رحت سيلين و الشوارع مكسرة ماتغيرت، حد يفيدنا شسالفه

[fantasy]

السلام عليكم
شباب صراحه وضع قسم بالله مصخرة، صارلي شهور مارحت لكن لي مريت من يومين شفت حال الشارع ماتغيير ابد
استهتار من الجهات المسوؤله و عدم مراعاة لمصالح المواطنين والمقيمين
شوفو الزحمه لي يبدا الموسم بعد شهر و شوي، والله يعين خط واحد و زحمة يعني رحله استجمام و تغيير جوو مافيها الا معاناه و الله يستر اذا في ثبوت. ابي افهم اش قاعدين يسوون في الصيف
معقوله الدوله مايهمها امر الناس؟؟؟؟؟ والله شي يقهر
لا رقيب ولا حساب

[BuFaisal]

عليكم السلام

الصراحة المشروع طول كثير واكثر من المتوقع

اذا بدا الموسم ...
اصحاب الكرفانات الكبيرة احتمال يلقون مشاكل بالدخول لسيلين اذا ما انهوا التصليحات بالشارع

[أسير نت]

معقولة للحين ماخلصوو!!!!

الله يعينا مع بداية الموسم

[m alshafi]

الله يعين .

[abu m7md]

اخوي وين الاستهتار الي تقول عليه
المعضله موجود عند البيبات الي تحت الارض على بالك شي سهل فك بيبات وركبها
بيض الله اوجيهم على المشروع ولو انه طول
وين قبل سيد واحد وموت وكل اسبوع حوادث
الحين من طريق ابو سمره الى جسر ام سيعيد سيدين وعلى كيفك قبل كنت اوصل سيلين خلال 50 دقيقه الحين وانا مهدي ماياخذ معاي 20 دقيقه


ان كانك تقصد المنطقه الي من الجسر الى دوار الاسطبلات مثل ماقلت لك اخوي
هذي بيبات مب سهله حد يتعامل معاها
تقبل مروري

[QATAR 77]

البيبات ما لها خص البيبات لها صبيات مسلحة تحت القار تمشي فيها اما المشروع شكله المقاول عنده مشاكل

[ya3coub]

ترا الشارع بيكون فوق رمل مو صخر

و في اكثر من نوع كونكريت يستخدم بأي مشروع يجربونه و يشوفون تأقلمه مع الحرارة و الرطوبة و ماي و التشققات

و الخ الي احنا انشوفها بسيطة و اهي معقدة هندسة الطرق تعتمد على أشياء كثيرة غير شغل البتان تعال رش ماي و صب قار مهدة و خلاص

في كيبلات في مشاريع مستقبلية و لازم يكون فيه نظام متفق عليه في حالة التوسع عقب 5 , 10 او 20 سنة للشارع أول شي البنية التحتية و مكانها من خدمات و قد تكون تحويل الخدمات من اماكن ثانية بحيص انها تكون جنب الشارع

والله العالم السبب بس ترا في تقدم بسيط

[يوسف0]

الموضوع مكانه الحوار العام

ومايبيله شئ الشارع حسستوني بيخترعون اختراع ولا شئ

والمفروض مهندسين وعارفين هذي الامور والشوارع تعتبر من ابسط الامور الهندسيه مقارنة بغيرها

ويعقوب هم عمرهم ماخططوا لسنه جدام والدلائل واضحه عبر السنين والايام

كله تخبطات وتأخير وزحمه هذا ما اعتدنا عليه

[بو سالم]

جا الربيع ولكن للاسف