لندن+ فرنسا ودول اوربا وش الاشياء الممنوعه من مواد الغذائية

[خشوف]

:secret:

نبغي نفيد بعض ونستفيد

هل الحليب ابوقوس و الفول والماي ممنوعه في الشحن في الشنطة الكبيره
وش الاشياء الممنوعه
سمعت يقولون ممنوع كل شي في بريطانيا

وين القاي كوارتين ماي هناك
في فرنسا وديت معاي قبل جبن وروتي وحليب وعادي الحين لندن ومعاي اطفال عمر سنتين:eek5:

[ALJokar]

والله نفسك انا الحين توني جاي من DHL الي في فيلاجيو ابي اطرش بس اشياء بسيطه تمر وقهوه وشاي ونعناع قالي الموظف يمكن تتوقف ف لندن عند الجمارك وراح يطرشونها مكان ثاني وانت راح تستلمها من هناك تراجع فيها

ما ادري شنو بسوي احملها معاي ولا اخليها ؟ شباب نصحوني ب شحن door to door ولا عرفت اي شركه مضبوطه حاليا اطرش لبريطانيا

[خشوف]

الحين قريت في النت انا لازم اذا بتحمل معاك اغراض شاي وقهوه والعده لازم تاريخ الانتهاء عليها وفي 3 مسارات ازرق للبريطانين واخضر واحمر لازم تروح الخط الاخضر عشان ماتتفتش

[ALJokar]

انا طرشت الاغراض شحن ع dhl وكلمتهم قالوا هذا الاكل معروف ومصرح فيه بس تعبي البيانات ف ورقه وتكتبها وكم قيمتها كسعر وبس وتطبعها وطرشها بس الي طرشته شي معروف ومتدوال نفس القهوه والشاي والقناد والزعفران والعود

[وحيد-الشوق]

ممنوع بس احنا مره دخلنا ب3 قواطي جبن ابوالولد عشان شناطنا وايد هههههه محد صادنا

نصيحة اغلب هالاشياء موجوده هناك ماله داعي تاخذون فول والحليب استبدلوه بالحليب الطازج احسن لكم والماي اخذوه من الجمعيات هناك احسن مع الابتعاد عن بقالات العرب كل شيء دبل احيانا

[رهج السنابك]

كل شي متوفر هناك لا تاخذين شي زياده وزن ع الفاضي ومافي شي ممنوع اخوي سافر بشنطه كامله كلها قواطي ولا حد قاله شي بلندن لكن اول ماتنزلون لا تلتفون للجمرك امشوا سيده ورا الناس واطلعوا انا من عفويتي مسويه نفسي احترم القانون رحت للجمرك بنفسي شالوا شناطنا الثقال وفتشوها بالجهاز وعقب قطوها لنا وتبهذلنا في تحمليها مره ثانيه ع القاري -محد يساعد هناك
لكن اكتشفت لو مشيت وانا ساكته محد بيسالني عن التفتيش

[Chambray]

كلشي متوفر هناك
خصوصا الاجبان في فرنسا


لكن عموماً الفرنسيين مايفتشون وايد واذا فتش يفتش عن الزقاير - السويكه - المعسل - الكاش اذا اكثر من 10 الاف يورو للشخص