في اكسفورد ومادري كيف ؟ اخر سفره كله بالبطاقه ولامعاي ولاباوند وكله يسحبون بالقطري يعني مفتكه من خصومات البنك الحمد لله..
هذا اللي اقدر افيدج فيه .. وبالتوفيق يارب

[QtrGate]

لو تغيرين شوي في الجدول
يعني أول أسبوع في البحيرات السبع ريلاكس مع الطبيعة بعيدة عن لندن حول 3 ساعات بالقطار وبعدها بالتكسي
ويوم فديربي تدخلوا الكهف الموقع بين البحيرات ولندن
وبعدها أسبوع فلندن
ويومين فبرايتون 45 دقيقة بالقطار او ساعة وربع بالتكسي، التكسي افضل عشان تشوفون المناظر بالطريق منطقة مرتفعة وطبيعة وريف ومزارع وبحر
وتشوفون الشعب البريطاني اشلون عايش
وآخر أربع أيام تقضونها شوبنق في أنحاء لندن

لأن شهر كامل فلندن مللل
أسبوع واحد تكفي
وآخر 4 أيام شوبنق سريع للأشياء الي عجبتكم وماخذتوها

[لمعة الالماس]

اجازة سعيدة

ملاهي legoland تبعد حوالي ساعة عن لندن بالقطار تجنن الملاهي وفيها فندق لو تبين تقعدين اكثر من يوم


http://www.legoland.co.uk/

في هاردوز الطابق الرابع في Bibbidi Bobbidi Boutique روعه حق البنات يخلون البنات يصيرون اميرات وتختارين شخصية من شخصيات ديزني مع التصوير واللبس والتسرريحة

حديقة ريجت بارك من الحدائق الحلوة وفيها حديقة حيوان

وفي ملاهي حلوة وتبعد عن لندن تقريبا 3 ساعات وفيها فنادق اسمها altontowers وهي عبارة عن كذا ملاهي كل وحده بروحها وهذا موقعهم

http://www.altontowers.com/

[Qatar Perfume]

يا زين لندن بس :shy: