ماي في الركبه .. ساعدوني

[عناد2009]

السلام عليكم..

صار لي فتره ركبتي منتفخه والم في المشي والثني ،، خدت موعد في اسبيتار وقال لازم ترتاحين وبعد شهر موعد ولما جيته بعد شهر قابلتني دكتوره غير وطلبت تصوير عادي ومغناطيسي وتحليلدم لان الانتفاخ ماخف وكانت متروسه ماي نفس قبل والتصوير كله سليم ،، قالت الدكتوره مافيه شي نقدر نسويه انتظري دكتور زائر لمثل هالحالات ،،

تعرفون دكاتره مختصين في هالشي ؟
وين تنصحوني اروح ل د. صالح اليزيدي او د. الطرابيشي في دبي او د. الزهراني في السعوديه ؟

وبعيت جوال ، صالح اذاسمحتو ؟

[سميسمة كافيه]

اخوي عناد ما تشوف شر روح للدكتور عبدالرحيم او صيام بمستشفى حمد قسم العيادات الخارجية الطابق الثالث وان شاء الله يفيدك ويعطيك العلاج المناسب لكن حاسب يسحبلك الماي لانه بعد فترة يسبب تشوه بالركبه

انا تعالجت عنده والحمد الله

[Aaziz]

ماتشوف شر ان شاء الله .. الي اقدر انصحك فيه هو الثلج
تبي الانتفاخ يروح ... حط ثلج في كيس و لف عليه فوطه ،، و خل الثلج حوالين ركبتك .. ثلاث ولا اربع مرات في اليوم ... استحمل شوي
بس بيخف الانتفاخ باذن الله .

[النهار]

عزيز الثلج يصلح في حالة اذالركبه جاتها ضربه
نفس الشي صادني انتفاخ في الركبه والله عذاب وخاصه وقت النوم تشوف اشكال والوان من المعاناه ةالالم
لاانت مرتاح وانت صاحي ولانايم
ياخوي راعي مطعم شافني قاعد اعري وانا داش عليه سألني ايش فيك شرحت الموضوع قال لي اصبر بعطيك دهن خاص تسوي
به مساج عدل محل الالم وبعدها تحط عليه فوطه حاره مبلله والله العظيم الالم 4 شهور راحت واختفت خلال 10 ايام

[آنــه]

انا عانيت من ماي على الركبه بسبب اني دعمت الطاوله بالغلط .. و عالجت في سبيتار عن طريق العلاج الطبيعي لمدة شهر و الحمدلله كل العوار اللي صادني كانه كذب