السيد مدرير ادارة المرور المحترم [الأرشيف] - منتديات شبكة الأسهم القطرية

مشاهدة النسخة كاملة : السيد مدرير ادارة المرور المحترم

الفهد1

11-08-2014, 05:18 PM

ارواحنا غالية علينا الرجاء ثم الرجاء ثم الرجاء من الله ومن ادارتكم ومسؤلستكم امام الله بتكثيف دوريات تحريات المرور على طريق 22 فبراير وحتي نهاية نفق الشمال لوضع حد لتهور الشباب والسرعة الزائدة وعدم ترك مسافه كافية واستخدام الانوار مما يسسب خطر القيادة وترويع ارواح الناس خاصة اثناء الليل بدء من السابعة مساء ولوضع حد لتصادم السيارات -

النهار

11-08-2014, 05:22 PM

والله كلامك صحيح وخاصه في الليل يوم يفول لك وراء بعض
ترى بعض ناس عندها جلوكوما ضغط العين طريقة التفول تسبب له عمى مؤقت من دقيقتين الي ثلاث دقائق تكون كفيله بالتسبب بحادث خطير

Aaziz

11-08-2014, 05:25 PM

المرور يذكرني بالبلدية ايام التسعينات ولكن بزي عسكري

ارحلوا يا شيبانا يا بركة المرور ماقصروتو ،، اسستو و تسببتو بمحدودية عقول المبدعين و القانونيين في المرور

وحش قطر

11-08-2014, 05:29 PM

والله ماينعرف لكم

يوم تبون المرور يشدد الرقابه ويوم تتشكون من المخالفات

انا أقول لو كل سياره تلحقها دوريه عشان يراقبونا أحسن

الفهد1

11-08-2014, 05:30 PM

ان شاء الله ابنائنا في تحريات المرور بتوجهاتكم الكريمة يكثفون جهودهم المسوؤله امام الله

الفهد1

11-08-2014, 05:32 PM

اتمنى من الله العلي القدير يتم جلد كل شاب تهور في القيادة امام الناس وفي المجمعات عبرة للغير

Aaziz

11-08-2014, 05:33 PM

والله ماينعرف لكم

يوم تبون المرور يشدد الرقابه ويوم تتشكون من المخالفات

انا أقول لو كل سياره تلحقها دوريه عشان يراقبونا أحسن

نتشكا من مخلفات مواترنا عند منطقه الابراج (شبه معدومه المواقف للمراجعين) الي صرح فيها اعلى هرم المرور بعدم مخالفه السيارات هناك .
و نطالب بتشديد الرقابه على المتهورين الي يتسببون في الحوادث .

ما فيه تناقض بين المطالبتين

بانغ بانغ

11-08-2014, 06:14 PM

أنا مع صاحب الموضوع

مثلا خط سلاح الجو طوله سبعة كيلو وفيه ستة رادارات لا وايحطون متحرك والسرعة فيه مئة

بخصوص اللي سال ان الدورية تمشي ورى كل سيارة ،،،، ليش لا مادام عايشين في نعمة

محمد11

11-08-2014, 08:47 PM

بخصوص اللي سال ان الدورية تمشي ورى كل سيارة ،،،، ليش لا مادام عايشين في نعمة

مممممممممممممم…
يعني الي الله منعم عليه .. يسوي بهالنعمه .. جذي !!
ماخبر شيوخنا الله يحفظهم حطوا لهم دوريات خاصه علشان الحوادث !!
وهم في خير ونعمه !!
ولو حطوا ولا غيرنا حط .. على طول الانتقادات بتشتغل لين ونهار
سددوا ديونا .. ارفعوا رواتبنا .. حنا اهل قطر اولى ..
الحمدالله البلاد في ايدي امينه . بقياده الامير تميم بن حمد
ونتمنى ان البطانه تكون في ايدي امينه ..
والمرور بقيادة الخرجي الحمدالله والكل يشهد لهذا الرجل
واحنا كل ماسوينا شي قلنا الخرجي ونسينى ان في اهل يقومون بتربيه هذا الشخص الي اسميه طالع من البيضه مثل مانقول لهذه الفئه الطائشه
الله منعم علينا بالعقل ولازم شلون نشغل مخنا

الحمدالله رب العالمين ..

R 7 A L

11-08-2014, 08:50 PM

اتمنى يطبقون السجن للي يتعدى السرعة القانونية
البارحة كنت في السعودية من زمان ماجيتها شفت الناس الي كانوا على الخطوط السريعة بالدعسه كاملة
مايتعدون 120 والبركة بالقانون الجديد

محمد11

11-08-2014, 08:59 PM

اتمنى يطبقون السجن للي يتعدى السرعة القانونية
البارحة كنت في السعودية من زمان ماجيتها شفت الناس الي كانوا على الخطوط السريعة بالدعسه كاملة
مايتعدون 120 والبركة بالقانون الجديد

اي والله ياليت
مايبط جبدك الي توه طالع من البيضه منزل هالموتر
ومستعجل ومسرع متجاوز يمين يسار وصوت في هالموتر

واخر شي تشوفه واقف عند الاشاره مثل الاهبل مع احترامي للكل ..
اتحط عينك في عينه كنه ماله خص ولاكنا كان مستعجل من شوي ان بيوصل قبل الكل ومسوي نفسه سيارة اسعاف من شوي وليتات وديم فول

الله صلح هالفئه .. وانا كنت منهم الحمدالله رب العالمين العقل نعمه والواحد لو يفكر صح او يفكر كم ثانيه بيوفر… ماسوى كل هالتصرافات

الفهد1

11-08-2014, 10:53 PM

شكرا لكم ولمشاركتكم وتفاعلكم مع الشباب لمتهور واتمنى ان تصل المشاركة الي السيد الفاضل محمد سعد الخرجي وانتم اهل الثقة وبجهودكم المشكورة اتمنى ضبط وسيطرة الشباب المتهور والتشديد على العقوبة وعتم التهاون معهم بارك الله فيك يابوسعد والي جميع الضباط وصف الضباط والافراد والي جميع العاملين في التحريات وانتم اهل الثقة وارواحنا وابناءنا غالين علينا ومستقبل مشرف لوطنا

نوار قطر

11-08-2014, 11:07 PM

الله يحفظكم ويحفظ عيالنا وامة محمد من كل شر

CH Engineer

11-08-2014, 11:24 PM

طلعة الروح

12-08-2014, 07:24 AM

أكثر مشاكل المرور سببها الجهل والاستهتار من قبل رواد الطرق،

أضف الى ذلك التصاميم الخاطئة لبعض الشوارع تلعب دور، وكله بصوب وتصميم طريق سلوى (الشارع التجاري) بصوب.

الواحد يمر هناك ويشوف العجب والهبل في تصميم الطرق ومداخل المحلات ، القضية تطول الله المستعان.

غريب الدّار

12-08-2014, 08:14 AM

والله ماينعرف لكم

يوم تبون المرور يشدد الرقابه ويوم تتشكون من المخالفات

انا أقول لو كل سياره تلحقها دوريه عشان يراقبونا أحسن

:nice::nice::nice::nice::nice::nice::nice::nice::n ice::nice::nice::nice::nice::nice::nice::nice::nic e:

سعادة الوزير

14-08-2014, 01:50 PM

R 7 A L

14-08-2014, 02:09 PM

للأسف الشديد اصبح النقاش في المنتدى لا يهدف الا لتنفيس الغضب على الظاهر وليس لمناقشة الحل للقضاء على هذه الظواهر ، وبالذات للاخ الي يطلب السجن لمرتكب مخالفة السرعة الزائدة!!!

يا جماعة ، لازم نعرف نناقش مشاكلنا ونعرف شلون نطلع بحلول منطقية وواقعية.

المسألة هنا سهلة جداً ، وهو تفعيل قانون موجود اصلاً يمنع عدم ترك مسافة ويمنع استخدام الانوار العالية والمبهرة للعين ، مجرد تفعيل هذا القانون سيحد من هذه الظاهرة ، وماله داعي السجن والاعمال الشاقة والشنق!!!

حياك الله اخوي
اكيد تقصدني
السجن لمتجاوزين السرعه وبشكل جنوني
ترا شي موجود ليس شي جايبه من عندي
امريكا امش على الهاي وي 100 ميل وشف وش نوع المخالفة
السعودية طبقوا هذا الاجراء مؤخراً الحوادث قلت بشكل كبير
حتى الكروزرات القطرية الي تمر علينا في السعودية ومن بعد اجراء السجن شفنا اهلها اعقلوا

انت بس علمنا شلون تبينا انتناقش ومايكون خاطر الا طيب

q6ri_vip

14-08-2014, 02:47 PM

اتمنى من الله العلي القدير يتم جلد كل شاب تهور في القيادة امام الناس وفي المجمعات عبرة للغير

هههههه عسى ماشر يا الفهد شصاير لك ؟
ليش كل هالحمل عليهم شمهببين هههههه
وسع صدرك ترى الأمور طيبة

بوغانم995

14-08-2014, 02:56 PM

المشكله في الذي يأتيك طاير تقول لاحقه أسد .....ولا يعطيك أي مجال لتعديل وضعك وأفساح الطريق لسعادته .....يكبس ليتات ...شايفينك بس عطنا وجه شوي ... ترنا مو راكبين طياره ....سرعه 100 والخط نفس السيارات تسير بنفس السرعه تقريباً .....تبي السلامه ....بس لا مجال ....تقول سايق قطار ..محد معاه في الخط ؟!!!
ياناس العيب مو في المرور ...العيب في تصرفات الناس وقيادتهم بطريقه أستفزازيه .....وعدم الأكتثار بالي امامه ...حرمه أو انسان هادي لا يريد مشاكل ....يتغلغص بينك وبين الرصيف ويلزق فيك ..والله وهقه ..تخاف تخفف يدعمك ...ويخرب يومك ...ويضيع عليك مشوارك ...وجوك و مزاجك .....وأذا طافك ....بعد كم متر بيخفف ....بس ...مزاج .
يخي مزاجك لا يستهوينا على 22 فبراير . ...الصراحه اكثر السيارات المزعجه الجيات الاند كروزر والنياسين البترول... والله لانريد ان ينضر او اليتضرر المتهورين لكن ارواحنا وسلامة السائق على الطريق فوق كل اعتبار ...والسلام

مشـــــاعر

15-08-2014, 04:50 PM

نبي خصم على مخالفات السرعه... للي مخالفاتهم 91 و92
مخالفات ابو 500 ريال تنخصم اذا كانت السرعه تحت ال 120 وخالفوا الي شاقين الرادار شق واخر شي يحظر لجنة المرور ويسوون له خصم على اساس مخالفاتهه عدت ال 20 الف
مب معقوله يخالفون على هالسرعه الواحد مايحس انه ماشي وهو على 91 وين الخطر بالموضوع؟

بروحنا مو سالمين بعد تبي خصمم ؟؟
لالالالالالالالالالالالالالالالالالالالالالالالالا لالالا
إلا الخصم ولا ينزل ولا ريال :anger1:
هذيلآإ بروحهم مجانين وإنتحاريين وتبي يخصمون لهم @@
لو تعدي مليون بعد :anger1:

الجوكر90

15-08-2014, 06:37 PM

السلام عليكم
الصراحه انا ماعرف الخرجي معرفه شخصيه
بس ماعمري سمعت شخص ذمه فشخصه
الكل يقول ريال والنعم فيه
وهالشي مب غريب ع اهل قطر هذه اطباعهم وعوايدهم

بس

اذا تتكلمون عن الشغل انا من اشد المنتقدين حق الخرجي
لان من اول ما مسك المرور ومن يوم غير القانون لين الحين نشوف حوادث خطره ووفيات

انا اتمنى ان خلاص يطلع ويسلمون المرور للشباب

اتمنى من الامير يعطيه رتبة وزير يستاهل
بس يقعد فالبيت مانبي سياسة حب خشوم
هاي اعرفه امشيه هاي ماعرفه القانون واضح ويمشي عليك