+ فديته هالولد جعل من جابه الجنه يارب +

[شبح الصمت]

بسم الله والصلاة والسلام على أفضل المرسلين سيدنا محمد صلى الله عليه وسلم ..



سؤالي قبل لا اذكر من هالشخصية المؤمنه بقضاء الله ، المرحة ، المبتسمه ، شخصية دخلت قلوبنا واحبناها شخصيه لا تعرف اليأس شخصية تجعلنا نبكي على حالنا
شخصية قيادية
شخصية لديها نظرة وأمل
شخصية لديها ايمان بقضاء الله وقدره ..

شخصية احببتها وسأبقى احببه فالله حتى آخر عمري ..




شخصية موجوده لدى الكثير منا في خدمات التواصل ..


هالشخصية ابيكم تدعون له بالشفاء العاجل وربي يوفقه ومابي الموضوع ينزل

ابي كل شخص فيه من الضيقه يدخل ويشوفه
الشخص اليأس من الحياه يدخل يشوفه
الشخص الي فقد جزء من جسده يدخل يشوفه
الشخص الي الله بلاه بمرض يدخل يشوفه
الشخص الي كله يتحندى ومتضايق يدخل يشوفه


الله يشفيك يا الغالي ويعافيك ويجعل مثواك الجنه بعد عمراً طويل ..


نحبك فالله ياخوي الصغير وصديقي الي اتمنى اشوفك وحبك على راسك

نحبك فالله يا غانم بن محمد المفتاح


لاضافته على صفحة الانستقرام

g_almuftah

[بريق الحق]

الله ينفع به

[شبح الصمت]

الله ينفع به

اللهم آمين

الله يجزاك خير

[امـ حمد]

الله يشفيه ويعينه يارب

[ms-qtr]

الله يحفظه
الصراحه إلي لها الفضل بالطاقة الإيجابية إلي عنده بعد الله هي أمه
إنسانة جدا طموحة
الولد ما يحس بنقص ولا واحد في المية ومربيته نفس أي ولد عادي
بعض الأطفال فيهم إعاقات طفيفة مقارنتا بإعاقته
وكل إلي يسوونه الوالدين يدخلونه الشفلح وله رميلة
لا تطوير ولا أنشطة ولا شي
والله حتى الأطفال العاديين أغلبهم الأهل ما يطورونهم
يعتمدون على المدارس واللعب والنوم
أتمنى يتخذون الأخت أم غانم قدوه

[بوحارب]

الله يحفظه

[JN000N]

الله يحفظه ما شاء الله عليه تعجبني روحه المرحه رالقياديه
صج الله ياخذ ويعطي

[TRAVELLER]

كان لي الشرف أن سلمت عليه ولم أكن أعرف أسمه

جزاك الله خير على الموضوع الرائع

[بنت المطر]

الله يبارك فيه ويجعله بار بأهله

ويجزى والدته خير لانها كافحت من اجل إبراز مواهبه ونجاحه

[Rashid554]

الله يحفظه لوالديه ويخليهم له

[نوار قطر]

ماشاء الله عليه الله يخليه لوالديه

[ام خليفه79]

ربي يحفظه هالولد والله أنه أصح من الملايين


ربي يصلح به الأمة والله أن عنده عزيمة مب عند رجال

وانا اتابعه اول بأول


ربي يحفظه ويخليه ذخر لأهله والسبب طبعاً ورا كل هذا تشجيع أمه وأبوه وعدم التنازل أوالتشاؤم بسبب أعاقته

[Aaziz]

لا اله الا الله
ربي يعوضه في الدنيا و الاخره و يرزقه و اهله الاجر

[المــزن*]

نعرف هله من يوم صغير
ماشاءالله عليه الله يحفظه ويخليه لهم يارب
اتابعه فالانستغرام

بس غصب تدمع عيني يوم اشوفه
الله يشفيه ويأجره ان شاءالله

[R 7 A L]

شخصيتة قوية وقيادية
ياليت يتعلمون منه أطفال هالجيل

[قطري 777]

ماشاء الله عليه الولد عند عزيمه الرجال الحقيقين ماشاء الله عليه روحه حلوه كان زين لو الناس بطلاقه وجهه الجميل .... مشكور يا شبح الصمت عرفتني ع هشخصيه الفذه

[شبح الصمت]

الله يجزاكم خير جميع ..


من أشوفه ابتسم سبحان الله ويتغير حالي من لو ضيقه لفرح

هالغالي ماشاء الله عليه يبعث الفرح والسرور والامل ..


شكراً لامه على ما قدمته له ولاهله والشكر خاص لامه على كلام الاخوات لانها مهمته فيه


لج الاجر يارب

جعل من ورثهم ورثكم الجنه يارب

[ألماسة]

سبحان الله

هالولد متابعته من أول ظهور له في الساحه الإعلاميه
كان ذاك الوقت توووه عمره شهور
وللحين أتذكر لما قالت أمه أنا راح أللقبه ب غانم الرابح دوما
وفعلا اصبح غانم الرابح دوما

الله يحفظه لوالديه ويرزقهم بره ان شاء الله