حاله طارئه سيارتي رديتر انفجر !!! ابي اي محل فاتح الجمعه

[ابوالعبد]

السلام عليكم والرحمة الله وبركاتة


جمعه خير علي الجميع يارب للاسف وانا جاي امس من الامارات سيارتي قامت تلعب طلع فيها صوت ماعرف هل من الحراراه الطريق مهم اول ماوصلت جمرك ابوسمرا

الصوت راح لكن للاسف لما وصلت الصناعيه السياره وقفت وطلعت لي علامه البطاريه وعقب واحد جزاه الله خير حرك واير بطاريتي اشتغلت سياره ولكن في علامه بطاريه

طلعت وبعدين مشيت فيها اقل من كيلوو السكان صار يابس وطلعت لي علامه oil مادري شنو عقب عند باب البيت بظبط انفجر ارديتر مع العلم ضروري لازم السياره تخلص

السبت لانه الاحد عندي دوام وماعندي سياره ثانيه ودوامي بالخور :( وانا من اهل الوكره والله مادري شفيها سياره

[ابوالعبد]

ابي محل يكون فاتح ويكون خبير بالكروزر ويشوفلي حل برديتر او اشياء ثانيه

[صاروخ]

شارع سلوى فيه محلات شغالين الجمعة بعد إشارات الغانم

[صاروخ]

وعند الصناعية سوق المدينة مقابل البي ام دبليو

[Aaziz]

شككتني بالي صاير معاك .. شوي ظنيت دينما الجرج
شوي ظنيت المكينه خبطت .

المهم اعتقد صعبه حد يشخص موترك و انت واقف ،، انصحك تفكر بتاجير موتر او استعانه بصديق .
تاكد من قيج الايل ،، اسحبه شوف المكينه خالطه ولا

[ابوالعبد]

الله يستر بس يكون المكينه خبطت خوفتني ههههههه بوديها بسطحه اليوم للسلوى

[ابوالعبد]

زين بشيك عليه بعد شوي

[..er..]

اخاف فيها جن :>

ودها شارع سلوى وخلهم يشيكون ع السياره ..

والله يكون بعونك صراحه

[SULTAN1]

شوف المحلات في شارع بن محمود ، بعد العصر يفتحون ، الله يستر لا يكون الرأس للمكينه انكسر، قبل لا تروح شوف قياس الاويل، وافتح الغطاء شيك اذا لقيت مادة بيضاء مع الاويل ، يعني المكينه عندك تخلط الماء بالاويل ،الله يوفقكك

[النهار]

شوف المحلات في شارع بن محمود ، بعد العصر يفتحون ، الله يستر لا يكون الرأس للمكينه انكسر، قبل لا تروح شوف قياس الاويل، وافتح الغطاء شيك اذا لقيت مادة بيضاء مع الاويل ، يعني المكينه عندك تخلط الماء بالاويل ،الله يوفقكك

ياخوي بن محمود ماعد بها كراجات تم ازالتها مابقي الا 3 او 4 محلات
ياخوي لاتتعب نفسك السياره اخلطت الله يعوض عليك
موضوعك عند ميكانكيه ولاتتعب نفسك شوف لك ميكانيكي المحلات الي في طريق سلوي حق الشغلات البسيطه

[ابوالعبد]

ابشركم موضوع سيارتي بسيط الخلل هو انقطع سير المكينه فقط ومن الحراره انفجر ارديتر تم تصليحها ورجعت غزال من جديد هههههه وشكرا لكم يا اخوان وديتها

طريق سلوى امس

[Aaziz]

^
^

سلامات سلامات

[جاسم الدوحة]

أخوي أبوالعبـد
هل انقطع السير الخارجي ؟

ولا انقطع التايمنغ بلت Timing Belt الداخلي ؟
لأن هذا لازم يتبدل كل 150 ألف كلم في الكروزر

إذا كان التايمنغ بلت فالظاهر إن الممشى تجاوز
المطلوب بوايد .

أرجو التوضيح للاستفادة
والحمدلله على السلامة .

[Mody]

[QUOTE=جاسم الدوحة;9707781][FONT="Arial"][COLOR="DarkRed"][B][SIZE=5][COLOR="#B22222"]أخوي أبوالعبـد
هل انقطع السير الخارجي ؟

ولا انقطع التايمنغ بلت Timing Belt الداخلي ؟
لأن هذا لازم يتبدل كل 150 ألف كلم في الكروزر

إذا كان التايمنغ بلت فالظاهر إن الممشى تجاوز
المطلوب بوايد .

اخوي هو سير المكينه الخارجي لان لو انقطع التايمنغ بلت الموتر ما يمشي وصبابته وبساتنه تتكسر