استفسار عن الدفع بالكريدت كارد عن طريق iphone card reader

[الجـــوديّ]

من عنده فكره عن استخدام قارئ البطاقات الائتمانية باستخدام الايفون

مثل اللي في الصورة وفي أنواع ثانية

http://www.cardpaymentoptions.com/wp-content/uploads/2012/11/iphone-credit-card-processing.jpg

https://encrypted-tbn2.gstatic.com/images?q=tbn:ANd9GcTilZ0jGHI7M6e6p37Rm4AKt8Idapw5p hQQvzKzrliKBUO3F7ak

والتطبيقات في أب ستور وايد

لكن كلها تطلب يكون عندي عنوان ورقم شخصي في أمريكا

شالحل برايكم .. ابي تريك

مع العلم ان ما عندي بطاقة شخصية ولا بزنس في أمريكا عندي بس في قطر

[المبرمج صلاح]

هلا اختي ما الحاجة الي هذا الجهاز ؟؟؟
هل هو الشراء من الانترنت سواء برامج او من الاسواق العالمية ؟؟ اذا كانت الاجابة نعم

فانتي محتاجة بطاقة فيزا عالمية وليس بطاقة سحب اللي اغلبنا يملكها

البطاقة الفيزا تقدري تاخذينها من اي بنك بحجز مبلغ من رصيد فيها او في نوع مسبق الدفع يعني تدفعي 500 ريال تاخدي بطاقة قيمتها 500 ريال

عني شخصيا انا مسوي من بنك المصرف الاسلامي بطاقة فيزا كلاسيك قيمتها 2500 ريال وبعبيها لمن احتاج من رصيدي بالتلفون او برنامج المصرف عالجوال

لاستخدام هذه البطاقات لاتحتاجين الي اي جهاز بمجرد انك تحطي الرقم الطويل (xxxx xxxx xxxx xxxx) واسمك وتاريخ الانتهاء تقدري تشترين من اي موقع ومن الابل ستور ومن اي مكان

بالتوفيق لكي ان شاء الله

[الجـــوديّ]

انا بادية في بزنس جديد من البيت وطبعا عليه تحصيل مبالغ
مابي اخلي المندوب يشيل كاش
قلت فكرة اني اطور شغلي واستخدم التقنية الحديثة
شفت في التلفزيون ان فيه ناس عندهم بزنس صغير ويخلون الناس يدفعون لهم بالبطاقة
يعني انا اديت لك خدمة .. وماعندك كاش وتبي تدفع بالبطاقة
مجرد اركب قطعة صغيرة في الايفون كارد ريدر واكون نزلت احد التطبيقات وسجلت فيها
وخلاص استقبل الرسوم في حسابي :)
الحين انا عندي القطعة ونزلت اكثر من تطبيق لكن كلهم يطلبون رقم شخصي امريكي وعنوان في امريكا
دورت على شركات عربية .. وشكلي بابطي علشان القى :(
طبعا الشركة المطورة للتطبيق تاخذ نسبة على كل swap .... هذي النسبة مزعجة .. ومابي اتراجع عن الفكرة الا اذا شفت مامنها فايدة

[mE mYself & i]

اختي اعتقد ان ال paypal اسهل واكثر امانا

[الجـــوديّ]

اخوي تقصد لما انا ادفع حق حد
والا لما حد يدفع لي
انا موضوعي لما حد يدفع لي ببطاقة ائتمانية مالته

[المبرمج صلاح]

الحل ابسط مما تتخيلين ولا يحتاج ايفون ولا القطعة اللي انتي مشتريتها

اذهبي لاي فرع بنك qnb او المصرف بتفتحين عندهم حساب وتطلبي منهم خدمة البسنز وبيعطونك جهاز مثل الموجود في الجمعية عند الكاشير في منه نوع يكون محمول يعني يتشحن ببطارية مثل الجوال ويكون شابك على على شبكة اريدو بمجرد ان تضعين بطاقة العميل سوف يتم نقل المبلغ لحسابك فورا

http://images0.sauress.com/alsharq/419740

ولكن ليس عندي اي تفاصيل عن كيفية شراء الاجهزة و الموضوع يجب الاتصال في البنك والاستفسار منه اختي

[Smartium]

بالنسبة لأجهزة الدفع عن طريق الأيفون … فكرتها جميلة جداً وتسهل الكثير …

ولكنها للأسف غير متوفرة في قطر لأنها خدمة يجب أن تقدم من البنوك أو الشركات المالية


هذه صورة لجهاز جميل جداً من شركة Square

http://9to5mac.files.wordpress.com/2014/03/sr-swipe-iphone-e3df889d656d0feb803e6850521a91f8.jpg


Paypal لديهم جهاز مماثل أيضاً
http://www.digitaltrends.com/wp-content/uploads/2013/03/paypal-hands2.jpg

الخدمة والجهاز يسمونهم

Credit card reader
أو
Point of Sale


وكما قلت … الخدمة حالياً غير متوفرة في قطر ويمكنك متابعة البنوك عنها ومتى سيتم طرحها …

ولكن حتى الأجهزة العادية المعروفة… البنوك أيضاً تاخذ نسبة على كل عملية سحب

[w.qatar]

شفته بخواطر و تمنيت يكون عندنا مثله بقطر اضمن و اسهل

[الجـــوديّ]

بالنسبة لأجهزة الدفع عن طريق الأيفون … فكرتها جميلة جداً وتسهل الكثير …

ولكنها للأسف غير متوفرة في قطر لأنها خدمة يجب أن تقدم من البنوك أو الشركات المالية


هذه صورة لجهاز جميل جداً من شركة Square

http://9to5mac.files.wordpress.com/2014/03/sr-swipe-iphone-e3df889d656d0feb803e6850521a91f8.jpg


Paypal لديهم جهاز مماثل أيضاً
http://www.digitaltrends.com/wp-content/uploads/2013/03/paypal-hands2.jpg

الخدمة والجهاز يسمونهم

Credit card reader
أو
Point of Sale


وكما قلت … الخدمة حالياً غير متوفرة في قطر ويمكنك متابعة البنوك عنها ومتى سيتم طرحها …

ولكن حتى الأجهزة العادية المعروفة… البنوك أيضاً تاخذ نسبة على كل عملية سحب

جداً مريحة .. وتخلي التعاملات المالية أسهل

كل التطبيقات تاخذ عمولة بين 1.90 إلى 2.75 على كل swap هذا غير رسوم الاشتراك .. اشوفها نوعاً ما كبيرة ويعطونك القطعة مجاناً وهي رخيصة أصلاً مجرد قارئ بيانات

[الجـــوديّ]

الحل ابسط مما تتخيلين ولا يحتاج ايفون ولا القطعة اللي انتي مشتريتها

اذهبي لاي فرع بنك qnb او المصرف بتفتحين عندهم حساب وتطلبي منهم خدمة البسنز وبيعطونك جهاز مثل الموجود في الجمعية عند الكاشير في منه نوع يكون محمول يعني يتشحن ببطارية مثل الجوال ويكون شابك على على شبكة اريدو بمجرد ان تضعين بطاقة العميل سوف يتم نقل المبلغ لحسابك فورا

http://images0.sauress.com/alsharq/419740

ولكن ليس عندي اي تفاصيل عن كيفية شراء الاجهزة و الموضوع يجب الاتصال في البنك والاستفسار منه اختي

الاجهزة اللي عن طريق البنوك سعرها بروحها حول ثلاثين الف وتتطلب سجل تجاري ومحل مفتوح وأنا شغلي من البيت

[الجـــوديّ]

شفته بخواطر و تمنيت يكون عندنا مثله بقطر اضمن و اسهل

من شفتها في خواطر تولعت ههههه لكن للأسف مالها تطبيقات عربية
الموجودة تعتمدها البنوك الامريكية والصينية بس


لاهنتوا جميع على المشاركة

[mE mYself & i]

اخوي تقصد لما انا ادفع حق حد
والا لما حد يدفع لي
انا موضوعي لما حد يدفع لي ببطاقة ائتمانية مالته

يدفعون لج عن طريق البيبال

[Al Basha]

مرحبا جاكلين، للأسف هالخدمة مب موجودة في قطر، والحمدلله إنج ما طلبتيها من أمريكا لأن حتى ولو ما يطلبون رقم أمريكي، ما راح تشبك على البنوك القطرية، هالنوع من الخدمات البنك يوفرها مب شركة.
وبخصوص جهاز الـ Point Of Sale اللي نصحوا فيه الشباب أنا مستغرب منهم لأن هالأجهزة تنعطى لأصحاب السجلات التجارية فقط.
بخصوص الـ Paypal أبد ما أنصح فيه، إذا جزء كبير من الشعب ما عندة بطاقة إنترنت عادية، تروحين تقولين له Paypal! مب عملي. إضافة إلى إن الـ Paypal ياخذ نسبة على (المدفوع له) بالتالي بيوصل المبلغ فيه نقص، هذا في حال إن الحساب اللي تستخدمينه حساب عادي مب تجاري، Paypal يوفرون حساب تجاري بس أنا ما عندي فكرة عن شروط فتح الحساب التجاري والنسب المستقطعه من هالحساب.
للأسف من معرفتي البسيطة إلى الآن ما تقدرين تتعاملين إلا بالكاش، ما أدري يمكن حد عنده فكرة ثاني ويا ريت تخلينا أبديت بالموضوع عشان نعرف شاللي صار.
وبالتوفيق إن شاء الله.

[الجـــوديّ]

يدفعون لج عن طريق البيبال


لاهنت على الفكرة

بحاول معاهم

لقيت موقع يشرح مقارنة بين تطبيق باي بال وسكوير .. والخدمات المقدمة ... وردود القراء مفيدة جداً

فادني وايد لكن باي بال تشتغل بس في أمريكا-الصين-هونغ كونغ - استراليا


بحط الرابط للاستفادة

http://www.cardfellow.com/blog/paypal-here-vs-square/

[Al Basha]

اختي الأمور ما يخفى عليج هناك عندهم انفتاح على موضوع الدفع الالكتروني عكس بقية الدول وحتى الاجنبيه منها ، يا شيخة في بنوك للان ما عندها برنامج جوال.
قبل فترة طلبت بطاقة atm من بنك في دولة مجاورة ، وأعطوني الـ atm عبارة عن كارد والاسم مطبوع عليها، قلت لهم أبي الأسم حفر، قالوا لي ما عندنا، بطايقهم تقولين كرت اشتراك مسبح :( وقتها بغت تنزل مني دمعه حسرة على اللي قاعدين نعيشه، حتى بتداول النقد ما زال مستوانا سيء.
إن شاء الله تلقين حل وشكراً على الرابط بقعد له من باب توسيع المعرفة،

[الجـــوديّ]

مرحبا جاكلين، للأسف هالخدمة مب موجودة في قطر، والحمدلله إنج ما طلبتيها من أمريكا لأن حتى ولو ما يطلبون رقم أمريكي، ما راح تشبك على البنوك القطرية، هالنوع من الخدمات البنك يوفرها مب شركة.
وبخصوص جهاز الـ Point Of Sale اللي نصحوا فيه الشباب أنا مستغرب منهم لأن هالأجهزة تنعطى لأصحاب السجلات التجارية فقط.
بخصوص الـ Paypal أبد ما أنصح فيه، إذا جزء كبير من الشعب ما عندة بطاقة إنترنت عادية، تروحين تقولين له Paypal! مب عملي. إضافة إلى إن الـ Paypal ياخذ نسبة على (المدفوع له) بالتالي بيوصل المبلغ فيه نقص، هذا في حال إن الحساب اللي تستخدمينه حساب عادي مب تجاري، Paypal يوفرون حساب تجاري بس أنا ما عندي فكرة عن شروط فتح الحساب التجاري والنسب المستقطعه من هالحساب.
للأسف من معرفتي البسيطة إلى الآن ما تقدرين تتعاملين إلا بالكاش، ما أدري يمكن حد عنده فكرة ثاني ويا ريت تخلينا أبديت بالموضوع عشان نعرف شاللي صار.
وبالتوفيق إن شاء الله.

هههههه طموحي عالي

مرحبتين الباشا ... أنا فكرت بالبطاقة لأن في بعض التعاملات تكون المبالغ كبيرة ولو فيه امكانية اخذها بالبطاقة بيكون خيار مريح لي وللمشتري ويترتب الشغل أكثر .. وبلا تأجيل في الدفع ذي بروحه يبي له مراكض

كل الأجهزة والتطبيقات والبنوك ياخذون رسوم ... صحيح هي نقطة مزعجة لكن مع التجربة ممكن يكون لها مزايا تخلينا نقبلها أو نبتعد عنها
حطيت رابط فوق فيه راي الناس اللي جربوا التطبيقات .. لاحظت ان فيها بعد مشاكل من تعليق المبالغ وعدم وجود دعم فني يحل هالمشاكل

مثل ما قلت .. للحين مانقدر نتعامل الا بالكاش .. لان التطبيق مش متوفر في الدول العربية وشكله بيبطي على ما يوصلنا ... هذي الخلاصة من بحثى لين الحين...

شكرا على المشاركة الطيبة

[الجـــوديّ]

اختي الأمور ما يخفى عليج هناك عندهم انفتاح على موضوع الدفع الالكتروني عكس بقية الدول وحتى الاجنبيه منها ، يا شيخة في بنوك للان ما عندها برنامج جوال.
قبل فترة طلبت بطاقة atm من بنك في دولة مجاورة ، وأعطوني الـ atm عبارة عن كارد والاسم مطبوع عليها، قلت لهم أبي الأسم حفر، قالوا لي ما عندنا، بطايقهم تقولين كرت اشتراك مسبح :( وقتها بغت تنزل مني دمعه حسرة على اللي قاعدين نعيشه، حتى بتداول النقد ما زال مستوانا سيء.
إن شاء الله تلقين حل وشكراً على الرابط بقعد له من باب توسيع المعرفة،

من خلال بحثي حسيت احنا لأي درجة متخلفين في استخدام التقنية بشكل عام لتسهيل أمور معيشية بسيطة .. كانت بتنزل مني دمعة الحسرة :(
جاء ببالي لو بنك التنمية تبنى هالتطبيق من باب دعم التجارة المنزلية وزيادتها لدعم الاقتصاد الوطني.. اكيد بيكون له مردود كبير
أمريكا مهتمين ومعطينهم رخص وماطلبوا عليهم سجل تجاري ولوحة ومحل علشان الناس تستفيد وتفيد البلد لين صارت نسبة مدخولهم على الاقتصاد الوطني أكثر من 30%

احنا في قطر وايد اللي عندهم بزنس في البيت لكن كلن يشتغل بروحة والدولة ماتدري عنهم ولاشجعتهم مع ان في بعضهم تجارتهم تقدر بالملايين
إن شاءالله اذا تطور الموضوع ولقيت حلول بحطها والله يوفق الجميع