شرايكم في دبدوب المطار!!

[الوان]

بسم الله الرحمن الرحيم

موضوع احس انه مهم نوعا ما

ابي رايكم بصراحة ...


ايش رايكم في دبدوب المطار ؟!!

أنا ما حبيته ابدا !!!

و اشوف انه لو يشيلونه و يحطون مكانه شي له علاقه بقطر

مجسم خارطة قطر مثلا

أو مجسم محارة ، ولا أحد السفن القديمة

أو أي شي يمثل قطر

والله افضل من هالدبدوب

ولا شرايكم ؟؟؟؟

[الوان]

مصدر الدبدوب
http://www.blisstree.com/2011/04/18/mental-health-well-being/manhattans-giant-yellow-teddy-bear-attracts-tourists-and-increases-happiness/

ما باعوا علينا الاهرام ... بس باعوا علينا دبدوب عملاق

[سلامي للكل]

http://cdn.akhbaar24.com/660fd4d0-b6ad-4a96-9136-4e0554e6820e.jpg

وصل مجسم عملاق لدمية الدب المصباح الشهيرة إلى مطار حمد الدولي، ليتم عرضه للزوار بمجرد افتتاح المطار المرتقب، وذلك بعد أن اشترته السلطات القطرية من أحد مزادات دار "كريستيز" مقابل 6.8 مليون دولار.

والدمية العملاقة هي من أعمال النحات السويسري الشهير "أورس فيشر"، ويبلغ وزنها 15,875 كيلوجراماً، فيما تبلغ سبعة أمتار طولاً، وكانت معروضة أمام ناطحة سحاب "سيغرام" في نيويورك، قبل أن تعرضها دار "كريستيز" العالمية للمزادات في وقت سابق هذا العام، حسبما أوردت صحيفة "أربيان بيزنس".

يذكر أن وزير المواصلات القطري "جاسم سيف أحمد السليطي" كان قد صرح إعلامياً منذ أيام بأنه من المنتظر أن يشهد يناير المقبل افتتاحاً تجريبياً لمطار حمد الدولي، والذي بلغت تكلفة تشييده 15.5 مليار دولار، وذلك بعد أن تأجل الافتتاح الرسمي ثلاث مرات كان آخرها نهاية العام الجاري.

http://cdn.akhbaar24.com/7926d813-207b-4e91-a40c-ba0b49af8372.jpg



:omg: :omg: :omg:

[الوان]

الدبدوب من صنع فنان او فنانه من امريكا تمثل حقبة الحرب الاهلية في امريكا ، و عرض في كذا ولاية

بالنسبة لأمريكا و الامريكين له علاقة بثقافتهم و تراثهم

بالنسبة لي كقطرية ، ما يمثلني بأي شكل من الاشكال

[Rider]

مشكلة انه مصنوع من حديد وسعره بالملايين الهدف منه الله اعلم وفعلا لو حاطين له شي له صله بالتراث القطري ابرك

[Right]

ينفع للعزبة عشان يبين من بعيد للي يبي يدل العزبة ،


بدل الليت الأخضر إلي على بيب طويل ، لا وكل يوم محترق :nice:

[ودي أكون]

مبلغ وقدره،، حسسوني ان داخل الدبدوب كنز

[الوان]

مب مشكلة المبلغ اذا كان الشي يستاهل و يصب في مصلحة البلد بأي شكل من الاشكال
المشكلة في الاختيار ، تمنيت لو حاطين بدال الدبدوب شي يمثل قطر و لو بيد فنان قطري بيكون اجمل
لو حاطين دلة ولا طيارة ولا ناقة ولا حبة لولو عملاقة ما يخالف اهم شي يكون من تراثنا

[الوان]

جيبوا فنان عالمي ، و ادفعوا له مبلغ و قدره

بس بشروط ، يعني اطلبوا منه يعمل تحفة فنية متعلقة بقطر

و لو في لجنه في قطر تشرف على هالامور بعد افضل

[الوان]

الهوية .... الهوية يا جماعة اهم شي في هالامور

[الأسبانية للمصاعد]

عشرين مليون

مادري اي عملة

[غايه الطواش]

ك فكره عاجبني
راح يضيف شهره للمطار وراح يكون معلم
ونوع من انواع الماركتينع لقطر ولمطارها

[بوحارب]

تصورت معاه سيلفي وانا مسافر

مع العالم ياخي ;)

واشوفه شي عادي لا تحلطمون زيادة

[ms-qtr]

أنا أشوفه شكل مميز
كل إلي يدخلون المطار ما يصورون إلا هالدب
شكله يثبت في الذاكرة
صدقوني لو كان شكل تراثي محد إلتفت له

[بريق الحق]

المسرفين اخوان الشياطين

[ريتويت]

فائض فلوس شيسوون فيها يشترون دباديب انزين كنتو تبرعتو للدول الفقيره ولا غزه ابرك بدال هالاصنام الي مامنها فايده

[بو خليفه 123]

شريت واحد نفسه من الشاهين و حطيته في غرفتي و اصوره كل يوم و اقول اني مسافر :)

[R 7 A L]

فائض فلوس شيسوون فيها يشترون دباديب انزين كنتو تبرعتو للدول الفقيره ولا غزه ابرك بدال هالاصنام الي مامنها فايده

من تقصدين ؟

[Azizuk]

المطار مظلم عشان استهلاك واقتصاد في استهلاك الكهرباء

والكشاف اللي على راس الدبدوب شافط مليون واط على رأسه :victory:

مظلمين على خلق الله عند الشناط ومنورين على الدبدوب

[راجي العفو]

والله ياخوي هو فيه اشكالية من الناحية الشرعية كونه مجسم ..

ولويستبدل مثلا بعلم قطر ، أو مجسم لقلعة الوجبة وماشابه .. يمكن يكون أحسن ..

بوركت ..

[بوحارب]

شريت واحد نفسه من الشاهين و حطيته في غرفتي و اصوره كل يوم و اقول اني مسافر :)

أهم شي انك مستانس يابوخليفة

[الجـــوديّ]

مسوي جو ..

بس أشوفه بايخ .. حتى شكله عادي مب حلو

[JN000N]

دبدوبي الجميل

[sweet qatar]

مسوي جو ..

بس أشوفه بايخ .. حتى شكله عادي مب حلو

اي صح جوه حلو .. مع انه جيكر

والقيمة الي يحملها ما تتكلم عن موروثنا او منطقتنا

[الجـــوديّ]

اي صح جوه حلو .. مع انه جيكر

والقيمة الي يحملها ما تتكلم عن موروثنا او منطقتنا



القطرية ماهمها موروثنا الا في القهوة العربية اللي يقدمونها بسسس ههههه
الدبدوب حطوه لجذب السياح على قولتهم بس للحين مو مقتنعة انهم بيقطعون تذكرة حق قطر عشان يشوفون الدبدوب ويكملون رحلتهم
قطر فيها اشياء احلى بوايد وكان بامكانهم يسوووون شي واااااو من قلب لكن الكسل والعيز ومايسوي

[Alshoog84]

حتى هالدبدوب المسكين ماتم ف حاله

انا اشوف انه شي حلو ومميز والكل يشتط يروح المطار عشان يشوف هالدبدوب

[ودي أكون]

حتى هالدبدوب المسكين ماتم ف حاله

انا اشوف انه شي حلو ومميز والكل يشتط يروح المطار عشان يشوف هالدبدوب

أماا :rolleyes2:

[Purple]

دبدوب عجيب وحلو والكل يصور معاه

[khalid525]

رمز لمطار الدوحة بغض النظر عن جماله ولا على الجفير اللي حاطينه على راسه هههه

الافكار الاخرى كلها مكرره وهذي فكره مميزه

[توشيبا]

دب واجد عقبال ماحد يتبرع مصاريف قص معده له

[بوعبدالله2005]

أتوقع من كانت فكرته ليس قطري فان كان قطري فان المصيبه اعظم
و كذلك من دفع قيمة المجسم ظ¦.ظ¨ مليون دولار اعتقد انه احد اثنان اما أخذ عموله مت تحت الطاولة او انه لا يستحق ان يكون في مكانه لانه سفيه و مسرف لا يحافظ. على المال العام

بعدين ترى زهقنا نبي نشوف قطر و تراث قطر في كل مكان في قطر نبي نخلي العالم كله يشوف تراث قطر
ما نبي العالم يشوف تراث غيرنا في قطر زهقنااااااااا

[Fahad Alqahtani]

المفروض يلبسونه غترة وثوب :nice:

[.. الكاش ..]

بالعكس معطي شكل حلو وغريب وجميع الناس ابدو رضاهم عنه من خلال التصوير معه وهذا اكبر دليل

[عنيــــد]

اعجبني تعليق احد الاخوه .. لو كان شي تراثي يمكن ما جذب الانظار ،،

و عشان نحكم بالعدل في المطار القديم فيه لوحات كثير و رسمات تعكس التراث القطري (ما انتبهت في المطار الجديد غير للدب ) ..

و لو نحكم على اي تجربة بالنتائج .. اشوف انه لفت الانظار و نجح في اهتمام المسافرين و التقاط الصور معه ..

و من ناحية المبلغ فانا ماعرف اسعار هاللوحات و المناظر ..

و لكن الشيوخ ابخص و الحمدلله مب من حساب احد منا و لا علينا قاصر ..

[بوعبدالله2005]

الشيوخ ابخص

لزووووم نعلم الشيخ بالسااااااالفه ! عجبي

[مشـــــاعر]

والله ياخوي هو فيه اشكالية من الناحية الشرعية كونه مجسم ..

ولويستبدل مثلا بعلم قطر ، أو مجسم لقلعة الوجبة وماشابه .. يمكن يكون أحسن ..

بوركت ..

:) :) :)

[الوثيقة]

المفروض يحطون صورة " فلوس " احسن

[نوار قطر]

ابدا وجوده ماله معنى ولا يستاهل هالقيمه ...استغربت ان كل من يى وصور معاه خير ان شالله .. اصور مع دبدوب هارودز احسن لي هالدبدوب

[ابوعلي]

لو كان شي من التراث افضل ولكن استغرب الناس ينتقدون ويضحكون وفي النهاية يصورون وينشرون

[مــاي ورد]

شي سخيف... لو دبدوب عدل بعد بقول شي يعني حركات بنوتيه ودلع في المطار مب دبدوب من حديد وراسه مدعوم بليت !!

[Locale]

قيمته تعور القلب


لكن عاجبني

[JN000N]

لو كان شي من التراث افضل ولكن استغرب الناس ينتقدون ويضحكون وفي النهاية يصورون وينشرون

اي شكثر انتقدوه وعيبو عليه واخر شي من يطبون المطار يصورونه هاهاها

[OREO]

ك فكره عاجبني
راح يضيف شهره للمطار وراح يكون معلم
ونوع من انواع الماركتينع لقطر ولمطارها

لا تلومين البعض لأن ما يعرف ايش يعني الماركتين و لا يعرف اسلوب الادفيرتايزمنت ،،

ما سمعتي اللي يقول سوي نفسك ميت !! فأصحاب الشأن معطينهم الاذن الصمخة و عارفين بأن البعض مالهم في الغنم تيس،،

[بو خليفه 123]

لا تلومين البعض لأن ما يعرف ايش يعني الماركتين و لا يعرف اسلوب الادفيرتايزمنت ،،

ما سمعتي اللي يقول سوي نفسك ميت !! فأصحاب الشأن معطينهم الاذن الصمخة و عارفين بأن البعض مالهم في الغنم تيس،،



ههههههههههه


بس يا اوريو مهب الكل ضليع في الماركتنج نفسك ولا كلنا خبره في الماركات . و ابداء الرأي او الانتقاد البنّاء جيد و في مصلحة الدبدوب :tease:

اوعدك لين سافرت السنه الجايه بصور سيلفي معه ..

[Azizuk]

ههههههههههه


بس يا اوريو مهب الكل ضليع في الماركتنج نفسك ولا كلنا خبره في الماركات . و ابداء الرأي او الانتقاد البنّاء جيد و في مصلحة الدبدوب :tease:

اوعدك لين سافرت السنه الجايه بصور سيلفي معه ..


الماركتنغ أني اسوق حق الدبدوب وأخلي المطار حار ومظلم :yu:

بس ما تدري بعد فتره هالدبدوب يعرض للبيع يجيب دبل قيمة :victory:

ونشتري بداله برج ايفل او تمثال الحرية :nice:

[الوان]

بصراحة الردود نوعين
مع ، و ضد
الي مع فكرة ان الدبدوب ما له معنى اعتقد انهم من جيلي أو أكبر
و الي عاجبهم الدبدوب في ظني انهم من الاجيال الجديدة
و هذا شي يدل على فجوة بينهم و بين تراث قطر
و ما يعرفونه الا من خلال اليوم الوطني و في القرقيعان

محد يزور قطر عشان يشوف الدبدوب ، كل الاجانب الي جايين قطر
عشان الفلوس
و ضحكني التعليق الي يقول حطوا فلوس بدال الدبدوب

انا وجهة نظري ان المطار هو واجهة الدولة
و حاجة بهذا الحجم في وسط المطار لازم تعطي انطباع عن الدولة
بشكل أو بآخر
تراثي ، حضاري ، ثقافي مب مشكلة

و الله المستعان

[كيلو حديد]

يذكرني بهبل

[JN000N]

انا مع ان يكون في شي ف المطار يدل لتراث قطر
لكن ف نفس الوقت ما انكر ان المطار بمواصفات عالميه ويجونه ناس من كل دول العالم ف هو مش بس يمثل الدوله الي هو فيها هو نقدر نقول مطار عالمي
يعني ك نوع من الماركتنغ مثل ما قال اخوي اوريو حطو هالدب الاصفر
بالرغم من ان وايد مكلف لكن حلو ك منظر وعمل فني
مافيها شي لو كان في جزء ف المطار تراثي

انا اكثر ما اميل للتراث والتاريخ القطري والعادات ولا اعتبرها مجرد شعارات ف اليوم الوطني
يمكن احنا لحين متمسكين بهالتراث ومحافظين عليه
بس هذا مب معناته اني افرض تراثي ف كل مكان متناسيه امور التسويق والعالميه ومتطلبات العصر
مب بس قطريين يصورون الدب الاصفر حتى الاجانب

[حسن]

للتصوير وخصوصا إلا جانب يستانسون عليه

معلم وللاذكري لهم

[Azizuk]

ماشوف حد يصور مع اوري اللي في الكورنيش

لان الأجانب مايعرفون أسياد 2006 وإلا لهم اهتمام بالأشياء والبطولات الأولمبية الآسيوية

[الوان]

اذا كان عن تسويق فالدبدوب فكرة فاشله
الي بيروح لبلد يا سياحة و الهدف من السياحة هو التعرف على ثقافة البلد و الدبدوب ماله علاقة بثقافتنا
أو بيروح للبلد للعمل ، و اللي جاي للعمل ما يهمه الدبدوب ولا غيره

التسويق يكون بالعروض على تذاكر السفر و الباكجات السياحية و الفنادق و الاسواق و المعالم
و امور ثانية تعرفها شركات الطيران عدل
مش عن طريق دبدوب عملاق

و على فكرة ثرى فيه دينصور بعد مدعوس في مكان
مادري ايش الهدف منه
شكله دعاية مع الدبدوب

[Dana’1]

مسوي جو بالمطار
وكل من مر صور معه :)
http://instagram.com/p/r_k5cyPmtb/

[الوان]

الناس في السفر بتتصور مع أي شي
سواء كان دبدوب ولا بعير ولا حتى درام ماي !

[بوخالد911]

مب شي كللللش

لو حطوا شي يرمز لقطر
كان أفضل

[الخيالة]

مب عاجب الناس؟ أشوف الصور في انستجرام كل حد مسافر مصور معاه و مستانس

[الخيالة]

اللي يقول الناس في السفر يصورون مع اي شي هاي شي هاي صار معروف في كل مكان ان مطار حمد الدولي اللي في قطر في شي معين في باقي المطارات؟؟ المهم اللي اعرفه واشتقه وايد ناس عاجب هم مع ان قبل الكل كان يقول مب شي

[حمد 2002]

اشحلاته ويازينه هالدبدوب :shy: كيووت :shy: :shy:

[Azizuk]

رجعو المطبلين يطبلون على اي شي

:fight:

[قطريه ماركه]

صار من العادات و التقاليد

اي حد يسافر لازم يصوره

*ــ^

[مهرة]

بصرآحة ماله دآعي وغريب شكله وماينفع به اي نوع من الماركتينج..!

وكان الأفضل كرمز للدولة يحطوون خيل جمل طير وأحلاهم المها

[واحد في حاله]

مادري ليش احس من اجراءات المطار اني لازم اصوره

ولا مايختمون لي ع الجواز :p

[mr.hamouda]

لو صانع الدبدوب عربي تتوقعون أحد بيهتم له ؟!

[فاروع]

روى الشيخان عن أبي سعيد الخدري رضى الله عنه قال: قال رسول الله صلى الله عليه وسلم: "لتتبعن سنن من كان قبلكم حذو القذة بالقذة حتى لو دخلوا جحر ضب لدخلتموه"
وهؤلاء القوم هم اليهود والنصارى ، نسأل الله العافية

[البيروني]

اي واحد يدش المطار على طول يروح عند الدبدوب هههه

اعتقد انه مظهر يعطي انطباع للزائر او السائح بالسرور والفرح و يدخل الحياه بالمبنى

انا مع الدبدوب

[basma222]

ما حبيته

[MaRuKoO]

ك فكره عاجبني
راح يضيف شهره للمطار وراح يكون معلم
ونوع من انواع الماركتينع لقطر ولمطارها
اتفق معاج
وبعد كيوت:shy::nice:

[كيلو حديد]

عادي بعد فتره تلقى ناس يعبدونه

[collection]

اغلب الدول تضع عند مداخل المطارات رمز يوجي بتراث البلد
لكن بالله شنو يمثلنا فيه الدبدوب
حتى حديقه حيوان ماعندنا
وماهو اول شي يتبادر الى ذهن المسافر عند رؤيته هالدبدوب؟
اتوقع بيتبادر الى ذهنه علامه الاستفهام؟؟؟؟؟؟؟؟؟؟؟؟
وماهي العلاقه؟بين الدبدوب وبين قطر

[لبيبة]

لأن ما عاد عندنا اهتمام بحضارتنا وتراثنا صرنا نستورد حضارة الآخرين،

هذا الدب الأصفر - وهو أصفر أكثر من اللازم - أصبح رمزاً لتجلي عقدة الدونية عندنا،

نشعر أننا دون الحضارة الغربية، فنستورد منهم ما يشعرنا بالكمال.

[QATAR 77]

مرة يهبل !!

[بصمة قطرية]

كيوت يحليله
الدبدوب الحزين ..!!
تعتقدون ليش حزين ..!؟ :(
محتاج تكميم عشان يصير أحلى ..
حجمه أوفر شوي ..
في ناس كانوا ناويين ياخذونه معاهم لندن يسوون له تكميم
بس للحين ما عنده جواز *_^

[ورد الدوحه]

رمز لمطار الدوحة بغض النظر عن جماله ولا على الجفير اللي حاطينه على راسه هههه

الافكار الاخرى كلها مكرره وهذي فكره مميزه

هههههههههه ضحكتني كلمة الجفير

[Right]

خاطري أعرف ، هالدب ليش مدنع ؟

[لـبـيـه]

المسرفين اخوان الشياطين

سيسأل المسؤول عن المال يوم لا ينفع مال ولا بنون فيما انفقته

[qtri06]

الدبدوب يوحي بتفشي السمنة فالمجتمع

( وأضاف أن رصد نسبة 76 في المائة من الرجال القطريين و84 في المائة من النساء الكويتيات باعتبارهما أعلى معدلات انتشار البدانة والسمنة في العالم العربي )

[Azizuk]

هههههههههه ضحكتني كلمة الجفير

والله لو يسكرون الإضاءة من هالجفير اللي على راسة ويوفرون الطاقة وتستخدم في إضاءة المطار ابرك

وإلا يفرونه على فوق ينور علينا احسن :victory:

[بصمة قطرية]

خاطري أعرف ، هالدب ليش مدنع ؟





زعلان :(

[Right]

زعلان :(





كل هالملايين في بطنه وبعد زعلان ، جعله ما يرضى وينحذف بأقرب حديقة حيوان :anger1:

[بوفاطمه]

السلام عليكم ورحمة الله وبركاته...
اشكرك على طرح هذا الموضوع .
والله انك صادق اخوي .
اي شي من تراث قطر ،والله افضل .

[ANONYMOUS]

أوريه مال 2006 احلا

وكذلك صديفي كان مسوي جو

ولاننسى عائلة الجربوع تعويذة اسيا 2011 وهم الأب زكريتي والزوجة ترانا وابنتهم فريحة وولديهما صبوغ وتمبكي.

[الجسراوي]

لا تعليق

[حفيد الأنصار]

صحيح انه لو حاطين بداله شي يمثل التراث القطري كان شي أفضل
ولكن حتى الدبدوب أشوفه حليوو

قبل يومين 2 من أخواني كانو في مطار قطر ترانزيت وشايفهم أخذين سلفي معاه :)