ياكل بروحه في مطعم

[بوعلاوي]

من يومين تابعت برنامج في التلفزيون عن الاستشارات النفسيه .. سمعت المحلل يقول عن الشخص اللي يقعد بروحه في مطعم وياكل
هو شخص ضعيف الشخصيه ومعقد نفسيا ..

استغربت من كلامه مب شرط اللي يقعد بروحه شخص مريض .. انا مرات احب اقعد بروحي افكر في موضوع او تصير ظرف رفيجي اعتذر


انتو شرايكم
هل اللي يقعد بروحه في مطعم مريض نفسيا وضعيف الشخصيه
وهل لازم اللي يدخل لازم مع ربعه يجتمع

[Bin Hood]

انك تتناول وجبة في مطعم بالذات بروحك فالموضوع صعب بالنسبة لي

لان المشاركة لها طعمها اكثر من الطعام نفسه

وعندما نذهب لمطعم مع شخص او جماعة فاغلب الوقت يكون في الحديث وتغير الجو

اما الأكل فلا يأخذ سوى عشر او ربع ساعة

اذهب لوحدي في حالت الجوع الشديد

وأيام الدراسة كثير من المرات كنت أتناول الطعام لوحدي

[Dana’1]

لا مو كل واحد طبعا
بس يمكن الدكتور يقصد الي ياكل بروحة بدون ظرف معين وبطبعة ما يحب أحد يشاركة بالجلسة والأكل كعادة دائمه له

[بوعلاوي]

عن نفسي قبل ما اقعد اتاكد مافي حد .. لكن اذا في ناس ما اعرفهم قاعدين
احس احراج ما اعرف اكل على راحتي .. اخذ الطلب واكل في السياره او البيت

او موقف ثاني اثناء وانا اكل يدخلون شباب اعرفهم يخربون علي هههههههههه مضطر ادفع عنهم الحساب

[بوعلاوي]

انك تتناول وجبة في مطعم بالذات بروحك فالموضوع صعب بالنسبة لي

لان المشاركة لها طعمها اكثر من الطعام نفسه

وعندما نذهب لمطعم مع شخص او جماعة فاغلب الوقت يكون في الحديث وتغير الجو

اما الأكل فلا يأخذ سوى عشر او ربع ساعة

اذهب لوحدي في حالت الجوع الشديد

وأيام الدراسة كثير من المرات كنت أتناول الطعام لوحدي

ممكن في الجامعه او المدرسه ظرف خاص ممكن الطالب يبي يذاكر ويحل المسائل يقعد بروحه بدون ازعاج

لكن في المطاعم الشعبيه يكثر فيها الزوار شخص يقعد بروحه ممكن يقال عنه شخص معقد ومنعزل

[بوعلاوي]

لا مو كل واحد طبعا
بس يمكن الدكتور يقصد الي ياكل بروحة بدون ظرف معين وبطبعة ما يحب أحد يشاركة بالجلسة والأكل كعادة دائمه له

على حسب الظروف ممكن الشخص عنده مشاكل او موضوع شاغل نفسه يحتاج يقعد بروحه في هذا الوقت

[QATAR 77]

يا معقد :eek5:

[S S]

ماعتقد مب شرط انه رغبه ربعك او هلك فى الجوع والأكل بتكون معاك ولا لاازم مرافق معاي يمكن يقصد حالات معينه ومذكرها بضبط

[fhd4]

شخصياً … ما آكل بروحي في مطعم إلا اذا كنت مسافر رحلة عمل بروحي!

[R 7 A L]

المفروض يابوعلاوي
قبل لا تدخل المطعم وتطلب تقعد عند الباب
وبصوت عالي تقول حياكم حياكم شاركوني
ولا اذا حصلت ناس عايلة اي شي ياكلون اسحب لك كرسي وقول كل مشروك مبروك هههه

[مضارب دوسري]

احلى وقت اللي يقضيه الواحد بروحه
يرتب اموره
عن نفسي ياما قعدت بروحي
جمعة الشباب لها وقت
وان الشخص يكون بروحه لها وقت

[A-Alansari]

عاد اليوم متغدي بروحي يوم شفت عنوان الموضوع اقول اوهو ليكون شافني هههههه

ياخي مب تعقيد ولا شي بس راد من الدوام والشباب مب متفرغين وكان خاطري في بندروزا

قلت ماخليها بخاطري ورحت كليت

[Al Basha]

محد معقد غير اللي قال هالكلام،
عسى ماشر، من وين اقعد القط ناس ياكلون وياي :)
الظاهر لازم نسوي موضوع مين بياكل اليوم عشان نتجمع ونروح المطعم سوى :) ما نبي تصير معقدين،


خذ وخل

[JN000N]

اي والله صاج
انا التمست هذي الحاله النفسيه ف ناس ف دوامنا

[الخيالة]

لا طبعا عادي يمكن أكون بره ماعندي وقت محد معاي وأبي أكل باروح مطعم أكل وباطلع عادي علي كيفهم سوونا مرضي نفسيين ومعقدين

[المحقق كونان]

واحد من الربع مايقدر يروح مجمع بروحه يشتري زرار او قلم لازم حد معاه واتصالات في فلان وعلان

:rolleyes2:

[.. الكاش ..]

مب شرط ممكن اقضيلي شغله واروح اتريق واكمل مشاويري ويمكن تكون مشاوير خاصه مب شرط حد يكون معاي وقتها للاسف تحليل خاطئ من وجة نظري الشخصيه

[بـارود]

عادي أخوي
أدخل أي مطعم قديم نفس الزرقة
تلاقي 4 جالسين على طاولة وحدة
ولا واحد فيهم يعرف الثاني ههههه

[طبيب قطري]

اقعد بالكافيتيريا اكل بروحي بروحي بسرعه وامشي لان وراي شغل مب فاضي ادور ربع ياكلو معاي وين المشكله ؟!

[مجلان]

ودي أكل في مطعم بس أكل البيت لايسبب أمراض لان الشخص الي قاعد يأكل ابروحه مايبي يكون سبب ويكون في ذمته

[ريتويت]

لقافه الصراحه شعليكم بخلق الله.. حتي الاكل دخلتو خشومكم فيها

[وحيد-الشوق]

بال شفيكم ليش هالعقد والنفسيات والدكتور مع احترامي له ماعنده سالفه

انا شخصيا ما افضل القعدة بروحي في مطعم بس مايمنع اني اروح اتغدى او اتريق في مطعم او كافيه اذا كنت طالع اقضى شغله في الدوحة سويتها كذا مره وفي المانيا لما كنت رايح علاج كنت من عشاق الريوق وحيدا لأني اقوم بدري ومب فاضي انتظر حد ههههههه

الحياة بسيطه والدنيا رايحه ومردك في القبر بتكون بروحك مادري شلون تفكير البعض للأسف

اخيرا خلوا عنكم اللقافة ومن راقب الناس مات هما :)

[رهج السنابك]

ماستمتع بالاكل لو معاي حد
الاكل حلاته يعيش فيه الشخص خصوصيته وضربه بالخمس لوول

[رهج السنابك]

سجلوني في قائمة المعقدين نفسيا

[جبر ال جبر]

اتفق وياه ألي يأكل بروحه معقد

[R 7 A L]

المفروض
اي واحد يبي يدرس دارسات عليا بداية من البكالريوس وصاعد يدرسون حالته
النفسية لمده ست شهور اذا اجتازها سمحوا له
اذا ما اجتازها يخلونه على الثانوية حتى مايصير مسئول ويخرب الدنيا

[دايموند]

مايهمني بروحي ولا مو بروحي المهم آكل هه

[Aaziz]

المفروض
اي واحد يبي يدرس دارسات عليا بداية من البكالريوس وصاعد يدرسون حالته
النفسية لمده ست شهور اذا اجتازها سمحوا له
اذا ما اجتازها يخلونه على الثانوية حتى مايصير مسئول ويخرب الدنيا

هههههههههههههههه جبتها في مقتل
و الاعلام جرايد و تلفزيون و اذاعة يبون يسدون اماكن الفراغ باي شكل

[الجـــوديّ]

يمكن قصده اللي متعود يروح المطعم وياكل بروحه مب من مرة وحدة بس صار ضعيف ومعقد
صعبة اروح اكل بروحي في مطعم مالي حلاة
حلاة الاكل بالسوالف والمشاركة

[جاسم الدوحة]

سجلوني في قائمة المعقدين نفسيا

وآنه بعد سجلوني .

الليلة تعشيت بروحي في مطعم
لأنه موعدي مع رفيجي (تفركش)
بسبب ظرف معين .

شاسوي يعني؟
خلاص الدنيا توقف؟

أرى أن صاحب البحث معقــّـد
خخخخخخخ

[فاهم وساكت]

هو الظاهر يشوف كل شي بالمقلوب ... العكس هو الصح

الي مايقدر يطلع وياكل بروحه او يستانس وهو بروحه هالشخص اشوفه ناقص وماعنده شخصيه الا قدام ربعه

[white bird]

بال شفيكم ليش هالعقد والنفسيات والدكتور مع احترامي له ماعنده سالفه

انا شخصيا ما افضل القعدة بروحي في مطعم بس مايمنع اني اروح اتغدى او اتريق في مطعم او كافيه اذا كنت طالع اقضى شغله في الدوحة سويتها كذا مره وفي المانيا لما كنت رايح علاج كنت من عشاق الريوق وحيدا لأني اقوم بدري ومب فاضي انتظر حد ههههههه

الحياة بسيطه والدنيا رايحه ومردك في القبر بتكون بروحك مادري شلون تفكير البعض للأسف

اخيرا خلوا عنكم اللقافة ومن راقب الناس مات هما :)

كلام جميل ^-^

[خوي الدرب]

أبو علاوي
هذا الاستشاري النفسي
يحتاج استشاري نفسي

[Super Cool]

المقصود هو الشخص الي دائماً ياكل بروحة....أو يفضل انه ياكل بروحة على انه ياكل مع مجموعة

لعلمك طبيعة البشر تخلينا نتجمع تلقائياً حتى بدون سابق معرفة و أذكر قريت ان في باحث سوىتجربة
انه يحط مجموعة من البشر في حجرة مظلمة لا يشوفون بعض ولا يتكلمون لغة بعض و من مختلف
الجنسيات...و دائماً و أبداً كان ينتهي بهم المطاف متجمعين في زاوية مع بعض حتى وهم ما يتكلمون

الله خلق فينا حب التجمع...لذلك الي يفضل العزلة بدون مشاكل و بدون ظروف فيه شيء من الخلل

[بو الجوري]

سجلني أكبر معقد عيّل ههههههههههههههه

أنا لعبتي آكل بروحي ، وياما رحت مطاعم بروحي :shy:

أحس براحه أكثر ، ماحب اللي يسولفون وايد على الأكل ،
أحب آكل بروحي وأستمتع وأنشغل مع نفسي وقت الأكل ..

مابي حد يلهيني ويسندرني :anger1:


وبعدين يمكن اللي يبي يروح بروحه يبي يصور الأكل وياخذ راحته هههههههههههههههههههههه

[white bird]

سجلني أكبر معقد عيّل ههههههههههههههه

أنا لعبتي آكل بروحي ، وياما رحت مطاعم بروحي :shy:

أحس براحه أكثر ، ماحب اللي يسولفون وايد على الأكل ،
أحب آكل بروحي وأستمتع وأنشغل مع نفسي وقت الأكل ..

مابي حد يلهيني ويسندرني :anger1:


وبعدين يمكن اللي يبي يروح بروحه يبي يصور الأكل وياخذ راحته هههههههههههههههههههههه

:nice:

هذا الكلام الصح ^-^

[بانغ بانغ]

اعتقد هذا المحلل النفسي يبغيله تأهيل نفسي لان الموضوع ماله اي علاقة بواقع الحياة

الناس قاعدة اتخطط اذا في حياة في المريخ وبعض علمائنا ايقولون مثل هالسوالف

استغر الله

[غريب الدّار]

من يومين تابعت برنامج في التلفزيون عن الاستشارات النفسيه .. سمعت المحلل يقول عن الشخص اللي يقعد بروحه في مطعم وياكل
هو شخص ضعيف الشخصيه ومعقد نفسيا ..

استغربت من كلامه مب شرط اللي يقعد بروحه شخص مريض .. انا مرات احب اقعد بروحي افكر في موضوع او تصير ظرف رفيجي اعتذر


انتو شرايكم
هل اللي يقعد بروحه في مطعم مريض نفسيا وضعيف الشخصيه
وهل لازم اللي يدخل لازم مع ربعه يجتمع

بصراحة انا اشوف كلامه غلط مليار في المية
من واقع اللي اشوفه

[ya3coub]

و الي دوامه لين المغرب و عنده ساعتين بريك شيسوي !!!!

هذاني سنة اتغدى بروحي خلصت مطاعم الدوحة بروحي و عادي ما اعتقد اني ضعيف شخصية ولا مضطرب نفسيا

أول الأيام كنت اتصل بالناس بو وقت فراغي للأكل هو وقت نهاية الدوام لبعض الجهات الحكومية فمو كل مرة احصل احد يتغدى معاي

و بعدين ترا أكل اعبي طاقه و ارجع اكمل شغل اعتقد المحلل يقصد الي يحب يكون بروحه رغبته انه محد يشاركه بالأكل الإانسان الإنطوائي

[abu m7md]

اتفق ولا اتفق

[سلامي للكل]

الســلام عليكم ورحمـــة الله وبركاته

عاد انا يوم الخميس والجمعة والسبت متعشي بروحي وبمطعم بعـد

:omg: :eek5: :weeping: :rolleyes2:

شسالفــة من انتم ؟ ؟

:victory:

الله يوفقكم لما يحب ويرضى

[ودي أكون]

الســلام عليكم ورحمـــة الله وبركاته

عاد انا يوم الخميس والجمعة والسبت متعشي بروحي وبمطعم بعـد

:omg: :eek5: :weeping: :rolleyes2:

شسالفــة من انتم ؟ ؟

:victory:

الله يوفقكم لما يحب ويرضى

3 ايام ورا بعض .. فيك مرض نفسي عيل
























امزح :tease:









لا من جد :tease:

[شبح الصمت]

شكلك تقصد

حمد 2002

[عطر فرنسي]

احلى الشي اصلن الواحد يجلس لحاله ويركلس لا صداع ولا عوار راس

وجهه نظر

[Me&OnLy]

اتوقع القصد من كلام الدكتور انه اذا صادف انك بتطلع تاكل وانت عندك القدر انك تاكل وسط مجموعه سواء اخوان اصدقاء اقرباء اين كان وانت ترفض هذا الشيء على الدوام وليس لمجرد مره ان هذا الشخص يعاني من عارض نفسي
ولكن عند خروجك لقضاء بعض الاحتياجات وصادف وقت وجبه ما فهذا الكلام لا ينطبق عليه اما اذا كان الدكتور يقصد ان تاكل لوحدك ولو مجرد مره تحت ظرف ما .. اعذرني يادكتور الخلل منك ومن تحليلك

[بوعلاوي]

المفروض يابوعلاوي
قبل لا تدخل المطعم وتطلب تقعد عند الباب
وبصوت عالي تقول حياكم حياكم شاركوني
ولا اذا حصلت ناس عايلة اي شي ياكلون اسحب لك كرسي وقول كل مشروك مبروك هههه

هههههههههههه اقول لهم لقمه هنيه تكفي ميه
هاي اذا ما عطوني طراق زين ههههههههههههههههههههههههه

[بوعلاوي]

احلى وقت اللي يقضيه الواحد بروحه
يرتب اموره
عن نفسي ياما قعدت بروحي
جمعة الشباب لها وقت
وان الشخص يكون بروحه لها وقت

اي والله صدقت احيانا الشخص ضايق حلقه ومشغول يبي يرتب اموره مب لازم حد معاه

وصعب يفكر بين ربعه وسنداره

[طلعة الروح]

الأصل في الإنسان الوحده أو الانفراد، ينولد بروحه ويموت بروحه وينحط بالقبر بروحه ويتحاسب بروحه.

[Super Cool]

الأصل في الإنسان الوحده أو الانفراد، ينولد بروحه ويموت بروحه وينحط بالقبر بروحه ويتحاسب بروحه.

وجعلناكم شعوباً و قبائل "لتعارفوا"

[البيت القديم]

كل واحد يعيش حياته
والعمر يمشي استانس في حياتك ولا تلتفت حق كلام الناس

[بوحارب]

هلا بوعلوش


اشدخل ضعيف شخصية الحين هههه

انا بعض الأحيان أكل بروحي ومستانس الحمدلله ;)

[الجـــوديّ]

المقصود هو الشخص الي دائماً ياكل بروحة....أو يفضل انه ياكل بروحة على انه ياكل مع مجموعة

لعلمك طبيعة البشر تخلينا نتجمع تلقائياً حتى بدون سابق معرفة و أذكر قريت ان في باحث سوىتجربة
انه يحط مجموعة من البشر في حجرة مظلمة لا يشوفون بعض ولا يتكلمون لغة بعض و من مختلف
الجنسيات...و دائماً و أبداً كان ينتهي بهم المطاف متجمعين في زاوية مع بعض حتى وهم ما يتكلمون

الله خلق فينا حب التجمع...لذلك الي يفضل العزلة بدون مشاكل و بدون ظروف فيه شيء من الخلل



حتى في سجون أمريكا الانفرادية اللي الواحد مايقدر يتواصل مع حد
المسجونين ابتكروا وسائل بسيطة اتمكنهم يتواصلون بينهم بين بعض ويتبادلون الاشياء ولهم شفرات خاصة
الانسان بطبعة كائن اجتماعي





لاحظت من الردود الرياييل يحبون ياكلون بروحهم مايبون سندارة
هل هم كائنات غير اجتماعية؟

[بانغ بانغ]

وجعلناكم شعوباً و قبائل "لتعارفوا"

احيانا الانفراد فيه تنفيس عن الهموم والمشاكل وإعادة تجديد الافكار وليست دائما سلبية.
بخصوص طلعة الروح اللي علقــ/ت .

هذا ينطبق على الصحابي الجليل ابوذر الغفاري رضي الله عنه
قال عنه النبي صلى الله عليه وسلم : ولد وحيدا وهاجر وحيدا ومات وحيدا ودفن وحيدا ويبعث يوم القيامة وحيدا ( وحيدا بميزان أمة كاملة )

القصد من الموضوع يمكن من صاحب الموضوع ان الحياة المشتركة طيبة بس لا يعيب على الانفراديين اوالوحدانيين

شكرا

[قلم محايد]

عادي ساعات يكون خاطرك في مطعم و ربعك مشغولين خصوصا للمتزوجين و اذا تبي تروح مطعم مال شباب مندي او بخاري مثلا خاطرك فيه ماحصلت احد تروح بروحك شالمشكلة

[MAZEN37]

يا رجال في بعض المحللين النفسيين يبيلهم علاج من عقدهم
شلكلام وانت الله يهديك اي شي تصدق
بالنهايه الناس عندها ظروف واشغال عادي

[بوعلاوي]

عادي أخوي
أدخل أي مطعم قديم نفس الزرقة
تلاقي 4 جالسين على طاولة وحدة
ولا واحد فيهم يعرف الثاني ههههه

هههههههههههه تذكرت سالفه مع ولد خالي دخلنا معصره مافي حد قعدنا ناكل .. بعد شوي دخل واحد من جنسيه اسيويه وقعد صوبنا على نفس الطاوله
ولد خالي ماسك نفسه يبي يضحك وقاعد يعقر فيه .. وانا ما عرفت اكل عدل هههههههههههههه
الاخ المحترم مخلي كل الكراسي وجاي صوبنا لا يعرفنا ولا احنا نعرفه .. وقعد بدون سلام ولا كلام وماخذ راحته
وطول الوقت يطالعنا مستغرب ليش نضحك .. ولما قام دفع حسابه
انفجرنا من الضحك عليه

مسكين ما حب يقعد بروحه .. جا قعد معانا

[بوعلاوي]

عاد اليوم متغدي بروحي يوم شفت عنوان الموضوع اقول اوهو ليكون شافني هههههه

ياخي مب تعقيد ولا شي بس راد من الدوام والشباب مب متفرغين وكان خاطري في بندروزا

قلت ماخليها بخاطري ورحت كليت

ههههههههههههههههههه

تتغدى في بندروزا وما تعزم شباب المنتدى ... احلى شي الحلويات لذيذه

[بوعلاوي]

ماستمتع بالاكل لو معاي حد
الاكل حلاته يعيش فيه الشخص خصوصيته وضربه بالخمس لوول

اي والله احب اخذ راحتي .. والشباب سندروني على سالفه اتيكيت لازم تاكل بالشوكه واقطع بالسكين
كرهت الاتيكيت ههههههههه

[بوعلاوي]

لقافه الصراحه شعليكم بخلق الله.. حتي الاكل دخلتو خشومكم فيها

هههههههههه علماء النفس ما لهم حل دخلوا في الاكل والنوم والملابس والضحك والبكاء ما خلوا شي

[سـ ع ـود]

سبحان الله من فتره كنا نسولف عن هالموضوع
بالنسبه لي اموت من الجوع ولا اروح اتعنى المطعم واقعد اكل بروحي اضعف الايمان اطلب واكل فالبيت وانا اشوف التلفزيون احسن
:)

[البرونزي]

اشوف المفروض يكون الموضوع بالعكس
الي مايقدر يروح بروحه هو الي ضعيف شخصيه
وماعنده ثقه بنفسه ويخاف الناس اتكلم عليه .
بنفسه مايقدر ياكل عيل لو رايح حرب شبيسوي هههه

[Charisma]

http://31.media.tumblr.com/tumblr_m7y5ajuG8j1qmmk9jo1_250.gif

ياعمي ناس فاضيه وفلسفات قرعه .

[حسن]

مادري يابوعلاي لازم نشوف المقطع كامل ونحدد بعدين اقول راي

لان فيه عده اسباب وكلن اعرف بنفسه

بس عني مااكل في مطاعم الا ماندر يعني في السسنه يمكن مره ويمكن لا

تحمل تاكل يابوعلاوي بروحك بنفسك الكرشه ضاربه لين السكان

سو رجيم ابرك واصح

:victory:

[الجنوبي]

اذا بروحي اخذ الاكل البيت صعب اني اكل فالمطعم بروحي

[mr.hamouda]

اشوفه شي غريب انه الواحد ياكل بروحه في المطعم بدون سبب...!
إذا باكل بروحي العاده أكله بالموتر :)

[وحيد-الشوق]

اشوف المفروض يكون الموضوع بالعكس
الي مايقدر يروح بروحه هو الي ضعيف شخصيه
وماعنده ثقه بنفسه ويخاف الناس اتكلم عليه .
بنفسه مايقدر ياكل عيل لو رايح حرب شبيسوي هههه

هذا الكلام الصح للأسف في قطر كل شيء عيب عندنا لدرجة بعض الناس يستحي يطلع مع امه وخواته !!

بعدين الاخوان يحسسونك ان الوحيد ياكل 30 يوم شهريا بروحه في المطعم ههههههههههه

[مرتبش]

مطعم وجبات سريعة عادي ..اما مطعم فيه قعدة ماينفع.. متعني للطلعة وتغيير الجو واخرتها مجابل الطوفة..مايصير..وحتى لو رحت مطعم مع اصنام مايتكلمون ماتتهنى بالاكل

[JN000N]

http://31.media.tumblr.com/tumblr_m7y5ajuG8j1qmmk9jo1_250.gif

ياعمي ناس فاضيه وفلسفات قرعه .

هههههههههههههههههههههههههههههه اي والله
انا كنت معاي :shy:

[قطري 777]

لاتصدق كل ماتسمعه دكتور ودكتور واخرتها شهاده مضروبه هههههه ع العموم لا معقد ولا شي الانسان مزاجي بطبعه مشتهي اتغدى بروحي كيفي !! صرت معقد نفسيا اهااا اوووك مقبوله منك يادكتور ..

[المرحب]

صرنا كلنا ضعاف شخصيات ومعقدين نفسياً

أستغفر الله

لو الله يفكنا من هالتحاليل كان حنا بخير

[العساس]

طيب هذا الي ياكل ......زين لي يسافر بروحه وش وضعه النفسي.

انا عن نفسي الدكاتره النفسيين ( x )

[ms-qtr]

تحليله مش منطقي
ساعات أكون جوعانه وما أحصل حد يجلس معاي
شي جدا عادي

[SonicBoom]

انا ماشوف المتعه فيها بس اعرف ناس يعشقون الاكل هههه