,,,,, نداء الى شركة وقود,,,,,

[بومحمد55]

لماذا لا يتم صرف كابونات للبترول للحد من ظاهرة الغش والسرقة من قبل السائقين ...

أنا كنت أتعامل مع محطة البترول اللي جنب الجوازات كل شهر أروح أخذ منهم كوبونات

بـ500 ريال كل كوبون بـ10 ريال . وبعد أنتقالي الى البيت الجديد فأقرب محطة عندي

وقود الغرافة أو وقود الريان . لما أعطي السايق مبلغ لتعبئة البترول يجيب لي الفاتوره

على أن تم التعبئة بكامل المبلغ ,, وفيه مره كنت لابس رياضه مريت وقود وعبيت 80 ريال

وقلت له عطني فاتوره 70 ريال وعطاني الفاتوره بمبلغ 70 ريال .

أتمنى من وقود العمل بنظام الكوبونات . أو عمل بطاقة نفس الصراف qnb .

[Super Cool]

ترى وقود عندهم كوبونات

[بومحمد55]

ترى وقود عندهم كوبونات

رحت وقود الغرافه قالي مافي

[حسن]

انا اشوف حتى نظام الكوبانات فيها سرقه فا نظام البطاقات وفيها رقم السياره مع ايصال ن المحطه بالتعبئه بواسطه
اله مهب خط يد هني بنوكون على الاقل فرضنا رقابه على السرقه

اتمنى اداره وقود توفر هذه الخدمه فا ماعرف اذا هذي موجوده لهم ولا لا

[مواقف النجادة]

و ياريت بالمرة يوفرون زيت تويوتا و نيسان و موبيل في قسم تغيير الزيت .. عشان نبدل الايل عندهم .. بدال ما يكون القسم فاضي و عمّاله يكشون ذبان .. مثل ما هو حاصل حاليا!

[Super Cool]

رحت وقود الغرافه قالي مافي

روح خذ من فرع ثاني اذا عندك الدفتر تراه يمشي في كل الفروع بس بعض الفروع تخلص دفاترها بسرعة

[سعادة الوزير]

انا غاسل يدي من هالشركة التعبانة وكل الشركات التابعة لها ، المفروض انهم يلغونها ويعيدون خصخصة هالقطاع مرة ثانية مثل قبل ، كفاية بوق عيني عينك.

[R 7 A L]

طايحين سرق هالسواقين

[خزامئ]

احسن شي بطاقه مثل محطات التيسير ممتازه ولا فيها مجال لسرقه
والمفروض وقود متطوره اكثر من الي غيرها
والي ساير هي متخره من زمن الدينصورات للاسف