السياره تتسجل بصورة البطاقة

[alsoq]

السلام عليكم

بكره بشتري سياره من هندي وهو بيسافر ويقول بطاقته مسكتها جهة العمل

وهو يجي معي المرور بصوره البطاقه وسياره بسمه السؤال

هل صوره البطاقه بوجود صاحب السياره تكفي

[SULTAN1]

ما اعتقد أخوى ، ومالهم حق يمسكون بطاقته ولا جوازه

[النهار]

ياخوي ماعتقد شركه تمسك بطاقة المكفول يمكن الجواز
في بعض الشركات تسجل السياره بأسم المكفول والسياره في الاصل تكون للشركه لاسباب امنيه مثل الغرامات
اوترك المكفول السياره لاستخدام شخص اخر

[طالب]

إذا تم البيع عن طريق خدمة مطراش 2 ما يحتاج حضور الشخص ولا بطاقته في المرور

[@north_star@]

إذا تم البيع عن طريق خدمة مطراش 2 ما يحتاج حضور الشخص ولا بطاقته في المرور

كلام صحيح اذا الهندي عنده مطراش 2 يقدر يحول السيارة باسمك وانت واقف وتدفع الفلوس وتاخذ الاستمارة وتروح تستلم الاستمارة الجديدة باسمك دون حضوره

[Right]

ياخوك تأكد من السيارة ومن حالتها بشكل عام وأنها سليمة 100%


لأن واحد من الأصدقاء مر بنفس السيناريو أن إلي بيبيع السيارة مستعجل وبيسافر


وآخرتها أكتشف صديقي أن السيارة فيها 9 حوادث تقريباً


بالتوفيق لك إن شاء الله

[لـبـيـه]

اولا سالفة ان بطاقته ممسوكه هذي فيها علامة استفهام كبيره

ثاني شي تقدر عن طريق مطراش

ثالثا عن طريق اي معرض سيارات هم الي يبدلون لك الملكيه بدون حضوركم ولا بطاقه بس بصور البطاقه والتوقيع فقط

[المحقق كونان]

اذا البطاقة عند الكفيل فالسالفه فيها شي

مره جبت لي دريول مؤقت وقلت له ابي اشوف بطاقتك الشخصية قال عند الكفيل عشان يجدد الإقامة وقلت له انزين الليسن؟ قال بعد عند الكفيل عشان يجدده اخر شي طلع لي صورة الليسن وأخذ الرقم الشخصي وأكلم البحث والمتابعة وطلع شارد من سنة ونص وجات دورية الفزعة للبيت وأمسكوووه