بلاط جديد...

[بومحمد55]

ﻷصحاب الخبره والمقاولات سؤال:
حبيت أغير سيراميك البيت كامل وأحط رخام
هل أقدر أركب الرخام فوق السيراميك القديم أو أشيل القديم ووركب الجديد

[شموخ دائم]

,

,


مرحبا

اخوي الكريم

جربت الطريقتين في مشاريع كثيره

وكانت النتيجه ان تكسير وشيل القديم هو ( الافضل ) وتركيب الجديد

لان التركيب فوق القديم ينتج عنه مشاكل مستقبليه لان يحتاج ( عامل ) ماهر للتركيب
وما يترك أي فراغ تحت البلاط او الرخام لازم يمليه بماده اللصق ولو ترك فراغ بـيسهل كسره مستقبلا مع كثره الدوس عليه او تحميل ثقل عليه
من طاولات واثاث وخلافه
والعامل الماهر سعره غالي وما تلاقيه للاسف كل العمال شغلهم تمشيه حال

المشكله الثانيه ( المنسوب ) ممكن ترتفع الارضيه وتعمل لك مشكله مع اغلاق الابواب وفي نهايه المكان
لين وصلت نهايه البلاط الجديد مع القديم بيكون في اختلاف بالمنسوب

الافضل تشيل القديم وتبتدي بدايه جديده وشغل نظيف من البدايه
مع ان بيعمل لك دوشه وغبار ومخلفات التكسير وازعاج لاكن هو الافضل لك

والطريقه هذي تتيج لك تعمل تعديلات وتمديدات جديده للكهرباء وتمرير اسلاك جديده للستالايت او زياده او تغيير اماكن بالكهرباء


ملاحظه
هناك بعض العمال وبعض المهندسين يحب الطريقه اللصق فوق القديم
انا من خلال تجاربي فيها لقيت مشاكل مستقبليه كثيره ومنها
يصير كراك في البلاط او الرخام الجديد بسبب سوء التركيب ووجود فراغات تحته
وايضا مشاكل المنسوب الي اصبح اكثر ارتفاع مقارنه بالمناسيب القديمه بالمكان
اذا عملنا الصاله وتركنا الممرات على البلاط القديم مثلا

,

,


اخوك


شموخ دائم



ا

[قطر833]

الجوكر عطاك الزبده ،،، بس في نقاط
اذا تقصد الحمامات ( تكرم) ماعندك مشكله بشرط في دريشه للعمال يدخلون ويطلعون مع العلم ( الباب راح ينصبغ + الفريم + واتوقع حتى السقف اذا الي عندك مب جبس ومهب عاجبك حط في بالك انك بتغير كل قطعه في الحمام

اذا تقصد الصالات ماتوقع انك تقدر تعيش في البيت ويبيلك ستور حق الاثاث بمده ماتقل عن شهر- شهرين
والغرف بعد اصعب واصعب بس الي متاكد منه انك بتعالج البيبان والفريمات ويمكن تفتر على الحوائط
البيت لمده سهر ونص معرض للغبار والوصخ والحر يعني بتبدل اشياء كثيره غير السيراميك حتى المكيفات يا انك تغطيها كامل او تستعملها ربتعملها تنظيف
الي بوصله لك ان العمليه مب سهله ومريحه
ايضا يبيلك فورمن ينسق بين الكهربائي والتكسير والتركيب والدفان والبايفيتر
بحكم انها داخله مع اكثر من مهنه في بيتك،،،
مووووفق

[اللوز]

تحمل اتحط رخام
لانه يبقع من المشروبات الغازية ومواد التنظيف
الحل عندك اتركب بورسلان جديد على شكل رخام
متوفر في محل سيراميك الخليح / طريق سلوى

[بومحمد55]

الله يعطيكم العافية على الردود وأسمحولي عالتأخير
أنا حالياً بديت في التكسير وجاري البحث عن البورسلان
ï»·ني هونت عن تركيب الرخام .

[Azizuk]

عندك الأمانة طريق سلوى او شارع المطار عنده بورسلان صيني 80 * 80 درجة أولى السعر في حدود 170 ريال وعنده جميع الأحجام

جلفار للمشاريع طريق سلوى عنده بعد بورسلان هندي وإيطالي وأسباني جميع الأحجام

المتحدة عنده بورسلان ايطالي من شركة ميراج بس سعرة غالي شوي 405 ريال بعد الخصم إذ عطوك خصم رمضان بعد موافقة المدير 30% يمكن يطلع 284 ريال المتوفر بولمعه والمطفي بالطلب وجميع الأحجام

الإسباني والإيطالي يجئ مقاسة 60*60 - 90*90 - 120*60 - 200*180

انا أشوف أحلا مقاس بالنسبة للارضيات مقاس 80*80

حتى أهل الرخام اذا قلت له قص لي مقاس 80 يطلع عليك السعر أغلا من مقاس ال60

يقولك يعطيك متر في متر أرخص من مقاس 80

بشكل عام البورسلان الصيني درجة أولى ممتاز بس مادري من قال عنه ان يتمدد مع الوقت ويتأثر بالبرودة والحرارة

وان شاالله أهل الخبرة يفيدونا