هم شايفين قطر مافيها رجال

[ثابت]

السلام عليكم ورحمة الله وبركاتة

بصراحة شي يزعل كل رجل عندة غيرة على شرفة الحين لو احد فينا سافر الغرب كان ليبرلي او علماني او مدين او كان بوذي او كان مسلم مب كفو يرفع عينة ويجلس يطالع خلق الله ويقز فيهم لنة بيتمصخر وبيدوس على خشمة وبالقانون لكن للاسف لما اشوف في بلدي الي مفروض شوفتنا لهم قيمة وغصب على كل وافد او اجنبي او اي جنس يحترم ولا يجلس يقزهم ويتضحك وكل ما تمر وحدة يجلس يخزها لين ماتروح هذا الي صاير في بلدنا روح عند اي باب صالون شوف السواقين الي جالسين مسوين تجمع قدام بوابات الصالونات ويقزون الي طالعة والي داخلة والله لو الي منزلها لابس ثوب وغترة بعد بيقزون ولا بشيلين عيونهم مسخرة في مسخرة في قمة المسخرة ولما تكلمة يسفهك ويطول لسانة شمعنتها هذي روح ابواب الافراح والعزيات واي مكان تشوفهم متجمعين عند البوبات ويقزون في الحريم قز يعني لو فرضنا الي موقفين شباب قطرين بثيابهم وغترهم ويقزون كل وحدة تنزل في مكان مخصص لنساء او غير ذالك بصراحة انا اشوف ان هذي الظاهرة المتخلفة يجب ان تحارب وتخصص دوريات فقط بتغريم هولاء الرجال الي وقفين بس قز وتصوير في بنات المسلمين.

[توشيبا]

وعليكم السلام ورحمه الله وبركاته

بخصوص الاجانب المحتشمه لو يقزها مب شايف الا عبايه سوده وهاذي ننحط علي الراس في حشمتها


اما تعليقي بخصوص ربعنا اللي مطيحين في المجمعات وقز في خواتهم وبناتهم محد يطالع اخته او بنته الا اذا اهو ديوثي

[Charisma]

وعليكم السلام ورحمه الله وبركاته

مؤيد لموضوعك اخوي ثابت .. اكثرت هالحالات وشوف العين في كل مكان ..
بالنسبه لي قدام الصالونات اذا اشوف تجمعات دريولية عند المدخل انزل واكلمهم
يتحركون من المدخل ويصفطون بعيد .. وعندك ازدان مول وحركة السكيورتيه
اذا تصفط عند المدخل يجيك على طول ويفتح الباب ؟ انا عن نفسي استنكر مثل هالتصرف في الفنادق
او غيره والله لو ينحط له الف مسمى وكلمت مسؤول السكيورتيه اهناك .
الحل لمثل هالتجاوزات اتواجهم بالكلام في اي مكان اذا شفت مثل هالتصرفات حتى ولو كانت عالغير.

[alsoq]

تذكر ما تفعله بالناس يفعل في اهلك وانت في غفله

[Rider]

نعم البلد ماعاد فيها شنب الا من رحم ربي

[عابر سبيل]

ما هكذا تورد الابل يا "ثابت"

اولا اثابك الله خيرا على غيرتك،

لكني ارى ان. الطرح، بداية من العنوان
و من ثم اسلوب عرض القضية، غير موفقين
و فيهما مبالغة و تعميم مخل و مؤذي
و غير حكيم...

اسمح لي على صراحتي، لكن عنوانك و فحوى الكلام
-رغم انه بافكار غير مرتبة و لا صياغة واضحة-
فانني اعترض على الطرح الذي فيه تعميم مخل
و كلام لا ينبغي تصويره عن مجتمعنا او ان كل افراد المجتمع
(و لا حتى غالبهم) متورطون في مثل ما تصفه..

موقف ربما انت رأيه في مكانين ثلاث،
لا يعني انها ظاهرة في المجتمع
و كل رجاله بهذه الدياثة و العياذ بالله

[الجـــوديّ]

الهنود والعمال تجرأوا على البنات قطر لما شافوا بعض الشباب شلون يتعرضون للبنات وشلون يضبطون ويتكلمون عليهم غير التليفونات اللي صارت بيد كل واحد منهم

[مرتبش]

هذا حاصل لان الكثير من الرجال والنساء لايعتبرهم رجال..الحريم يستحون من الثوب والغترة بس.

[ahmed1111]

انا ضد هذا الموضوع ... في حياتي ماشفت اجنبي يغز بطريقه الي انت تتكلم عنها ... اي نعم في نظره الخاطفه وهذا اتصير لبنت وللرجل بس انه يتم يطالع حده ولا يغير نظرته حتى قطري ماشفت يسوي جذي الا القليل القليل الي يعني اول مره يشوف بنت في حياته
التعميم على مستوى المجتمع غير مقبووول والتعميم على الاجانب غير مقبول ... واضيف اذا البنت طالعه بشكل ملفت للكل هذي مشكلتها وتمثل اهلها وتربيتهم لها ... غير هالشكل بناتنا مشالله عليهم عبايات وشيله ومحترمه ... والاجنبي بعض الاوقات يطالع الانه اول مره يشوف بنات بعبايات ممكن بس انه يتم يطالع ولا يشيل عينه والله ماتوقع
احترامي للموضوع بس الفكره والتعبير عن مجتمعنا والاجانب الي فيه مب صحيحه

[غريب الدّار]

نعم البلد ماعاد فيها شنب الا من رحم ربي

الا فيها رجال يخزمونك وشفّتك مخراسة مثل ماقال الشاعر

[راجي العفو]

أمران فيهما الحل ..

1- التزام المراة بالحجاب الشرعي ..

2- استشعار الاولياء مسؤولياتهم تجاه رعاياهم ومحارمهم والسعي في إصلاحهم وعدم التنازل عن ثوابت الشرع ..

بوركت ..

[qtri06]

اللي ماحشم اهله لا ينتظر من الناس تقدير او حشمه

[Right]

الهنود والعمال تجرأوا على البنات قطر لما شافوا بعض الشباب شلون يتعرضون للبنات وشلون يضبطون ويتكلمون عليهم غير التليفونات اللي صارت بيد كل واحد منهم




وهالنوعية من البنات ، على أساس أنهن محتشمات من ناحية اللبس والشكل والتصرفات !!

[العساس]

صحيح الظاهرة موجوده انا لاحظتها في المرافق العامة....لا ويختارن مواقع استراتيجية.

[ms-qtr]

هو له علاقة بالثقافة
في ثقافات عادي عندها
خصوصا الجاليات الاسيوية
هم يعتقدون ان الموضوع عادي
أتوقع لو الشخص إلي ينقز عطاهم نظرة إستنكار راح ينزلون عيونهم
صعب ان الدولة تقول للأجانب لا تطالعون الناس

[الجـــوديّ]

وهالنوعية من البنات ، على أساس أنهن محتشمات من ناحية اللبس والشكل والتصرفات !!




حسب ماشفت ..

هم يطالعون كل البنات والحريم

المتبرجة بقصد أو من غير قصد سوت نفسها فرجه للهنود وغيرهم
والمحتشمة بعد يطالعونها من تحط رجولها على الارض ويخزونها من فوق لي تحت.

مثل ما قالت الأخت في المشاركة اللي قبلي هالشي عادي عندهم .. اختلاف ثقافات
نتمنى أنهم يتعلمون ثقافة أهل البلد الأصيلة إن عيب الريال يخز المراة
يمكن لي عرفوا ثقافتنا يتسنعون وتتلاشى الظاهرة ..

[khalid525]

هههههههه عجبتني مخالفة قز

[فاهم وساكت]

تذكر ما تفعله بالناس يفعل في اهلك وانت في غفله

كلام فاضي مع احترامي لك وللاسف اشوف وايد ناس يقولونه " كما تدين تدان" والمشكله ان تفسيرهم غلط

يعني انا اروح اسوي الغلط ولاني سويت الغلط نفس الشي بيصير فالاهل ؟

انا ارتكب معصيه ولاني ارتكبتها حد من الاهل بيصير له نفس الشي؟ هالشي يناقض فكرة ان الانسان عنده حرية الاختيار بانه يختار بين الصح والغلط

[مشـــــاعر]

نعم البلد ماعاد فيها شنب الا من رحم ربي

:victory:

[بريق الحق]

نعم البلد ماعاد فيها شنب الا من رحم ربي

مافيها ارجال طالع عمرك