التأمين الصحي للقطريين

[بيرق_المجد]

بسم الله الرحمن الرحيم

اخواني واخواتي الكل منا يحرص ويقدر النعمه الى كل مواطن قطري يتمتع بها بعد الموافقه على التأمين الصحي في العيادات والمستشفيات الخاصه بكل اختصار حصل لنا موقف في احد العيادات الخاصه للاسنان سجل اخوي في عياده وفتح له ملف بعد ماطلب منه البطاقه الشخصيه سجل اخوي في الاستقبال وعطوه ورقه يوقع عليها لتأمين اثبات للعياده ان المرض تعالج عندهم المهم دخل المريض على دكتور الاسنان وكان عنده مشكله في العصب وقاله الدكتور علاجك لازم نخلع سن العقل وبعدها شل العصب رفض اخوي طريقت الدكتور وقاله حلك صعب ابغي علاج العصاب بدون خلع سن العقل وبعدها طلعنا من العياده ولا نعرف بعد ماسجل في العياده هل سجلو ان المريض تعالج من العصب ام اكتفو بفتح الملف وهذا من حقهم حساب فتح الملف للمريض كيف يثبت المريض انه ماتعالج لو قدر الله ان حصله نفس المشكله سوى في عياده الاسنان او غيرها من العيادات لازم تكون فيه جه مراقبه تعرف لهل موضوع

الله يحفض بلدنا من كل مكروه ويحفض سمو الامير / الشيخ تميم بن حمد ويديم علينا الامن والامان

[QATAR 77]

لازم المريض يوقع

[عثرة جواد]

والله انا رحت احد العيادات الي تشمل التائمين من 10 ايام

وانت محتاجة جراجه سريعه وبسيطه لين الحين ينطرون وزارة الصحة ترد عليهم بخصوص البنج

مايسواء علينا والي زاد الطين بلة رحت طواري حمد قالو لي الموعد شهر 10 سريعين ماشاء الله

شنقول وش نخلي لا حل والاقوة الا بل للة

[Right]

الحين إلي بيدخل هالمستشفيات والعيادات ،


بيطلعون فيه مليون عله وعله حتى لو هو صاحي ما فيه شيء

[بيرق_المجد]

لازم يكون فيه رادع للمشكله ذي العيادات بتلعب على كيفها الى ماصار فيه مراقبه شديده عليها

[دااانة قطر]

الحين إلي بيدخل هالمستشفيات والعيادات ،


بيطلعون فيه مليون عله وعله حتى لو هو صاحي ما فيه شيء





نفس اللي صار مع اختي في الاهلي تعبت شوي قالوا لها عندج الزايدة ولازم عملية وكانوا يحنون عليها تحاليل وروحي دفعي حق الغرفه ورسوم العمليه ..........الخ
انا قلت لها ماعندج اعراض الزايده روحي اي مكان ثاني رجعت طواري حمد وسوت تحاليل واشعه حتى الدكتورة قالت لها من قالج عندها زايدة مافيها شي مغص عادي
ابي اعرف لو مسوين لها العمليه الدودة من وين بيجيبونها؟؟ وكم واحد لعبوا عليه بنفس الطريقه واترسوا جيوبهم؟؟؟؟

[نوفة قطر]

طبيعي يكون في أخطاء فالبدايه ومع الأيام يستقيم الوضع

انا عيادتي اللي اراجع فيها عشان اسناني دخلت في التأمين وانا اوردي وراي كذا شغله كنت بسويها وتكلف

فقال لي الدكتور خلينا نبدا نسويها الحين دام ان التأمين موجود لان احنا متوقعين بعد فتره يصير على القانون شروط .. لان لو بيظل جذي هذا بيكلف الدوله وااايد

فقال لي ان الامارات طبقوا قانون التأمين وبعدها بفتره خلوا التأمين يدفع نص ثمن العلاج والمريض يدفع الباقي

هالشي يساعد بعد ان الواحد مايستغل التأمين بشكل سلبي لا المريض ولا الجهه الطبيه

[Right]

نفس اللي صار مع اختي في الاهلي تعبت شوي قالوا لها عندج الزايدة ولازم عملية وكانوا يحنون عليها تحاليل وروحي دفعي حق الغرفه ورسوم العمليه ..........الخ
انا قلت لها ماعندج اعراض الزايده روحي اي مكان ثاني رجعت طواري حمد وسوت تحاليل واشعه حتى الدكتورة قالت لها من قالج عندها زايدة مافيها شي مغص عادي
ابي اعرف لو مسوين لها العمليه الدودة من وين بيجيبونها؟؟ وكم واحد لعبوا عليه بنفس الطريقه واترسوا جيوبهم؟؟؟؟





الحمدلله على سلامتها ، و زين قلتي لها تروح لطوارئ مستشفى حمد وإلا كان إقصبوها مسكينة

[طلعة الروح]

بسم الله الرحمن الرحيم

اخواني واخواتي الكل منا يحرص ويقدر النعمه الى كل مواطن قطري يتمتع بها بعد الموافقه على التأمين الصحي في العيادات والمستشفيات الخاصه بكل اختصار حصل لنا موقف في احد العيادات الخاصه للاسنان سجل اخوي في عياده وفتح له ملف بعد ماطلب منه البطاقه الشخصيه سجل اخوي في الاستقبال وعطوه ورقه يوقع عليها لتأمين اثبات للعياده ان المرض تعالج عندهم المهم دخل المريض على دكتور الاسنان وكان عنده مشكله في العصب وقاله الدكتور علاجك لازم نخلع سن العقل وبعدها شل العصب رفض اخوي طريقت الدكتور وقاله حلك صعب ابغي علاج العصاب بدون خلع سن العقل وبعدها طلعنا من العياده ولا نعرف بعد ماسجل في العياده هل سجلو ان المريض تعالج من العصب ام اكتفو بفتح الملف وهذا من حقهم حساب فتح الملف للمريض كيف يثبت المريض انه ماتعالج لو قدر الله ان حصله نفس المشكله سوى في عياده الاسنان او غيرها من العيادات لازم تكون فيه جه مراقبه تعرف لهل موضوع

الله يحفض بلدنا من كل مكروه ويحفض سمو الامير / الشيخ تميم بن حمد ويديم علينا الامن والامان

خل اخوك ياخذ كوبي من ورقة العلاج ويجبرهم يختمون عليها بالالغاء عشان ماتنحسب على أخوك ويكون دليل عنده وطرش نسخه حق شركة التأمين لو حصل أي تلاعب وخصم.
لكن مجرد ان اخوك وقع ورقة مبدئية للعلاج فهاي مش دليل على انه تعالج لأنه لازم تكون فيه تفاصيل بالعلاج وقيمة تفصيلية للعلاج المطلوب وماتوقع انهم قدروا يحددون هالشي ف الاستقبال فكان لازم الطبيب يشوفك وعقب يقرر شنو العلاج المطلوب مع التكاليف وما اعتقد ان أخوك وقع على هالتفاصيل.

[بانغ بانغ]

أنا اعرف ناس راحوا شيراز حق الأسنان

بلاش وشغل محترفين

[nor85]

ابي اعرف تصحيح النظر الليزك مشمول في التأمين

[ملك المشاعر]

ابي اعرف تصحيح النظر الليزك مشمول في التأمين

مايغطي الليزك التامين

[الدوحه1]

هجوم كاسح من القطريين على المستشفيات والعيادات الخاصه!!
حتى عمليات "قص المعده" صارت على التأمين بشرط ان تكون الكتله فوق ال 40.

لو استمر الموضوع على هالحال اتوقع ان التأمين راح يكلف الدوله مئات الملايين.
انا شخصيا ضد هالتأمين لان اصلا ماعندنا مستشفيات بالمقاييس العالميه وهناك استغلال غير طبيعي من قبل هالمستشفيات والعيادات!!
ليش مايصرفون هالمبلغ على تطوير العنايه الصحيه في البلد..
المشكله الرئيسيه عندنا في الاداره؟ والحل هو التعاقد مع احد المستشفيات العالميه لادارة جميع مستشفيات الدوله.

[بانغ بانغ]

هجوم كاسح من القطريين على المستشفيات والعيادات الخاصه!!
حتى عمليات "قص المعده" صارت على التأمين بشرط ان تكون الكتله فوق ال 40.

لو استمر الموضوع على هالحال اتوقع ان التأمين راح يكلف الدوله مئات الملايين.
انا شخصيا ضد هالتأمين لان اصلا ماعندنا مستشفيات بالمقاييس العالميه وهناك استغلال غير طبيعي من قبل هالمستشفيات والعيادات!!
ليش مايصرفون هالمبلغ على تطوير العنايه الصحيه في البلد..
المشكله الرئيسيه عندنا في الاداره؟ والحل هو التعاقد مع احد المستشفيات العالميه لادارة جميع مستشفيات الدوله.

سبحان الله كنا نشرد من العيادات واحين الناس امراكض لها

زمن التناقضات فعلا

[الجوكر90]

ابوي قبل فتره راح العمادي كان مزكم ومسخن
قالو له روح سوو اشعه حق صدرك
قالهم هاي شي يديد
عشان سخونه وزكام اشعه

[كلاسيك قطر]

انزين اسفسار للتأمين الصحي للولاده
اخواني واضح من العنوان هل ع التأمين وله ندفع شي بسيط

[كلاسيك قطر]

هل يشمل التأمين الصحي

دول الخدمات المغطاة:

النساء و الولادة الباطنية و الجراحية:

الحمل، الولادة، ومرحلة ما بعد الولادة.
أمراض النساء والولادة.
الأطفال حديثي الولادة

[كلاسيك قطر]

نبي ردود ياشباب

[جاسم الدوحة]

قبل التأمين .. كنت أروح مستشفى حمد
بعد التأمين .. ما زلت أروح مستشفى حمد

الأمر عندي مجرد قناعة
يسوون (اللازم فقط) لكل حالة
ويصرفون (اللازم فقط) من الأدوية .
وفيه من الأطباء الممتازين الكثير ..
بس ضايعين في الزحمة واللوُية بعض الشيء .

أما بعض مستشفيات التأمين الصحي فالاستغلال
واضح وضوح الشمس من تكرار الفحوصات بدون داعي
والأسعار الفلكية للأدوية .

(أسعار الأدوية عندهم أغلى بكثير من الصيدليات)
(والصيدليات أغلى بكثير من أقرب صيدلية خارج حدودنا)

وأنا مع موافقة المريض بالتوقيع على الفحوصات والأدوية والفاتورة
كأساس لاعتمادها من قبل الجهات المختصة
منعــًا للاستغلال الواقع بالفعل حاليــًا .

ملاحظة : للمناسبة ، هذا الرد كررته في موضوع مطابق بالمنتدى

[m alshafi]

في عيادة الدكتور مروان التوقيع يكون بعد ما تدخل و تخلص من الدكتور اعتقد هذي افضل .