افتخر إني ....... مش خليجي

[بانغ بانغ]

لحد يفهمني غلط

كشخة وذهب وسيارات وخدم وحاشية ووووووو

بس قصدي يوم الواحد يتمشي في شوارع أوروبا هالايام وايشوق المفوشر والزبو من الخليجين الأمر اللي ايولد حساسية وعنصرية تجاهنا

ولين ينسأل في اي مكان أنه اذا كان خليجي او لا , وبكل فخر انقول مب خليجيين طبعا خوفا من العداء والعنصرية

موضوع طويل وقديم وفيه صفحة كاملة في الوطن اليوم عن هالموضوع

لارائكم

[قطري 777]

اما بنعمه ربك فحدث غنوا ورقصوا وعيشو حياه العززززز بفتخر وبقول اني خليجي واذا ماعجبه كلامي ابو عيون زرق اقوله بلططط البحررر معليك منهم عداء الي بيعاديك دوس في بطنه خلك حمش ياقلبي : ))

[توشيبا]

منهو انت عشان تعم بكل فخر انقول احنا مب الخليج

مافي مكان اجيه الا افتخر اني من الخليج واللي مب عاجبه يطق راس في اقرب طوفه

احنا اهل الخليج اهل العز ومنبع الدين الاسلامي

وعنصريته مع نفسه وعلي تربيته وشاكلته ومن خلفه

[بانغ بانغ]

احين عرفت انكم ما عندكم فهم لما بين السطور

اذا سرقوك واضربوك وبهدلوك بسبب كشختك وزبوك . القصد الناس تبعد من الاعتراف انهم خليجيين منعا للعداء

اسم العنوان يحمل مفاهيم مبطنة وليست حرفية يا شباب .

اشكركم على ولائكم

[عثرة جواد]

انا اليوم سمعت انه ف الراديو انه الخدامات يشردون لين يسافرون مع الاسر القطريه

استغربت ليش يودون الخدامات كلهم ماتكفي 1 او 2 ليش مايستفاد من السفر بتعلم ع العتماد ع النفس ونعود عيالنا عليها

بعض التاجاوزات كلش مب حلوة حتى لوكنا ف خير ونعمه الواحد يخاف الحسد والطمع ويعرض نفسه للسرقة والنصب

بس انا مب قطري لا واااااااااااااااالف لا وااافتخر بعد

[ودي أكون]

اللي اعرفه انهم ماينكرون انهم من الخليجين .. انما ينكرون تبعيتهم للدوله الفلانيه .. الخ والسبب معروف

الحذر والخوف من التعصب والحقد اللي عندهم/ عند الغرب..

وبعدين اخوي مو شرط ان السبب المفوشر .. لان الغرب متعصب بسبب الاسلام والاغلب ادرى ب هالشيء

والله اعلم

[بانغ بانغ]

العنوان مش انا اللي قاصده , الحمدلله اعيال عرب كلنا ونفتخر انا خليجين ومسلمين وعرب وسنة

بس الظاهر بعض الأعاجم اللي ايسوون نفسهم هل عرب

يبون ايدسون السموم أمثال بعض اللي فوق

[الأسبانية للمصاعد]

اي والله صادق .

من فسادهم في الدول الاوروبية , الوحد ايخاف ايقول انه خليجي .

سبحان الله يفتخرون كونهم خليجيين بس في المفوشر

ويوم اتكون في مشكلة دينية مع الغرب , كل واحد يسلخ جلده واقول مب عربي حتى خوفا منهم

[ودي أكون]

بس انا مب قطري لا واااااااااااااااالف لا وااافتخر بعد

حتى احنا بعد نفتخر انك مب قطـــــري :)

امثالك ما نفتخر انهم يمثلونا اهل قطر ..

[عثرة جواد]

حتى احنا بعد نفتخر انك مب قطـــــري :)

امثالك ما نفتخر انهم يمثلونا اهل قطر ..

هههههههههههههههههههاااااااااااااااااي

انا قطريه وبفخر وهاي تعليقي ع الي يقول انه يفتخر انه مب قطري

تسرعت ف الرد ؟؟؟؟؟؟؟؟؟؟

[وحيد-الشوق]

ذبحنا الزبو والهياط ماخلوا سيارة الا ودوها لندن منظر الخليجين يفشل للأسف

انا اذا سافرت ما احب اشوف اي خليجي قدامي وابتعد عن تجمعاتهم كله قعدات عالقهاوي وطالعني واطالعك وحتى بعضهم يخزونك اذا قعدت تصور هههههههه ليش انا مسافر عيل

يفضل الابتعاد عن السفر في الصيف مناظر غريبة عايلة من 3 اشخاص كل وحدة حاطه مكياج جنه مكياج مهرج ومعاهم خدامتين وساعات 3 بعد الله يصلحهم

[كلام ساخر]

حددوا يا جماعة
نفتخر ولا ما نفتخر
حيرتونا
جواب نهائي؟

[QATAR 77]

افتخر بس لا تظهر افتخارك

[بانغ بانغ]

افتخر بس لا تظهر افتخارك

والله يا الشيخ هذا القصد من الموضوع بس يمكن خاني التعبير

وطاحوا في بطني الربع

الله يجزيك خير على الدقة

[كلام ساخر]

والله يا الشيخ هذا القصد من الموضوع بس يمكن خاني التعبير

وطاحوا في بطني الربع

الله يجزيك خير على الدقة



ترى قصدك طيب ومفهوم
لكن البعض يمكن ما وصل لقصدك بسرعة
واعتقدوا ان الموضوع انهزام نفسي
ما قصرت

[الحاقول]

يجب على وزارات الداخليه منع خروج أي سياره خليجيه الى اوروبا


لانه مضار هذه السيارات على العرب والخليجيين بشكل خاص كبير

قال تعالى : ( ثم لتسألن يومئذ عن النعيم )

ماذا تقول عن هذا النعيم ؟

ذهبت الى لندن للاستعراض والمفوشر بالسياره

[مختلفة عقليا]

السلام عليكم .,

انا اجوف ان اللي يصير غلط ولازم انعيش طبيعيا ., هالشي غلطططط ., في دكاتره حطوا حركاتنا تحت (( الامراض )) ,’

طبعا افتخر اني قطرية ., وخليجيه وعربيه ومسلمه بس مابسوي نفس حركاتهم .,

يعني دوم افكر واذا قالوا ماعندي صج بينسحب رصيدي من البنك والاسهم !! واذا قالوا عندي بيزيد الرصيد !! خل يقولون اهم شي انا مرتاحه

ويسلموو .,

[بانغ بانغ]

ترى قصدك طيب ومفهوم
لكن البعض يمكن ما وصل لقصدك بسرعة
واعتقدوا ان الموضوع انهزام نفسي
ما قصرت

رحم الله والديك ووالدين كل من شارك

[بانغ بانغ]

ترى قصدك طيب ومفهوم
لكن البعض يمكن ما وصل لقصدك بسرعة
واعتقدوا ان الموضوع انهزام نفسي
ما قصرت

رحم الله والديك ووالدين كل من شارك

[بانغ بانغ]

حددوا يا جماعة
نفتخر ولا ما نفتخر
حيرتونا
جواب نهائي؟

يبا خلاص ونفتخر وبكل فخر

[panda]

افتخر ام لا و الله يكرهوننا كره ما له حدود و صدق المولى عز و جل : وَلَنْ تَرْضَى عَنْكَ الْيَهُودُ وَلا النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَى وَلَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَ الْعِلْمِ مَا لَكَ مِنَ اللَّهِ مِنْ وَلِيٍّ وَلا نَصِيرٍ.
و افتخر و طلع خشمك فوق و خليهم يموتوا بالغيرة!!

[بوحارب]

اهم شي الأخلاق ;)

[roma27]

والله افتخر أني من دار بن ثاني قطر وقول أنا قطري أنا الحين في دوله أوربيه وقولهم أني من قطر لو تعرفون شلون يمدحون في قطر الله يسلم الشيخ حمد اللي خله قطر من مصاف الدول العالميه بس احنا اروح من غير مظاهر الترف والزبو من غير خدم وحشم من غير زبو من غير تقصير على أنفسنا و عندنا أطفال نشيلهم في عيونا وفتخر أني قطر والحمد لله على على النعمه اللي عايشين فيها

[Purple]

ههههههههههههه العنوان اضحكني :tease:

[alsoq]

اعزكم الله
..... يحب خناقة

واهل الخليج يحبون لندن اهم يا فهيم

[الساجد لربه]

لا حول ولا قوة الا بالله

[نوار قطر]

منهو انت عشان تعم بكل فخر انقول احنا مب الخليج

مافي مكان اجيه الا افتخر اني من الخليج واللي مب عاجبه يطق راس في اقرب طوفه

احنا اهل الخليج اهل العز ومنبع الدين الاسلامي

وعنصريته مع نفسه وعلي تربيته وشاكلته ومن خلفه

هو يقصد الناس فيه منهم ينكر انه كونه خليجي،،، مايقصد نفسه،،، مممم حتى لو تلاحظ قال ان الموضوع مطروح في جريده الوطن،، ف هو يبي رايكم في الكلام الي صار وبس والله

هذا ما لزم توضيحه لسيادتكم

[alsoq]

والله ما اروح لبلد يسبوني وتفلون علي والسب يوصل للام

اما اهل الخليج صراحة بعضهم لا يستحق يسافر حتى لبورما مخربين السمعه من الزبو الزايد

ونعم فيه بعض يتحاشى انه يقول انا خليجي

[OREO]

موضوعك هادف و اتمنى من البعض لا يتفاخر في الدول الاوروبية و بالذات بريطانيا لأن لاسمح الله يجيه الشاكوش من ورا راسه وهو يزابي ..

الزباي تلاقيه يا إما كان فقير او أن محروم من النعمة في السنوات اللي طافت ..

[جاسم الدوحة]

لحد يفهمني غلط

كشخة وذهب وسيارات وخدم وحاشية ووووووو

بس قصدي يوم الواحد يتمشي في شوارع أوروبا هالايام وايشوف المفوشر والزبو من الخليجين الأمر اللي ايولد حساسية وعنصرية تجاهنا

ولين ينسأل في اي مكان أنه اذا كان خليجي او لا , وبكل فخر انقول مب خليجيين طبعا خوفا من العداء والعنصرية

كلامك عدل أخوي
واللي ذكرته .. واقع بالفعل للأسف

[طبيب قطري]

والله ما اروح لبلد يسبوني وتفلون علي والسب يوصل للام

اما اهل الخليج صراحة بعضهم لا يستحق يسافر حتى لبورما مخربين السمعه من الزبو الزايد

ونعم فيه بعض يتحاشى انه يقول انا خليجي

الشيخ مافهمت كلامك ، ليش يتفلون عليك العالم؟ لانك خليجي ولاشسالفه!

[نديم القلم]

# الدعوة إلى المفاخرة من سمات الجاهلية التي ينبغي تركها ، فربما جلبت للنفس الخيلاء والغرور فيقع المرء في محظور الله وكرهه كما ورد في الأية الكريمة ((إن الله لا يحب من كان مختالاً فخورا)) أعتد بنفسك -وهو مبتغى العقلاء - بدلاً من تفاخرك بجنسيتك ... والسؤال علام تتفاخر ؟!

## البعض يعلن عن جنسيته دون أن يُسئل ولو سُئل أجاب دون معرفة كينونة السائل وربما تعرض بعد إجابته للمضايقة ، وظني أن للجنسية سريرة( أحياناً ) كسريرة رصيد حسابك في البنك إذ لا يعقل البوح بها لكل سائل من هب ودب .

### لو إلتزمنا بما ورد أعلاهـ لما خشينا أحد ، فالمفاخرة دون رصيد تجلب خوف استهجان وكيد الغير من المتربصين ، فالأعتداد والثقة بنفسك تلغي الأثر السلبي الذي يتسببه لك المسيئون المتفاخرون بسياراتهم وأموالهم وأفعالهم المشينة .. واعلم أن من يحاول إيذائك بسبب إنتمائك لجنسية المتفاخرون هو ضعيف وجاهل حركه حقده وجهله تجاهك ، وهذه الفئة يمكن التصدي لها بسهولة ، فمجرد مايشعر بردة فعلك القوية تجاهه فسوف يهز ذيله لك .. وصفة مجربــة .

[تاج المراجل]

نسال الله ان يحمي كل قطرري ، مافيه مشكله لو عندك خير وربي رازقك لكن لاتوصل لحد الاسراف والتبذير وتصبح غايتك هي السمعة والشهرة ، ابتعد كل البعد وجعل كل ماتنفقه يرجع عليك بالخير يوم القيامة ، وتذكر ان النعمة تزول من العبد الذي لا يحسن استخدامها ويحمد الله ويشكره عليها .

[qtri06]

صحيح وخصوصا لما يتم سؤالك من بعض الجنسيات العربية عن بلادك

وانا لحظت هالشغله لما تذكر دولة خليجية او عربية ليس لها ثقل سياسي لا يتم التركيز عليك او فتح باب للحوار معك

وفالنهاية انت مسافر تنبسط مايمنع انك تستخدم التورية في مثل هالبلدان لسلامتك فقط وتجنب النصب

[ms-qtr]

أغلبهم يا ناس تكشخ على الاخر
تقول رايحين مناسبة
أو مبهدلين على الاخر
ألوان مرقعة وشعر منكوش ونعال الله يكرمكم
الإعتدال حلو والبساطة
خصوصا ان الدول الاوربية فيها مشي وتحتاج شي عملي

[ام خليفه79]

في ناس وااايد لما يروحون هالبلدان الأوروبية يسألونهم انتوا من الديرة الفلانية يقولون لا بس والله يبين بيقصون على من وله من

والحين ما في دولة خليجية مب حاقدين عليها هالغرب كل حد لهم موقف وله مسوين لهم سالفة معاهم

يعني جي وله جي والله بقول أني خليجية واللي فيها فيها هذولي أصلاً يهود ما منهم امان يأكلون بعض أكل وصح في ناس وااايد تنكر أمامهم بأنهم خليجين خايفين أن يعتدون عليهم او يبوقونهم ما يدرون أن في ناس تروح هناك عقب ما تحط على نفسها قرض وحالة وأهم بس مفوشر يا ريت بس أهل الخليج يخفون من هالمفوشر وربي ما يحب اللي يسرفون بعد خلك عادي هناك رايح تستانس وتقضي وقت حلو مع هلك وأترك عندك المفوشر ومحد بيتعرض لك ولا بيهمهم أنت خليجي وله غيره الأعتدال زين في كل الأمور والاسراف ربي ما بغضه من عدم هاي اللي أنا أعرفه وأسمعه يصير بين الناس والحمدلله يروحون ويردون عادي لأنهم كانو بشكل عادي هناك مب سياير 3 أرقام مدري رقم وحالتهم حالة ومسوين صيه ف المكان شوفونا عندنا خير لا وعقب ما يبي حد يسرقه وله يضربه أو يعتدي عليه عقب ما شاف هالخير عنده هم ما يصدقون بس يشوفون واحد عربي بشكل عام متهني الا قلوبهم كلتهم



بس الحمدلله أني خليجية وأفتخر اللهم لك الحمد والشكر


وتسلم أخووي على الموضوع

[الأسبانية للمصاعد]

وصلني فيديو من اشوي

اثنين خليجيين ايشيشوون في نص الشارع امام هارودز والعالم قاعده اتصورهم

والله قمة المهزلة والاستخفاف بالقوانين واللامبالاة وتشويه صورة بلادهم امام العالم

والله محد ايسويها حتى في داعوس في فريجه او امام بيته

مادري اذا حد شافه او باحاول ارسله لكم

[الأسبانية للمصاعد]

http://www.alarabiya.net/ar/last-page/2014/09/02/%D9%84%D9%86%D8%AF%D9%86-%D9%85%D8%B0%D9%87%D9%88%D9%84%D8%A9-%D9%85%D9%86-%D8%B9%D8%B1%D8%A8-%D8%AC%D9%84%D8%B3%D9%88%D8%A7-%D9%8A%D8%AF%D8%AE%D9%86%D9%88%D9%86-%D8%A7%D9%84%D8%B4%D9%8A%D8%B4%D8%A9-%D9%88%D8%B3%D8%B7-%D8%A7%D9%84%D8%B4%D8%A7%D8%B1%D8%B9-.html

[ضوى]

الله لا يبلينا بهالمفاخر اللي من غير سنع

اذا سألوني اقول اني قطرية وافتخر اكثر اذا قلت مسلمة عربية وبكل مكان احجز فيه بفنادق اقولهم اول شي تشيلون الميني بار اللي الغرفة من خمور وبيرة وسم هاري وبصراحة وايد يقدرون هالشي ويحترمون اسلامنا ودينا ، وحتى بالمطاعم يشفونها بحاجبنا والتزامنا اول شي يعطونا المينيو الحلال حتى المطاعم اللي مافيها حلال يعلمونا نبتعد عن شنو في المينيو بصراحة ماشفنا اي اضطهاد او عنصرية واذا على لندن من استوينا وهي عنصرية ويا العرب بالذات

[كيلو حديد]

مساكين يروحون هناك يقولون شوفوا عندنا فلوس
مدري وين الفخر ان الواحد عنده فلوس
عاهرات العالم عندهن فلوس بعد
عمر الفلوس ما كانت مجال لفخر الرجال
الرجل يفخر بمبادئه وقيمه التي علمها له دينه
الفخر بالدين هو الاساس
ومن الامور التي تثير الفخر بصراحه يوم تروح تشتري شيء
ينبهك البائع ترى فيه خمر لانه يعرف أنك مسلم ولك قوانينك التي
اوصلتها للجميع
هالشيء مجال الفخر اما عندي فلوس فحقيقة أن عاهرات العالم يرقصن
على طعوس من الفلوس وعادة هن و قادة الإعلام من يشكلون
هذا النمط من التفكير .

[ضوى]

مساكين يروحون هناك يقولون شوفوا عندنا فلوس
مدري وين الفخر ان الواحد عنده فلوس
عاهرات العالم عندهن فلوس بعد
عمر الفلوس ما كانت مجال لفخر الرجال
الرجل يفخر بمبادئه وقيمه التي علمها له دينه
الفخر بالدين هو الاساس
ومن الامور التي تثير الفخر بصراحه يوم تروح تشتري شيء
ينبهك البائع ترى فيه خمر لانه يعرف أنك مسلم ولك قوانينك التي
اوصلتها للجميع
هالشيء مجال الفخر اما عندي فلوس فحقيقة أن عاهرات العالم يرقصن
على طعوس من الفلوس وعادة هن و قادة الإعلام من يشكلون
هذا النمط من التفكير .

نعم ياخوي هذا هو الفخر ، والله اني اشتهيت تراميسو ايسكريم ، والله يا انها اجنبية قالت لي نو مدام هذا فيه كحول ، الله يجزيها خير ويهديها لطريق الاسلام يارب ، طبعا يحترمونا لمايشوفونا محترمين دينا ، حجابنا مب حجاب متبرجات ولا لبسنا لبس موضة وزبو وفشخرة ، لبس اسلامي محترم يخليهم غصب يحترمونا ويقدرونا ويعملون لنا الف حساب والا هم شنو همهم اذا اخذنا كحول والا خنزير ؟؟

[حسن]

اللي اعرفه انهم ماينكرون انهم من الخليجين .. انما ينكرون تبعيتهم للدوله الفلانيه .. الخ والسبب معروف

الحذر والخوف من التعصب والحقد اللي عندهم/ عند الغرب..

وبعدين اخوي مو شرط ان السبب المفوشر .. لان الغرب متعصب بسبب الاسلام والاغلب ادرى ب هالشيء

والله اعلم

شنهو شتقولين

متعصبين

!!!
زاد الشوف السياحه لاوروبا طاغيه من دول الخليج بشكل مش طبيعي
كلامك كله غلط في غلط
هناك يحترمون الادميه مالهم شغله انت وش تعبد
اما تصرفات فرديه من هنا ولا هناك مانقدر نقول انها ظاهره
ناس في قمه التربيه والادب والاحترام ويفوقون على العرب
180 درجه

في التعامل واالاخلاص والمصادقيه
واللي يقول غير ذالك خراط ومليون خراطي على قوله ابن الذيب

[حسن]

والله يا الشيخ هذا القصد من الموضوع بس يمكن خاني التعبير

وطاحوا في بطني الربع

الله يجزيك خير على الدقة

مهب انت انت من اول قالها

قالها يوسف قبلك ونشرت في الجرايد
والى الان تنسب له

لاتحاتي الكثير يشك مثلك

ولع

:telephone:

[بانغ بانغ]

عاد شيشة في نص الشارع ؟؟؟؟؟؟؟

والله ما اسويها في داعوس في ام غويلينة

قمة المصخرة

لازم سفارة بلادهم اتحقق معاهم قبل الشرطة

[الأسبانية للمصاعد]

المشكلة العويصة لين ايصير شي .. ينقتل خليجي او تنضرب اسرة خليجية او ينباق خليجي

ايطيحون في الغرب وفي الاوروبيين

احترموا انفسكم , العالم راح تحترمكم

لا تقولون دين او لون او جنسية

بس هو فقط مرض الغرور اللي عند الخليجيين بشكل عام

بصراحة انا افتخر اني ما انتمي لهالفئة الخليجية الوسخة

[R 7 A L]

انا اعتبرة ساذج الي يمشي في الشارع ويجاوب كل من يواجهه عن اسمة وبلاده وحالته الاجتماعية
و وين يشتغل
عسى ما شر يبيني اناسبه ههههههه

[الماريّة]

وانا افتخر اني خليجيه وبعبايتي ونقابي في الدول الاوروبية :)

وبدون زبووو وكشخه ع الفاضي

[معماري قطري]

بعض الناس تحس ما عندهم ذوق ولا معرفة للبس ولنوعية اللبس حسب المكان

تحصله لابس قميص وردي مطرز وبنطلون ضيق ولا طويل وبلون فاقع غير متناسب كلش ويمشي في الهايدبارك تكرمون بحذاء 3 أَلوان وبدلاغ لونه شاذ .. تعرفه من بعد كيلو إِنه خليجي وتشوفه وتضحك .. وهالفئة منتشرين في كم بلد.

يا ناس النعمة زوالة والتواضع زين والكبر من الشيطان .. انا معاك إِخوي بانغ بانغ نهائياً في هذي المواقع ما افتخر إِني خليجي