الحمد لله .. بيتي إزالة

[أم وضاحي]

كان بيتي مهدد انه يكون إزالة
و ما كنت متأكدة من الموضوع لأنه ما كان في خبر أكيد
و على آآآآآآآآآآآآخر شي كلش كلش
جانا الخبر ألأكيد
و كان كلها يومين و أنزل البيت
المهم قمت أشطب سريع سريع
و أي شي
عشان ما يقولون لنا وقفوا و لا تنزلون
لان بيتي اللي كنت ساكنته صغييير و عيلتي قامت تكبر ما شاء الله
المهم
بعد ما نزلت البيت طلعت البلاوي
وما أقصد البيبان بس ( حسبي الله على منجرة الليوان )
أقصد الكهرباء و توزيع السوكيتات و الليتات و الحوش و الطوفه
مثال سوكيتات الله يعزكم الحمام في الصاله... ليش ؟!!
مافي ليتات تحت الدرج
الحوش أرتفاع الطوفه مترين و نص
بدون فواصل
نص وايرات الكهرب أسلاك بدون معنى ( 20 الف ريال أنخصمت من قيمة التمديدات )
سوكيتات بدون توصيل للكهرب مجرد شكل
البلاستر داخل البيت تشلخ
و بره البيت معوج و مهب سيده
و غيره و غيره

المطلوب يا ام وضاحي ؟!!
أبي شركة اتسلم لي البيت تسليم مفتاح
بس افرش
ما أبي شركة تبني لي عظم و توقف
أبي أستشاري عنده ذمه وفاهم الشغل و باله طوييييييييييييييييييل

ساعدوني لا هنتو

[Chambray]

البيت ازاله الحين ، شلون تبين تعيدين تشطيبه من جديد ؟
ولا ازاله ثم اعاده بنائه ؟؟؟؟

[أم وضاحي]

البيت ازاله الحين ، شلون تبين تعيدين تشطيبه من جديد ؟
ولا ازاله ثم اعاده بنائه ؟؟؟؟

لا أنا بابني بيت جديد في منطقة ثانيه
و ابي أتجنب كل الأخطاء إللي صارت
و محتاجه شركة تسلمني البيت تسليم مفتاح
لأني تعبت و أنا أدور و ألف و أطلع و أنزل

[حياة]

شركه المساكن من اروع الشركات بس غاليه وشغلهم ولااروع

[أم وضاحي]

للعلم انا سكنت البيت حاليا
و لا ما كنت أكتشفت البلاوي إللي فيه
عشان جي أسأل عنه شركة مضمونه أبني عندهم البيت الثاني

[Aaziz]

سبحان الله ،، رب ضاره نافعه
هذا الي صار معاج ... ام وضاحي الشباب ماراح يقصرون معاج
انا اتوقع الخطاء الاولي كان من طرفكم ،، بحيث قله الخبره في مجال البنيان ما اعانتكم بتحديد بعض اهم المواصفات الاساسيه بتفصيل و ذكرها في العقد .
اتعبي اول شي على البحث عن المواصفات الصحيحه و اذكريها بالتفصيل الممل و بشكل واضح في العقد .
الارتفاعات و المناسيب كل شي . و اعرضي العقد على اكثر من شخص (حتى لو في المنتدى فيهم من بينصحج النصيحه الصحيحه)

بعد الانتهاد من رصد المواصفات هنا ابحثي عن المقاول الجيد .. و فيه ناس كثيره ان شاءالله
و الي صار معاج في البيت الي جاه القص هذي نعمه و خبره تستفيدين منها في تجربتج الجديده .

[خليفـة]

مرحبا اختي
الشركة الي تبني لي حالياً ممتازة
المقاول صار له فترة طويل بالديرة
وعنده خبرة محترمة .. وسعره مناسب
باكستاني الجنسيه وعماله اسيوين
ويسلمون مفتاح او عظم
حسب الطلب
اذا حابه تتواصلين معاه
وتشوفين البيوت الي سواها
تواصلي معاي على الخاص
وبالتوفيق ان شاء الله

خليفة

[Bozizoo]

ام وضاحي انا عندي شركه مقاولات
اذا تبين تشوفين المشاريع الي نسويها

[تركواز]

تبين نصيحتي وانا اختج ،، اشترو فله جاهزه ،،
لاسباب كثيره منها اخطاء البناء وقله الخبره

احنا بنينا بيت وصارلنا 3سنين الحين وللحين نحاول نتفادى الاخطاء وبننزل قريب والله يستر

ولوالله يرزقنا مره ثانيه ماراح اختار ابني ع طول بشتري جاهز بدون شك ولاتفكير

[nono80]

انا الحين ابني بيتي والشركه اللي نتعامل معاها وايد زينه وشغلهم وايد حلو الحمدلله ماشتكينا من اي خطا بغيتي رقمهم بارسله لج واللي عاجبني في الموضوع الامانه وشغلهم نظيف

[أم وضاحي]

تبين نصيحتي وانا اختج ،، اشترو فله جاهزه ،،
لاسباب كثيره منها اخطاء البناء وقله الخبره

احنا بنينا بيت وصارلنا 3سنين الحين وللحين نحاول نتفادى الاخطاء وبننزل قريب والله يستر

ولوالله يرزقنا مره ثانيه ماراح اختار ابني ع طول بشتري جاهز بدون شك ولاتفكير
المشكله في البيوت الجاهزه اغلبها تجاريه. و لازم أدور على بيت مبني لراعيه
والمشكله الثانيه ان لازم نبيني الارض اللي لنا لانها أراضي له و لاخوان زوجي.

[ameeer3]

من واقع تجربة
(شـــــــــــــــــــــركـــــــــــــــــــة جـــــــــــــــيرمــــــــــــــن للــــــــــتجارة والمقـــــــــــــــــاولات)

شغل نظيــــــــــــــــــــــــــــف ومتقن لدرجة كل من شاف البيت أثنى عليه (بفضل الله ومنته)

والله يوفقهم صج صج ريحوني الله يريحهم دنيا وأخره ان شاء الله

مع العلم أختي بان بيتي حجمه (1375) حجمه كبير - وفيه ديكورات كثيرة ( يعني مب اي شركة تتقن الشغله)

بالتوفيق ان شاء الله ومنزل مبارك مقدماً

وعلشان ما تقولون نسوي دعايه حق الشركة الي يبي يشوف بيتي حاضر ( تحت التشطيب) بس اذكروا الله

[ana_ana]

ارسلت لك رقم مقاول هندي وابعدي عن العرب في البنيان

[خبير ديكور]

انا انصحج باحد هذه الشركات
الشركة العربية المعمارية "ارابكو"
كونسيرف للتجارة والمقاولات
اليوسف للانشاءات
يزوة للمشاريع
والله يعوض

[معماري قطري]

انا انصحج باحد هذه الشركات
الشركة العربية المعمارية "ارابكو"
كونسيرف للتجارة والمقاولات
اليوسف للانشاءات
يزوة للمشاريع
والله يعوض

معاك في كونسيرف والباقي ما عندي تجربة معاهم .. كذلك حمد بن خالد بن حمد .. وشركة حسنسكو وغيرهم كثير .. وكل ما كان التركيز على شركات جيدة ومتوسطة يكون التسعير والمفاوضات لتنزيل السعر بينهم عمل سهل ومتساوي.

[لوردغاليري]

خليفة ممكن الرقم اخوي

[إعلامي قطر]

..

الحين مثلاً ساكيتات الحمام إللي بالصاله
والليتات إللي مب موجوده تحت الدرج
كل هالشغلات كانت موجوده بالخرايط
بشكل سليم قبل البنيان ولا لا؟

..

[أم وضاحي]

..

الحين مثلاً ساكيتات الحمام إللي بالصاله
والليتات إللي مب موجوده تحت الدرج
كل هالشغلات كانت موجوده بالخرايط
بشكل سليم قبل البنيان ولا لا؟

..

موجودة بس الكهربائي إللي ماسك البيت تعبان من قلب
لي يومك و انا أكتشف بلاوي في البيت من سوالف الكهربجي

[إعلامي قطر]

موجودة بس الكهربائي إللي ماسك البيت تعبان من قلب
لي يومك و انا أكتشف بلاوي في البيت من سوالف الكهربجي

إذا موجوده فالإستشاري المفروض كان يتابع
معاهم أول بأول ويصحح الأخطاء ولا شرايج؟

..