ماذا استفدنا من السفر ؟

[بريق الحق]

بسم الله الرحمن الرحيم

السلام عليكم ورحمة الله وبركاته

الكثير سافر الى مختلف من دول العالم ، فالبعض من اجل العباده كامكه والمدينه والبيت المقدس و هناك من يذهب هروب من ضغوط العمل وتغير روتين الحياة والحراره المرتفعه خاص في دول الخليج واقلهم من يذهب كاموضه وهم قلة والحمدلله

لكن السوال المهم ماذا استفدنا من السفر ؟
هل تغيرة حياتنا بمشاهدة المجتمعات المختلفه ؟
هل تعلمنا من السفر و اقصد كيف ندير السفر وكيف يتم توزيع الجدول في الزياره والخ ام فقط نعتمد على المرشد السياحي ؟
ما اهم التجارب المفيده التي مرت بك من خلل السفر ؟
هل السفر تسفر عن المعادن الحقيقة للشخص ؟

والي عنده شي بعد يكتب ويفيدنا وجزاكم الله خير:shy:

[ودي أكون]

بالنسبه للسفر للدول الاوروبيه ..

تعلمنا منهم الاعتماد على النفس .. وعني انا شخصياً تعلمت وتعودت ان احمد الله كثيراً على كونا مسلمين وكونا من ابناء الخليج.. صج ان احنا فالخليج في عز وراحه ونعمه ولله الحمد ..

اما بالنسبه كون السفر يكشف الصديق والصاحب، ما اقدر اعتمد هالمقوله واحكم عالشخص مدى الحياه بسبب سفره .. مدام التغير ولله الحمد مايدخل في الصلاه او الشرب والعياذ بالله الخ ..

[ضوى]

السفر حلو ، نتعرف من خلاله على ثقافات مختلفة ، نستجم نرفه عن انفسنا ، نشم هوا نظيف مش ملوث ، واهم شي ترد باشياء جديدة مب موجودة ببلادك لبس اكسسورات مطبخ الخ الخ

[JN000N]

النفسيه تسوي فورمات
تعود الدوحه تروح الدوام فيك طاقه عقب ما هلكتها الفتره الي طافت
المهم انك تريح وتنسى الشغل والالتزامات وكل شي وتعيش فالحو الزين والبراد وتطالع خلقة الله ف الطبيعه الي عندهم وتشتاق للجنه وتقول اذا ذي جنتهم ف دنيتهم الله يرزقنا اللي مالا عين رأت ولا اذن سمعت

[Locale]

Relax اكثر شي
وتغيير روتين

[الجـــوديّ]

اللي يسافر مستحيل يرجع مثل ما كان قبل السفر

يرجع واحد ثاني .. تزداد معرفته وسعة اطلاعه وخبراته في كل شي
يشوف ناس وأجناس .. أشكال وألوان
يشوف أديان وعقائد وأساليب حياة


يشوف دول وكلن على مستوى مدينته وتقدمه أو العكس والمقارنة بتجي طبيعية على بلدنا وعادة نقول الحمدلله على النعمة والعز والخير اللي احنا فيه
نتعلم منهم الاعتماد على النفس وشلون الواحد عايش فرد واحد معتمد على نفسه .. بالنسبة لشعوبنا الخليجية شوي صعبة
في سفرتي الأخيرة عرفت قيمة جمعياتنا الميرة" في بعض الدول على انها دول كبرى لكن ماتحصل ربع الميرة عندهم
وشخصياً حمدت ربي على الدكان والدوبي والكراج والمعصرة وغيرها من محلات الخدمات الصغيرة

الجو البارد والطبيعة الخضراء تجدد الفكر و تروح عن النفس
ممارسة الهوايات والاستجمام بصحبة الأهل والعائلة .. في الدوحة ماعاد نقدر نجتمع ونسولف نفس لما نكون في السفر كلن يتفرغ للثاني
واذا خضت مغامرات فيها خطورة وحبس أنفاس يكون السفر أحلى وأحلى :eek2:

[بوحارب]

الردود تضحك ههههههه عايشين الجو صح :)

اللي استفدناه من السفر خساره الفلووووس فقط ;)

[ضوى]

الردود تضحك ههههههه عايشين الجو صح :)

اللي استفدناه من السفر خساره الفلووووس فقط ;)

اذا على خسارة الفلوس حتى في الدوحة نصرف بالعكس السفر تغيير للنفسيه صحيح مقابل فلوس لكن استجمام وراحة

[حمد 2002]

انا ماحب السفر والسبة الطياره :( . واصلا الطيارة ماتحبني .:(. كلنا مانحب بعض .. :weeping:

[JN000N]

الردود تضحك ههههههه عايشين الجو صح :)

اللي استفدناه من السفر خساره الفلووووس فقط ;)

قط فلوسك فالشمس يبه واقعد فالظلال
اهم شي النفسيه يبه تسويلها فورمات وتعود الدوحه مرتاح

[JN000N]

انا ماحب السفر والسبة الطياره :( . واصلا الطيارة ماتحبني .:(. كلنا مانحب بعض .. :weeping:

لازم تواجه خوفك ولازم نركبك طيران تعبان شوي عشان تواجه اسوأ الحالات عقب بتصير تحبها خخخخخخ

[alsoq]

اما اللي يروح اروبا معا العائله يستفيد شي واحد

يكحل عيونه بالمحارم اما في الشوارع او دعايات
ومافيه احد بيسافر اروبا يقد في الغرفه مايطلع

[مخطط قطري]

خساره عشرات الالاف ... وحده من مميزات السفر

[وحيد-الشوق]

من الامور الي استفاد منها الشعب الخليجي


الهياط :)

[ana_ana]

متعه وتغير جو وتغير نمط عيش والاطلاع على معالم وثقافات اخرى وتصفيه للذهن والاشتياق للعوده لأرض الوطن الغالي

[مجلان]

الخساره خساره الروح السفر احسه ادفع اريال ارجعه باريالين

[درر قطرية]

بالنسبة لي حصلت فرصة اعلم عيالي ثقافات الدولة اللي كنا فيها ويعرفون الصح من الخطأ ونحمد ربنا ونشكره كونا مسلمين وأن بلادنا أحلى دولة في الدنيا ونشتاق حق بيتنا وأهلنا ونبي نرجع .. مع أن سفرتنا 20 يوم
حتى المدرسة اشتاقوا لها عيالي وينتظرونها بفارق الصبر بروح عالية وحماس .. الحمد على النعم

[بوخالد911]

الردود تضحك ههههههه عايشين الجو صح :)

اللي استفدناه من السفر خساره الفلووووس فقط ;)


يا حبك للبيزززززات

[ذكي جدااا]

مستغرب من الردود. اللي يقول ما فيه فايده السفر يمكن ما سافر. بغض النظر عن صرفية الفلوس فهذا شي طبيعي وهل يوجد سفر ببلاش مثلا. استجمام وراحة وطبيعه وتعلم ثقافات تشتري سلع بأسعار ارخص ووووو

[كلاسيك قطر]

اشكركم والله ع الموضوع

انا عن نفسي متواجد في باريس لتغير الجو بس من الحروره في الخليج رحت باريس

[m alshafi]

اكيد الاغلبيه تعلموا .

[عبدالعزيز 9]

الحمدلله تعلمنا امور كثيره كنت في باريس قبل يومين والحين في هولندا والاجواء خياليه

[technical]

بسم الله الرحمن الرحيم ، في سيرة محمد صلى الله عليه وسلم ، رحلة الى الشام في الصيف وذلك لبرد الشام ورحلة الى اليمن في الشتاء وذلك لدفئ اليمن في الشتاء . وفي كل رحلة بضاعة تشترى وعلاقة تبنى وارباح ترجع .

لكن للاسف الان يروح الاغلبية وهوم صارفين ذيك المبالغ على طيران وسكن وملابس لا هي مهب من ثوبهم ولا من ثوب اهلهم . ويرجعون ومعاهم كم خريطة لهم وكم خريطة تتوزع على الي عندهم ، لا بضاعة ولا ارباح ولا معارف .

[حسن]

شوف السفر الفايده منه لنا كخليجين لاتذكر

صرف فلوس حدث ولاحرج وفوضي من الكثير للدول اللي رايحين لها
حتى ماتعلمون من هل الدول المتقدمة شي للأسف
وهل الأيام صايدهم خبال سفر مايقرون كل بلد يقعد فيها نص يوم ولا يوم بالكثير
خيركم الخير وايد والشعب طفح من الفلوس اللهم لك الحمد على نعمه الخير اللي يتمتع به المواطن القطري من بد العالم كلها

والسفر حل مشاكل نفسيه موقته فقط كالاكتئاب وغيره وخصوصا الاحصائيات تتكلم بنسبه كبيره
وترويح عن النفس ومشتريات ضخمة للي نحتاج وغيره
وزبو نسوان محد يردهم

هذا الفايده من السفر وعقب الرجعة إلى البلاد ترجع الأمور كما كنت
العصبيه الزايده والنفوس الخايسه

والعقول هي هي

وكل شي حولي يذكرني بشي على قوله بوعبدوه

والسموحه على التقصير

نسيت شي الاستغرام بعد لازم ندلع على الناس

تحياتي

[كيلو حديد]

اخوي حسن رأيك هو رأيي

[بوحارب]

ضوى& جنون & بوخالد911

انا مازلت عند رأيي خساير وفقط

واتفق مع حسن في كل كلمة قالها +1

[بريق الحق]

لي عوده للرد ان شاء الله

[JN000N]

كيفكم ماتبون تسافرون قرو ف بيوتكم ولاتسافرون كلش
مب تسافرون عقب تشكون
واذا في ناس توهم بدو يسافرون ويشوفون الدنيا وينتقدون بعد جنه الا صج
احنا جايفينها من زمان وشبعانين بعد ونصرف ولا يهمنا الي صرفناه ماراح عالفاضي بالعكس استانسنا فيه وشفنا دول ثانيه وتعرفنا على ناس يداد وشرينا لنا ولغيرنا وصورنا ذكرى ورجعنا مستانسين

السفر له ناسه والي مايقدر على صرفه لايسافر ويسندرنا عقب وهو يتحنده

[ضوى]

كيفكم ماتبون تسافرون قرو ف بيوتكم ولاتسافرون كلش
مب تسافرون عقب تشكون
واذا في ناس توهم بدو يسافرون ويشوفون الدنيا وينتقدون بعد جنه الا صج
احنا جايفينها من زمان وشبعانين بعد ونصرف ولا يهمنا الي صرفناه ماراح عالفاضي بالعكس استانسنا فيه وشفنا دول ثانيه وتعرفنا على ناس يداد وشرينا لنا ولغيرنا وصورنا ذكرى ورجعنا مستانسين

السفر له ناسه والي مايقدر على صرفه لايسافر ويسندرنا عقب وهو يتحنده

نعم نعم تعجبيني

[JN000N]

نعم نعم تعجبيني

خبرج عاد في ناس لين سافرو برا مايطالعون البلد الي رايحينها ولا يتمشون ولا يسوون لهم شغله شكلهم مايدلون الا شارع المشاه
وطول الوقت خز ف الخليجيات شيسوون هناك وايوونج هني وفالميالس الا هذي سوت الا هذي فعلت
الحين الرياييل يتكلمون اكثر من الحريم مادري شخلولنا
عقب يقولون السفر صرف عالفاضي

[Aaziz]

بريق الحق :court:

تسوي مشاكل انت :nice:

[ثنايا الروح]

السفر متعه وتغير جو والنفسيه تتغير صج انه مصاريف وخساير بس الواحد بيكون مرتب ميزانيته للسفر اخر السنه

[بريق الحق]

بريق الحق :court:

تسوي مشاكل انت :nice:

ليش عزيز ! تصدق اليوم في بالي بكلمك عالخاص
ليكون انقلب الموضوع عن الزواج من الثانيه

[كلاسيك قطر]

لسفر يجدد الروح وبالنسبه للمجتمعات الاخرى فهي تفيد من ناحية الاطلاع على ثقافة الشعوب الاخرى والمعرفه بها ولا اعتقد هناك تغيير سوى رصيد المعرفه بها.

لا احب الاعتماد على مرشد سياحي بل احب تقسيم وتوزيع جدول الرحله بنفسي .

اما عن معرفة الشخص خلال السفر فهذا صحيح فالسفر اختبار معادن للبشر لا يستهان به

الذي اريد ان اضيفه ان الضغوطات تتزايد في الحياة مما يجعل حاجة السفر اكثر من ذي قبل بل اصبحت عند اغلب الناس جزء لا يتجزء من

حياتهم .