ماهو موقفك في العمل عندما يتكلمون عن سفراتهم

[الماريّة]

السلام عليكم ورحمه الله وبركاته


موضوع ع السريع كيف الحال جميعا ....


ماهو موقفك وكيف تتصرف لما كل تكون موظف في قسم واغلب الموظفين معاك ماشاء الله لا اله الله
اهل سفرات دااااائمه الله يونسهم مش حسد لكن غبطه لهم
وانت ماتقدر تسافر بسبب ضرووووووفك الخاصه
ولما يرجعون من السفر يبدأون يتكلمون عن رحلاتهم ومغامراتهم وانت جالس فقط مستمع
و ياثر فيك كلامهم عن السفر والطبيعه و البراد وتتمنى لو تصير مثلهم :secret:

ماهو الحل برأيكم لان فعلا تتعب نفسيا ومعنويا و عمليا واعصابيا
:weeping:


افيدووووووووووووووووووني

[QATAR 77]

الشبعان ما يفتكر

[عس عس]

ههههههه
الله كريم

[بريق الحق]

السلام عليكم ورحمه الله وبركاته


موضوع ع السريع كيف الحال جميعا ....


ماهو موقفك وكيف تتصرف لما كل تكون موظف في قسم واغلب الموظفين معاك ماشاء الله لا اله الله
اهل سفرات دااااائمه الله يونسهم مش حسد لكن غبطه لهم
وانت ماتقدر تسافر بسبب ضرووووووفك الخاصه
ولما يرجعون من السفر يبدأون يتكلمون عن رحلاتهم ومغامراتهم وانت جالس فقط مستمع
و ياثر فيك كلامهم عن السفر والطبيعه و البراد وتتمنى لو تصير مثلهم :secret:

ماهو الحل برأيكم لان فعلا تتعب نفسيا ومعنويا و عمليا واعصابيا
:weeping:


افيدووووووووووووووووووني

لنا الاخرة باذن الله (:

الصراحة الي يعصب ويتعب ماعنده سالفه شنو يعني ماسافرت هههههه
عقول بلاستيكية ( ماقصد حد بس اعبجتني )

[سارونه]

السلام عليكم ورحمه الله وبركاته


موضوع ع السريع كيف الحال جميعا ....


ماهو موقفك وكيف تتصرف لما كل تكون موظف في قسم واغلب الموظفين معاك ماشاء الله لا اله الله
اهل سفرات دااااائمه الله يونسهم مش حسد لكن غبطه لهم
وانت ماتقدر تسافر بسبب ضرووووووفك الخاصه
ولما يرجعون من السفر يبدأون يتكلمون عن رحلاتهم ومغامراتهم وانت جالس فقط مستمع
و ياثر فيك كلامهم عن السفر والطبيعه و البراد وتتمنى لو تصير مثلهم :secret:

ماهو الحل برأيكم لان فعلا تتعب نفسيا ومعنويا و عمليا واعصابيا
:weeping:


افيدووووووووووووووووووني


الموضوع عادي :) مايأثر فيني بالعكس انبسط لما اسمعهم يتكلمون عن سفراتهم ووناستهم (الله يزيدهم)

اما اني اتضايق لاني ماسافرت او هم احسن مني هههههه بالعكس عادي لين يصير عندي بسافر وبقولهم

:)

[راجي العفو]

الله يحيج اختي ..

من راقب الناس ..مات هما ..

والقناعة .. كنز لايفنى ..

وأمور الدنيا ، ينظر الناس فيها لمن هو أسوأ و أقل منه حالا ، ولا ينظر إلى من هو أعلى منه ..

وفي أمور الدين بعكس ذلك ..

في الحديث : (( انظروا إلى من هو أسفل منكم و لا تنظروا إلى من هو فوقكم فإنه أجدر -أحرى و أحق - أن لا تزدروا - تحقروا - نعمة الله عليكم ))

مع التحية ..

[الجـــوديّ]

موقفي موقف أي مواطن قطري لوووووول

اسمعي منهم وشوفيهم شلون مرتبين حق السفرة فيه بعض الناس فنانين والواحد يستفيد منهم
وماشيهم اي فندق سكنتوا وشنوا مزايا الفندق .. على أساس انتي مو اقل منهم هههههه
وحطي هالاشياء في بالج لين الله يفرجها وتسافرين وتحطين لنا تقرير بعد هههههه

[غريب الدّار]

أطالب بتثبيت الموضوع في الاستراحة

[صمت القلوب]

القناعه كنز لايفنى ... واقول بخاطري الله يرزقهم ويرزقنا :)

[R 7 A L]

عندك حلين
الاول يا انك تسافر مثلهم
او انك تكيف نفسك مع وضعك الحالي
وخليك مع مهرجانات صيف قطر هههههه

[ودي أكون]

بالنسبه لي افرح لهم .. ربعي كلهم يسافرون .. ومرات يصادف يسافرون بنفس الوقت ويحنون علي عشان انروح كلنا بنفس الوقت .. انا ارفض لاني ماحب السفر
وكم مره جاتني سفره من الاهل مكفول محمول واقولهم ماحب

لاني استخسر اصرف فلوس ع اشياء تافهه ! .. وبالنسبه لي السفر من الامور التافهه ولله الحمد ..

الا اذا كانت ع مكه .. اول اسم لازم اسمي ..

[Right]

يعني هياط ومفوشر على الخرطي


إلي يسوي هالحركات مو مصدق أنه سافر

[sweet qatar]

انا مع جاكلين قطر

استفيدي منهم وتعرفي علي الأماكن والفنادق

اما اذا هم راعين زبو و مفوشر بدون اي شي مفيد
طنشيهم


عسي الله يرزقج سفرة حلوة تبرد علي قلبج
وترجعين الدوام وتسولفين عنها :o

[عابر سبيل]

السلام عليكم ورحمه الله وبركاته


موضوع ع السريع كيف الحال جميعا ....


ماهو موقفك وكيف تتصرف لما كل تكون موظف في قسم واغلب الموظفين معاك ماشاء الله لا اله الله
اهل سفرات دااااائمه الله يونسهم مش حسد لكن غبطه لهم
وانت ماتقدر تسافر بسبب ضرووووووفك الخاصه
ولما يرجعون من السفر يبدأون يتكلمون عن رحلاتهم ومغامراتهم وانت جالس فقط مستمع
و ياثر فيك كلامهم عن السفر والطبيعه و البراد وتتمنى لو تصير مثلهم :secret:

ماهو الحل برأيكم لان فعلا تتعب نفسيا ومعنويا و عمليا واعصابيا
:weeping:


افيدووووووووووووووووووني

المكثرين من السفر...
واحد من اثنين..

اما انه "هارب" من واقعه!!
و يخفي ذلك بهذه السفرات..

او انه له مصلحه حقيقية في هالسفرات..
ليس له بد من التعني و السفر لاجل ذلك..كالعمل/ التجارة..
او للذهاب لأهله..او ربما زوجه ابناء في الخارج!!:secret:

لذا، فليس السفر الكثير دليل قطعيا
على "كمال" ظروف المسافرين المكثرين..

بل ان المتأمل في واقع كثيرين من هؤلاء..
يجد "خللا" ما..و ان كان لا يُرى:secret:
*
*
،،
عموما..على المرء ان يعرف ما الذي يجلب له
ما يعينه على الترويح عن نفسه..و تسليتها ( بالحلال)..
و لا يقتصر ذلك على السفر فقط..
و ان كان في الغالب..
ان السفر يسهم في التفريج و الترويح عن المرء!!

[ANONYMOUS]

طلبي زعتر ساده

واذا كانوا من النوع اللي مايسكتون

طلبي تركش بدوش شوقر

[طبيب قطري]

ماعندي وقت بسبب طبيعة شغلي ، واغلب الدكاتره حولى نفس الشي حتى اذا بنطلع مؤتمرات مانشوف الشارع الا اخر يوم.. الحمدلله ماعندنا هالعالم اللي تسولف عن سفراتها ووناستها..

[العلياا]

دائما اتعرض لهالموقف بالعكس انا مستمعه جيدة
واسال واسولف عادي

الله يرزقنا واياكم الجنة :)

[بريق الحق]

ماعندي وقت بسبب طبيعة شغلي ، واغلب الدكاتره حولى نفس الشي حتى اذا بنطلع مؤتمرات مانشوف الشارع الا اخر يوم.. الحمدلله ماعندنا هالعالم اللي تسولف عن سفراتها ووناستها..

الله لا يشغلك الا في طاعته وفي مساعدة الناس

[Bin Hood]

السلام عليكم

الشيخة الموضوع عادي جداً

السوالف عن السفر ما أشوف انها فيها نوع من "الشو"

ربعي بعد ما شاء الله سفراتهم ما تنعد

هب شرط ان حالهم افضل مني

وانا شخصيا أتعامل من سوالف السفر مثل اي موضوع

وان شاء الله تسهل أمورك وتسافرين سياحة ودراسة

[توشيبا]

نص اللي يسولفون علي سفراتهم هياط في هياط

مره واحد ملغ يسولف كانه الوحيد اللي راح تركيا سالته عن اماكن مشهوره ومعرفوه قال ماعرف طيب عيل وين رحت كله في الفندق ككككككككككككككككككك


ماحب اسولف عن سفراتي حق اي حد

كلي اسرار

[qatari 111]

اطنش اعيش انتعش ...

واللي يتكلم عن السفرات انا رحت وسويت بكثره هذولا حديثي النعمه .. بو سفرات الحسا على ايام زمان

[JN000N]

انا دايما احط ف بالي اللي مايحصلي احين ان شاء الله بيي يوم وبيحصل لي وبسوي الي ف خاطري
انتي بعد نفس الشي علمي تفكيرج لين سمعتي شي حلو وطاح ف خاطرج قولي تن شاء الله انا بعد بيصير لي جذي مب شرط احين ومب شرط يكون مستعجل جتى لو عقب سنين مرده ان شاء الله بيستوي

[الأسبانية للمصاعد]

اعرف ناس ايروحون الحسا وايحطون صور انترلاكن

ايش هالنقص

[الزعفراني]

من صجج هالكلام والا تتغشمرين ؟؟ ههههههههههههههه

للحين في ناس نفسيات بهالطريقة ؟

[Bin Hood]

يا جماعة الموضوع لا نفسية ولا شي

اذا نفسية لماذا السواد الأعظم من صور الانستغرام صور سفر ؟؟؟

وإلا هذه غير !

[ريتويت]

اقول ماشاء الله يحيكم سافرتو وانا لا وخاطري اسافر انا بعد وعقب ارد البيت واصيح

[جبر ال جبر]

احتر صراحه

[Aaziz]

انتي المستفيده الله يهداج
خل يسافرون و استغلي ظروفج بشكل افضل و اقعديلهم على الصوغه
تسمعين ببلاش مايصير :omen2:

[مسمس12]

عادي بالعكس يمكن تستفيدين عقب من بعض الاماكن والفنادق وهالتفاصيل

والله يرزقج مثل مارزقهم والله كريم

[ودي أكون]

اقول ماشاء الله يحيكم سافرتو وانا لا وخاطري اسافر انا بعد وعقب ارد البيت واصيح

ولا تصيحين ولا شيء حبيبتي .. عبالج كل اللي يسافرون يستانسون.. يقصون عليج ترا
الا ماتصيدهم متاعب في السفر ويتحسفون فالسفره وعقب مايردون يحسون انهم استانسوا !!
وغير المصاريف اللي صرفوها بدون وجه حق.. والصوغ الخ

ودام ف خاطرج ما اقول الا الله يرزقج سفره تقضين فيها اجمل واحلى ايام عمرج فيها ان شاءالله


اللهم امين

[شبح الصمت]

عادي اموري طيبه واستانس لهم

اقل ما فيها يعيشونا الجو

:shy:

الكبار خلاص طافهم التفكير والاحساس

بس الصغار مساكين الي عيني عليهم مساكين يجون يقارنون آباء وآمهات ربعهم في آبائهم وآمهاتهم


اهنيه ينكسر قلبج يوم تشوفين هالياهل يتكلم وخاطرك تسوين له شيء وما تقدرين ..


اهنيه ستوب


الله يرزق الجميع

[Dana’1]

غريبين الناس الي يشوفون ناس بظروف صعبة وتنقصهم بعض ملذات الدنيا ويهذرون قدامهم عن هالملذات عن سفرة او غيرها
قد ما أقدر ما اسولف عن اي نعمة رزقني الله بها قدام من يفقدها...ممكن اخذ واعطي مع من يملكها
وبالأول والأخير هالنعم من الرزاق سبحانه لا حول ولا قوة لنا إلا به سبحانه

[pure]

ههههههههههههههه


شفيها الدوحه تهببل سونا طبيعيه ,, اذا سولفو عطيها وضعية المستمع ولا المشغول

عاد الله والسوالف رحتي لهذاك ؟ اي ررحت يهبل .. رحتي لذاك ؟ اييي وااو جفتي هذاك .. اييييييي جفته ...عجيب ريحته

طوووووفي :rolleyes2:

[7llo]

هههه ذكرتني في مديرتي كانت تسالني وين بتسافر قلت له بروح ماليزيا كانت حاجزه للمغرب كنسلت المغرب وحجزت على ماليزيا :) هههههههه

[h2004]

قل في داخلك الله يريد لي في ذلك خيرا كثيرا فهذا هو حسن الظن بالله فيقول احد السلف الصالح فوالله لو فتحت لنا الحجب اي السماء لنختار احوالنا بأنفسنا لن نختار الا ماهو نحن عليه فذاك اختيار الخالق فلنرضى به .
على فكرة انا حاليا في نيويورك ولفيت عدة ولايات حيث الطبيعة والمدنيّة الا اني لا ارى سوى اننا اهل قطر بخير ونعمة سواء سافرنا او لم نسافر فالنحمدالله على نعمه التي حبانا اياها في قطر الغالية .. حفظنا الله جميعا حكومة وشعبا وقادنا الى الخير أنا كان

[طلعة الروح]

السلام عليكم ورحمه الله وبركاته


موضوع ع السريع كيف الحال جميعا ....


ماهو موقفك وكيف تتصرف لما كل تكون موظف في قسم واغلب الموظفين معاك ماشاء الله لا اله الله
اهل سفرات دااااائمه الله يونسهم مش حسد لكن غبطه لهم
وانت ماتقدر تسافر بسبب ضرووووووفك الخاصه
ولما يرجعون من السفر يبدأون يتكلمون عن رحلاتهم ومغامراتهم وانت جالس فقط مستمع
و ياثر فيك كلامهم عن السفر والطبيعه و البراد وتتمنى لو تصير مثلهم :secret:

ماهو الحل برأيكم لان فعلا تتعب نفسيا ومعنويا و عمليا واعصابيا
:weeping:


افيدووووووووووووووووووني

اللي بيسافر الله معاه مب ضروري يسوي ضجه من حوله وللي حوله قبل وبعد واثناء السفر وهاي اللي صاير
محد يتكلف غير اللي منثبر بالبلد وشغلته يودع ويستقبل المسافرين.
والطبيعي ان الواحد مايتكلم بتفاصيل سفرته الا اذا المستقبل طلب معرفتها،
أما الحديث الكثير والاسترسال بدون طلب فيعتبر ملاغة غير مرغوب فيها، لأن مب كل الناس تتقبل هالنوع من الاحاديث وتراها سخيفه،
ف المفروض اللي حوله ينبهونه بأنهم غير مهتمين بهكذا موضوع ولا يرغبون في سماعه.

[Qatar Perfume]

خل يتكلمون كلها الا سفره في السنه و شي طبيعي اللي في الدوام معاك 7 ساعات في اليوم و تشوفهم اكثر من هلك يعني لو تكلمو مافيها شي يشاركونكم.. بعدين مافي حد مايسافر هالايام

طبع فيني لو بسافر ما اتكلم و لا اقول لحد و اروح و ارجع ولا حد يدري عني.. (( اقضو حوائجكم بالسر و الكتمان)) لان حتى الناس اللي شايفه خير و كله تسافر بتطير عيونهم على هالسفره و اذا احتدت الامور اقول رايحه دبي :nice:

[Al Basha]

الشبعان ما يفتكر
عجبني ردك، واللي عينه مليانه من خير الله ما تهمة السفرات حتى ولو ماسافر أبد أو ظروفه ما تسمح له يسافر. القناعة تبدأ من الشخص بذاته وتنتهي بذاته ومحد يكتسبها من زود سفر أو من زود فلوس، القناعة من زود الإيمان.


الموضوع عادي جداً بالعَكس لو حد بيسافر أتصل له قبل السفر وأقضي وياه مشاويره وأعينه وأعاونه ويوم السفر لو قدرت وديته المطار بعد. والتربية تلعب دور، ما أقصد تربية الأهل، لكن تربية الشخص لذاته، الإنسان يتفكر في اللي عنده وما عند غيره، ويستعظم إنه بخير وصحة وعافية وهالشي يسوى كل السفريات اللي أصلاً جزء كبير منها سفرات علاج الله يشافي كل مريض ، ومثل ما ذكر أحد الإخوان، أستفيد منهم خاصة لو يسولفون عن سفرهم بشكل غير مبتذل.
أهم شي لا ترضين على الوضع الحالي اللي إنتي فيه، وأقصد فيه إن تردين البيت وزعلانه أو تتحسرين، هالشي أعتبره من الضعف في قلب الإنسان وعدم القناعة.

[Charisma]

http://1.bp.blogspot.com/-h4mvRZczYm0/T9vgdSgeT7I/AAAAAAAAAiY/LApMCq7uG58/s320/%25D8%25B8%25D8%25A7%25D9%2587%25D8%25B1%25D9%2587 +%25D8%25A7%25D9%2584%25D8%25AA%25D8%25AB%25D8%25A 7%25D8%25A4%25D8%25A8+..%25D8%25A7%25D9%258A%25D8% 25AC%25D9%2589+%25D8%25B3%25D8%25AA%25D8%25A7%25D8 %25B1%25D8%25B2.jpg

هذا موقفي عن سوالف السفر .. .:(

[المحاميه]

مب لازم نسافر يا زينها بلادنا
الله يديمها علينا من نعمه

عادي أختي سمعي مغامراتهم جود تصير عندج خلفيه عن هالبلاد عشان لين الله رزقج ورحتي تكونين عارفه شالومي

ولا لي عطوج فجه غيري الموضوع ودشي عليهم بالريوس

[قطري 777]

الغبطه عند البنات في موضوع السفر اكثر كنسبه من الشباب ع العموم فهمت من الموضوع انج موظفه ليه ماتسوين اغراء حق زوجج ونقولينه انا عازمتك مثلا وهو عليه اذا سفره بلاش مارح يقاوم او حد من اخوانج مثلا اذا عزابيه كل مشكله لها حل بسس الموضوع يبي قهوه ومخمخه ...

[ودي أكون]

الغبطه عند البنات في موضوع السفر اكثر كنسبه من الشباب ع العموم فهمت من الموضوع انج موظفه ليه ماتسوين اغراء حق زوجج ونقولينه انا عازمتك مثلا وهو عليه اذا سفره بلاش مارح يقاوم او حد من اخوانج مثلا اذا عزابيه كل مشكله لها حل بسس الموضوع يبي قهوه ومخمخه ...

لا تسمعين كلامه ترا يقص عليج هههه

امسكي فلوسج لج احسن .. واذا حبيتي تعزمينه اعزميه ع شاي كرك عالبحر :tease:

[مهرة]

I don't care at all !! don't let these idiots ruin your life

[Right]

I don't care at all !! don't let these idiots ruin your life




نو إنقلش ما فيه معلوم :weeping:


عربي :victory:

[العساس]

نو إنقلش ما فيه معلوم :weeping:


عربي :victory:






الترجمه انه مايهمه نهائيا ولاتلتفت ..........ويخربون حياتك

[Right]

الترجمه انه مايهمه نهائيا ولاتلتفت ..........ويخربون حياتك




شكراً :)

[العساس]

شكراً :)






على راسي

[ms-qtr]

الوناسة مش مقترنة بالسفر
ممكن تستمتعين وانت في البلد اذا ما تقدرين تسافرين
روحي بين فترة والثانية مطاعم , زيارات ,شاليهات مع الأهل وسويلج جو
الإنسان ضروري يرفه عن نفسه بين فتره والثانية
والقناعة كنز لا يفنى