السرقه عبر الجوال

[رحال الدوحه]

السلام عليكم ورحمة الله وبركاته ،،

" اشتكى عدد من المواطنين والمقيمين من عمليات احتيال عبر الهاتف، من خلال قيام أشخاص
خارج البلاد بالاتصال بشكل عشوائي على أرقام هواتف المواطنين والمقيمين ثم إغلاق الخط سريع .. "

رابط المصدر (http://www.raya.com/news/pages/d836447d-2030-49c1-80d8-e4820ce2de0c)

أخوكم : رحال الدوحه

[النهار]

اشكرك اخي على التحذير

[Aaziz]

كيف عرفو ان الارقام و البينات الشخصيه تنسخ في 3 ثواني
لو تطرش فلم ولا صوره على الوتس اب ماتوصل في ثلاث ثواني
هذا يبي ينسخ بياناتي كلها عن طريق اتصال لاسلكي حتى مش عن طريق النت ؟

جريده الرايه قولو لاتردون ... مافيه داعي للافلام الهندية

[@north_star@]

اظن هم بس يبوقون الرصيد بس البيانات شدخل وايش هالبيانات الشخصية الي بتنتقل بهالسرعة وبارك الله فيك على التبيه ....
والظاهرة منتشرة صارلها فترة والمفروض الواحد ما يرد على هالارقام الغريبة ولا يعاود الاتصال فيهم واللهم ادم علينا نعمتي الامن والامان

[R 7 A L]

اكيد في السالفه افارقه

[العلياا]

انا كله يجيني هالرقم 371 ومن كثر ما اتصلوا شكيت ان حد يعرفني
رديت عليه الو الوو الووو محد رد وسكرت وكانت فوق الثلاث ثواني وما صار شي

المهم اني عقبها اي رقم يجيني اصكه بلوك واريح راسي
شكرا على التنبية

[Ţĥę őήę]

Latvia Country Code 371
هذا الرقم انا بعد يجيني منه كثير ولا مرة رديت ليش أخسر نفسي رصيد بس فضول ابي اعرف من اي دولة طلع دولة أروبية

[Scorpion]

دايم تصير :/

[sweet qatar]

حسبي الله عليهم السبع التحاسيب

مزعجيني ومخربين علي وقت راحتي :(

[بريق الحق]

انا جاني اتصال من زمان افريقي
كان يقولي كلام وعباله ان مصدقه واخر شي تميت اضحك عليه وكل مره اتصله واضحك اخر شي رد علي قالي الله يخليك لا تتصل (:

[الزعفراني]

أنا جاني اتصال من هالرقم +3712 رديت عليه الا هندي مادري تايلندي مادري فلبيني يقلد صوت وحده .. ويتكلم عربي مكسر .. يقولي تعالي انا انتظرك صوب جمعية الميرة اللي في المنصورة .. انت ما تبيني .. طبعا تخسبقت .. الصوت خقه صراحه وبغيت ادق سلف صوب الجمعية .. بس الحمدلله أسعفتني الخبرة :)

أعتقد هالرقم عن طريق برنامج سكايب .. والا خو النحله ذي اللي كلمته شدراه في جمعية الميرة ..

[يمامـة]

اظن هم بس يبوقون الرصيد بس البيانات شدخل وايش هالبيانات الشخصية الي بتنتقل بهالسرعة وبارك الله فيك على التبيه ....
والظاهرة منتشرة صارلها فترة والمفروض الواحد ما يرد على هالارقام الغريبة ولا يعاود الاتصال فيهم واللهم ادم علينا نعمتي الامن والامان

وشنهي هالبيانات اللي تنسرق من الجوال ؟

ارقام التلفونات .. ولا الماستر كارد؟

ساعات بعض كتاب الصحف يبي لهم اعادة ضبط مصنعي لمعلوماتهم..

[ودي أكون]

أنا جاني اتصال من هالرقم +3712 رديت عليه الا هندي مادري تايلندي مادري فلبيني يقلد صوت وحده .. ويتكلم عربي مكسر .. يقولي تعالي انا انتظرك صوب جمعية الميرة اللي في المنصورة .. انت ما تبيني .. طبعا تخسبقت .. الصوت خقه صراحه وبغيت ادق سلف صوب الجمعية .. بس الحمدلله أسعفتني الخبرة :)

أعتقد هالرقم عن طريق برنامج سكايب .. والا خو النحله ذي اللي كلمته شدراه في جمعية الميرة ..

هههه استغفرالله العظيم

بالفعل الفتره الاخيره، من رمضان تقريبا هالرقم وايد يجينا .. قبل السنغال واحين هاذولا .. والله المستعان

[مختلفة عقليا]

انا جاني اتصال من زمان افريقي
كان يقولي كلام وعباله ان مصدقه واخر شي تميت اضحك عليه وكل مره اتصله واضحك اخر شي رد علي قالي الله يخليك لا تتصل (:
هلا .,

احييك علي جوك الصراحه ., هههههههههههههههههههه

انا رقم ماعرفه ما ارد عليه ومن الخارج بعد ., انسوااااا

ويسلموو ,’

[ودي أكون]

وشنهي هالبيانات اللي تنسرق من الجوال ؟

ارقام التلفونات .. ولا الماستر كارد؟

ساعات بعض كتاب الصحف يبي لهم اعادة ضبط مصنعي لمعلوماتهم..

بالفعل في ناس اتحط بيانات جداً شخصيه فالهواتف وحتى صور لبطاقات وتنسى تمسحها ..

والله اعلم

[يمامـة]

بالفعل في ناس اتحط بيانات جداً شخصيه فالهواتف وحتى صور لبطاقات وتنسى تمسحها ..

والله اعلم

سرقتها تحتاج لاتصال بالنت مب اتصال عبر الهاتف..

[بوحارب]

الزعفراني طرشلي رقم الخقه على الخاص جزاك الله خير :)

[ودي أكون]

سرقتها تحتاج لاتصال بالنت مب اتصال عبر الهاتف..

هم يتصلون عن طريق النت.. واحنا جواويلنا ظ¢ظ¤ ساعه شابكه عالنت / الايفون والجلكسي الخ

والخوف الاكبر من الجلكسي والله اعلم

[يمامـة]

هم يتصلون عن طريق النت.. واحنا جواويلنا ظ¢ظ¤ ساعه شابكه عالنت / الايفون والجلكسي الخ

والخوف الاكبر من الجلكسي والله اعلم

كل اللي اعرفه.. علشان يسرق بياناتنا لازم يقدر يدخل جواويلنا
فموضوع انه من رنة او من اتصال مننا له ممكن يدخل جواويلناهذي اشوية صعبة..
وخاصة ان الجواويل الذكية تحفظ البيانات على ذاكرة خاصة فيها مب على السيم كارد..

ومن ثم الخوف مب بس من جالكسي من اي نظام غير محمي..
وغالبا الناس تاخذ احتياطاتها لو بتتعامل مع نظام الاندرويد وتحط برامج حماية..

[ودي أكون]

كل اللي اعرفه.. علشان يسرق بياناتنا لازم يقدر يدخل جواويلنا
فموضوع انه من رنة او من اتصال مننا له ممكن يدخل جواويلناهذي اشوية صعبة..
وخاصة ان الجواويل الذكية تحفظ البيانات على ذاكرة خاصة فيها مب على السيم كارد..

ومن ثم الخوف مب بس من جالكسي من اي نظام غير محمي..
وغالبا الناس تاخذ احتياطاتها لو بتتعامل مع نظام الاندرويد وتحط برامج حماية..

محد قال من رنه!.. من رفع الخط او معاودة الاتصال ..
وبنفسج قلتي غالباً الناس .. فهذا يعني في أقليه ما اتحط .. عندج انا منهم مالي خص بالاندرويد اللي يتكلمون عنه ولا اعرف شسالفته ولا احط برامج حمايه .. وغيري المئات .. الخ

وبنفسج قلتي ايضاً كل اللي اعرفه!!.. لان في امور لا انا ولا انتي وغيرنا يعرفها ..!

فالتحذير واجب .. عشان محد يقول عقب ليش ماتم التحذير ..

والسلام عليكم ورحمة الله وبركاته

[رحال الدوحه]

السلام عليكم ورحمة الله وبركاته ،،

كل الشكر والتقدير موصول للجميع وجزاكم الله كل خير على دعواتكم الطيبه
قصدت من طرح الموضوع التنبيه والحذر بارك الله فيكم .

" الدوحة - الراية : دعت Ooredoo أمس عملاءها للتبليغ عن الأرقام الاحتيالية
الدولية وذلك بالاتصال بالرقم 111، والعمل على حجب الأرقام المحلية التي تصدر منها
مكالمات مزعجة باستخدام تطبيق Ooredoo. "

المصدر (http://www.raya.com/news/pages/cd0e0295-dcae-4a9e-938f-1890343b1a5f)

اخوكم : رحال الدوحه

[SonicBoom]

لازم الواحد يشغل مخه شوي