((((((( انت مع او ضد الغاء حفلة الخطوبه )))))))

[عاهد بن علي]

صبحكم الله بالخير جميع
لا يخفى عليكم العبئ المادي الذي يتحمله الشاب على حفل الزواج وحفل الخطوبه وحفل الرجال
لذا اقترح ان يلغى ( حفل الخطوبه ) لتقليل العبئ المادي على كاهل الشاب المقبل على الزواج
ارجو منكم ابداء آرائكم والنقاش لما فيه خير ومصلحه للزوج والزوجه المقبلين على بناء اسره موفقه .
تسلمون

[JN000N]

انا مع الغاءها
لان احس سخافه يسوون خطوبه وتكاليفها قريبه من تكاليف العرس خاصه هالايام طالعين بالخطوبه ف الفنادق وتكشخ وتتعدل تعدل العروس يوم عرسها ومايتم شي ماتسويه
لدرجه لين حضرنا خطوبه جي نقول شناقص خلاص ياخذها ويسافرون بعد يسوون عرس ليش؟

اوكي عن خاطرها عشان تصوير وحركات تسوي شي عاااادي ف البيت عشا واهلها واهله بس ويلبسها الشبكه ويصورون وخلاص

بس بعد الي اعرفه يعني وجفته ف بناتنا ان الخطوبه ام العروس متكفله فيها مب المعرس وهي الي تجهز كل شي حق بنتها

[رهج السنابك]

حفله الخطوبة مب ضروري تكون فخفخه بالعاده تسويها البنت في بيتها بوفيه عشا وكيكه ماتكلف خمس او ست الالاف

[ودي أكون]

حفلة الخطوبه عالبنت .. اذا بغت اتسويها هي تسويها .. والريال اذا حب يساعدها فالكيكه او اي شي يكون من نفسه ..

لا يقصون عليكم بعض البنات :secret:

[ANONYMOUS]

وش هالاقتراحات اللي تضيق ع المسلمين

الحين في توجهات وافكار ان الخطوبه تكون خارج الدوله

مثلا في تركيا .. حيث البراد والخضره والماء الحسن :)

[ودي أكون]

وش هالاقتراحات اللي تضيق ع المسلمين

الحين في توجهات وافكار ان الخطوبه تكون خارج الدوله

مثلا في تركيا .. حيث البراد والخضره والماء الحسن :)

فكرتن منتازه والله

فيها تذاكر للمعازمين وشامله السكن والا ..


الله يبلغني واعيش هالايام واسافر ابلاش :tooth:

[كيلو حديد]

كل ما عقدوها تعقدت حياتهم الزوجية

[abu m7md]

والله حتى الزواج تغير
الي اعرفه
ملجة و زفه - وتخليف عيال ان الله ارزقك


الحين طلعت طقوس جديده

الله يعين عيالي
ويهدي بناتي



البساطه فيها بركة

[QATAR 77]

خطبة
حنة
عرس
صباحية
استقبال

:rolleyes2:

[النهار]

خطبة
حنة
عرس
صباحية
استقبال

:rolleyes2:

بعد شهرين امسكي الباب ههههههههه

[بريق الحق]

والله حتى الزواج تغير
الي اعرفه
ملجة و زفه - وتخليف عيال ان الله ارزقك


الحين طلعت طقوس جديده

الله يعين عيالي
ويهدي بناتي



البساطه فيها بركة
بكرة اذا جاب خدامه البيت يسوي حفلة
واذا جاب الدريول يسافر
الخ

[R 7 A L]

ماكانت عندنا مثل ماذكر ابو محمد
بس بعد تعايش المجتمعات الاخرى والانصهار معهم بالنسب تواجدت

[S S]

ضد الأنها سلبيه تحت عذر ومسمى ليله العمر والخير وايد خلنا نفرح محد ضيع الشباب الا هاالجمله

[بريق الحق]

ماكانت عندنا مثل ماذكر ابو محمد
بس بعد تعايش المجتمعات الاخرى والانصهار معهم بالنسب تواجدت

عقول ناقصه يارحال

[Ţĥę őήę]

الخطوبة على اهل العروس وطبعا مب ضرورية بس اللي حابب كيفهم

[ودي أكون]

بكرة اذا جاب خدامه البيت يسوي حفلة
واذا جاب الدريول يسافر
الخ

بل بل بل بدوا يكبرون ويصغرون احين :rolleyes2:

جملتك الثانيه محتاجه حفله .. قصدي ترجمه

[ضوى]

سوينا حفلات خطوبة لبنات العايله ماتكلفنا فيها عاديه كانت ولازالت ، اذا بتكون بسيطة وجدا عادية بتكون حلوة اما اذا متكلفه ماوراها خير

[R 7 A L]

عقول ناقصه يارحال

ابشرك الحين ناس واجد اتجهوا يخلون عرس الرجال في مجالسهم

اما الحريم في قاعات او اي مكان خارج البيت افضل لاسباب كثيرة ابرزها الازعاج و الدمار الذي يقع بعد الحفل ههههه

[بريق الحق]

ابشرك الحين ناس واجد اتجهوا يخلون عرس الرجال في مجالسهم

اما الحريم في قاعات او اي مكان خارج البيت افضل لاسباب كثيرة ابرزها الازعاج و الدمار الذي يقع بعد الحفل ههههه
يبشرك ربي بالجنه
الناس قامت شوي شوي قامت تفكر ولا قامت تهتم فالمظاهر الي مهما سويت ماراح يعجبهم ان شاء الله تسوي عرسك في نص البحر ويكون نقل على قناة الجزيرة الرياضيه بعد ماراح يعجبهم
اما عرس الحريم هههههه

[لبيبة]

الحفلة هي العرس

لكن الخطوبة ما نسوي شي

[اللوز]

انا مع الغاء حفل الخطوبة لما يحتوي الحفل من مصاريف
واﻻقتصار على شراء سيارة رنج روفر اوتوبيوغرافي بقيمة 750 ألف ريال
مساكين الحريم

[حمد 2002]

لاخطوبه ولا عرس المفروض ولا حفله نهائيا ..

ملجه وشهود ودفع مهر 50 الف ريال وخذ زوجتك بعبايتها ...

والسلام عليكم وعليكم السلام ..

[بريق الحق]

لاخطوبه ولا عرس المفروض ولا حفله نهائيا ..

ملجه وشهود ودفع مهر 50 الف ريال وخذ زوجتك بعبايتها ...

والسلام عليكم وعليكم السلام ..
لا تنسى الوليمة ولو بشاة كما قال الحبيب صل الله عليه وسلم

[ودي أكون]

انا مع الغاء حفل الخطوبة لما يحتوي الحفل من مصاريف
واï»»قتصار على شراء سيارة رنج روفر اوتوبيوغرافي بقيمة 750 ألف ريال
مساكين الحريم

ههههه

ماعليك ف الاخير موب صاير الا اللي يبونه الحريم خخ

[حمد 2002]

لا تنسى الوليمة ولو بشاة كما قال الحبيب صل الله عليه وسلم

صحححح

[بريق الحق]

ههههه

ماعليك ف الاخير موب صاير الا اللي يبونه الحريم خخ
انقلبت القوامة عند البعض وصارت عند الحريم وهذا ماعتبره رجل

[حسن]

انقلبت القوامة عند البعض وصارت عند الحريم وهذا ماعتبره رجل

هذه حقيقه واقع المراءه حاليا هي اللي تقود المجتمع عند الكثير

انا مع اخوي حمد ضد هذه المظاهر اللي ماانزل الله بها من سلطان
وكلها قله عقول الكثير من النساء وتقليد وفخفخه على الفاضي

بس اخوي عاهد في ضل الاوضاع القتصاديه والمعيشيه والفوائض الماليه
والرواتب العاليه اللي نعيش فيها ولله الحمد

لا تتوقع ان تتغير نظره الخطوبه والزواج وغيره
الا اذا بتدفع الزوجه مع العلم اني مع الدفع مساهمه ومشاركه واصبحت واجب
بحكم انها تشتغل ورواتبههم عاليه بدال ماتشتري بنتلي ولا رنج
ولا بورش ولا سفرات تلف العالم كلها في السنه عشر مرات لا يبا تدفع
وتستر على نفسها ابرك

بس هل منكم من متعض من النساء مااعتقد الى القليل من اهل الجنه ولا الكثير
مكانهم معروف

تحياتي

:)

في العمق الاستراتيجي

[Bin Hood]

الخطوبة على أهل الزوجة اولا

اما العرس فأفضل ان يقنن من حيث المصاريف

[العلياا]

الخطوبة على اهل العروس ،،،

وشكراً

[غايه الطواش]

مع اني مب مقتنعه فيها
بس الي اعرفها انها على هل البنت
شدخل الشاب فيها ؟من قص عليكم
حتى الحنا على البنت

[عطر فرنسي]

انا ضد الفكرة

وبعدين سواء كانت الخطوبة او ألحنه ان على البنت نفس الشي يعتبر من فلوس المهر من الرجال

والأفضل ان اي بنت توفر من مبلغ المهر للمستقبل احسن بدال صرف المهر على أشياء ماتستاهل

وجهه نظر

[JN000N]

انا ضد الفكرة

وبعدين سواء كانت الخطوبة او ألحنه ان على البنت نفس الشي يعتبر من فلوس المهر من الرجال

والأفضل ان اي بنت توفر من مبلغ المهر للمستقبل احسن بدال صرف المهر على أشياء ماتستاهل

وجهه نظر

لا مب من مهرها سلامتك
من جيب ابوها جود المعرس لحين مايلب المهر حتى

[نوار قطر]

حفلة الخطوبه مب شي ضروري ولا هو بلازم انه يسوونها ،، الي عنده القدره الماديه يسويها ليش لا خاصة اذا الفترة بين الخطوبه والعرس كبيره ،،، اما اذا مافيه فتره بين فترة الخطوبه والعرس مب لازم ،،،. مب شي ضروري المخاسير الي بيقطونها في الخطوبه يوفرونها حق العرس،،

[نوار قطر]

انا ضد الفكرة

وبعدين سواء كانت الخطوبة او ألحنه ان على البنت نفس الشي يعتبر من فلوس المهر من الرجال

والأفضل ان اي بنت توفر من مبلغ المهر للمستقبل احسن بدال صرف المهر على أشياء ماتستاهل

وجهه نظر

الحنه بالذااات من جيب العروس واهلها ،، المعرس مب ملزوم يسوي لها ليلة حنه ،، والله اذا العروس تبي ومن جيبها كيفها شي راجع لها،، واهل المعرس يزبرون ويكشخون وايوون الحنه ،،

[بريق الحق]

انا اقترح عقد زواج مع الشهود والعشى والسلام عليكم عوار راس يقعد يحجز خيمه وكوشه وفندق و و و و و و الخ معقدين الزواج وكانه داش حرب يقعد يجهز نفسه ويودع هله

[بانغ بانغ]

انا اقترح عقد زواج مع الشهود والعشى والسلام عليكم عوار راس يقعد يحجز خيمه وكوشه وفندق و و و و و و الخ معقدين الزواج وكانه داش حرب يقعد يجهز نفسه ويودع هله

والله اعيال مليارديرية ايسوون كذا
ملكة وعشاء وطير

[نوار قطر]

والله اعيال مليارديرية ايسوون كذا
ملكة وعشاء وطير

عاد احنا عيال فقر نحب الخساير خخخخ

[بانغ بانغ]

عاد احنا عيال فقر نحب الخساير خخخخ

هههههههههههههههههههههه

يازينهم الفقارة
اول ناس ايدشون الجنة
ان شاء الله احنا منهم

[رهج السنابك]

مع الغاء كل مظاهر الاحتفالات مب من زاويه ماديه بس بل من زاويه " راحة الدماغ " :)
كم حجم العناء الي الوحده تعانيه في الدواره بين محلات الازياء والاسواق واتصالات وتنسيقات مصوره وحنايه وصالون و حلويات وعشا و توزيعات و بوكيهات ورد ودي جي او طقاقه و كروت دعوه وكل هالخزعبلات! قسم بالله عنوه

[ضوى]

مع الغاء كل مظاهر الاحتفالات مب من زاويه ماديه بس بل من زاويه " راحة الدماغ " :)
كم حجم العناء الي الوحده تعانيه في الدواره بين محلات الازياء والاسواق واتصالات وتنسيقات مصوره وحنايه وصالون و حلويات وعشا و توزيعات و بوكيهات ورد ودي جي او طقاقه و كروت دعوه وكل هالخزعبلات! قسم بالله عنوه
اذا ربع العروس وقرايبها وخواتها يعانون من هاللفات كلها اشلون العروس يالله قسما بالله هم وتعب وحيرة

[حمد 2002]

اذا ربع العروس وقرايبها وخواتها يعانون من هاللفات كلها اشلون العروس يالله قسما بالله هم وتعب وحيرة



يعني انتي مع القاء الخطوبه والعرس وكل مظاهر الاحتفال بالزواج ؟ بس عشاء والسلام ؟

[دستور]

لاخطوبه ولا عرس المفروض ولا حفله نهائيا ..

ملجه وشهود ودفع مهر 50 الف ريال وخذ زوجتك بعبايتها ...

والسلام عليكم وعليكم السلام ..
فيه عوايل الله مرهي عليهم بالجاه والمال
وهذي طريقتهم في الأعراس
بس يكون فيه عشا بمناسبة العرس

[المتفرج]

ههههههههههههههههههههه

اضحك من قلب ولا حد يسألني

الله يفرجها على كل معرس جديد

وسلامن عليكم

[ودي أكون]

الخطوبه عالبنت ..

فكل ريال ذنبه على جنبه .. اذا هي حبت اتسوي خل اتسوي من جيبها .. اما انا ك ريال باجي اساعد الحرمه فالخطوبه وبعدها بيلس اتذمر الحريم يبون ويبون ..؟! .. ماله حق ابداً

اذا عطتك كم كلمه حلوة وماعرفت اتمشي كلمتك ك ريال وتيلس بعدها اتذمر هاذي مو مشكلتنا يالاخ !!.. المشكله بتكون عندك أنت كرجل !!

والله المستعان

[مــاي ورد]

لا أؤيد حفلة الخطوبة

احسها بدعة! يعني شلون يوقعون ورقة الملجة وعقب يسوي حفلة خطوبة! مالها داعي خلاص يعني يخطب مرته ما يسير

[w.qatar]

الحنا و الخطوبه و اللي بعد هابين فيها حفله توديع عزوبيه كلها مب ملزوم الرجال يدفع لها ريال واحد سخافه والله قاموا يقلدون الغرب في كل شي
اللي اعرفه ملجه و في نفس الليله عشا اهله و اهلها بسسس و اخر شي العرس وكان الله غفور رحيم بس

[fhd4]

هل انخفاض تكاليف الزواج قد يؤدي إلى نتيجة عكسية وهي ارتفاع نسبة الطلاق ؟

يعني هل الطلاق سيكون أسهل لأن التكاليف أقل؟

مجرد تساؤل

[RE-Qatar]

حفلة الخطوبة بكبرها مالها داعي
مصاريف عالفاضي
حتى لوكانت عالبنت بعد بتصرف من مهرها !!

انا مع إلغاء حفلة الخطوبة ويكون عشا صغير ومختصر

[Rider]

حتى العرس المفروض يلغى ليش الخسائر وكلها في بطون الفندق ومحلات تجهيز الافراح الرجال يسوي عشى حق ربعه وجماعته المقربين والمرأة كذلك ونتهى الموضوع والله بيكون الزواج مبارك

[أم محمد 90]

ضدها قلبا وقالبا

[سارونه]

انا ضد كل من : الخطوبة + حفلة البنت مع صديقاتها قبل الزواج طبعا ههههههه الحمد لله والشكر
+ حفلة العرس في فندق وخساير تعدي 200 الف :) ليه يعني ..

[راجي العفو]

كلها مظاهر كذابة ..

ولا ... كان العقد على المرأة وبعدها ياخذ الرجال مرته و يتوكل على الله ..

القصد الأمور المتكلفة و الزائدة عن الحد المعتاد يجب أن تترك ..

مع التحية ..

[حسن]

انا ضد كل من : الخطوبة + حفلة البنت مع صديقاتها قبل الزواج طبعا ههههههه الحمد لله والشكر
+ حفلة العرس في فندق وخساير تعدي 200 الف :) ليه يعني ..

أخي جاوز الظالمون المدى فحقّ الجهادُ وحقّ الفدا

[MS.TOMA]

حفلة الخطوبة حريه شخصيه .. الصراحه .. العرس اهم من الخطوبه .. مو الكل ناس اتسوي خطوبه ..
بس انا افضلها لان تجمع الاهل والاصدقاء منها صله الرحم وفي ناس ما تقدر تحضر العرس

بما ان خواتي اثنتين اهم اللي مسوين حفلات الحطوبه مب المعرس ..

[::.Silent.::]

تكاليف العرس 500 ألف ؟
أحطها في حساب الزوجة و نسافر أبرك من هالـ6 ساعات في ليلة وحده !


و بس

[QATAR 77]

تكاليف العرس 500 ألف ؟
أحطها في حساب الزوجة و نسافر أبرك من هالـ6 ساعات في ليلة وحده !


و بس

فكرة ممتازة و المرة تسوي حفلة استقبال بالمبلغ :)

[اسعاف]

احسن شي
يعملون خطوبة
وعشه
ويسافرون شهر عسل نفس الليلة
هكذا يعمل في بعض دول الخليج
وتكاليف العرس حطوهه في بيت الزوجية والاثاث ابرك لكم

[بنت الجزيرة]

الاكتفاء بحفلة وحده وثاني يوم يسافرون ولكن الله يعينهم على كلام الناس .. لكن راحة البال أهم من كلامهم ..
يبي لنا حملة على تويتر قلل من تكاليف زواجك واسعد حياتك

[koketa]

حفل الخطوبه يكون على العروس ويكون في نطاق عائلي في البيت وبسيط

[يمامـة]

ضد سواء كان على العروس او المعرس..

لكن لو الأهل يبون من نفسهم يسوون حق بنتهم عادي
اذا هل المعرس يبون يسوون للعروس كيفهم..

واذا هل العروس طلبوا والظروف المادية تسمح بعد عادي..

لكن الأفضل ان نلغي مثل هالمظاهر وتكون مثل هالحفلات في حدود ضيقة جدا..

[Mbarkaji]

تحياتي. انا مع عدم الغاء حفل الخطوبة بشرط عدم الاسراف فقد جرت العادة ان تكون في بيت العروس وبعض التجهيزات البسيطة طاولات كراسي عدة اصناف من الحلوي لاغير

[خزامئ]

حن للاسف توهم هابين فيها عندنا
وكل مالها في تطور
وبذخ ماله داعي
انا معاها اذا بس اهل العروس الخاصين واهل المعرس الخلصين بس

[نوار قطر]

لاخطوبه ولا عرس المفروض ولا حفله نهائيا ..

ملجه وشهود ودفع مهر 50 الف ريال وخذ زوجتك بعبايتها ...

والسلام عليكم وعليكم السلام ..

حمد ترى في ناس يبون يسوون اعراس وحفلات ،ياخذها بعبايتها ليش ان شالله ،،ى ماتبي بعد يدزونها عليه بزوليه ،؟ ،، انت شد حيلك واذا ملجت خذها وطير فيها ،، تدري مب لازم تسافر احجز اسبوع في حدى هالفنادق ،وعقب ودها بيت الزوجيه العامر بحسك ،، بس طالبتك ياحمد اذا ملجت وبتسوون عرس ابيك تعزمني ،،، انا مااحب اروح اعراس استثقل الروحه بس عرسك يمكن اخذ اجازه طول اليوم عشان استعد نفسيا له :discuss: عاد لاتفشلني وتقول مب عازمج:shy:

[طلعة الروح]

صبحكم الله بالخير جميع
لا يخفى عليكم العبئ المادي الذي يتحمله الشاب على حفل الزواج وحفل الخطوبه وحفل الرجال
لذا اقترح ان يلغى ( حفل الخطوبه ) لتقليل العبئ المادي على كاهل الشاب المقبل على الزواج
ارجو منكم ابداء آرائكم والنقاش لما فيه خير ومصلحه للزوج والزوجه المقبلين على بناء اسره موفقه .
تسلمون

أتفق معاك، خل يوم الملجه عباره عن حفلة بسيطة ف بيت العروس ولبسها الشبكه.

[الصغيره]

حي الخطوبه حيااااه يعني يازينها قل يلقون الحناء يلقون الهديه اللي هي دخول العروس بيت الزوجيه يلغون الصباحيه الصراحه شفت برنامج واحد لبناني تزوج سيرلنكيه يقول اللبنانيه بدها مصاريف

اقول تعال شف القطريه الله يرحم حالك

[قطــ86ــر]

ضد و بقوة

وان كان لابد (لاي سبب) فــ من الافضل ان تكون حفلة صغيرة\ عشاء بين الاقارب فقط

ليش الديون و ليش المخاسير على اشياء تافهة
المبالغ الخرافية اللي صارت (تحرق) في هالحفلات من الممكن ان الناس تسوي فيها اعمال خيرية كثيرة
من مساجد و آبار و تفريج كرب و و و...

وطبعا لا ننسى ان الكثير يقيم هالنوع من الاحتفالات على حساب سلفية البنك



و الله يوفق كل المقدمين على الزواج و يرزقهم الذرية الصالحة :)

[رهج السنابك]

الحين في بعد حفله ال bride shower
بالعربي حفله سبوح العروس تكون قبل العرس
هابين فيها البنات وتارسين الا نستغرام صور

[حسن]

الحين في بعد حفله ال bride shower
بالعربي حفله سبوح العروس تكون قبل العرس
هابين فيها البنات وتارسين الا نستغرام صور

يالله لاتخفسنا من تصرفات البنات من جذي الجو نار جهنم
حسبي الله عليهم وعلى الكدايش اللي عندهم تسحبه وهو يقول انبببباع

[نوار قطر]

الحين في بعد حفله ال bride shower
بالعربي حفله سبوح العروس تكون قبل العرس
هابين فيها البنات وتارسين الا نستغرام صور

الصراحه اول مره اسمع عنهااا

[كيلو حديد]

مع إلغاء شيء تافه لا قيمة له
الخطوبه كلها على بعضها مالها داعي

[ثنايا الروح]

:victory::victory:مراسم الزواج بالنسبه لي هي تكاليف كثيره وديون ولكن ان كان الشخص قادر على هذه التكاليف فلامانع من الوناسه وفيها ذكريات كثيره وجميله.

[Class - Qtr]

السلام عليكم
احد الاصدقاء تقدم للزواج من بنت الولد ثانويه والبيت جامعيه الاب والبنت قالو ولدكم راعي مسجد
اول مايملك يااخذ البنت مانبي عرس حفله بسيطه لا اكثر للنساء عندنا في البيت وهو يعزم ربعه
واهله علي عشا في بيتهم وانتهي الموضوع وهم في خير وهو في خير
بالنسبه لحفله الخطوبه شو علغŒ الفاضي يتبرع بالمبلغ لاهل غزة

[الجـــوديّ]

مع البساطة في كل شي
بلا تعقيدات وبلا تكلف
خطوبة بسيطة بين عايلتين المعاريس
يكون الهم الرئيسي الفرح والوناسة ومباركة العرس
مب التوزيعات والمصورة وهذي قالت وهذي افعلت

[MaRuKoO]

حفلة الخطوبه عالبنت .. اذا بغت اتسويها هي تسويها .. والريال اذا حب يساعدها فالكيكه او اي شي يكون من نفسه ..

لا يقصون عليكم بعض البنات :secret:
صح كلامها ترى هههههههههه