مبروك عليكم تراجع الاسعار وتباطؤ نمو العقارات في قطر

[D0ha]

السلام عليكم
لفت انتياهي خبر تباطؤ نمو العقار في قطر، واتمناه يزيد في الهبوط...
الاسعار ارتفعت لأرقام قياسية واعتقد لها تأثير كبير ( ايجابي) للمواطنين في المقام الأول

[وليف الشوق]

الله يبشرك بالجنه واتمنى يكون هالشي ملحوظ وفي تباطئ مستمر

[HSN_QTR]

عطنا مثال اخوي من المعروض فالسوق

ولا الكلام سهل نقوله ونكتبه

لان الواقع شي ثاني

[mr.hamouda]

ان شاء الله ينزل لانه الأسعار صايره تعجيزيه
اللي عنده عنده واللي ماعنده راحت عليه

[D0ha]

عطنا مثال اخوي من المعروض فالسوق

ولا الكلام سهل نقوله ونكتبه

لان الواقع شي ثاني

والله ياخي انا تابعت النشرة الأقتصادية في تلفزيون قطر، والخبر اللي سمعته، نقلته في مشاركتي هذي!

[قطر833]

89747

5-82014. 7-8-2014
الساعه 12 فليل تاخر الوقت:tease:

[ابن البيطار]

العقار الى الخلف در . والارقام المبالغ فيها مجرد بيع صوري لتحريك سوق العقار ولأيهام الناس ان الاسعار في ارتفاع .

[بوجبر]

ياريت ينزل العقار عشان اشتري:discuss:

[Bozizoo]

بس تباطؤ نمو العقار في قطر في الوقت الحالي امر طبيعي ويحدث كل سنه
فترة سفر و اجازات و رمضان
يعني الوقت الحالي ماهو مقياس .
من نص شهر 9 تبداء تراقب السوق

[شعلان]

السوق طالع فوق

[ملك المشاعر]

وصل اسعاره مبالغ فيها في فتره بسيطه

لازم يمر في تصحيح

[باحث علم]

وين نازل وام صلال وصلت الاسعار فيها 360 للفوت !

[Qtrfalcon]

وين نازل وام صلال وصلت الاسعار فيها 360 للفوت !

اخوي ممكن تحصل لك اراضي على 320 في ام صلال او 325

عليك بالبحث جيدا والله يباركلك ان شا الله
وانا سمعت ايضا ان الحركه صارت ابطا

[مخطط قطري]

كلامك غير صحيح انا رجل اشتري وابيع في العقارات وفي السوق واشوف الاسعار تزيد وتثبت وبالعكس الحركه نشطه جدا ادعوك لزياره السجل العقاري بكره وشوف بعينك ونسمع من سنتين عن هالنزول ولا صار والكاش موجود لاي تصحيح او نزول بالعكس نتمنى تنزل ونشتري اكثر بدال ماشتري عقارين او 3 في اليوم باسعار اشوفها جيده اذا نزل باخذ اكثر ....بس الواقع عكس الي تقوله
تحياتي لك.....

[hamad-007]

العقار الى الخلف در . والارقام المبالغ فيها مجرد بيع صوري لتحريك سوق العقار ولأيهام الناس ان الاسعار في ارتفاع .

كلام سليم ميه بالميه

[دايموند]

ان شاء الله. ينزل وينزل وينزل

[captin]

مرحبا اخوي

هذا الهدوء هدوء رمضان وفصل الصيف
لو تروح تسوم في اي منطقة ماراح تلاقي شي نزل يمكن 20 ريال للقدم المربع نزول
في بعض المناطق.

لكن الاسعار لازالت مرتفعة جدا وما اعتقد انها تنزل بمعنى تطيح
الى معدل المنتصف يعني المنطقة اللي القدم المربع فيها بسعر 400 ريال مستحيل تصير
بسعر 200 وقيس هذا على باقي المناطق.

لازالو تجار العقار يشترون بالاسعار المطروحة اليوم وهم يدرون ان الاسعار في ارتفاع
بسبب الطلب وحركة البناء والنمو السكاني ودخول الكثير من الشركات البلاد للمشاريع المختلفة.

[D0ha]

كلامك غير صحيح انا رجل اشتري وابيع في العقارات وفي السوق واشوف الاسعار تزيد وتثبت وبالعكس الحركه نشطه جدا ادعوك لزياره السجل العقاري بكره وشوف بعينك ونسمع من سنتين عن هالنزول ولا صار والكاش موجود لاي تصحيح او نزول بالعكس نتمنى تنزل ونشتري اكثر بدال ماشتري عقارين او 3 في اليوم باسعار اشوفها جيده اذا نزل باخذ اكثر ....بس الواقع عكس الي تقوله
تحياتي لك.....

واضح انزعاجك ونرفزتك من هالخبر... على العموم هذي المشاركة نقل من خبر تلفزيوني ( تلفزيون قطر) وذكرت في مشاركتي انه نقل... هذا بالنسبة لردك بعدم صحة كلامي.
اما بالنسبة لباقي الكلام! الصراحة كلامك غير مفهوم، اتمنى لو تعيد صياغته بشكل اوضح.
وبالنسبة لسعر العقار... اعتقد وصلت الأسعار لأرقام قياسية وفي نفس الوقت مبالغ فيها.
اتمنى تنزل وتركع لنص الاسعار...حظ سعيد للكل

[D0ha]

مرحبا اخوي

هذا الهدوء هدوء رمضان وفصل الصيف
لو تروح تسوم في اي منطقة ماراح تلاقي شي نزل يمكن 20 ريال للقدم المربع نزول
في بعض المناطق.

لكن الاسعار لازالت مرتفعة جدا وما اعتقد انها تنزل بمعنى تطيح
الى معدل المنتصف يعني المنطقة اللي القدم المربع فيها بسعر 400 ريال مستحيل تصير
بسعر 200 وقيس هذا على باقي المناطق.

لازالو تجار العقار يشترون بالاسعار المطروحة اليوم وهم يدرون ان الاسعار في ارتفاع
بسبب الطلب وحركة البناء والنمو السكاني ودخول الكثير من الشركات البلاد للمشاريع المختلفة.

حبيت اعلق على اخر جزء من مشاركتك؛ حبيت اعرف العلاقة بين دخول الكثير من الشركات في مشاريع الدولة وبين الأراضي السكنية والفلل الجاهزة ( كونها للمواطن المستحق للإستملاك).. ممكن الشركات المختلفه ترفع اسعار مواد البناء ، او احتمال ان هالشركات تساهم في عدم توافر المواد الأولية للبناء.... كونها تخدم مشاريع الدولة مثل المشاريع الرياضية لكأس العالم او مشاريع البنية التحية للدولة. ... لكن اسعار الأراضي السكنية توصل لهذا المستوى! اعتقد مبالغ فيها!

[QtrGate]

الي اشوفه
أن الأراضي السكنية والفلل ثبتت أسعارها من شهرين وبعضها في نزول
لاكن ليس بذلك التصحيح الذي نتمنا حدوثه بل نزول بين 2-5% فقط
أتمنى نزول سوق العقار بين 8-15% لينتعش مره اخرى

[adell]

طيب اعرض شي من ال اسعاره تراجع رجاءا

[احب قطر]

هذا الخبر بناءا على النشرة الأسبوعية لوزارة العدل اللي تحط فيها بيع وشراء العقارات ، فإذا قالو تباطؤ نمو العقارات فهذا ينطبق عالقيمة الإجمالية للعقارات المتداولة خلال السبوع ، فمثلا اذا كانت القيمة الإجمالية مليار والأسبوع اللي بعده 800 مليون بيقول لك تباطؤ ، وإذا جاك اللي بعده مليار و 200 مليون راح يقول لك نمو ، مع العلم بان النشرة العقارية للأسف ليست دقيقة وفيها الكثير من المغالطات وعدم الدقة ، افضل مقياس هو أسعار العرض والطلب ، والمشاريع الضخمة اللي يتم الإعلان عنها

[مخطط قطري]

واضح انزعاجك ونرفزتك من هالخبر... على العموم هذي المشاركة نقل من خبر تلفزيوني ( تلفزيون قطر) وذكرت في مشاركتي انه نقل... هذا بالنسبة لردك بعدم صحة كلامي.
اما بالنسبة لباقي الكلام! الصراحة كلامك غير مفهوم، اتمنى لو تعيد صياغته بشكل اوضح.
وبالنسبة لسعر العقار... اعتقد وصلت الأسعار لأرقام قياسية وفي نفس الوقت مبالغ فيها.
اتمنى تنزل وتركع لنص الاسعار...حظ سعيد للكل

لا منرفر ولا شي بس لمن اشوف واحد تجارته ساعات كوبي ون ويتكلم بامور مايفهمها مجرد سمع تقرير من تلفزيون قطر وجا في منتدى. وشكله فرحان ويبارك اكيد بعلمك الواقع وكتبت كلامك غير صحيح وهذا دليل قاطع انك ماتملك عقار وهذي مشكلتك ,.... العقار في صعود اكبر وخلك مع الكوبي ون والتقليد واترك السوق لاهله ودامك. كتبت. الاسعار تركع وانا غاسل يدي

[بوجبر]

زايدة في الطلب ع الوحدات السكنية والشقق وارتفاع في الإيجارات

شهر 9و 10 سينتعش سوق العقار اكثر وأكثر

[D0ha]

لا منرفر ولا شي بس لمن اشوف واحد تجارته ساعات كوبي ون ويتكلم بامور مايفهمها مجرد سمع تقرير من تلفزيون قطر وجا في منتدى. وشكله فرحان ويبارك اكيد بعلمك الواقع وكتبت كلامك غير صحيح وهذا دليل قاطع انك ماتملك عقار وهذي مشكلتك ,.... العقار في صعود اكبر وخلك مع الكوبي ون والتقليد واترك السوق لاهله ودامك. كتبت. الاسعار تركع وانا غاسل يدي

أسلوبك متواضع جداً، ولا يمكن استخدم نفس أسلوبك في الرد... انا ما اذكر بعت ساعة وحدة ولكن الشرف والمقام مايقل ولا ينزل في بيع الساعات... تقل قيمة الرجل في سوء الرد وعدم تقدير الكلمة.
اما بالنسبة لفخرك بتملك الأرض وأنا لا!! ... أطلب من الله ان يزيدك رشد وعقل.. وأحمد الله على ما اعطاني من خير وصحة... أخوي واضح مستوى تفكيرك من هذا الرد.. وأشفق عليك...
أتمنى من الله ان يرزقني وكل شاب قطري أرض (مجاناً).. وتهبط و "تركع" الأسعار لمستوى لاتجد من يشتريها...

وحبيت أكمل مشاركتي بنصيحة: "عندك الإملاء ضعيف والتعبير يحتاج الى ممارسة... حاول تطور ذاتك. اتمنى انك استفدت من مشاركتك معاي.."
هد من أعصابك بارك الله فيك وخلك حليم..
السلام عليكم

[مضارب دوسري]

العقار مقبل على هبوط قوي خلال فتره وجيزة
والدليل مكاتب العقارات معظمها عندها عروض والطلب صااار نااادر جدا

[مضارب دوسري]

ورصاصة الرحمه هي الغاء قوائم الانتظار في طلبات الاراضي

[ابومبارك]

حلم ابليس في الجنه ان العقارات في نزول .. لا احد يضحك على نفسه ويصدق نفسه

[الشلهوب]

العقار في ارتفاع والدليل الزحمة بالسجل العقاري

[ثاني]

كلامك صحيح .. والدليل اللي لسمته من الواقع .. أني من شهور كنت طالب أرض في منقطة معينة ..

وألاحظ نفس الأراضي تنعرض .. من شهور .. وهي هي نفسها ألحين ..

المشكلة الرئيسية في الدلالين .. يلعبون لعبه بالسوق ..

تخيل صار لي موقف من المواقف:

أحد الدلالين .. من شهر قال لي فيه أرضين في هالمنطقة .. والفوت ب 350 .. وعقب لين قلت له أنا جاد وحاول تقلل فيها .. رجع لي يقول لي أني كلمت المالك وطلعت غلطان بالسعر فالمالك كان يقصد الفوت ب 410 ولكن بيحاول يخليهاا 400
وتم يتصل فيني بالأسبوع مرة أو مرتين .. يعرض لي أكثر من أرض ..

وألحين عقب شهر .. قال لي فيه أرض الفوت ب 350 .. ولا أكتشف هي هي نفسها اللي عرضها لي من شهر .. بس شكله نسى ..
وقلت له تأكد أنها 350 .. قال أكيد ..
وخذت محادثته القديمة وصورتها له .. قلت له ألحين هاي هي الأرض اللي عرضتها لي من شهر ب 410 .. ألحين تقول هي ب 350؟؟؟!!! قلت له يعني بشهر واحد سعرها طب طبه 60 ريال للفوت تحت!!!
وغير السالفة وقال بشوف لك أرض ثانية إذا ما عاجبتك .. يعني شدخل هاي في هاي .. وما جاوبني ..

اللي أستخلصه .. أن هالدلااليين .. هم اللي يلعبون بالأسعار .. يرفعون ويحطون أرقام من عندهم ..

واكتشفت وأزيدكم .. أنهم يعرضون أراضي .. (يا أنها مش معروضوه للبيع أصلاً أو أن راعيها هون يبيع أو لأي سبب كان ما راح تنباع) يجون عقبها بيوم أو يومين يقولون هذي الأرض انباعت ..
حتى لو سألته عن أراضي في منقطة .. يقول لك .. كانت عندي أرضين وانباعت .. << انزين وشدخلني تقول لي انباعت .. أنا أبي اللي موجود .. << هو بس يبي يبين أن السوق ماشي وقايم ..


الله يعينا على هالدلااليين .. والله لو الدولة توفر أراضي نشتريها من الدولة .. وااايد أبرك واحنا راضييين حتى لو ما ناخذها ببلاش .. بدل هالنصب والتحايل اللي كل واحد يحط أرقام من عنده ويستغل المواطن المحتاج ..

[wesam82]

قال إمام وخطيب مسجد قباء وأمين لجنة الأئمة بالمدينة النبوية فضيلة الشيخ صالح بن عواد المغامسي
قَلما العرب يتفقون على شيء بسبب داء الحسد


أنا أشوف فعلا حساد


أنصح بمشاهدة هالفيديو لأنه يحل مشاكل اللي ماعنده سكن
http://youtu.be/QGkaE7oBdw0

[wesam82]

كلامك صحيح .. والدليل اللي لسمته من الواقع .. أني من شهور كنت طالب أرض في منقطة معينة ..

وألاحظ نفس الأراضي تنعرض .. من شهور .. وهي هي نفسها ألحين ..

المشكلة الرئيسية في الدلالين .. يلعبون لعبه بالسوق ..

تخيل صار لي موقف من المواقف:

أحد الدلالين .. من شهر قال لي فيه أرضين في هالمنطقة .. والفوت ب 350 .. وعقب لين قلت له أنا جاد وحاول تقلل فيها .. رجع لي يقول لي أني كلمت المالك وطلعت غلطان بالسعر فالمالك كان يقصد الفوت ب 410 ولكن بيحاول يخليهاا 400
وتم يتصل فيني بالأسبوع مرة أو مرتين .. يعرض لي أكثر من أرض ..

وألحين عقب شهر .. قال لي فيه أرض الفوت ب 350 .. ولا أكتشف هي هي نفسها اللي عرضها لي من شهر .. بس شكله نسى ..
وقلت له تأكد أنها 350 .. قال أكيد ..
وخذت محادثته القديمة وصورتها له .. قلت له ألحين هاي هي الأرض اللي عرضتها لي من شهر ب 410 .. ألحين تقول هي ب 350؟؟؟!!! قلت له يعني بشهر واحد سعرها طب طبه 60 ريال للفوت تحت!!!
وغير السالفة وقال بشوف لك أرض ثانية إذا ما عاجبتك .. يعني شدخل هاي في هاي .. وما جاوبني ..

اللي أستخلصه .. أن هالدلااليين .. هم اللي يلعبون بالأسعار .. يرفعون ويحطون أرقام من عندهم ..

واكتشفت وأزيدكم .. أنهم يعرضون أراضي .. (يا أنها مش معروضوه للبيع أصلاً أو أن راعيها هون يبيع أو لأي سبب كان ما راح تنباع) يجون عقبها بيوم أو يومين يقولون هذي الأرض انباعت ..
حتى لو سألته عن أراضي في منقطة .. يقول لك .. كانت عندي أرضين وانباعت .. << انزين وشدخلني تقول لي انباعت .. أنا أبي اللي موجود .. << هو بس يبي يبين أن السوق ماشي وقايم ..


الله يعينا على هالدلااليين .. والله لو الدولة توفر أراضي نشتريها من الدولة .. وااايد أبرك واحنا راضييين حتى لو ما ناخذها ببلاش .. بدل هالنصب والتحايل اللي كل واحد يحط أرقام من عنده ويستغل المواطن المحتاج ..


لا تخاف من الغني إذا جاع ، خاف من الفقير إذا شبع
الله يعينا على الدلالين

[الدبلوماسي]

لحد يقص على نفسه ويقول العقار بينزل مع اني من ملاك العقار واتمنى انه ينزل عشان اشتري بكميه اكبر. مدام الدوله تستقدم من هالعماله والعماله تجيب عوائلها والكاش متوفر انسو ينزل العقار،،