هــــــــــــل تخلى المسلمون عن مكارم الأخلاق؟؟

[JN000N]

بسم الله الرحمن الرحيم

السلام عليكم ورحمة الله وبركاته


قال امير الشعراء احمد شوقي:

وإنما الأمم الأخلاق ما بقيت .... فـإن هُمُوُ ذهبت أخلاقهم ذهـبو


تجاربي مع غير المسلمين


الموقف الاول
واجهنا موقف لما جبنا بنوقف السياره ف الموقف ولازم نحط فلوس حق الموقف بس لازم نصوص مافي مجال حق ورق بس قصرتنا النصوص ف قلنا بنروح نشتري شي ناخذ خرده نصوص ونحطهم حق الموقف
نزلت وحده من سيارتها حسبناها تبي الموقف قالت انتو شكثر تبون تقعدون؟ قلنالها خلاص احنا بس كنا بنوقف 3 ساعات قامت طلعت فلوس نصوص وحطتها قالت هذي لكم قلنالها مشكوره بس خلاص احنا بنروح قالت لا خذو الموقف واعتبروها هذي هديه من عندي لكم دامكم زرتو اسبن



الموقف الثاني
اختي اسنانها تعورها وايد والموعد اقرب شي ف العياده عقب خمس ايام
وداها ابوي الله يحفظه عياده ثانيه وقالهم نبي دكتور يشوفها ضروري جود احنا معطينها حبوب ومخدر موضعي وكل شي ولا في فايده
قامو يتصلون ويدورون دكتور لين لقو دكتوره قالو بنشوف بتاخذكم او لا لان ماعندكم موعد ونطرو خمس دقايق لين ردو عليهم قالو دشو الدكتوره بتقابلكم
وكشفت على اختي وسوت اشعه وكل شي اخر شي كتبت لها وصفة ادويه
زين يلا جا وقت الدفع بندفع قالو مجانا... زين مايصير لازم ندفع.. يرضيكم يهديكم مب عدله قالو لا ماناخذ عليكم فلوس شالسبب زين؟ بس الدكتوره قالت مجانا
وقبلها نصحت اختي ان ماتركب تقويم الا عقب ماتعالج كل اسنانها وتصير لثتها قويه اما يوم راحت عياده ف الدوحه دفعنا بس لاستشاره حق تقويم وقال تعالو المره الجايه بشيل 5 اسنان عشان يكون في مكان وبركب تقويم بدون مايقول ان في التهاب وان كم سن عندها ضعاف محتاجين علاج


سبحان الله


ونقول الموقف الثالث

في المطار بنروح ولايه ثانيه وزحمه وامي تعبت من المشي تبي تقعد ،، كان في كرسيين جنب بعض واحد منهم قاعد عليه شاب اجنبي رحنا وقفنا عند الطوفه قريب من الكراسي وننطر ابوي يخلص قام وجاني يقول تفضلو قعدو قلتله عادي مافي مشكله الحين بنروح بيخلص ابوي قال لا انا بروح تعالو قعدو
بس ماراح تم واقف هو واحنا قعدنا





موقف معاكس واجهنا ريال مع زوجته مسلمين وزوجته من ولايه ثانيه جاو هالولايه هم اجانب وهداهم الله للاسلام .. حالهم ع قدهم، واحد قال للريال هذي روح دنفر وهناك عادي تحصل فندق 100 دولار تكفيك فيه ويوم جا دنفر قام يدفع بالبطاقه في ثلاث ليالي ..مافهمت بالضبط شقال بس عرفت ان الريال الثاني كان مسلم وباق منه 650 دولار يقول انا الحين متوهق مع زوجتي مب عارفين شنسوي لكن الحمدلله الله معانا



قال رسول الله صلى الله عليه وسلم: ( إنما بعثت لأتمم مكارم الأخلاق).


من اخلاق المسلمين

السخاء والإيثار والعفاف والصبر والحلم وكف الأذى والشجاعة والوفاء وحفظ العهد ونصرة المظلوم وإغاثة الملهوف وإكرام الضيف والإحسان إلى الجار وبر الوالدين وصلة الرحم، والأمر بالمعروف والنهي عن المنكر، والدعوة إلى الخير، وإصلاح ذات البين، والصدق في القول، والأمانة، والعدل، والتواضع، والقيام بالشهادة، وتوقير الكبير، والرحمة بالصغير، والإحسان للخلق، والدفع بالحسنى، وإنزال الناس منازلهم، وإعطاء كل ذي حق حقه.


انا ماكنت احتاج تجارب ف السفر عشان اشوف مكارم اخلاق الاجانب انا معاي موظف اجنبي صادق وامين وناصح ومثقف ولبق وعلاقاته طيبه مع ناس واايد ومحبوب لكن ينقصه الاسلام


هل فعلا تخلى العرب (المسلمون) عن مكارم الاخلاق؟ وصرنا نشوف الخلق الكريم عن الاجانب اللي ما يؤمنون بالله ورسوله؟



ملاحظة: موضوعي مش للتعميم على كل المسلمين والعرب.. لكن اتكلم بشكل عام

[عاهد بن علي]

صباح الخير
متابع

[ya3coub]

لا لم يتخلو عن مكارم الأخلاق

ولكن لكثرة من تضرر من استخدام مكارم الأخلاق لأناس لم يستحقوها

نتج عنه جيل لن اقول عنه واعي بقدر ماهو حذر من طيبة ابهاتنا و اجدادنا التي تم استغلالها و رجعت لهم بالضرر و بعد الضرر سامحوهم او احتسبو الأجر عند رب العالمين "صار يخاف انه يمارس مكارم الأخلاق مع ناس تستغله " في من يسميهم بالسذج و المساكين و على نياته و الخ من الأوصاف الي للأسف شرف و ليست للسخرية او الدونية




الحمد الله ليلحين من كل الأجيال في ناس تتعامل بمكارم الأخلاق و لله الحمد بغظ النظر عن الجنسية او حتى الديانة

بشكل عام الواحد يستنكر مثل هالأفعال من "العرب" او المسلمين

و على اساسها ترسخ او تكون استثنائية و الكل يحفظها بذاكرته و يتكلم عنها و تكثر هالظاهرة بالدول الأجنبية سوائا بأوربا او امريكا او حتى جنوب امريكا "اللاتينية" من العرب او المسلمين الذين يتقربون للسياح او المغتربين الجدد للنصب عليهم و من زمان مو شي جديد << مسرحية "بباي لندن" من كم سنة ولكن بطياتها رسالة و لا يزال الكثير يعانون من هالنصب او السوء فالمعاملة إلى اليوم


بينما لما يجي شخص يعاملك بمكارم الأخلاق اذا عربي او مسلم بالنسبة للأغلب انها شي عادي ولا تحتاج ذكر بينما عندما يقوم فيها الأجنبي اتكون غريبه و كيف و ليس بمسلم و يساعد المسلمين الللخ .... يتم تضخيم الفعل لابسيط من قبله

[aziz4z]

نحن المسلمين ماتخلينا من مكارم الاخلاق , بس المشكلة في التربية , يعني الحين التربية ياعلى الخدامة و يا على التلفزيون. يعني الحين أغلب المسلمين مايربون عيالهم على التربية الاسلامية.
و شيء ثاني من كثرة خداع وكذب الناس , صار الواحد مايعرف ايش يسوي , مثال شفت واحد عجوز في المسجد و ظهره طالع و بصعوبة يمشي , من باب الخير عطيته , بس شفت في مكان ثاني و يمشي عدل وسريع , يعني الحين كيف اتعامل معا مع كذب الناس.
مواقف شخصية
و بقولج ايش صار معاي في سفرة , رحنا حديقة الحيوان , واهناك يبيعون طعام الحيوانات بالنصوص , فشفت عائلة مع بنتهم الصغيرة تبي تشتريه بس ماعندهم نصوص , مجرد ماشفتهم , عطيتهم اللي عندي
و موقف ثاني واحد في محطة الباصات , مطيع محفظته , و متوتر , قلت كم تحتاج , قالي 15 دولار , و عطيته.
وموقف ثالث : شخص لا أعرف و لا أدري من وين جاء , سلم علي , وقالي ممكن تساعدني , قولت : ايش تبي ؟ . ابيك تشوفلي سكن لمدة شهر , قلت تعال معاي , أخذت للسكن و كان وقت العشاء , فعشيت , و سألت ايش تشتغل ؟. و ليش ماعندك سكن ؟ . يعني ابي أحقق معاه عشان مايطلع كذاب. و في النهاية قلتله أنا ماعندي سكن , بس كم كلفة السكن لشهر , قالي 300 دولار , فعطيته 500 دولار
وفي مواقف كثيرة

بشكل جماعي :
في رمضان افطار صائم , هاي بنفسها سخاء وكرم وجود المسلمين و اطعام الصائمين
أغلب الجمعيات اللي تساعد المحتاجين في العالم , هي جمعيات خيرية اسلامية مع أنه عليها ضغوطات عالمية و اتهامات .

و الله يهدي المسلمين

[ANONYMOUS]

نعم تخلوا .. الكثير تخلوا عن الاخلاق .. مب الكل

[ريم الشمال]

ذهبت للغرب فوجدت إسلاماً ولم أجد مسلمين ولما عدت للشرق وجدت مسلمين و لكن لم أجد الإسلام


المقولة المشهورة لشيخ محمد عبده عندما ذهب لمؤتمر باريس عام 1881

[abu m7md]

الكثير من المسلمين تخلوا

والدليل صلاة الفجر

[بريق الحق]

في كل مكان فيه الزين والشين مهما كان المسلم يبقى مسلم والكافر يبقى كافر

[R 7 A L]

هذا الي كنت اقوله للشباب يوم رجعت من امريكا لما يسألوني وش شفت هناك




مكارم الاخلاق مازالت موجودة كما ذكروا الاخوان يعقوب وعزيز
ولكن بحرص شديد وذلك خوفاً من الوقوع الاستغلال او النصب
مواقف كثيرة عندنا في قطر او في الخليج جعلت من تعايشوها
ينصدموا وغير مصدقين انه مازال في ناس عندهم الامانه ومكارم الاخلاق مازالت موجودة





موضوع ممتازه
نعطيك. five stars

[ودي أكون]

بالفعل البعض منهم اخلاقه عاليه يحببك فيهم .. وتحز فخاطرك انهم مو مسلمين الله يهديهم يارب

واعتقد والله اعلم انهم اكتسبوا الاخلاق من العرب .. لانهم لو شافوا الشين من العرب كان ماتعاملوا معانا ب هالتواضع والطيب والمحبه .. والله اعلم

وعليه اقدر اقول ان العرب لم يتخلى عن الاخلاق وانما البعض ان لم يكن القليل فقط هم من تخلوا .. والله اعلى واعلم

[حمد 2002]

الاخلاق مب مرتبطة بالديانات ..

طيب اختي جنون ماهو تفسير الاخلاق عندج ؟!

وهل حكمتي أو اتهمتي العرب بأنه ماعندهم أخلاق من مواقف فردية صادتك ؟!

وليش عممتي وقلتي المسلمون ؟!

هل شرب الخمر والبوي والغيرل فرند يدخل من ضمن معيار الاخلاق ؟!

شخص يمكن ايكون طيب وخلوق ومحترم بس بموقف غضب يمكن يفقد اعصابه .. هل نشوة ماضية من موقف واحد سيء قام به ؟!

الشعب الخليجي يتهافتون بدفع الحساب .. كحساب المطعم وغيره من باب الكرم العربي .. وهالشيء مانحصله عند الاجانب الي كل واحد يدفع حسابه بنفسه .. فهل هالكرم يدخل في دائرة الأخلاق أو لا ؟!

كيف للآباء والأمهات أن يربوا ابناءهم على مكارم الأخلاق ؟!

هل بمقالتج المصغره تلك ساهمتي بنقل صوره سلبيه عن العرب والمسلمين للغرب ، خصوصا وأن الوضع لايحتمل ذلك في ظل الصراعات الخارجيه والحملات الأخيرة على العرب والمسلمين ؟!

وهل لأنك اختي جنون معايشه للثقافات الغربية من خلال سفرج لتلك الدول أو بمجال عملج ساهم بكتابتج للمقالة تلك ؟! وتشبع دمج وعقلج الباطني بالحياه الاوربيه ؟!

ولو كان هناك خلل بالاخلاق موجود فينا كعرب وخليجين كيف بامكاننا اصلاح ذلك الخلل ومعالجته ؟!

مادورنا كافراد وكجماعات وكدول وكمجتمع ؟!

بالتوفيق ..

[R 7 A L]

^
^
حمد ترا جنون تسأل شوف عنوان موضوعها
ماقالت ان الاخلاق اندعدمت عندنا

[ودي أكون]

حمد شكله مسوي مناورات بحر ارض جو

جاهز للهجوم ماشاءالله

[شيخ الديرة]

أتفق مع حمد، وأرجو من جنون الحذر من داء الانبهارية العمياء.

كل قوم بيهم الزين والشين، ولكن أن فلتر الزين على قوم وفلتر الشين على قوم آخر فذلك من غير العدل.

لو نذكر شين تصرفات الأمريكان كأفراد وكقوم تجاه العرب أو المسلمين في أمريكا وخارجها نحتاج منتدى آخر.

نصيحتي أن تستعدي نفسياً مبكراً للعودة وعدم المقارنة، بل بالمثابرة على النصح الصدوق والمساعدة الحقيقية مما رأيتي وتعلمتي هناك.

[مختلفة عقليا]

السلام عليكم .,

احنا اولي في الاخلاق لان احسننا اخلاق اقربنا الي الله .,

والمسلم من سلم الناس من لسانه ويده .,

بس للحق الاخلاق لايجب ان تكون (( فطريه )) يجب ان تعلم ., واتوقع ما صار فيها تعليم وتثقيف واعي في مجتمعاتنا .,

بس الاخلاق العربية موجوده علي مر العصور ., وردا علي سؤالج ., لا لم يتخلي المسلمون .,

ويسلموو .,

[JN000N]

صباح الخير
متابع

صباح النور من عندي

[JN000N]

لا لم يتخلو عن مكارم الأخلاق

ولكن لكثرة من تضرر من استخدام مكارم الأخلاق لأناس لم يستحقوها

نتج عنه جيل لن اقول عنه واعي بقدر ماهو حذر من طيبة ابهاتنا و اجدادنا التي تم استغلالها و رجعت لهم بالضرر و بعد الضرر سامحوهم او احتسبو الأجر عند رب العالمين "صار يخاف انه يمارس مكارم الأخلاق مع ناس تستغله " في من يسميهم بالسذج و المساكين و على نياته و الخ من الأوصاف الي للأسف شرف و ليست للسخرية او الدونية




الحمد الله ليلحين من كل الأجيال في ناس تتعامل بمكارم الأخلاق و لله الحمد بغظ النظر عن الجنسية او حتى الديانة

بشكل عام الواحد يستنكر مثل هالأفعال من "العرب" او المسلمين

و على اساسها ترسخ او تكون استثنائية و الكل يحفظها بذاكرته و يتكلم عنها و تكثر هالظاهرة بالدول الأجنبية سوائا بأوربا او امريكا او حتى جنوب امريكا "اللاتينية" من العرب او المسلمين الذين يتقربون للسياح او المغتربين الجدد للنصب عليهم و من زمان مو شي جديد << مسرحية "بباي لندن" من كم سنة ولكن بطياتها رسالة و لا يزال الكثير يعانون من هالنصب او السوء فالمعاملة إلى اليوم


بينما لما يجي شخص يعاملك بمكارم الأخلاق اذا عربي او مسلم بالنسبة للأغلب انها شي عادي ولا تحتاج ذكر بينما عندما يقوم فيها الأجنبي اتكون غريبه و كيف و ليس بمسلم و يساعد المسلمين الللخ .... يتم تضخيم الفعل لابسيط من قبله

يمكن يكون الضرر في بعضااحالات لكن مانتركها ونقول تضررنا من اخلاقنا
بالعكس ترى هذي الدنيا فانيه ومردنا بنتحاسب ع اشيا وايد وشنو اجرك لو انك تحليت بمكارم الاخلاق وغيرك حاول يضرك
اجرك عند الله مايضيع
مثلا شفت فقير يطلبك فلوس عطيته وجاك واحد قالك هذا نصاب وماعليك منه وكيت كيت انت بسبة عالفقير يمكن تتردد تعطي غيره عشان مايلعب عليك
بس ف النهايه انت كم بتعطيه؟ ولو عطته انت ايش هي نيتك؟ (وعلى نياتكم ترزقون)
تكون صادق وامين والله معاك ولا انك تتنكر لبعض الاخلاق عشان ماتتضرر وتنسى ان الله حافظ حقك
صار ف هالزمن الطيب والصادق والامين والي كف الاذى عن الناس (ضعيف) ليش؟ ليش نقلب موازين اخلاق قويه بكلمه تعكس المعنى


وكلامك صح يمكن ان نستغرب الاخلاق العاليه من اجنبي مايرده دين مثلنا
لكن بعد نستنكر المسلمين الي نسو هالاخلاق وضرو اخوانهم المسلمين وايد

وفالنهايه حطيت ملاحظة لان ادري ان في اعضاء بيقولون عممتي وشوهتي وقلتي لكن مقصدي كما قلت بشكل عام

[JN000N]

نحن المسلمين ماتخلينا من مكارم الاخلاق , بس المشكلة في التربية , يعني الحين التربية ياعلى الخدامة و يا على التلفزيون. يعني الحين أغلب المسلمين مايربون عيالهم على التربية الاسلامية.
و شيء ثاني من كثرة خداع وكذب الناس , صار الواحد مايعرف ايش يسوي , مثال شفت واحد عجوز في المسجد و ظهره طالع و بصعوبة يمشي , من باب الخير عطيته , بس شفت في مكان ثاني و يمشي عدل وسريع , يعني الحين كيف اتعامل معا مع كذب الناس.
مواقف شخصية
و بقولج ايش صار معاي في سفرة , رحنا حديقة الحيوان , واهناك يبيعون طعام الحيوانات بالنصوص , فشفت عائلة مع بنتهم الصغيرة تبي تشتريه بس ماعندهم نصوص , مجرد ماشفتهم , عطيتهم اللي عندي
و موقف ثاني واحد في محطة الباصات , مطيع محفظته , و متوتر , قلت كم تحتاج , قالي 15 دولار , و عطيته.
وموقف ثالث : شخص لا أعرف و لا أدري من وين جاء , سلم علي , وقالي ممكن تساعدني , قولت : ايش تبي ؟ . ابيك تشوفلي سكن لمدة شهر , قلت تعال معاي , أخذت للسكن و كان وقت العشاء , فعشيت , و سألت ايش تشتغل ؟. و ليش ماعندك سكن ؟ . يعني ابي أحقق معاه عشان مايطلع كذاب. و في النهاية قلتله أنا ماعندي سكن , بس كم كلفة السكن لشهر , قالي 300 دولار , فعطيته 500 دولار
وفي مواقف كثيرة

بشكل جماعي :
في رمضان افطار صائم , هاي بنفسها سخاء وكرم وجود المسلمين و اطعام الصائمين
أغلب الجمعيات اللي تساعد المحتاجين في العالم , هي جمعيات خيرية اسلامية مع أنه عليها ضغوطات عالمية و اتهامات .

و الله يهدي المسلمين

بس التربيه؟ حتى مناهج الشريعه ماعادت قويه
صح عزيز الكذب والخداع من منو؟ من مسلمين حالهم حالنا لكن استغلو مكارم اخلاق المسلمين في التصدق وحب الخير للاخرين بشكل سلبي ف يجيك ضعيف النفس فيهم يستغل هالصفه ف اخوانه المسلمين ويكذب عليهم عشان يعطونه وترى هالشي صار عند ناس وايد واغنيا بعد لكن تعودت نفسهم ع هالشي
انت عطيته وشفته عقب في مكان ثاني تتوقع مالك اجر؟ اجرك عند الله محفوظ من اول مانويت تعطيه

هل تتوقع مني انكرت اخلاق العرب ورسختها عند امه ماتؤمن بالله؟ لا والله شاهد على اللي اقوله اني. اتكلم بصفه عامه لبعض الاخلاق الي نادرا نشوفها ف هالزمن بين المسلمين لكن صرنا نشوفها عند شعب عمره مافتح كتاب الله وقرا منه

الله يجزيك الخير على اللي سويته وبالعكس تصرفك هذا يعكس ديننا واخلاقنا بس ليتك ماحطيت كم دفعت عشان يتم اجرها مكتوب للاخره
وامين يارب الله يهدينا جميع

[JN000N]

نعم تخلوا .. الكثير تخلوا عن الاخلاق .. مب الكل

مانقول كثير من المسلمين نقدر نقول تخلو المسلمين عن كثييير من مكارم الاخلاق

[JN000N]

ذهبت للغرب فوجدت إسلاماً ولم أجد مسلمين ولما عدت للشرق وجدت مسلمين و لكن لم أجد الإسلام


المقولة المشهورة لشيخ محمد عبده عندما ذهب لمؤتمر باريس عام 1881


سبحان الله من عام 1881

يفترض من ان المهاجمين يقرون ردج ياريم ويكتفون فيه لكن احنا نحب نتهاوش ف هالمنتدى يموتون عالنحاسه

[شيخ الديرة]

سبحان الله من عام 1881

يفترض من ان المهاجمين يقرون ردج ياريم ويكتفون فيه لكن احنا نحب نتهاوش ف هالمنتدى يموتون عالنحاسه


الإنبهاريون ليسو وليدو العصر فقط

[JN000N]

الكثير من المسلمين تخلوا

والدليل صلاة الفجر

في انواع
العهد هو الصلاه وهي الي تميزنا ك مسلمين
لكن مسلم يصلي ويفتقر للاخلاق؟ ماعمل باللي وصانا عليه الرسول

[JN000N]

في كل مكان فيه الزين والشين مهما كان المسلم يبقى مسلم والكافر يبقى كافر

وندعي بالهدايه لهم خاصه لين شفنا ماينقصهم الا الدين الاسلامي
يميز المسلم عن الكافر نطقه للشهاده وايمانه وصلاته وحسن اخلاقه
ف لو اختفت بعض من المميزات. شيبقى؟ اسم مسلم
مثل المسلم الي مايصلي ولا يصوم ويشرب ويكذب ويخون .. محرد نطقه للشهادتين خلته مسلم لكنه بلا اخلاق

الله يهدي الجميع

[JN000N]

هذا الي كنت اقوله للشباب يوم رجعت من امريكا لما يسألوني وش شفت هناك




مكارم الاخلاق مازالت موجودة كما ذكروا الاخوان يعقوب وعزيز
ولكن بحرص شديد وذلك خوفاً من الوقوع الاستغلال او النصب
مواقف كثيرة عندنا في قطر او في الخليج جعلت من تعايشوها
ينصدموا وغير مصدقين انه مازال في ناس عندهم الامانه ومكارم الاخلاق مازالت موجودة





موضوع ممتازه
نعطيك. five stars

هذي مب اول مره اجي هني واشوفهم
قبل سنتين يوم جيت وعودت الدوحه قالو شخبار العنصريه وقالو عنكم ارهابيين؟ وشلون يعاملونكم؟
كانت وقتها لي مواقف
قلتلهم قابلت امريكان في حالهم
وقلت ركبنا انا وامي وخواتي تكسي مع مكسيكي حليو ومحترم ودانا منطقه تبعد ساعه عشان بنروح مجمع فيها وكنا خايفين لكن سبحان الله الله سخره لنا حتى يوم وصلنا قال ماراح ارجع بتم معاكم لين خلصتو تسوق برجعكم انا لان صعب تحصلون تكسي هني ويمكن تتاخرون
وف الطريق يسولف مع اختي الصغيره ويقولها عندي بنت كبرج ويضحك معاها كأنها بنته

لين شافو امي ماتعرف انجليزي يكتبون في قوقل لها يترجمون يطلع الكلام مكسر يضحك

قلتها قبل سنتين يوم رجعت الدوحه الامريكان ماضرونا ب شي ولا سوو مشاكل.. بعض العرب هناك ضرونا
واحد عربي يشتغل ف مطعم دفعنا الحساب والمفروض يعطينا خرده عطانا ناقصه تقريبا عشرة دولار وهو حاسبها كان وحتى التب محسوب من ضمن الفلوس قلتله في مبلغ ناقص قال اوه صح تفضلي حتى بدون مايطالع الفاتوره او يتاكد كم عطاني يعني يدري هو بس يحسبها بتروح عن بالي

ف الليل نمشي صوب الداون تاون يلحقنا سكران يتكلم عربي ويقول يبي فلوس ماعنده ياكل وهو غرشة الخمر بيده



وانا ماقلت هم احسن ولا قلت احنا احسن
وسالت هل تخلى المسلمون عن مكارم الاخلاق

[JN000N]

^ صح رحال ونسيت اقولك

مسلمين عرب هناك ف رمضان احنا صايمين وهم يباركون بالشهر ويشربون عصير
ولين سالتهم انتو مسلمين؟ يقولون اي بس مانقدر نصوم نتعب لان الوقت طويل
وواحد اجنبي كان يسال واحد قطري صايم يقوله انت متاكد ماتعبت؟ قال لا يقول متاكد صايم من الفجر لين الحين؟ يقول اي يرد يساله شلون جذي ؟ انا بو تمر ساعتين ماشرب ماي يمكن اموت قاله القطري هذي قوة الله يعطينا اياها وقت الصيام ماتحس ب عطش ولا جوع
ومن بعدها هذاك راح يدور ويقرل عن الدين والله اعلم اذا اسلم او لا

[JN000N]

بالفعل البعض منهم اخلاقه عاليه يحببك فيهم .. وتحز فخاطرك انهم مو مسلمين الله يهديهم يارب

واعتقد والله اعلم انهم اكتسبوا الاخلاق من العرب .. لانهم لو شافوا الشين من العرب كان ماتعاملوا معانا ب هالتواضع والطيب والمحبه .. والله اعلم

وعليه اقدر اقول ان العرب لم يتخلى عن الاخلاق وانما البعض ان لم يكن القليل فقط هم من تخلوا .. والله اعلى واعلم


صح كلامج..
وفعلا شي يحز ف الخاطر لما نكون احنا امة الاخلاق ننسى اخلاقنا ويتحلون بها غير المسلمين
لكن تعرفين انا ماراح اقول فئه تخلت عن الاخلاق ولا بقول اغلبهم ولا اقلهم
بقول تخلى المسلمون عن بعض مكان الاخلاق
نادر تلاقين مسلم يتصف (بجمييييييبع مكارم الاخلاق مقتدي برسولنا الكريم)

[JN000N]

الاخلاق مب مرتبطة بالديانات ..

طيب اختي جنون ماهو تفسير الاخلاق عندج ؟!

وهل حكمتي أو اتهمتي العرب بأنه ماعندهم أخلاق من مواقف فردية صادتك ؟!

وليش عممتي وقلتي المسلمون ؟!

هل شرب الخمر والبوي والغيرل فرند يدخل من ضمن معيار الاخلاق ؟!

شخص يمكن ايكون طيب وخلوق ومحترم بس بموقف غضب يمكن يفقد اعصابه .. هل نشوة ماضية من موقف واحد سيء قام به ؟!

الشعب الخليجي يتهافتون بدفع الحساب .. كحساب المطعم وغيره من باب الكرم العربي .. وهالشيء مانحصله عند الاجانب الي كل واحد يدفع حسابه بنفسه .. فهل هالكرم يدخل في دائرة الأخلاق أو لا ؟!

كيف للآباء والأمهات أن يربوا ابناءهم على مكارم الأخلاق ؟!

هل بمقالتج المصغره تلك ساهمتي بنقل صوره سلبيه عن العرب والمسلمين للغرب ، خصوصا وأن الوضع لايحتمل ذلك في ظل الصراعات الخارجيه والحملات الأخيرة على العرب والمسلمين ؟!

وهل لأنك اختي جنون معايشه للثقافات الغربية من خلال سفرج لتلك الدول أو بمجال عملج ساهم بكتابتج للمقالة تلك ؟! وتشبع دمج وعقلج الباطني بالحياه الاوربيه ؟!

ولو كان هناك خلل بالاخلاق موجود فينا كعرب وخليجين كيف بامكاننا اصلاح ذلك الخلل ومعالجته ؟!

مادورنا كافراد وكجماعات وكدول وكمجتمع ؟!

بالتوفيق ..


حمد
سوري بس يعني انت من وين يبت ردك ذي ؟ هل انت فاهم الموضوع والا بس يلا تعال وانتقد
يعني انت وغيرك لك مواضيع مالها داعي وفالنقاش فيها تقول هذا واقع صح! زين احين بتنكر ان هاي واقع
اغلبنا نقول اي نعم الاجانب خذو من الاسلام مبادءه اكثر من المسلمين
الصدق والامانه تلقاها عندهم يمكن اكثر من العرب ولاتقول لي لا ولاتنكر
روح شوف اقل مثال تنكرو العرب لبعض وقالو فلسطين ارهابيه في حين ان الاجانب الكفار هم الي مسوين مظاهرات ضد اسرائيل ايش معناة كلامي؟ ضاعت ثلاث ارباع اخلاق المسلمين
راحت المروءة والنخوه وحب الخير للاخوان المسلمين مثل مانحبه لنفسنا
دول مجاورة تسوي مشاكل لدول اخرى واحنا عرب واخوان صح سب وشتم وقذف وخيانات بين العرب
فعلا صرنا امه ضحكت من جهلها الامم
فقير محتاج لو يطر من عندك بتقول الله يعطيه او بتقول ماعليكم منه هذي مكودها وايي يطر هني صح! هم مايفكرون جذي ومثل ما احنا عندنا ف ديننا الصدقات هم يعطون الفقير فلوس بدون مايعرفون ان هذي ف الدين الاسلامي شي كبير
اخلاقهم متمثله ف تربيتهم حتى للابناء روح شوف هل في طفل يسب ويشتم الكبار بالفاظ تعبانه ويكذب ويمكن يتعلم السرقه؟ ماقول هم منزهين ولا اقول هم نازلين من السما ومافيهم عيب
بالعكس فيهم السكير فيهم القاتل والمغتصب وفيهم وفيهم لكن هم ما وراهم دين يردعهم عن فعل هذي الامور
احنا عندنا دين اسلامي فرض علينا مبادئ قيمة صارت تدرس عند الاجانب وصارو يكتبون عنها
اعظم مدرسة هي مدرسة النبي محمد صلى الله عليه وسلم هل مشو العرب عليها
اصحى ولا تحاول تحور ف كلامي لانه على كلامك عن اشيا وايد انها واقع ف هذا بعد واقع
الاجنبي فيهم يا اخ حمد لو نطق الشهادة واسلم والله ان اسلامه اقوى من اسلامك يتعلم الاسلام الصح وروح شوف موضوع لواحد من الاخوان عن الاجنبيه الي اسلمت
انا عن نفسي لين اشوف هالاخلاق في بعض الاجانب ادعيلهم بالهداية للدين الاسلامي
اي نعم سافرت لدول اجنبيه واشتغلت مع اجانب وشفت الزين وشفت الشين لكن يوم شفت الزين منهم قلت هذا ناقصه الاسلام بس وياليته يسلم

الديانات كلها نزلت باخلاق عاليه لكن الدين الاسلامي ثبت المبادىء والاخلاق غير حديث الرسول ، الله سبحانه بمدح خلق الرسول في اية قرانيه " وانك لعلى خلق عظيم " كل هالادله والي قلته فوق لازم تحطها ف بالك ان المسلمون اولى باسمى الاخلاق وافضلها لان احنا ك مسلمين نصور ديننا الاسلامي ونعكسه للغير ف لو كنا مسلمين بلا اخلاق؟؟

ولين تروح وتقول القيرل فرند والخمر اظنك قصدته للاجانب متناسي ان بعض (((المسلمين))) يشربون الخمر ويحلون ما حرمه الله
وماله دخل تنتاسى اخلاق شخص من موقف واحد الا اذا انت كنت من هالنوع؟ ولا له دخل تهاتفكم عند دفع الحساب لان الكرم مايقتصر على العرب بس وانت بنفسك قاعد تناقض عمرك من البداية قلت الاخلاق مش مرتبطه بالديانات

وبالعكس مقالي ابدا مش تشويه سمعه لنا اكثر من انه غيره على ديننا احنا اولى بالاخلاق احنا اولى باظهار الصورة الحسنه عنا احنا اولى بالصدق والامانه وكف الاذى عن الناس لان احنا مانفرضت علينا وبس بل نؤجر علينا
مقالي فيه سؤال واضح لسلبيات عدة طلعت من المسلمين نفسهم هل تخلى المسلمون عن مكارم الاخلاق؟ هل لا زلنا متمسكين باخلاق تممها لنا رسول البشريه؟؟
السؤال لا انا ولا انت ولا اي عضو يجاوب عليه
السؤال هذا مفتوح ومايتسكر وبيظل ينسئل كل مره نشوف فيها مبادئنا تنقص وتختفي


واخيرا.. اعطيك اقرب مثال يامسلم.. التشمت بمصائب الاخرين مب من صفات المسلمين ياحمد وانت اكثر من يتشمت وفي دليل وادله لو تبي وين راحت هالصفه عنك؟


عميه ماتشوف بنت تعطيها ف العشرينات تمشي بعصاتها مثل باقي العميان ولهم مجالهم وموفرين لهم خدمات باهره.. هالعميه طاحت عالارض.. والله العظيم كل من حولها هرع لها وانا اشوفها على مد النظر لين قربت منها كانت تصيح عشان تعورت يوم طاحت الي مسك عصاتها ومره عيوز شالتها واللي تنفض ثيابها والي يسالها انتي بخير؟ ماسمعت ضحكه عليها
واحنا وحده مستوره بعباتها ف مجمع تتحنقل وتطيح بدل ماتصيح انها تعورت تصيح لان الي حولها ضحكو عليها تتفشل وتطلع من الكان


بتنكر ان اخلاق المسلمين بدت تنزح ونشوفها واضحه عند بعض الشعوب وبدت تختفي من بعض العرب المسلمين؟


اوضح من ردي هذا ماعتقد تحتاج رد ثاني
ف اعتبر نفسي كفيت ووفيت ف الرد عليك

شكرا

[QtrGate]

لاننكر أن الدول الغربية لديها بعض المواقف الإنسانية
ولاننكر أن الشعوب الأوروبية لديها من مكارم الأخلاق الإسلامية

لاكن في نفس الوقت لازال الشعب القطري خاصه لديه النخوة والغيرة والعزة
نعم لدينا من مكارم الأخلاق الكثير والكثير

نعم حدثت مواقف مخزية من بعض العرب
وكذلك الأوروبيين حدثت منهم بعض المواقف
كمثال انتي اسردتيه وهو قيام الأوربيين بمظاهرات نصرة لفلسطين
وتناسيتي انهم الأساس بقيام إسرائيل والداعمين لها

وهناك الكثير من الأمثلة تبين المكر والخداع منهم لاكن لامجال لسردها

وكمثال عن مكارم الأخلاق أن رأينا الخطأ لانسكت عنه وهذه الغيرة
نعم هذا الموضوع دليل على أن الغيرة والحمية لازالت موجودة

[JN000N]

^
^
حمد ترا جنون تسأل شوف عنوان موضوعها
ماقالت ان الاخلاق اندعدمت عندنا


حمد شكله مسوي مناورات بحر ارض جو

جاهز للهجوم ماشاءالله

هاهاها عادي حمد والاجر على الله

[JN000N]

أتفق مع حمد، وأرجو من جنون الحذر من داء الانبهارية العمياء.

كل قوم بيهم الزين والشين، ولكن أن فلتر الزين على قوم وفلتر الشين على قوم آخر فذلك من غير العدل.

لو نذكر شين تصرفات الأمريكان كأفراد وكقوم تجاه العرب أو المسلمين في أمريكا وخارجها نحتاج منتدى آخر.

نصيحتي أن تستعدي نفسياً مبكراً للعودة وعدم المقارنة، بل بالمثابرة على النصح الصدوق والمساعدة الحقيقية مما رأيتي وتعلمتي هناك.

داء الانبهاريه :)
ع اساس اني توني اشوف تصرفاتهم اول مره

ردي عليك نفس ردي ع حمد

[بانغ بانغ]

حتى بعض اليهود والإسرائيليين فيهم طيبة آدمية
فهل معناها اخصهم بالمديح

لا طبعا

[حمد 2002]

عنوان مستفز مع احترامي لج اختي بالله جنون ،،

لما اتقولين بان المسلمين ماعندهم اخلاق تبينا انقول نعم ؟ ولا نسكت ؟

بل سندافع عنهم لان هذا مانشئنا عليه وتدفعنا الغيره والحميه للدفاع عنهم .. وان دفاعنا هذا ليس من باب العاطفه فقط بل دفاعنا هذا جاء بثوابت رسيخه وادله كثيره ومنطقيه .

كيف حكمتي على ملايين ملاييين المسلمين بكل اقطار العالم بانهم ليس عندهم اخلاق وقد جمعتي ولم تخصي شخص بعينه ؟

كان من الأفضل ان تقولي بان هناك مسلمين يخربون على بعض المسلمين بتصرفاتهم السيئه ،، وهنا كنا سنقول صادقه اختنا جنون .

ولكن ربما خانج التعبير في هذي المقاله الموجزه وهذا ليس عيب فانتي بشر وليس ملاك .

كما يجب ان تردي على منتقديك باسلوب جميل يتماشى مع فنون الحوار لان نحن (((( بحوار عام )))) قد اختلف مع فلان ولكني يجب ان لا اجرحه وانبش في ماضيه واكيل له الشتائم ووو الى آخره .

بالتوفيق اختي جنون ..

والله من وراء القصد ..

[شيخ الديرة]

داء الانبهاريه :)
ع اساس اني توني اشوف تصرفاتهم اول مره

ردي عليك نفس ردي ع حمد


لا يهمني توقيت شوفتج لتصرفاتهم، وإنما يهمني الرد على الموضوع بوقت كتابته.

هل هؤلاء نفسهم أبطال سجون أبو غريب؟ طبعا ليس كلهم لكن منهم، لأن التعميم لايصح في هذه الأمور كمقولة إسلام بلا مسلمين منذ عام 1881 ، فإذا كان الوضع كذلك من ذاك اليوم فلا معنى للموضوع أصلاً.

المسلمون بشر، وغير المسلمين بشر كذلك، والأخلاق كما قالت مختلفة هي مكتسبة وليست متوارثة حسب ديانة الآباء

[حسن]

تغريده نقلتها من السفير عبدالله الخاطر يقصد بها واقعناالحالي

في خضم ما يحدث في عالمنا العربي تتجلى حقيقة مرة باتت سائدة حتى لو أنكرها البعض وهي أن " الحب والوئام قد نُزِعَ وحلت مكانه البغضاء والكراهية"

حقيقه

[R 7 A L]

تغريده نقلتها من السفير عبدالله الخاطر يقصد بها واقعناالحالي

في خضم ما يحدث في عالمنا العربي تتجلى حقيقة مرة باتت سائدة حتى لو أنكرها البعض وهي أن " الحب والوئام قد نُزِعَ وحلت مكانه البغضاء والكراهية"

حقيقه


تعال فهم حمد
وقول له شو بلاها الجاره ههههههه

[حمد 2002]

تعال فهم حمد
وقول له شو بلاها الجاره ههههههه

رجاءا لاتدخلنا في السياسه ،،

[يمامـة]

ما اعتقد ان المسلمين تخلوا عن مكارم الاخلاق لأن مب كل المسلمين عبر السنين كانوا يتحلون بكامل مكارم الاخلاق..

مكارم الاخلاق لا يمكننا تخصيصها في ناس من البشر كميزة تميزهم جميعهم... في حين
هناك كثيرين من المسلمين الذين يتمتعون بمكارم الأخلاق ولو حبينا نذكر مواقفهم اللي مرت علينا
بنحتاج لمجلدات كبيرة نوثق فيها مواقفهم...

فاشد على ملاحظة اخوانا شيخ الديرة.. الكثير من المصائب في الدنيا اليوم
خلفها غير مسلمين فأين هي مكارم الأخلاق هذه في التعدي على حقوق الناس وسلب أموالهم
والقضاء على شرفهم؟

وفي الوقت نفسه.. نلاحظ ان لو صارت حادثة شجار ما بين اثنين في الدول المتطورة الغربية
العالم يتطمشون من غير ما يتدخلون غااالبا.. بينما عندنا لو صارت هوشة الغالبية يتدخلون
يفرقون المتهاوشين..

فأشد على يد اخوننا شيخ الديرة في مشاركاته.. في الوقت اللي غلط نربط ما بين
العبادات ومكارك الاخلاق.. ممكن انسان ما يصلي لكنه يتحلى بالصفات الكاملة لمكارم
الأخلاق.. فاللي يقول اختفاء المصلين من صلاة الفجر ماله خص نربطه بمكارم الأخلاق
لأن ممكن نشوف سيكي يتمتع بكامل مكارم الأخلاق..

[Aaziz]

السلام عليكم

قريت قفزات من الموضوع و كتعليق سريع

الوضع السياسي الي احنا عايشينه من سنوات (كمسلمين،كدول خليج) يخلينا نقول ،، لو و اعوذ بالله من كلمه لو ،، لو تتحولين الى ملاك طاير في السما و تساعدين خلق الله بجميع انواع المساعدة وتنشرين طيب اخلاقج بين كل من تحتكيم معاهم .. بعد راح تضلين كـخــة في نظر الاجانب .
على قوله المصريين فاهمين الفوله بكل اسف على حالنا .
بالنسبه لموقف الي سرقو منه ... ترى في امريكا فيه انواع طراره و استغفال ماتخطر على بالج نهائيا ولا تصدقينها .
بكل حياد ،، لا اقبل مقارنتنا معهم ،،، كاخلاق و شيمه و فزعه للصديق و الضعيف لانقارن معهم نحن افضل .

[JN000N]

السلام عليكم .,

احنا اولي في الاخلاق لان احسننا اخلاق اقربنا الي الله .,

والمسلم من سلم الناس من لسانه ويده .,

بس للحق الاخلاق لايجب ان تكون (( فطريه )) يجب ان تعلم ., واتوقع ما صار فيها تعليم وتثقيف واعي في مجتمعاتنا .,

بس الاخلاق العربية موجوده علي مر العصور ., وردا علي سؤالج ., لا لم يتخلي المسلمون .,

ويسلموو .,

عليكم السلام ورحمة الله وبركاته

صح هذا الي احاول اوصله ان احنا اولى ف الاخلاق وديننا الاسلامي يحث ويؤجرنا عالاخلاق الحميده
لكن لين نشوف ان هناك فئه منتشره من المسلمين تنكرو للاخلاق واذو الناس وخانو العهد ولم يحفظو الامانه وكانو اول الشامتين في مصائب الاخرين يحز ف خاطرنا واحنا نشوف العكس عند الي مايعرفون عن الاسلام غير اسمه او غير انه خرج ارهابيين كما هو منتشر
وبالنسبة لجواب السؤال.. نقدر نقول المسلمين تخلو عن بعض مكارم الاخلاق وليس كل المسلمين كما نوهت في ملاحظة ان ماعممت على الكل

مشكوره عالرد اختي مختلفه

[JN000N]

لاننكر أن الدول الغربية لديها بعض المواقف الإنسانية
ولاننكر أن الشعوب الأوروبية لديها من مكارم الأخلاق الإسلامية

لاكن في نفس الوقت لازال الشعب القطري خاصه لديه النخوة والغيرة والعزة
نعم لدينا من مكارم الأخلاق الكثير والكثير

نعم حدثت مواقف مخزية من بعض العرب
وكذلك الأوروبيين حدثت منهم بعض المواقف
كمثال انتي اسردتيه وهو قيام الأوربيين بمظاهرات نصرة لفلسطين
وتناسيتي انهم الأساس بقيام إسرائيل والداعمين لها

وهناك الكثير من الأمثلة تبين المكر والخداع منهم لاكن لامجال لسردها

وكمثال عن مكارم الأخلاق أن رأينا الخطأ لانسكت عنه وهذه الغيرة
نعم هذا الموضوع دليل على أن الغيرة والحمية لازالت موجودة
صحيح وانا لو تشوفون ردودي ف مواضيع مختلفه تلاقيني اكثر وحده اقول الدنيا لحين بخير والناس فيهم خير وهناك فئات مختلفه وتداخلات ف المجتمع اثرت علينا
بشكل عام المسلمين مش ف قطر بس ف الخليج ف الدول العربيه ف افريقيا ف كل مكان
احنا سفراء الدين ف كل مكان احنا الي نروي الكفار والاجانب شنو الاسلام الصح
ياما موقف طيب من مسلم اثر في اجنبي واهتدى للاسلام
وفنفس الوقت اجانب يتميزون باخلاق عاليه تقول سبحان الله هذول ليش مب مسلمين
مش التعميم ع ديانه معينه ولا شعب معين
لكن الاساس الدين الاسلامي اتم مكارم الاخلاق والادله ف القران والسنه مانختلف عليها

اشكرك ع ردك الراقي

[JN000N]

حتى بعض اليهود والإسرائيليين فيهم طيبة آدمية
فهل معناها اخصهم بالمديح

لا طبعا

طبعا لا وانا ما اخصيت حد بمديح وتناسيت حد ثاني
ولا تنسى اني انا عربيه مسلمه بعد وفيني غيره على ديني ومبادىء ديني ومستحيل ابدي اي حد علينا واحنا امه اعزها الله بالاسلام
لكن لين شفت الكافر اخلاقه علت على اخلاق بعض العرب المسلمين تقول ياليته مسلم
تحس تبي هالامثله الطيبه ف الاسلام مش ف الديانات الاخرى
الديانات كلها لها مميزات لكن مانتناقش ف كون ان الاسلام خاتم الاديان وجمع كل شي طيب لجميع البشريه
بتبخلون على اليهودي الي اخلاقه زينه او المسيحي او اي ديانه بالدعاء له بالهدايه؟

[الجـــوديّ]

الاخلاق ارزاق سواء عند المسلمين والا غير المسلمين
وماشووفها مقارنة عادلة لما نقارن مسلم بغير مسلم
الرسول عليه الصلاة والسلام قال في حديث : اقربكم مني مجلساً يوم القيامة أحاسنكم أخلاقا
يعني بعد الدين والاسلام لله تتحدد مكانة المسلم بناء على اخلاقه
وطبعا غير المسلمين خارج الحسبة اذا كانوا خلوقين لكن غير مؤمنين بالله ورسوله

[JN000N]

لا يهمني توقيت شوفتج لتصرفاتهم، وإنما يهمني الرد على الموضوع بوقت كتابته.

هل هؤلاء نفسهم أبطال سجون أبو غريب؟ طبعا ليس كلهم لكن منهم، لأن التعميم لايصح في هذه الأمور كمقولة إسلام بلا مسلمين منذ عام 1881 ، فإذا كان الوضع كذلك من ذاك اليوم فلا معنى للموضوع أصلاً.

المسلمون بشر، وغير المسلمين بشر كذلك، والأخلاق كما قالت مختلفة هي مكتسبة وليست متوارثة حسب ديانة الآباء

الاخلاق مكتسبه عن طريق ايش؟
مش الدين الاسلامي علمنا اياها؟
او الدين مجرد نطق الشهادتين والصلاه والصيام؟
المسلمون بشر والبشر بطبيعتهم خطائون والاخطاء وارده في شتى الامور لكن نتكلم عن اخلاق رسولنا الحبيب واحنا امة محمد صلى الله عليه وسلم مانقدر نتحلى ب اخلاقه؟
مانقدر نعمل باللي وصانا عليه؟
وليش لين شفنا اجنبي كافر يتحلى باخلاق افضل من المسلم الي دينه يتميز بهالاخلاق! مانحس بغيره؟ مانقول لا هذا دينا ودينا علمنا واحنا نمشي على كلام الله ورسوله

والا بنوصل لزمن نقرا عن اخلاق المسلمين ف كتب ونشوف تطبيقها عند الغير؟ ونقول صح هذي اخلاقنا
مردنا بنصير مثل اللي يقولون مالا يفعلون

[شيخ الديرة]

الاخلاق مكتسبه عن طريق ايش؟
مش الدين الاسلامي علمنا اياها؟
او الدين مجرد نطق الشهادتين والصلاه والصيام؟
المسلمون بشر والبشر بطبيعتهم خطائون والاخطاء وارده في شتى الامور لكن نتكلم عن اخلاق رسولنا الحبيب واحنا امة محمد صلى الله عليه وسلم مانقدر نتحلى ب اخلاقه؟
مانقدر نعمل باللي وصانا عليه؟
وليش لين شفنا اجنبي كافر يتحلى باخلاق افضل من المسلم الي دينه يتميز بهالاخلاق! مانحس بغيره؟ مانقول لا هذا دينا ودينا علمنا واحنا نمشي على كلام الله ورسوله

والا بنوصل لزمن نقرا عن اخلاق المسلمين ف كتب ونشوف تطبيقها عند الغير؟ ونقول صح هذي اخلاقنا
مردنا بنصير مثل اللي يقولون مالا يفعلون


تجادلين موقفك وكأنما المسلم يلد للدنيا ومعه شريحة ذاكرة ومحمل عليها أخلاق المسلم كاملة.

ضروف المسلم من حروب وجوع وحرمان، أغلبها بسبب ظلم غير المسلمين، جعله يفكر كيف يعيش وينجو متطلبات الحياة، حتى لو الأخلاق نزلت لمرتبة أدنى في الأولوية.

[غير البشر]

انا مع الاخت جنون في كل الي قالته
كلامها صحيح
اكيد مانقدر نعمم
لكن العرب في الغرب هم مشوهين صورتنا هناك
احنا مانتكلم عن تفجيرات او بالسياسه



احنا نتكلم عن اخلاقهم واطباعهم



معظم العرب الي يعيشون في الغرب
نصابين + قذرين + كذابين + والمكان الي يعيشون فيه اتحصله قذر بعكس الاماكن الثانيه
معظم المشاكل تصير في المنطقه المتواجدين فيها والشرطه وحاله




من تجربتي في معظم الدول الاوروبيه الي رحت لها


تأكد ان العرب الي يعيشون هناك ماراح يسوي لك اي شي او خدمه الاوراه شي
يبي فلوس او بيكذب عليك بشي نادر ماتحصل خدمه ببلاش يتحلى فيه ايمانه
انا جلست مع شاب عربي في مانشستر
يقول ماعندي اكل او اشرب ومادري شنو
وانا كنت قاعد في الكوفي
عطيته المقسوم وقلت له اقعد معاي واطلب
والله العظيم ماطلب شي
الا قال حق الكرسون وسكي :rolleyes2:





في اخر سفره لي من كم يوم
اقول حق الي معاي الي العرب دايما في المكان الي عايشين فيه وصخ




انا مابي اشوه الصوره
بس الصوره مشوهه وباينه وجايبين لنا الشبهه لما نسافر هناك
والاجانب ياخذون فكره عن الاسلام والقيم الايمانيه
والمفروض يتحلون بالصدق والامانه والنظافه كما حثنا ديننا الاسلامي




ترى محد قاعد يشوه صوره الاسلام
الصوره ماقصرو الاخوان الي عايشين برع عطوهم فكره عن الاسلام غلط


الله يعز الاسلام والسلمين

[JN000N]

تغريده نقلتها من السفير عبدالله الخاطر يقصد بها واقعناالحالي

في خضم ما يحدث في عالمنا العربي تتجلى حقيقة مرة باتت سائدة حتى لو أنكرها البعض وهي أن " الحب والوئام قد نُزِعَ وحلت مكانه البغضاء والكراهية"

حقيقه

هالحقيفه حد بيصدقها؟
لا عايشين بوهم او انهم سذج

[JN000N]

ما اعتقد ان المسلمين تخلوا عن مكارم الاخلاق لأن مب كل المسلمين عبر السنين كانوا يتحلون بكامل مكارم الاخلاق..

مكارم الاخلاق لا يمكننا تخصيصها في ناس من البشر كميزة تميزهم جميعهم... في حين
هناك كثيرين من المسلمين الذين يتمتعون بمكارم الأخلاق ولو حبينا نذكر مواقفهم اللي مرت علينا
بنحتاج لمجلدات كبيرة نوثق فيها مواقفهم...

فاشد على ملاحظة اخوانا شيخ الديرة.. الكثير من المصائب في الدنيا اليوم
خلفها غير مسلمين فأين هي مكارم الأخلاق هذه في التعدي على حقوق الناس وسلب أموالهم
والقضاء على شرفهم؟

وفي الوقت نفسه.. نلاحظ ان لو صارت حادثة شجار ما بين اثنين في الدول المتطورة الغربية
العالم يتطمشون من غير ما يتدخلون غااالبا.. بينما عندنا لو صارت هوشة الغالبية يتدخلون
يفرقون المتهاوشين..

فأشد على يد اخوننا شيخ الديرة في مشاركاته.. في الوقت اللي غلط نربط ما بين
العبادات ومكارك الاخلاق.. ممكن انسان ما يصلي لكنه يتحلى بالصفات الكاملة لمكارم
الأخلاق.. فاللي يقول اختفاء المصلين من صلاة الفجر ماله خص نربطه بمكارم الأخلاق
لأن ممكن نشوف سيكي يتمتع بكامل مكارم الأخلاق..

شوفي اليمامه
كل زمن يختلف عن الزمن الي كان قبله
والاخلاق من عقب وفاة الرسول بدت تخف في المسلمين بشكل خفيف
وكل مايمر الوقت كل ماانزعت اخلاق ومبادىء عامه لين صرنا نتعلمها ف المدارس بس ونتناسى ان الدرس مب عشان نقدم فيه امتحان بس بعد عشان نمارسه ف حياتنا
صحيح الاداب والاخلاق مكتسبه والتربيه لها دور كبير لكن احنا المسلمين واخص ديانة الاسلام بهالشي لان الدين الاسلامي نزل يخص مكارم الاخلاق
الاخلاق موجوده عند العرب من القدم لكن الدين الاسلامي تمم مكارم الاخلاق
مانقول مايجوز غير المسلم يكون خلوق لكن نقول عيب على المسلم ان يكون كافر مايوحد بوجود الله افضل منه خلقيا شلون والدين الاسلامي يحث على الاخلاق السامين؟ شلون واحنا نؤجر عالابتسامه ونؤجر على كف الاذى ونؤجر على الصدق ونؤجر على الامانه ونؤجر على اخلاق عديده خصها الدين الاسلامي
احنا من؟ مش مسلمين؟ يعز علي ك مسلمه اشوف اجنبيه يفضحها اللي لابسته اكثر من مايسترها لكن احسن مني ف ابتسامه وعطاء وطيبه
ليش ننشر عن دينا الاسلامي عكس الي فرضه علينا؟ احنا مب قد نكون سفراء لدينا!
ليش مشوهين صورة الاسلام
من الاف السنين ومنتشر عن المسلمين انهم ارهابيين لكن الحين شنو ينتشر عنا
كذب وخيانه وتدليس وسرقه ولا حتى نعرف نراقب نفسنا قدام الله
في الزين وفي الشين في سفراء مسلمين اظهرو الاسلام في احسن صوره وفي سفراء للاسلام شوهو الاخلاق الي المفروض احنا المسلمين نمشي عليها

لين اقول واخص المسلمين بالاخلاق مب عشان الخلق شي خاص ف ناس معينين لا والله حشى هذا مب قصدي
بشرح بتفصيل اكثر
الكرره الارضيه كلها تتحلى باخلاق ساميه لكن تسعين بالميه مثلا مب مسلمين وعشره بالميه منهم مسلمين
ليش المسلمين تنكرو لمعظم الاخلاق الي تميزنا عن غيرنا؟ صح هم لو كانو خلوقين هذا اجتهاد منهم وتربيه واصول لكن احنا من الاثنين نكتسبه من الدين ومن التربيه
امي وابوي على خلق حسن بيربوني على خلق حسن وانا اربي اولادي على خلق حسن وهكذا


وفنفس الوقت مانقول ليش هذا الاجنبي اخلاقه افضل من هذاك المسلم؟ بل نقول الله يهدي هذا الاجنبي للاسلام لان فعلا لين قابلتي هالشخصيات المحترمه الخلوقه تقولين ياليت يسلمون

وهل الاسلام اقتصر على العرب بس؟ لا والله الاسلام لكافة البشريه هل نبخل عليهم بالدعاء بالهدايه؟

موضوعي هذا مش انكار ولا اجحاف لاخلاق المسلمين بل العكس موضوعي غيره على الاسلام لان افضل ديانه هي الاسلام وافضل امه هي امة لا اله الا الله ف ليش تنقصنا بعض الاخلاقيات ونروج صوره خاطئه عن الدين
ماقدر اجزم لكن مب كل المسلمين يتحلون بجميع الاخلاق عشان جذي ارجع اكرر لين اسال هل تخلى المسلمون عن مكارم الاخلاق؟
هني يبدا التفكير الداخلي للانسان ويتعمق فيه اكثر ويمكن يقول لا ويمكن يقول اي
بس ترى مب هذا الجواب الي طلبته او سعيت له من ورا السؤال
وسؤالي نقاش عن اخلاقنا احنا المسلمين وتذكير لمن تناسى الاخلاق الساميه

بعيد عن الدول الاوروبيه وغيرها
خلنا داخل قطر بس وخل نشوف الاخلاقيات الجديده الي ظهرت اقل مثال اختي اليمامه شوفي اخلاق بعض الاعضاء بعكس اخلاق البعض الاخر وهكذا
الاختلاف وارد لكن مايمنع النصيحه والتذكير
كلنا مسلمين

[R 7 A L]

انا مع الاخت جنون في كل الي قالته
كلامها صحيح
اكيد مانقدر نعمم
لكن العرب في الغرب هم مشوهين صورتنا هناك
احنا مانتكلم عن تفجيرات او بالسياسه



احنا نتكلم عن اخلاقهم واطباعهم



معظم العرب الي يعيشون في الغرب
نصابين + قذرين + كذابين + والمكان الي يعيشون فيه اتحصله قذر بعكس الاماكن الثانيه
معظم المشاكل تصير في المنطقه المتواجدين فيها والشرطه وحاله




من تجربتي في معظم الدول الاوروبيه الي رحت لها


تأكد ان العرب الي يعيشون هناك ماراح يسوي لك اي شي او خدمه الاوراه شي
يبي فلوس او بيكذب عليك بشي نادر ماتحصل خدمه ببلاش يتحلى فيه ايمانه
انا جلست مع شاب عربي في مانشستر
يقول ماعندي اكل او اشرب ومادري شنو
وانا كنت قاعد في الكوفي
عطيته المقسوم وقلت له اقعد معاي واطلب
والله العظيم ماطلب شي
الا قال حق الكرسون وسكي :rolleyes2:





في اخر سفره لي من كم يوم
اقول حق الي معاي الي العرب دايما في المكان الي عايشين فيه وصخ




انا مابي اشوه الصوره
بس الصوره مشوهه وباينه وجايبين لنا الشبهه لما نسافر هناك
والاجانب ياخذون فكره عن الاسلام والقيم الايمانيه
والمفروض يتحلون بالصدق والامانه والنظافه كما حثنا ديننا الاسلامي




ترى محد قاعد يشوه صوره الاسلام
الصوره ماقصرو الاخوان الي عايشين برع عطوهم فكره عن الاسلام غلط


الله يعز الاسلام والسلمين


يفكرون شلون ينصبون على الغشيم الي اول مره يسافر
ويسمونها شطارة خخخخخ
الا حرامية بايعين دينهم بيع

[بريق الحق]

الاخت صاحبت الموضوع يمكن حصل لج موقف او موقفين او عشر مواقف من اخلاق المسلمين هل يعني 10 خلاص هذي اخلاق المسلمين اكيد لا والله البعض اخلاقه يحرج الشخص مايعرف شقول ( للعلم انا ماتكلم عن عرب او عجم )

وثاني شي عن العرب مشوهين السمعه الصراحه ماعندي خلفيه لكن الكل يقول اي مكان فيه عرب اشرد منه

اخلاق الجيل الجديد بسبب التربيه الي قاطين عيالهم عند الخدم ولا المدراس الي الصراحه صارت بيئة غير مناسبه بيئه تخرب اخلاق الزين
الصراحه الكلام يطول عن الاخلاق مثال بسيط على ذالك هل من اخلاق المسلم انه يوقف في نص الشارع ويصكر الشارع وقت صلاة الجمعه مليون علامة استفهام

[ودي أكون]

الاخت صاحبت الموضوع يمكن حصل لج موقف او موقفين او عشر مواقف من اخلاق المسلمين هل يعني 10 خلاص هذي اخلاق المسلمين اكيد لا والله البعض اخلاقه يحرج الشخص مايعرف شقول ( للعلم انا ماتكلم عن عرب او عجم )

وثاني شي عن العرب مشوهين السمعه الصراحه ماعندي خلفيه لكن الكل يقول اي مكان فيه عرب اشرد منه

اخلاق الجيل الجديد بسبب التربيه الي قاطين عيالهم عند الخدم ولا المدراس الي الصراحه صارت بيئة غير مناسبه بيئه تخرب اخلاق الزين
الصراحه الكلام يطول عن الاخلاق مثال بسيط على ذالك هل من اخلاق المسلم انه يوقف في نص الشارع ويصكر الشارع وقت صلاة الجمعه مليون علامة استفهام

وعلى هالاساس البنت طرحت هالسؤال (( هل المسلم تخلى عن الاخلاق ومكارم الاخلاق ..؟ )) ..

والمثل يقول الخير يخص والشر يعم .. فطبيعي يتم التعميم بعض المرات خاصه اذا صدر الخلق او نفس الخلق من اكثر من مسلم .. والله المستعان

[sweet qatar]

الفساد الي عاشوا تحت ظله فترات طويلة هو الي أفسد أخلاقهم

تعلموا ان الجمبزة والنذالة هي الي بتعيشهم

للأسف الشعوب الي نتكلم عنها لها تاريخ عريق وحضارات متتابعة

كان اعتزازهم بهويتهم الإسلامية حقيقي

اما الحين فالإسلام صار واجهة لبعض النفوس المشوهة


الأصل في الناس الخير .. ولو كثرت التصرفات غير الأخلاقية



كلام غير البشر واقعي ولكنننن ما يخص العرب او المسلمين وبس
كل الي من العالم الثالث مناطقهم مرعبة وقذرة "الله يعزكم"

[JN000N]

السلام عليكم

قريت قفزات من الموضوع و كتعليق سريع

الوضع السياسي الي احنا عايشينه من سنوات (كمسلمين،كدول خليج) يخلينا نقول ،، لو و اعوذ بالله من كلمه لو ،، لو تتحولين الى ملاك طاير في السما و تساعدين خلق الله بجميع انواع المساعدة وتنشرين طيب اخلاقج بين كل من تحتكيم معاهم .. بعد راح تضلين كـخــة في نظر الاجانب .
على قوله المصريين فاهمين الفوله بكل اسف على حالنا .
بالنسبه لموقف الي سرقو منه ... ترى في امريكا فيه انواع طراره و استغفال ماتخطر على بالج نهائيا ولا تصدقينها .
بكل حياد ،، لا اقبل مقارنتنا معهم ،،، كاخلاق و شيمه و فزعه للصديق و الضعيف لانقارن معهم نحن افضل .


عليكم السلام ورحمة الله وبركاته

صح تقدر تقول الاوضاع تحد بعض النس يتغيرون
لكن ماشوف حد تغير كثرنا احنا المسلمين

وفهالموضوع كلش ماقصدت اني اطلع اجانب احسن منا لا والله ولا اقارن الا بالاخلاق الي بدو يكتسبونها هم واحنا نتركها
ياليتك تدقق ع بعض ردودي وان شاء الله بتفهم وجهة نظري

[JN000N]

الاخلاق ارزاق سواء عند المسلمين والا غير المسلمين
وماشووفها مقارنة عادلة لما نقارن مسلم بغير مسلم
الرسول عليه الصلاة والسلام قال في حديث : اقربكم مني مجلساً يوم القيامة أحاسنكم أخلاقا
يعني بعد الدين والاسلام لله تتحدد مكانة المسلم بناء على اخلاقه
وطبعا غير المسلمين خارج الحسبة اذا كانوا خلوقين لكن غير مؤمنين بالله ورسوله

كا انتي بنفسج قلتيها خلوقين لكن غير مؤمنين عيل الله يهديهم للاسلام
صحيح مافي مقارنه بين مسلم وكافر
لكن في مقارنه بالاخلاق لين مسلم مايتحلى باخلاق الاسلام وهو مسلم ولين كافر متحلي باخلاق الاسلام وهو كافر
ف النهايه انا ما اعمم عللكل ولا احكم من موقف او موقفين
انا لو بعدد المواقف ماراح اخلص ولو بذكر سلبيات شفتها ف المجتمع الغربي بعد مابخلص
لكن المحور كله بتركز ف العنوان ومايخفيه من نقاط عده

[حمد 2002]

انه ماتقوميين به أختي جنون يعتبر نوع من الحملات الاعلاميه على المسلمين ، التي تنقل صور سيئة عنهم من خلال وسائل التواصل الاعلاميه ( كالمنتدى على سبيل المثال ) . ومن المخجل أن تقارني مابين أخلاق الغرب بتصويرهم ملائكة بالتعامل وبالأدب ، وبتصوير المسلمين بأنهم وحوش وعديمي الأخلاق . الإنسان الخليجي ولا العربي ولا المسلم إذا قال الطفل ركزي طفل كلمه عيب قدام هله وسمعوه ، عاقبوه وقالوله لاتعيدها مره ثانيه . بينما نشاهد الأطفال الاوربين يقيمون بحركات مشينه قدام أهلهم ووالدينهم ، ونجد بان أبائهم يضحكون لهم وكان شيء لم يكن . الايكفي الحملات الغربيه الموجه على العالم الإسلامي وما تنقله عنا من صور سيئه !! ، هل نقوم بما يقومون به من تلك الحملات ونقرب لهم المسافات بدلا من أن نبعدها ونمحوها من الوجود ؟!! . يجب عليكي أختي جنون أن تقرئي قليلا عن (( الحملات الغربيه الإعلامية على العالم الإسلامي )) وتتمعني قليلا بكلامي هذا لكي تفهمي المقصد والمعنى من كلامي بدون تسرع .

[بريق الحق]

وعلى هالاساس البنت طرحت هالسؤال (( هل المسلم تخلى عن الاخلاق ومكارم الاخلاق ..؟ )) ..

والمثل يقول الخير يخص والشر يعم .. فطبيعي يتم التعميم بعض المرات خاصه اذا صدر الخلق او نفس الخلق من اكثر من مسلم .. والله المستعان

المشكله ان نحن كامسلمين في ظل الاستعمار الصهيوني مااهتمينا في امور الدين ضيعنا احكام الله وخذينا الامور تناسب الهوى الي عندنا وقامو يلهونا بالمال والخ ( الا من رحم الله )
وضاعت عزة المسلم وضيعو الاخلاق هذه هي سبب المشاكل
قصة ربيع ابن عامر رضي الله عنه مع رستم تعلمنا الشي الكثير

[حسن]

الموضوع طويل والكتابه فيه كثيره مافيني شده اكتب كثير

فعلا لما زرت المانيا شفت شي فضيع من تعامل البشر غير عنا بكثير
شعوب مثقفه وتحترم الادميه ومالهم خص بشنو ديانتك
والي يقول غير ذالك اما يجامل او يدافع جذا بس
وفرق التعامل مع العربي هناك ومع الوروبي

والدليل لا تروحون بعيد
شوفو الصور والغزو العربي لاوروبا لو مهب يتمتعون بصفات جميله
كان محد طب بلادهم
ولا على البراد مافي ابرد من ابها والسوده
واللي يبي الضبابا عندكم صلاله

وشكرا

[نفسي عزيزه]

بصراحه تخلو والله يهدينا ويثبتنا اجمعين

[راجي العفو]

لم يتخلّ المسلمون عن أخلاقهم ..

إنما نسوها و تناسوها ..

ثم أهملوا التطبيق بها .. وهو الأهم ..

ويمكن أن يقال: أنهم تخلّوا عنها بعدم التطبيق لها ..

مع التحية ..

[محمد عبدالرحمن]

بسم الله الرحمن الرحيم

السلام عليكم ورحمة الله وبركاته


قال امير الشعراء احمد شوقي:

وإنما الأمم الأخلاق ما بقيت .... فـإن هُمُوُ ذهبت أخلاقهم ذهـبو


تجاربي مع غير المسلمين


الموقف الاول
واجهنا موقف لما جبنا بنوقف السياره ف الموقف ولازم نحط فلوس حق الموقف بس لازم نصوص مافي مجال حق ورق بس قصرتنا النصوص ف قلنا بنروح نشتري شي ناخذ خرده نصوص ونحطهم حق الموقف
نزلت وحده من سيارتها حسبناها تبي الموقف قالت انتو شكثر تبون تقعدون؟ قلنالها خلاص احنا بس كنا بنوقف 3 ساعات قامت طلعت فلوس نصوص وحطتها قالت هذي لكم قلنالها مشكوره بس خلاص احنا بنروح قالت لا خذو الموقف واعتبروها هذي هديه من عندي لكم دامكم زرتو اسبن



الموقف الثاني
اختي اسنانها تعورها وايد والموعد اقرب شي ف العياده عقب خمس ايام
وداها ابوي الله يحفظه عياده ثانيه وقالهم نبي دكتور يشوفها ضروري جود احنا معطينها حبوب ومخدر موضعي وكل شي ولا في فايده
قامو يتصلون ويدورون دكتور لين لقو دكتوره قالو بنشوف بتاخذكم او لا لان ماعندكم موعد ونطرو خمس دقايق لين ردو عليهم قالو دشو الدكتوره بتقابلكم
وكشفت على اختي وسوت اشعه وكل شي اخر شي كتبت لها وصفة ادويه
زين يلا جا وقت الدفع بندفع قالو مجانا... زين مايصير لازم ندفع.. يرضيكم يهديكم مب عدله قالو لا ماناخذ عليكم فلوس شالسبب زين؟ بس الدكتوره قالت مجانا
وقبلها نصحت اختي ان ماتركب تقويم الا عقب ماتعالج كل اسنانها وتصير لثتها قويه اما يوم راحت عياده ف الدوحه دفعنا بس لاستشاره حق تقويم وقال تعالو المره الجايه بشيل 5 اسنان عشان يكون في مكان وبركب تقويم بدون مايقول ان في التهاب وان كم سن عندها ضعاف محتاجين علاج


سبحان الله


ونقول الموقف الثالث

في المطار بنروح ولايه ثانيه وزحمه وامي تعبت من المشي تبي تقعد ،، كان في كرسيين جنب بعض واحد منهم قاعد عليه شاب اجنبي رحنا وقفنا عند الطوفه قريب من الكراسي وننطر ابوي يخلص قام وجاني يقول تفضلو قعدو قلتله عادي مافي مشكله الحين بنروح بيخلص ابوي قال لا انا بروح تعالو قعدو
بس ماراح تم واقف هو واحنا قعدنا





موقف معاكس واجهنا ريال مع زوجته مسلمين وزوجته من ولايه ثانيه جاو هالولايه هم اجانب وهداهم الله للاسلام .. حالهم ع قدهم، واحد قال للريال هذي روح دنفر وهناك عادي تحصل فندق 100 دولار تكفيك فيه ويوم جا دنفر قام يدفع بالبطاقه في ثلاث ليالي ..مافهمت بالضبط شقال بس عرفت ان الريال الثاني كان مسلم وباق منه 650 دولار يقول انا الحين متوهق مع زوجتي مب عارفين شنسوي لكن الحمدلله الله معانا



قال رسول الله صلى الله عليه وسلم: ( إنما بعثت لأتمم مكارم الأخلاق).


من اخلاق المسلمين

السخاء والإيثار والعفاف والصبر والحلم وكف الأذى والشجاعة والوفاء وحفظ العهد ونصرة المظلوم وإغاثة الملهوف وإكرام الضيف والإحسان إلى الجار وبر الوالدين وصلة الرحم، والأمر بالمعروف والنهي عن المنكر، والدعوة إلى الخير، وإصلاح ذات البين، والصدق في القول، والأمانة، والعدل، والتواضع، والقيام بالشهادة، وتوقير الكبير، والرحمة بالصغير، والإحسان للخلق، والدفع بالحسنى، وإنزال الناس منازلهم، وإعطاء كل ذي حق حقه.


انا ماكنت احتاج تجارب ف السفر عشان اشوف مكارم اخلاق الاجانب انا معاي موظف اجنبي صادق وامين وناصح ومثقف ولبق وعلاقاته طيبه مع ناس واايد ومحبوب لكن ينقصه الاسلام


هل فعلا تخلى العرب (المسلمون) عن مكارم الاخلاق؟ وصرنا نشوف الخلق الكريم عن الاجانب اللي ما يؤمنون بالله ورسوله؟



ملاحظة: موضوعي مش للتعميم على كل المسلمين والعرب.. لكن اتكلم بشكل عام



خلال فترة تواجدي في نيويورك الجميلة، تعرضت لإصابة مفاجأة في الساق أدت إلى عدم القدرة على السير منذ يومين، فاضطررنا للذهاب إلى الطوارئ في إحدى مستشفيات نيويورك المعروفة، و عندما قاموا باعطائي العلاج لمدة ثلاث ساعات و متابعتي ثم ربط الساق و حذاء خاص إضافة إلى عكازين جديدين، سألت الطبيبة عن المبلغ المستحق، أخبرتني "أنت ضيف علينا في نيويورك، و كل ما نتمناه هو سلامتك و أن تستمتع في إجازتك معنا".

أخلاق جميلة و تعامل طيب نلقاه هنا و الحمدلله، حتى منذ لحظة دخولنا للمطار رحب بنا ضابط الجوازات و أنه سعيد لاختيار كثير من القطريين نيويورك كوجهة لقضاء إجازتهم.

[الأسبانية للمصاعد]

خلال فترة تواجدي في نيويورك الجميلة، تعرضت لإصابة مفاجأة في الساق أدت إلى عدم القدرة على السير منذ يومين، فاضطررنا للذهاب إلى الطوارئ في إحدى مستشفيات نيويورك المعروفة، و عندما قاموا باعطائي العلاج لمدة ثلاث ساعات و متابعتي ثم ربط الساق و حذاء خاص إضافة إلى عكازين جديدين، سألت الطبيبة عن المبلغ المستحق، أخبرتني "أنت ضيف علينا في نيويورك، و كل ما نتمناه هو سلامتك و أن تستمتع في إجازتك معنا".

أخلاق جميلة و تعامل طيب نلقاه هنا و الحمدلله، حتى منذ لحظة دخولنا للمطار رحب بنا ضابط الجوازات و أنه سعيد لاختيار كثير من القطريين نيويورك كوجهة لقضاء إجازتهم.

اشدعوه مسلسل تركي

أصلا هم لو الواحد ايموت في الشارع محد يتحرك له

عالم مادي وأشك في الكلام

تأكد يمكن ارسلوا الفواتير للسفارة

[محمد عبدالرحمن]

اشدعوه مسلسل تركي

أصلا هم لو الواحد ايموت في الشارع محد يتحرك له

عالم مادي وأشك في الكلام

تأكد يمكن ارسلوا الفواتير للسفارة

أخي الكريم،

فلتبقى على ظنك بالشك فيما كتبت حتى تبصر الحقيقة إن شاء الله أخي الكريم، و إن ظني بك أنك قد دعوت الله لي في قلبك أن يشفيني من إصابتي في سرك، لظني فيك أنك ممن لم يتخلوا عن مكارم الأخلاق كما هو عنوان الموضوع.

[يمامـة]

أخي الكريم،

فلتبقى على ظنك بالشك فيما كتبت حتى تبصر الحقيقة إن شاء الله أخي الكريم، و إن ظني بك أنك قد دعوت الله لي في قلبك أن يشفيني من إصابتي في سرك، لظني فيك أنك ممن لم يتخلوا عن مكارم الأخلاق كما هو عنوان الموضوع.
اخوي محمد.. قد يكون حالفك الحظ في مثل هذا الكرم الذي حظيت به في نيويورك..
وقد يكون للمستشفى الذي قصدته حكاية خاصة بها.. ولكن هذا لا يعني ابدا ان الحياة في بلاد الغرب
في كل مواقفها او بنسبة 1% حتى زز تعتمد على ما تفضلت انت بذكره..

والله يشافيك ويعافيك ويردك بلادك سالم وغانم..

[يمامـة]

جنون يا بنيتي ..

اعتقد هناك خلل في المفهوم العام عن مكارم الأخلاق بحيث صرتي تشوفين ان الغرب ببعض الأمثلة اللي ضربتيها
ناس متحلين بمكارم لالأخلاق وان المسلمين تخلوا عنها واستدليتي على التغيير الحاصل في قطر او ضربتي
مثال تصرفات بعض الأعضاء مقارنة مع البعض الآخر..

خليني اوضح لج قبل كل شي ان الانسان بشكل عام نتاج تربية.. فاليوم كثيرين متربين على عدم احترام
الدور او قول كلمة شكرا.. بينما مثل هالأمور في الدول الغربية تصدر منهم بالسجية.
ولكن في المقابل هالناس اللي ما يحترمون دورهم ولا يقولون شكرا .. مب منتشر عندهم زنا المحارم
او يستحلون الزنا او شرب الخمر او لعب القمار او اليانصيب.. لأن الناس اللي في الغرب و تتكلمين عنهم
يتصرفون مع الناس حسب التربية اللي كبروا عليها ،، ولكن مع هذا ما نقدر نقول انهم ناس على قدر
عالي من مكارم الأخلاق..

فمن جذيه .. لازم ننتبه في مثل هالأمور،، صحيح اني ما رحت دول اوروبية،، لكن افلاهم
تعكس واقع حياتهم ،، فما اشوف اي مكارم اخلاق في تصرفاتهم او تعاملاتهم مع بعض..

الواحد ينادي امه يالساقطة،، ويشجع اخته انها تطلع مع صديقها.. ويشرب ويسكر ويتودد حق امه
او اخته .. ومطيح في البارات و المراقص وينام مثل الكلب تكرمين في الشوارع لأنه سكران او مرابي
ومقامر خسر فلوسه،، وفي الأخير يقول لج شكرا وتفضلي..

وعليه لازم نكون دقيقين عند وصفهم انهم يتمتعون بمكارم الأخلاق.. و نركز على الزين اللي فيهم
وناقصنا،، فالكذي والخيانة والسرقة والغش تراها افعال موجودة عندهم،، ولا سجونهم والمصحات
والانهيارات الكبيرة للاقتصاداتهم اشمنه صارت يا جنون ؟


نعم ممكن نركز على الايجابيات اللي عندهم ونعمل جاهدين على ان نكون افضل منهم
لكن ان نقول انهم على قدر كبير من مكارم الأخلاق لأنهم كان ذربين معانا.. هالشي مع كااامل احترامي الكبير
لج امر لا ينطبق على الجميع منهم..

توها بنتي تقول مر واحد على سيكله وشاف صديقتها مع اختها لابسين عادي اللهم الحجاب على روسهم
تم يسبهم من مسافة بعيدة لين وصل عندهم وهو يسبهم ويغلط عليهم...........> وين مكارم اخلاقه؟

وهناك كثيرين من هالاشكال في المقابل نفس هالشخص يوصل عند بوابة السوبر ماركت ويفتح الباب
لشخص ثاني ويحمل عنه اغراضه..






شوفي اليمامه
كل زمن يختلف عن الزمن الي كان قبله
والاخلاق من عقب وفاة الرسول بدت تخف في المسلمين بشكل خفيف
وكل مايمر الوقت كل ماانزعت اخلاق ومبادىء عامه لين صرنا نتعلمها ف المدارس بس ونتناسى ان الدرس مب عشان نقدم فيه امتحان بس بعد عشان نمارسه ف حياتنا
صحيح الاداب والاخلاق مكتسبه والتربيه لها دور كبير لكن احنا المسلمين واخص ديانة الاسلام بهالشي لان الدين الاسلامي نزل يخص مكارم الاخلاق
الاخلاق موجوده عند العرب من القدم لكن الدين الاسلامي تمم مكارم الاخلاق
مانقول مايجوز غير المسلم يكون خلوق لكن نقول عيب على المسلم ان يكون كافر مايوحد بوجود الله افضل منه خلقيا شلون والدين الاسلامي يحث على الاخلاق السامين؟ شلون واحنا نؤجر عالابتسامه ونؤجر على كف الاذى ونؤجر على الصدق ونؤجر على الامانه ونؤجر على اخلاق عديده خصها الدين الاسلامي
احنا من؟ مش مسلمين؟ يعز علي ك مسلمه اشوف اجنبيه يفضحها اللي لابسته اكثر من مايسترها لكن احسن مني ف ابتسامه وعطاء وطيبه
ليش ننشر عن دينا الاسلامي عكس الي فرضه علينا؟ احنا مب قد نكون سفراء لدينا!
ليش مشوهين صورة الاسلام
من الاف السنين ومنتشر عن المسلمين انهم ارهابيين لكن الحين شنو ينتشر عنا
كذب وخيانه وتدليس وسرقه ولا حتى نعرف نراقب نفسنا قدام الله
في الزين وفي الشين في سفراء مسلمين اظهرو الاسلام في احسن صوره وفي سفراء للاسلام شوهو الاخلاق الي المفروض احنا المسلمين نمشي عليها

لين اقول واخص المسلمين بالاخلاق مب عشان الخلق شي خاص ف ناس معينين لا والله حشى هذا مب قصدي
بشرح بتفصيل اكثر
الكرره الارضيه كلها تتحلى باخلاق ساميه لكن تسعين بالميه مثلا مب مسلمين وعشره بالميه منهم مسلمين
ليش المسلمين تنكرو لمعظم الاخلاق الي تميزنا عن غيرنا؟ صح هم لو كانو خلوقين هذا اجتهاد منهم وتربيه واصول لكن احنا من الاثنين نكتسبه من الدين ومن التربيه
امي وابوي على خلق حسن بيربوني على خلق حسن وانا اربي اولادي على خلق حسن وهكذا


وفنفس الوقت مانقول ليش هذا الاجنبي اخلاقه افضل من هذاك المسلم؟ بل نقول الله يهدي هذا الاجنبي للاسلام لان فعلا لين قابلتي هالشخصيات المحترمه الخلوقه تقولين ياليت يسلمون

وهل الاسلام اقتصر على العرب بس؟ لا والله الاسلام لكافة البشريه هل نبخل عليهم بالدعاء بالهدايه؟

موضوعي هذا مش انكار ولا اجحاف لاخلاق المسلمين بل العكس موضوعي غيره على الاسلام لان افضل ديانه هي الاسلام وافضل امه هي امة لا اله الا الله ف ليش تنقصنا بعض الاخلاقيات ونروج صوره خاطئه عن الدين
ماقدر اجزم لكن مب كل المسلمين يتحلون بجميع الاخلاق عشان جذي ارجع اكرر لين اسال هل تخلى المسلمون عن مكارم الاخلاق؟
هني يبدا التفكير الداخلي للانسان ويتعمق فيه اكثر ويمكن يقول لا ويمكن يقول اي
بس ترى مب هذا الجواب الي طلبته او سعيت له من ورا السؤال
وسؤالي نقاش عن اخلاقنا احنا المسلمين وتذكير لمن تناسى الاخلاق الساميه

بعيد عن الدول الاوروبيه وغيرها
خلنا داخل قطر بس وخل نشوف الاخلاقيات الجديده الي ظهرت اقل مثال اختي اليمامه شوفي اخلاق بعض الاعضاء بعكس اخلاق البعض الاخر وهكذا
الاختلاف وارد لكن مايمنع النصيحه والتذكير
كلنا مسلمين

[شيخ الديرة]

جنون يا بنيتي ..

اعتقد هناك خلل في المفهوم العام عن مكارم الأخلاق بحيث صرتي تشوفين ان الغرب ببعض الأمثلة اللي ضربتيها
ناس متحلين بمكارم لالأخلاق وان المسلمين تخلوا عنها واستدليتي على التغيير الحاصل في قطر او ضربتي
مثال تصرفات بعض الأعضاء مقارنة مع البعض الآخر..

خليني اوضح لج قبل كل شي ان الانسان بشكل عام نتاج تربية.. فاليوم كثيرين متربين على عدم احترام
الدور او قول كلمة شكرا.. بينما مثل هالأمور في الدول الغربية تصدر منهم بالسجية.
ولكن في المقابل هالناس اللي ما يحترمون دورهم ولا يقولون شكرا .. مب منتشر عندهم زنا المحارم
او يستحلون الزنا او شرب الخمر او لعب القمار او اليانصيب.. لأن الناس اللي في الغرب و تتكلمين عنهم
يتصرفون مع الناس حسب التربية اللي كبروا عليها ،، ولكن مع هذا ما نقدر نقول انهم ناس على قدر
عالي من مكارم الأخلاق..

فمن جذيه .. لازم ننتبه في مثل هالأمور،، صحيح اني ما رحت دول اوروبية،، لكن افلاهم
تعكس واقع حياتهم ،، فما اشوف اي مكارم اخلاق في تصرفاتهم او تعاملاتهم مع بعض..

الواحد ينادي امه يالساقطة،، ويشجع اخته انها تطلع مع صديقها.. ويشرب ويسكر ويتودد حق امه
او اخته .. ومطيح في البارات و المراقص وينام مثل الكلب تكرمين في الشوارع لأنه سكران او مرابي
ومقامر خسر فلوسه،، وفي الأخير يقول لج شكرا وتفضلي..

وعليه لازم نكون دقيقين عند وصفهم انهم يتمتعون بمكارم الأخلاق.. و نركز على الزين اللي فيهم
وناقصنا،، فالكذي والخيانة والسرقة والغش تراها افعال موجودة عندهم،، ولا سجونهم والمصحات
والانهيارات الكبيرة للاقتصاداتهم اشمنه صارت يا جنون ؟


نعم ممكن نركز على الايجابيات اللي عندهم ونعمل جاهدين على ان نكون افضل منهم
لكن ان نقول انهم على قدر كبير من مكارم الأخلاق لأنهم كان ذربين معانا.. هالشي مع كااامل احترامي الكبير
لج امر لا ينطبق على الجميع منهم..

توها بنتي تقول مر واحد على سيكله وشاف صديقتها مع اختها لابسين عادي اللهم الحجاب على روسهم
تم يسبهم من مسافة بعيدة لين وصل عندهم وهو يسبهم ويغلط عليهم...........> وين مكارم اخلاقه؟

وهناك كثيرين من هالاشكال في المقابل نفس هالشخص يوصل عند بوابة السوبر ماركت ويفتح الباب
لشخص ثاني ويحمل عنه اغراضه..

تجف الأقلام عندما تكتب اليمامة.

قبل يومين أنا وزوجتي تعرضنا لنفس موقف صديقات بنتج. أكتب لكم من وأنا في تلك البلاد. نحن ضحايا سياسات التعميم ونحتج على تطبيقها علينا، ونتسارع لإستخدامها على الأقوام الأخرى.

[يمامـة]

تجف الأقلام عندما تكتب اليمامة.

قبل يومين أنا وزوجتي تعرضنا لنفس موقف صديقات بنتج. أكتب لكم من وأنا في تلك البلاد. نحن ضحايا سياسات التعميم ونحتج على تطبيقها علينا، ونتسارع لإستخدامها على الأقوام الأخرى.

العام تقول احدى صديقاتي انهم حصلوا شتى انواع السب والشتم لمجرد انهم لابسين حجابات
اهنيه في قطر من هذي شبه العارية اللي تتمشى في فيلاجيو يتعرض لها شيخ دين او ملتزم او صايع حتى
ويسبها لأنها شبه عارية بنسبة88%؟ و هالنوعية من العراء انتشروا بشكل كبير في المجمعات..

شلي يمنعنا ندافع عن ديننا كما يتهجم بعض الغربيين على الحجاب؟

هي مكارم اخلاق الناس هي اللي تمنعهم انهم يدافعون عن دينهم بالسب والشتم والصراخ على الناس
في الاماكن العامة..

لذلك الانبهار ببعض المواقف يجب ما يخلينا نطلق احكام عامة على الجميع..

فلما نقول ان الغربيين يتحلون بمكارم الأخلاق بينما المسلمين تخلوا عنها،، فانا وانت والاخت جنون
كلنا من المسلمين،، فهل يصير نستثني نفوسنا من المسلمين اللي تخلوا عن مكارم الأخلاق .. ولا الحق
يحتم علينا ان نقول هناك فئات تخلت او فئات لم تصل الى الحد الأعلى من مكارم الاخلاق او ينقصها الكثير
من مكارم الاخلاق..

[JN000N]

هل احتاج ارد عليكم والا اكتفي بردودي؟
خاصه ان اوضح منها مافي

[بريق الحق]

هل احتاج ارد عليكم والا اكتفي بردودي؟
خاصه ان اوضح منها مافي

الموضوع عن الاخلاق
ليش العصبيه اشربي عصير ليمون والي يعجبج ردي عليه (:
هاي اقتراح مني

[JN000N]

الموضوع عن الاخلاق
ليش العصبيه اشربي عصير ليمون والي يعجبج ردي عليه (:
هاي اقتراح مني

لا والله مب عصبيه بالعكس
بس احس اني انفخ ف جربه مشقوقه
مادري ليش كلامي ماكان مفهوم للبعض في حين ان اوضح منه مافي
لحد الحين حاطيني ضد المسلمين العرب مع الاجانب الكفار
وانا ابدا مافكرت جذي

[بريق الحق]

لا والله مب عصبيه بالعكس
بس احس اني انفخ ف جربه مشقوقه
مادري ليش كلامي ماكان مفهوم للبعض في حين ان اوضح منه مافي
لحد الحين حاطيني ضد المسلمين العرب مع الاجانب الكفار
وانا ابدا مافكرت جذي
يمكن فهمو من زاوية ثانيه هههه مبارة كورة قدم

[JN000N]

يمكن فهمو من زاوية ثانيه هههه مبارة كورة قدم

خخخخخ
بس كلامي كان غيره علينا ك مسلمين اللي احنا اولى بالاخلاق الحميده الي رسخها لنا الدين
مش نتناساها ويعملون بها الكفار لانهم خذوها من دينا

براحتهم
يمكن بعضهم ماواجهو الي واجهناه انا والي مواافقين معاي

واذا على شرب الخمر والقمار والحرام حتى بعض المسلمين سووه
مب شي يديد

[Aaziz]

هل احتاج ارد عليكم والا اكتفي بردودي؟
خاصه ان اوضح منها مافي

لا زلت مُصر :whistling:

[R 7 A L]

السؤال الي يطرح نفسه
ليش لما نروح لدول عربية مانشوف اخلاق ومساعدات نفس الي انا شخصياً شفته
في ( امريكا )
مره ودينا ابوي الله يرحمه لسوريا للعلاج في المطار خلصوا كل جوازاتنا الا ابوي تمينا ثلاث ساعات
كان يتحججون انه ممنوع من الدخول لانه مطلوب لسوريا وقت يوم كان قانص ههههه وهو عمره ما شل طير في حياته
المهم بعد ماحطينا خردة في جوازه خلصوا كل امورنا ودخلونا

[شيخ الديرة]

هل احتاج ارد عليكم والا اكتفي بردودي؟
خاصه ان اوضح منها مافي

مشاركتنا واضحة كما هي ردودك، ولكن ليس الهدف من الحوار أن نتفق، وإنما تبادل وجهات النظر.

أشك إن إختيارك للعنوان لم يكن موفقاً، فمرورك بمواقف أعجبتك من غير المسلمين لا يمت بأي صلة لسؤالك عما إذا فقد المسلمون أخلاقهم. فهي ليست قطعة يمكن أن يملكها قوماً إذا فقدها قوم آخر.

[JN000N]

مشاركتنا واضحة كما هي ردودك، ولكن ليس الهدف من الحوار أن نتفق، وإنما تبادل وجهات النظر.

أشك إن إختيارك للعنوان لم يكن موفقاً، فمرورك بمواقف أعجبتك من غير المسلمين لا يمت بأي صلة لسؤالك عما إذا فقد المسلمون أخلاقهم. فهي ليست قطعة يمكن أن يملكها قوماً إذا فقدها قوم آخر.


سؤالي عميق وتحته عدة اجابات مب اجابه وحده
تحته تفكير وتدبر في اللي وصلت له الشعوب الاسلاميه
السؤال له معاني كثيره من ضمنها يمكن تندرج اسلام بعض الاجانب الكفار الي كانو يشربون ويفسدون والحاد بعض المسلمين

صح انت ماتحتاج تقتنع بكلامي ومجرد نقاش لكن الموضوع له جوانب عده مب جانب واحد ولا جانب تجاربي

[JN000N]

لا زلت مُصر :whistling:

علـى؟